Odisha Elections 2024

ରାଜଧାନୀରେ ଏସ୍‌ଏଚ୍‌ଜି ଜଳସେବା ଶିବିର ପ୍ରହସନ: ଗୋଟିଏ ଦିନ ଖୋଲି ବନ୍ଦ ହୋଇଗଲା

ଭୁବନେଶ୍ୱର, ୧୮ା୪ (ବ୍ୟୁରୋ): ଅସହ୍ୟ ତାତି। ହଟହଟା ହେଉଛନ୍ତି ଯାତ୍ରୀ। ଲଗାତାର ଦୁଇଦିନ ଧରି ରାଜ୍ୟର ସବୁଠୁ ଉତ୍ତପ୍ତ ସହର ପାଲଟିଥିବା ଭୁବନେଶ୍ୱରରେ ଦେଖିବାକୁ ମିଳିଛି ଡହଳବିକଳ ସ୍ଥିତି। ପାଣିପାଇଁ ଚାରିଆଡେ ହାହାକାର ପଡ଼ିଥିବାବେଳେ ଭୁବନେଶ୍ୱର ମହାନଗର ନିଗମ (ବିଏମ୍‌ସି) ପକ୍ଷରୁ ଖୋଲୁଥିବା ଜଳସେବା ଶିବିର ପ୍ରହସନରେ ପରିଣତ ହୋଇଛି। ମହାଆଡମ୍ବରରେ ଖୋଲୁଥିବା ଜଳସେବା ଶିବିର ଗୋଟିଏ କିମ୍ବା ଦୁଇଦିନରେ ବନ୍ଦ ହୋଇପଡୁଛି। ଗତ ରବିବାର ମହାବିଷୁବ ସଂକ୍ରାନ୍ତିରେ ବିଏମ୍‌ସି ପକ୍ଷରୁ ମହିଳା ସ୍ବୟଂ ସହାୟକ ଗୋଷ୍ଠୀ(ଏସ୍‌ଏଚ୍‌ଜି) ସହାୟତାରେ ୩ଟି ସ୍ଥାନରେ ଜଳସେବା ଶିବିର ଖୋଲିଥିଲା। ଗୋଟିଏ ଦିନ ସେଠାରେ ପାଣି ବଣ୍ଟନ କରାଯାଇଥିବାବେଳେ ଏବେ ତାହା ବନ୍ଦ ହୋଇଯାଇଛି। କେବଳ ଫାଙ୍କା ମାଠିଆ ଦେଖିବାକୁ ମିଳିଛି। ରସୁଲଗଡ଼ ଛକ, ନିକୋପାର୍କ ଛକରେ ଥିବା ଏହି ଜଳସେବା ଶିବରରେ ନା ପାଣି ଅଛି ଅବା ପାଣି ବାଣ୍ଟିବାକୁ ଏସ୍‌ଏଚ୍‌ଜିର କୌଣସି ମହିଳା ଅଛନ୍ତି। ବିଶେଷକରି ମଧ୍ୟାହ୍ନରେ ସବୁଠୁ ଅଧିକ ତାତି ଅନୁଭୂତ ହେଉଥିବାରୁ ଅଧିକାଂଶ ଦୋକାନ ମଧ୍ୟ ବନ୍ଦ ହୋଇଯାଉଛି। ଫଳରେ ଯାତ୍ରୀମାନେ ପାଣି ପାଇଁ ନାନା ଅସୁବିଧାର ସମ୍ମୁଖୀନ ହେଉଛନ୍ତି। ବିଏମ୍‌ସି ପକ୍ଷରୁ ପ୍ରତିବର୍ଷ ଜଳସେବା ଶିବିର ଖୋଲୁଥିଲେ ମଧ୍ୟ ସେବା ମିଳୁ ନ ଥିବା ଅଭିଯୋଗ ହୋଇ ଆସୁଛି। ଚଳିତବର୍ଷ ଜଳସେବା ଶିବିର ପାଇଁ ବିଭିନ୍ନ ସାମାଜିକ ଅନୁଷ୍ଠାନ ପକ୍ଷରୁ ଆବେଦନ କରାଯାଇଛି। ହେଲେ ଏଯାଏ କାହାକୁ ଅନୁମତି ଦିଆଯାଇ ନ ଥିବାବେଳେ ପ୍ରଥମଥର ଲାଗି ମହିଳାମାନଙ୍କୁ ଏହି ଜଳସେବା ଶିବିର କରିବା ଲାଗି ସୁଯୋଗ ଦିଆଯାଇଛି। ଏସ୍‌ଏଚ୍‌ଜି ପକ୍ଷରୁ ଏଥିଲାଗି ୧୦ ଆବେଦନ ହୋଇଛି। ପ୍ରଥମ ପର୍ଯ୍ୟାୟରେ ୩ଟି