ଧର୍ମଶାଳା,୨୦-୯(ଡି.ଏନ୍.ଏ.)- ଧର୍ମଶାଳା ବ୍ଲକ ଜାରକା ରୋଟାରି କ୍ଲବ ପକ୍ଷରୁ ଧର୍ମଶାଳା ମହାବିଦ୍ୟାଳୟ ପରିସରରେ ବୁଧବାର ରାଷ୍ଟ୍ର ନିର୍ମାଣ ସମ୍ବର୍ଦ୍ଧନା ସାମାରୋହ ପାଳିତ ହୋଇଯାଇଛି। କ୍ଲବର ସଭାପତି ଅଜାମ୍ବର ସାହୁଙ୍କ ସଭାପତିତ୍ୱରେ ଅନୁଷ୍ଠିତ ଉତ୍ସବରେ ୩୨୬୨ ଜିଲାର ପୂର୍ବତନ ସଭାପତି ଶିବବ୍ରତ ଦାସ ମୁଖ୍ୟ ଅତିଥିଭାବେ ଯୋଗଦେଇଥିଲେ। ରାଷ୍ଟ୍ର ନିର୍ମାଣରେ ଶିକ୍ଷକମାନଙ୍କର ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଶିକ୍ଷକମାନେ ଅଧିକ ପଢ଼ନ୍ତୁ, ଶିଖନ୍ତୁ ଓ ଶିଖାନ୍ତୁ ବୋଲି କହିବା ସହ ରାଜ୍ୟରେ ଗୁଣାତ୍ମକ ଶିକ୍ଷକ ନିଯୁକ୍ତିର ଆବଶ୍ୟକତା ରହିଛି ବୋଲି ଶିବବ୍ରତ ମତବ୍ୟକ୍ତ କରିଥିଲେ। ଏହି ଅବସରରେ ଯାଜପୁର ଜିଲା କାଏମାସ୍ଥିତ ଲାଲବାହାଦୁର ହାଇସ୍କୁଲର ଶିକ୍ଷୟିତ୍ରୀ ଗୀତା ମହାନ୍ତ, ଧର୍ମଶାଳା ବାଣୀପୀଠର ଶିକ୍ଷକ ପ୍ରଭାତ କୁମାର କର, ଗୋପାଲଜୀଉ ନୋଡାଲ ହାଇସ୍କୁଲର ଶିକ୍ଷକ ଆଶୁତୋଷ ମୁଦୁଲି, ଜାଇମରା ନୀଳକଣ୍ଠ ୟୁପି ସ୍କୁଲର ଶିକ୍ଷକ ଅଭୟ କୁମାର ଖୁଣ୍ଟିଆ ଓ କଳାଶ୍ରୀ ଗୋପାଳପୁରସ୍ଥିତ ଲକ୍ଷ୍ମୀନାରାୟଣ ବିଦ୍ୟାପୀଠର ଶିକ୍ଷକ ସରୋଜ କୁମାର ଶତପଥୀଙ୍କୁ ମୁଖ୍ୟ ଅତିଥି ମାନପତ୍ର ଓ ଉପଢୌକନ ଦେଇ ସମ୍ବର୍ଦ୍ଧିତ କରିଥିଲେ। ସମ୍ପାଦକ ହରିହର ପଣ୍ଡା ବିବରଣୀ ପ୍ରଦାନ କରିଥିବା ବେଳେ ବିନୋଦ କୁମାର ପରିଡା ସଭା ପରିଚାଳନା କରିଥିଲେ ା ସାକ୍ଷରତା ଅଭିଯାନର ଅଧ୍ୟକ୍ଷ ଜୟପ୍ରକାଶ ତ୍ରିପାଠୀ ସମ୍ବର୍ଦ୍ଧିତ ପ୍ରତିଭାମାନଙ୍କର ପରିଚୟ ପ୍ରଦାନ କରିଥିଲେ। ବିଜୟ କୁମାର ଶତପଥୀ, ରମେଶ ଚନ୍ଦ୍ର ସାହୁ, ତ୍ରିଲୋଚନ ବିଶ୍ୱାଳ, ପ୍ରଦୀପ୍ତ କୁମାର ବରାଳ, ଜୟନ୍ତ କୁମାର ସାହୁ, ରାଜେନ୍ଦ୍ର ପଲେଇ, ଅମୂଲ୍ୟ ମହାରଣା, ପ୍ରମୋଦ କୁମାର ସାମଲ, ଇନ୍ଦ୍ରମଣି ନାୟକ, ପ୍ରଶାନ୍ତ କୁମାର ପୃଷ୍ଟି, ଇନରହୁଇଲ କ୍ଲବ ସଭାପତି କଳ୍ପନା ପରିଡା, ମାଧୁରୀ ଶତପଥୀ, ମିନତୀ ସାହୁ, ଅଜନ୍ତା ପାଣିଗ୍ରାହୀ, ଇନ୍ଦୁପ୍ରଭା ସାମଲ, ଉପାସନା ଶତପଥୀ, ପ୍ରମୁଖ ସଭା ପରିଚାଳନାରେ ସହାୟତା କରିଥିଲେ। ଶେଷରେ ନିରଞ୍ଜନ ପାଣିଗ୍ରାହୀ ଧନ୍ୟବାଦ ଦେଇଥିଲେ।
