ଛତ୍ରପୁର,୬ା୧୨(ଡି.ଏନ.ଏ)- ଛତ୍ରପୁର ଷ୍ଟାଡିୟମରେ ଆୟୋଜିତ ଗଞ୍ଜାମ ଜିଲାସ୍ତରୀୟ ଲୋକକଳା ମହୋତ୍ସବ ତଥା ଛତ୍ରପୁର ମହୋତ୍ସବ ଗୁରୁବାର ଦ୍ୱିତୀୟ ଦିନରେ ପହଞ୍ଚିଛି। ଦ୍ୱିତୀୟ ସନ୍ଧ୍ୟାର ଉଦଘାଟନୀ କାର୍ଯ୍ୟକ୍ରମରେ ଅତିଥି ଭାବେ ଦକ୍ଷିଣାଳ ଆର୍ଡିସି ଟି. ଆଓ, ଡିଆରଡିଏ ପିଡି ଇଂ. ସିଦ୍ଧାର୍ଥ ଶଙ୍କର ସ୍ବାଇଁ, ବ୍ରହ୍ମପୁର ମହାନଗର ନିଗମର କମିଶନର ଚକ୍ରବର୍ତ୍ତୀ ସିଂ ରାଠୋର, ବ୍ରହ୍ମପୁର ଉପଜିଲାପାଳ ସିନ୍ଧେ ଦତ୍ତାତ୍ରୟ ଭାଉସାହେବ ଯୋଗଦେଇଥିଲେ। ଜିଲାପାଳ ବିଜୟ ଅମୃତା କୁଲାଙ୍ଗେ ଅଧ୍ୟକ୍ଷତା କରିଥିଲେ। ଜିଲା ସୂଚନା ଓ ଲୋକସମ୍ପର୍କ ଅଧିକାରୀ ବିରଞ୍ଚି ନାରାୟଣ ପ୍ରଧାନ ଏହାକୁ ସଂଯୋଜନା କରିଥିଲେ। ଏହି ସନ୍ଧ୍ୟାରେ ଖଲ୍ଲିକୋଟ ବ୍ଲକ ପଥରାର ଓଡିଶୀ ମୃଦଙ୍ଗ ବାଦନ ସଂଘ ପକ୍ଷରୁ ଗଞ୍ଜାମ ଲୋକ ନୃତ୍ୟ, ଆର୍ ବିଂଛଣାପଲ୍ଲୀର ଅନୁରାଗ ଫୋଲକ୍ ଡ୍ୟାନ୍ସ ଏକାଡେମୀ ପକ୍ଷରୁ ଆନିମଲ ମାସ୍କ ଡ୍ୟାନ୍ସ, ଛତ୍ରପୁର କିଲର ବିଟ୍ , ଖଲ୍ଲିକୋଟ ଏମ. ଟି. ଡ୍ୟାନ୍ସ ଗ୍ରୁପ୍ , ବ୍ରହ୍ମପୁର ଲିସମ୍ ଡ୍ୟାନ୍ସ ଏକାଡେମୀର ମଡର୍ନ ଡ୍ୟାନ୍ସ, ଭଞ୍ଜନଗରର ମୁଭ୍ ଦ ୱାଲ୍ଡ ପକ୍ଷରୁ ୱେଷ୍ଟର୍ନ ଡ୍ୟାନ୍ସ, ବ୍ରହ୍ମପୁର ଓଡିଶୀ ନୃତ୍ୟୟନ ପକ୍ଷରୁ ଓଡିଶୀ, ଛତ୍ରପୁର ପ୍ରଗତି କଳା କେନ୍ଦ୍ର ପକ୍ଷରୁ ସମ୍ବଲପୁରୀ, ବଲାଙ୍ଗୀରର କୃଷ୍ଣପ୍ରିୟା କଳାପରିଷଦ ପକ୍ଷରୁ ଘୁଡୁକି ନାଚ ଓ ସ୍ବାତିଶ୍ରୀ ପଣ୍ଡାଙ୍କ ପକ୍ଷରୁ ଓଡିଶୀ ନୃତ୍ୟ ପରିବେଷଣ କରାଯାଇଥିଲା।
ପରେ ବଲିଉଡ୍ କଳାକାର ରାହୁଲ ଜୈନ ଓ ତାଙ୍କ ଟିମ୍ ପକ୍ଷରୁ ମେଗା ଶୋ ପରିବେଷଣ ହୋଇଥିଲା।