ଏସ୍‌ଏଚ୍‌ଜି ଜଳସେବା ଶିବିର ଖୋଲିଛନ୍ତି। ହେଲେ ଆରମ୍ଭରୁ ଏପରି ସ୍ଥିତି ବିଏମ୍‌ସିର ଜଳସେବା ନାଁରେ ଅର୍ଥ ହଡ଼ପ ମସୁଧା ଚାଲିଥିବା ଅଭିଯୋଗ ହେଉଛି। ଏ ସଂକ୍ରାନ୍ତରେ ବାସ୍ତବ ସ୍ଥିତି ଜାଣିବାକୁ ଚେଷ୍ଟା କରିଥିଲେ। ହେଲେ ଦିନ ତମାମ ରସୁଲଗଡ଼ ଓ ନିକୋ ପାର୍କ ଏସ୍‌ଏଚ୍‌ଜି ଜଳସେବା ଶିବିରରେ ଜଳବଣ୍ଟନ ବନ୍ଦ ରହିଥିଲା। ବାଟରେ ଯାଉଥିବା ଯାତ୍ରୀମାନେ ପାଣି ରହିଥିବ ଭାବି ନିକଟରେ ପହଞ୍ଚତ୍ ଖାଲି ମାଠିଆ ଦେଖି ଅସନ୍ତୋଷରେ ଫେରୁଥିଲେ। ରସୁଲଗଡ଼ ଛକରେ ମାଠିଆ ନ ଥିବାବେଳେ ଖାଲି ଶିବିର କ’ଣ ପାଇଁ ଖୋଲାଯାଇଛି ବୋଲି ଲୋକେ କହୁଥିଲେ। କେହି କେହି ଅନ୍ୟ କେତେକଥା କହି ଚାଲିଯାଉଥିବା ଦେଖିବାକୁ ମିଳିଥିଲା। ଏନେଇ ସାମାଜିକ ସଙ୍ଗଠନ କଳ୍ପନା ଛକ ସେବା ସଂଘର ଉପଦେଷ୍ଟା ନାରାୟଣଚନ୍ଦ୍ର ଓଝା କୁହନ୍ତି, ଦୀର୍ଘ ଦେଢମାସ ହେବ ଆମେ କଳ୍ପନାଛକରେ ଜଳଛତ୍ର କରିବୁ ବୋଲି ବିଏମ୍‌ସିରେ ଆବେଦନ କରିଛୁ। କିନ୍ତୁ ଜଳସେବା ଶିବିର ଓ ସ୍ଥାନ ଚିହ୍ନଟ ନିରୂପଣ ନେଇ ଏଯାବତ କିଛି ଉତ୍ତର ଆସିନି। ଆମ ସଙ୍ଗଠନ ପ୍ରତ୍ୟେକ ବର୍ଷ ଜଳଛତ୍ର କରେ। କିନ୍ତୁ ଏଥର ବିଏମ୍‌ସି କର୍ତ୍ତୃପକ୍ଷଙ୍କ ଉଦାସୀନତା ସ୍ପଷ୍ଟ ଭାବେ ଦେଖିବାକୁ ମିଳିଛି। ବାରମ୍ବାର ବିଏମ୍‌ସି କାର୍ଯ୍ୟାଳୟକୁ ଯାଇ ନିରାଶ ହୋଇ ଫେରିଛୁ ବୋଲି ସେ କହିବା ସହ ଏସ୍‌ଏଚ୍‌ଜି ଜଳସେବା ଶିବିରକୁ ନେଇ ପ୍ରଶ୍ନ ଉଠାଇଛନ୍ତି। ମହିଳାମାନଙ୍କୁ ଜଳସେବା ଶିବିର ଖୋଲିବାକୁ ଦାୟିତ୍ୱ ଦେବା ଓ ତାହା ଲୋକଙ୍କ ସେବାରେ ନ ଲାଗିବା ପ୍ରସଙ୍ଗକୁ ନେଇ ସେ ସନ୍ଦେହ ପ୍ରକଟ କରିନ୍ତି। ସେହିଭଳି ଓଡ଼ିଶା ସମାଜସେବୀ ମହାସଂଘ, ଦିଶା ଓଡ଼ିଶା ସଙ୍ଗଠନ, ହେଲ୍ପ କେୟାର, ଓ୍ବାରିସ୍‌ ଫାଉଣ୍ଡେଶନ ପରି ବହୁ ସାମାଜିକ ସଙ୍ଗଠନ ବିଏମ୍‌ସିର ଏପରି କାର୍ଯ୍ୟଧାରାକୁ ନେଇ ଅଭିଯୋଗ ଉଠାଇଛନ୍ତି। ତେବେ ଏନେଇ ବିଏମ୍‌ସି କର୍ତ୍ତୃପକ୍ଷଙ୍କ କୌଣସି ପ୍ରତିକ୍ରିୟା ମିଳିପାରି ନାହିଁ।


