ଢେଙ୍କାନାଳ ଅଫିସ,୭ା୭- ରାଜ୍ୟ ସରକାରଙ୍କ ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ଅଧୀନ ଓଡ଼ିଶା ସାହିତ୍ୟ ଏକାଡେମୀ ଦ୍ୱାରା ଆୟୋଜିତ ରାଜ୍ୟସ୍ତରୀୟ କବିତା ଆବୃତ୍ତି ପ୍ରତିଯୋଗିତାରେ ରବିବାର କନିଷ୍ଠ ବିଭାଗରେ ଢେଙ୍କାନାଳର ଆଦିକ ନନ୍ଦ ୩ୟ ସ୍ଥାନ ଅଧିକାର କରିଛନ୍ତି। ଆଦିକ ପ୍ରଥମେ ଜିଲାସ୍ତରୀୟ ପ୍ରତିଯୋଗିତାରେ ପ୍ରଥମ ସ୍ଥାନ ଅଧିକାର କରି ରାଜ୍ୟସ୍ତରକୁ ମନୋନୀତ ହୋଇଥିଲେ ା ସେ ଦିଲ୍ଲୀ ପବ୍ଲିକ ସ୍କୁଲରେ ୬ଷ୍ଠ ଶ୍ରେଣୀରେ ପଢୁଥିବା ବେଳେ ରାଜ୍ୟ ଅଗ୍ରଣୀ ନାଟ୍ୟ ଶିକ୍ଷାନୁଷ୍ଠାନ ଅଲଟରନେଟିଭ୍ ରିଦମ ଥିଏଟର ଏକାଡେମୀ ଆଣ୍ଡ୍ ରିସର୍ଚ୍ଚ ଅନୁଷ୍ଠାନରେ ବ୍ୟକ୍ତିତ୍ୱ ବିକାଶ ଓ ନାଟ୍ୟ ଶିକ୍ଷା ଲାଭ କରୁଛନ୍ତି। ଆଦିକ ଢେଙ୍କାନାଳ ସହର ହାଉସିଂବୋର୍ଡ ଅଞ୍ଚଳର ନିରଦାନନ୍ଦ ନନ୍ଦ ଓ ତୃପ୍ତି ନନ୍ଦଙ୍କ ଜ୍ୟେଷ୍ଠ ପୁତ୍ର।
