ରଥକାଠ କଟା ସରିଲା, ପଠାଯିବ ପୁରୀ
6:52 pmApril 2, 2020 / 43

ଭଞ୍ଜନଗର,୨।୪(ଡି.ଏନ.ଏ.)-ମହାମାରୀ କରୋନା ଯୋଗୁ ଚଳିତବର୍ଷ ମହାପ୍ରଭୁ ଶ୍ରୀଜଗନ୍ନାଥଙ୍କ ବିଶ୍ୱପ୍ରସିଦ୍ଧ ରଥଯାତ୍ରା ହେବ କି ନାହିଁ ଅନିଶ୍ଚିତତା ମଧ୍ୟରେ ରହିଥିବା ବେଳେ ରଥ ନିର୍ମାଣ ପାଇଁ କାଠ ସଂଗ୍ରହ ଚାଲିଛି । ପ୍ରଥମଥର ପାଇଁ ଭଞ୍ଜନଗର ଉତ୍ତର ଘୁମୁସର ବନଖଣ୍ଡ ତାରସିଂ ରେଞ୍ଜ ଘୋଗଡ଼ ଜଙ୍ଗଲରୁ ପୁରୀକୁ କାଠ ପଠାଯିବ। ୧୯ଟି ଢଉରା ଓ ୧ଟି ଅସନ କାଠ ପଠାଯିବ। ଡିଏଫଓ ଅଭୟ କୁମାର ଦଳେଇ, ଏସିଏଫ୍‌ ସୁଦର୍ଶନ ବାଦୀ, ରେଞ୍ଜର ଆଶାଲତା ଦିଗାଲ ପ୍ରମୁଖଙ୍କ ନେତୃତ୍ୱରେ ଗୁରୁବାର କାଠ କଟା ସରିଛି। ଉକ୍ତ କାଠରେ ରଥ ଚକ ନିର୍ମାଣ ହେବ। ଗାଡ଼ି ଯୋଗାଡ଼ ହେବାପରେ ଦିନେ ଦୁଇଦିନ ମଧ୍ୟରେ କାଠସବୁ ପୁରୀକୁ ସ୍ଥାନାନ୍ତର କରାଯିବ।