Enter your email to get our daily news in your inbox.

All Right Reserved By Dharitri.Com

ଭାଜପା ସରକାରକୁ ଆସିଲେ କିଏ ହେବେ ମୁଖ୍ୟମନ୍ତ୍ରୀ, କହିଲେ ନଡ୍ଡା

ଭୁବନେଶ୍ୱର,୨୩।୫: ଏରସମା ସଭାରେ ଭାଜପା ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା ବିଜେଡି ଉପରେ ବର୍ଷିଛନ୍ତି। ନଡ୍ଡା କହିଛନ୍ତି, ଓଡ଼ିଶାରେ ନେତା ସୃଷ୍ଟି ହେବା ବନ୍ଦ ହୋଇଗଲାଣି।...

ମୁହାଁମୁହିଁ ହେଲେ ଲେଖାଶ୍ରୀ-ପ୍ରତାପ ଷଡଙ୍ଗୀ, ସଭାମଞ୍ଚରେ ଦେଲେ ବଡ଼ ଆହ୍ବାନ

ବାଲେଶ୍ୱର,୨୩।୫: ମୁହାଁମୁହିଁ ହୋଇଛନ୍ତି ବିଜେଡି ଲୋକ ସଭା ପ୍ରାର୍ଥୀ ଲେଖାଶ୍ରୀ ସାମନ୍ତସିଂହାର ଓ ଭାଜପା ଲୋକ ସଭା ପ୍ରାର୍ଥୀ ପ୍ରତାପ ଷଡଙ୍ଗୀ। ଲେଖାଶ୍ରୀଙ୍କ ଭଣ୍ଡବାବା ମନ୍ତବ୍ୟ...

୨୫ ତାରିଖରେ ମତଦାନ କରିବାକୁ ଜିଲାପାଳଙ୍କ ନିବେଦନ

ଭୁବନେଶ୍ୱର,୨୩ା୫(ଅସମାପିକା ସାହୁ): ଖୋର୍ଦ୍ଧା ଜିଲାରେ ଆସନ୍ତା ୨୫ ତାରିଖରେ ଭୋଟ୍‌ ଗ୍ରହଣ ହେବ। ଭାରତର ଶ୍ରେଷ୍ଠ ଗଣତାନ୍ତ୍ରିକ ବ୍ୟବସ୍ଥା ଏବଂ ସମ୍ବିଧାନ ପ୍ରତ୍ୟେକ ନାଗରିକଙ୍କୁ ମତଦାନ...

ଭାଜପାରେ ମିଶୁ ମିଶୁ ଅପରାଜିତାଙ୍କ ପାଇଁ ପ୍ରଚାର କଲେ ଜିତୁ, କହିଦେଲେ ଏମିତି କଥା…

ଭୁବନେଶ୍ୱର,୨୩।୫: ଖୋର୍ଦ୍ଧା ବିଧାୟକ ଜିତୁ ମିତ୍ର ଗୁରୁବାର ଭାଜପାରେ ସାମିଲ ହୋଇଛନ୍ତି। ତେବେ ଭାଜପାରେ ମିଶିବା ପରେ ସେ କହିଛନ୍ତି, ଭାଜପା ବିପୁଳ ଜନସମର୍ଥନ ପାଉଛି।...

ମୁଖ୍ୟମନ୍ତ୍ରୀଙ୍କ ଗ୍ୟାରେଣ୍ଟି: ଜୁଲାଇରୁ ୯୦ ପ୍ରତିଶତ ପରିବାର ପାଇବେ…

ଭୁବନେଶ୍ୱର,୨୩।୫: ରାଜ୍ୟ ସରକାର ରାଜ୍ୟ ସରକାରଙ୍କ ପାଇଁ ବଡ଼ ଘୋଷଣା କରିଛନ୍ତି। ନିର୍ବାଚନ ଇସ୍ତାହାରରେ ମୁଖ୍ୟମନ୍ତ୍ରୀ କହିଛନ୍ତି ଯେ, ଯଦି ରାଜ୍ୟରେ ବିଜେଡି ଆଉଥରେ ସରକାରକୁ...

ଖୋର୍ଦ୍ଧା ରାଜନୀତିରେ ରୋଚକ: ଭାଜପାରେ ସାମିଲ ହେଲେ ବିଧାୟକ ଜିତୁ ମିତ୍ର

ଭୁବନେଶ୍ୱର,୨୩।୫: ଖୋର୍ଦ୍ଧା ବିଧାୟକ ଜିତୁ ମିତ୍ର ଗୁରୁବାର ଭାଜପାରେ ସାମିଲ ହୋଇଛନ୍ତି। ତେବେ ଜିତୁ ଭାଜପାରେ ମିଶୁମିଶୁ ଅପରାଜିତା ଷଡ଼ଙ୍ଗୀ ଓ ପ୍ରଶାନ୍ତ ଜଗଦ୍ଦେବଙ୍କ ପାଇଁ...

୨୫ ସକାଳ ସୁଦ୍ଧା ବଙ୍ଗୋପସାଗରରେ ବାତ୍ୟା ସମ୍ଭାବନା, ଜାଣନ୍ତୁ କେଉଁଠି ଛୁଇଁବ ଉପକୂଳ

ଭୁବନେଶ୍ୱର,୨୩।୫: ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ ଘନୀଭୂତ ହୋଇ ସୁଦୃଶ ଲଘୁଚାପ କ୍ଷେତ୍ରରେ ପରିଣତ ହୋଇଛି। ଆସନ୍ତା କାଲି ସକାଳ ସୁଦ୍ଧା ଘନୀଭୂତ ହୋଇ ଅବପାତ...

‘ପ୍ରଭୁ ଜଗନ୍ନାଥ ଆମକୁ ଶକ୍ତି ଦିଅନ୍ତୁ, ଓଡ଼ିଶାରେ ଡବଲ ଇଞ୍ଜିନ ସରକାର ହେଉ’

ବାଣପୁର,୨୩ା୫: ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟ ନାଥ ଗୁରୁବାର ଓଡ଼ିଶା ଗସ୍ତରେ ଆସିଥିବା ବେଳେ ଚିଲିକାର ବାଣପୁରରେ ଆୟୋଜିତ ଏକ ଜନସଭାରେ ଯୋଗ ଦେଇଛନ୍ତି। ଯୋଗୀ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri