ରକ୍ତଭଣ୍ଡାର ଖାଲି, ଆବଶ୍ୟକଠାରୁ ସଂଗ୍ରହ କମ୍‌

ବ୍ରହ୍ମପୁର ଅଫିସ୍‌,୧୭ା୪-ବ୍ରହ୍ମପୁର ବଡ଼ମେଡ଼ିକାଲ୍‌ ପରିସରରେ ଥିବା ରକ୍ତଭଣ୍ଡାରରେ ରକ୍ତ ଖାଲି ହେବାରେ ଲାଗିଛି । ଏପରିକି ଅତ୍ୟାବଶ୍ୟକ ସ୍ଥଳେ ମଧ୍ୟ ରୋଗୀଙ୍କୁ ଦେବା ପାଇଁ ରକ୍ତ ନାହିଁ । ପ୍ରତି ବର୍ଷ ଗ୍ରୀଷ୍ମରେ ଏଭଳି ରକ୍ତ ସଂକଟ ଦେଖାଦେଇଥାଏ । ସଂଗ୍ରହ ଠାରୁ ଆବଶ୍ୟକତା ପରିମାଣ ଅଧିକ ରହୁଥିବା ଯୋଗୁ ଏବେ ରକ୍ତ ଭଣ୍ଡାରରେ ଉକତ୍ଟ ସମସ୍ୟା ସୃଷ୍ଟି ହୋଇଛି। ଅନ୍ୟପଟେ ଏହାର ମୁକାବିଲା ପାଇଁ ରକ୍ତ ଭଣ୍ଡାର କର୍ତ୍ତୃପକ୍ଷ ଅଣ୍ଟା ଭିଡ଼ୁଛନ୍ତି। ରକ୍ତଦାନ ଶିବିର ଆୟୋଜନ କରୁଥିବା ସଂଗଠନଗୁଡ଼ିକ ସହ ନିୟମିତ ଯୋଗାଯୋଗରେ ରହୁଛନ୍ତି। ଅଧିକ ସଂଖ୍ୟକ ଶିବିର ଆୟୋଜନ ପାଇଁ ପରାମର୍ଶ ଦେଉଛନ୍ତି ।

ବର୍ଷର ଅନ୍ୟମାସ ତୁଳନାରେ ଗ୍ରୀଷ୍ମ ଦିନରେ ରକ୍ତ ସଂଗ୍ରହ ବହୁ ପରିମାଣରେ କମିଯାଇଥାଏ । କାରଣ ଗ୍ରୀଷ୍ମରେ ରକ୍ତଦାନ ଶିବିର କମ ଆୟୋଜନ ହୋଇଥାଏ। ଖରାଦିନେ ରକ୍ତ ଦେଲେ ଦୁର୍ବଳ ଲାଗିବା, ମୁଣ୍ଡ ବୁଲାଇବା ଏବଂ ଅନ୍ୟାନ୍ୟ ପାର୍ଶ୍ୱ ପ୍ରତିକ୍ରିୟା ଦେଖାଯାଏ ବୋଲି ସାଧାରଣରେ ଏକ  ଭୟ ରହିଛି। ରକ୍ତ ଭଣ୍ଡାର ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଜୁନ୍‌ରୁ ମାର୍ଚ୍ଚ ପର୍ଯ୍ୟନ୍ତ ମାସକୁ ପ୍ରାୟ ୩ହଜାର ୟୁନିଟ୍‌ ରକ୍ତ ସଂଗ୍ରହ ହୋଇଥାଏ । ଏଥିରେ ଉଭୟ ଶିବିରରୁ ସଂଗ୍ରହ ହେଉଥିବା ଏବଂ ଇନ୍‌ଡୋର୍‌ରେ ସଂଗ୍ରହ ହେଉଥିବା ୟୁନିଟ୍‌ ସଂପୃକ୍ତ ରହିଛି।  ଅନ୍ୟପଟେ ପ୍ରତି ମାସରେ ସମାନ ସଂଖ୍ୟକ ୟୁନିଟ୍‌ ରକ୍ତ ରୋଗୀଙ୍କୁ ଦେବା ପାଇଁ ପ୍ରଦାନ କରାଯାଇଥାଏ । କିନ୍ତୁ ଖରାଦିନେ ମାସକୁ ପ୍ରାୟ ୧୫ଶହ ୟୁନିଟ୍‌ ସଂଗ୍ରହ ହେବା ମଧ୍ୟ କଷ୍ଟ ହୋଇଯାଏ । ଗତ ଫେବୃୟାରୀରେ ୨୫ଟି ରକ୍ତଦାନ ଶିବିର ଆୟୋଜନ ହୋଇଥିଲା । ଯେଉଁଥିରୁ ପାଖାପାଖି ୩ହଜାର ୟୁନିଟ୍‌ ରକ୍ତ ସଂଗ୍ରହ ହୋଇଥିଲା। ହେଲେ ମାର୍ଚ୍ଚରେ ୧୪ଟି ଶିବିର ଆୟୋଜନ ହୋଇଥିବା ବେଳେ ୭୨୩ ୟୁନିଟ୍‌ ରକ୍ତ ସଂଗ୍ରହ କରାଯାଇଛି।  ଏପ୍ରିଲ୍‌ରେ ଏହି ସଂଖ୍ୟା ଆହୁରି କମିବ ବୋଲି ଆଶଙ୍କା କରାଯାଉଛି । ବର୍ତ୍ତମାନ ସୁଦ୍ଧା ବଡ଼ ଧରଣର ଶିବିର ଆୟୋଜନ ହୋଇନାହିଁ। ଯାହା ରକ୍ତ ସଂକଟକୁ ଗୁରୁତର କରୁଛି। କେବଳ ସିକିଲ୍‌ସେଲ୍‌(ରକ୍ତ ଶିକୁଳି) ଏବଂ ଥାଲାସେମିଆ ରୋଗୀଙ୍କୁ ମାସକୁ ପ୍ରାୟ ୬ଶହ ୟୁନିଟ୍‌ର ଆବଶ୍ୟକତା ପଡ଼ିଥାଏ। କାରଣ ଗଞ୍ଜାମ ଜିଲାରେ ଏହି ରୋଗୀଙ୍କ ସଂଖ୍ୟା ଅଧିକ । ଏଣୁ ଗ୍ରୀଷ୍ମ ଦିନରେ ଏହି ରୋଗୀଙ୍କ ପାଇଁ ରକ୍ତ ସଂଗ୍ରହ କରିବା କଷ୍ଟ ହୋଇପଡ଼େ । ସଂଗ୍ରହ କମ୍‌ ହେଉଥିବାର ପ୍ରଭାବ ଷ୍ଟକ୍‌ ଉପରେ ପଡ଼ୁଥିବା ଦେଖିବାକୁ ମିଳୁଛି । ଗତ କିଛି ଦିନ ହେଲା ଷ୍ଟକ୍‌ ଶୂନ୍‌ ଥିବା ସୂଚନା ଫଳକରେ ଉଲ୍ଲେଖ ରହିଛି। କୌଣସି ଗୋଟିଏ ହେଲେ ଗ୍ରୁପ୍‌ର ରକ୍ତ ବର୍ତ୍ତମାନ ଭଣ୍ଡାରରେ ନାହିଁ ।

ଅପରପକ୍ଷେ ରକ୍ତ ଭଣ୍ଡାରର ଜଣେ ଅଧିକାରୀଙ୍କ କହିବାନୁଯାୟୀ, ବର୍ତ୍ତମାନ ଭଣ୍ଡାରରେ ରକ୍ତ ୟୁନିଟ୍‌ କମ୍‌ ରହିଛି । ତଥାପି କିଛି ପ୍ରଭାବଶାଳୀ ବ୍ୟକ୍ତି ପ୍ରଭାବ ପକାଇ ମାଗଣାରେ ରକ୍ତ ନେଉଛନ୍ତି। ବଦଳରେ ରକ୍ତ ଦେଉନାହାନ୍ତି। ଫଳରେ ସମସ୍ୟା ଉକତ୍ଟ ହେବାରେ ଲାଗିଛି ।

ରକ୍ତ ଭଣ୍ଡାର ଡା. ରଶ୍ମିତା ପାଣିଗ୍ରାହୀଙ୍କ କହିବାନୁଯାୟୀ, ଗ୍ରୀଷ୍ମ ଦିନରେ ଶିବିର କମ୍‌ ଆୟୋଜନ ହେଉଥିବା ଯୋଗୁ କମ୍‌ ୟୁନିଟ୍‌ ରହିଛି।  ଅତ୍ୟାବଶ୍ୟକୀୟ ସ୍ଥଳରେ ମଧ୍ୟ ରକ୍ତ ଦେବା କଷ୍ଟ ହୋଇପଡ଼ୁଛି। ପ୍ରସବକାଳୀନ ଏସ୍ତ୍ରୋପଚାର ହେଉ ଅବା ଦୁର୍ଘଟଣା, ରୋଗୀଙ୍କୁ ରକ୍ତ ଦେବା ପାଇଁ ଯୋଗାଡ଼ କରିବାକୁ ପଡ଼ୁଛି । ଲୋକମାନେ ରକ୍ତ ପ୍ରତିବଦଳ କଲେ ସମସ୍ୟାରେ ସାମାନ୍ୟ ସୁଧାର ହୋଇପାରିବ । ରକ୍ତ ଭଣ୍ଡାର ତରଫରୁ ଏଦିଗରେ ପଦକ୍ଷେପ ନିଆଯାଉଛି। ଯେଉଁ ସଂଗଠନଗୁଡ଼ିକ ଶିବିର ଆୟୋଜନ କରନ୍ତି, ସେମାନଙ୍କ ସହ ବରାବର ଯୋଗାଯୋଗ କରାଯାଉଛି। ଗ୍ରୀଷ୍ମରେ ରକ୍ତ ସମସ୍ୟାର ମୁକାବିଲା ପାଇଁ ଅଧିକ ସଂଖ୍ୟକ କ୍ୟାମ୍ପ ପାଇଁ ପଦକ୍ଷେପ ନିଆଯାଉଛି । ଜିଲାରେ ୨ଶହରୁ ଅଧିକ ସଂଗଠନ ଏଦିଗରେ କାର୍ଯ୍ୟ କରୁଛନ୍ତି। ଖୁବ୍‌ ଶୀଘ୍ର ଏହି ସମସ୍ୟା ଦୂର ହେବ ବୋଲି ସେ ଆଶା ପ୍ରକାଶ କରିଛନ୍ତି ।


Enter your email to get our daily news in your inbox.

All Right Reserved By Dharitri.Com

ଯୋଗାଣ ସହାୟକଙ୍କୁ ଆକ୍ରମଣ, ଜଣେ ଗିରଫ

ଭଞ୍ଜନଗର,୧୨।୪(ଡି.ଏନ.ଏ)- ଜଗନ୍ନାଥପ୍ରସାଦ ବ୍ଲକ ତାରସିଂ ଯୋଗାଣ ସହାୟକ ଚିନ୍ମୟ ନାୟକଙ୍କୁ ଶନିବାର ବାରଦଣ୍ଡାର ରଞ୍ଜିତ ପ୍ରଧାନ ଆକ୍ରମଣ କରିଥିବା ଅଭିଯୋଗ ହୋଇଛି। ଏନେଇ ପୋଲିସ ନଂ.୬୯।୨୦ରେ...

ମୁଖ୍ୟମନ୍ତ୍ରୀଙ୍କ ରିଲିଫ୍‌ ପାଣ୍ଠିକୁ ୪.୭୧ ଲକ୍ଷ ଟଙ୍କା ପ୍ରଦାନ

ବ୍ରହ୍ମପୁର ଅଫିସ,୨୩ା୪: କରୋନା ମୁକାବିଲା ପାଇଁ ମୁଖ୍ୟମନ୍ତ୍ରୀଙ୍କ ରିଲିଫ୍‌ ପାଣ୍ଠିକୁ ଗଞ୍ଜାମ ଜିଲାର ବିଭାଗୀୟ ଅଧିକାରୀ ଓ କର୍ମଚାରୀମାନଙ୍କ ପକ୍ଷରୁ ଗୁରୁବାର ୪ଲକ୍ଷ ୭୧ ହଜାର...

ଝିଅମାନେ କୌଣସି ଗୁଣରେ ପୁଅଙ୍କଠାରୁ କମ୍‌ ନୁହନ୍ତି

ଦିଗପହଣ୍ଡି,୨୦ା୮(ଡି.ଏନ.ଏ.)-ଗଞ୍ଜାମ ଜିଲା ପ୍ରଶାସନ ପକ୍ଷରୁ ମଙ୍ଗଳବାର କନ୍ୟାରତ୍ନ ସୁରକ୍ଷା ଉଦ୍ଦେଶ୍ୟରେ ଦିଗପହଣ୍ଡି ବ୍ଲକ ବି.ତୁରୁବୁଡ଼ି ଗ୍ରାମରେ ଜିଲାସ୍ତରୀୟ ମୋ ଗେହ୍ଲା ଝିଅ ସଚେତନତା କାର୍ଯ୍ୟକ୍ରମ ଅନୁଷ୍ଠିତ...

ଗଞ୍ଜାମ ଉପେନ୍ଦ୍ର ଭଞ୍ଜ, କବିସୂର୍ଯ୍ୟଙ୍କ ପୁଣ୍ୟମାଟି: ବାଚସ୍ପତି

ଦିଗପହଣ୍ଡି,୨୨ା୧(ଡି.ଏନ.ଏ.)-ଦିଗପହଣ୍ଡିସ୍ଥିତ ବଡ଼ଖେମୁଣ୍ଡି ହାଇସ୍କୁଲ ଖେଳପଡିଆରେ ମଙ୍ଗଳବାର ସନ୍ଧ୍ୟାରେ ଖେମୁଣ୍ଡି ମହୋତ୍ସବ-୨୦୨୦ ଉଦ୍‌ଘାଟିତ ହୋଇଯାଇଛି। ବାଚସ୍ପତି ଡ. ସୂର୍ଯ୍ୟନାରାୟଣ ପାତ୍ର ମୁଖ୍ୟ ଅତିଥି ଭାବେ ଯୋଗଦେଇ ଏହାକୁ...

ପ୍ରବାସୀ ଓଡ଼ିଆଙ୍କ ପାଇଁ କ୍ୱାରାଣ୍ଟାଇନ ବାଧ୍ୟତାମୂଳକ: ନିର୍ଦ୍ଦେଶନାମା ଜାରି କଲା ବିଏମ୍‌ସି

ବ୍ରହ୍ମପୁର ଅଫିସ,୭ା୫-ବ୍ରହ୍ମପୁରକୁ ଗୁଜୁରାଟ, ମହାରାଷ୍ଟ୍ର ଓ କେରଳ ରାଜ୍ୟରୁ ଆସିଥିବା ପ୍ରବାସୀ ଓଡ଼ିଆ ହୋମ କ୍ବାରାଣ୍ଟାଇନରେ ରହି ପାରିବେ ନାହିଁ। ସେମାନେ ପ୍ରଶାସନ ପକ୍ଷରୁ କରାଯାଇଥିବା...

ପୋଲିସର କାର୍ଯ୍ୟଦକ୍ଷତାକୁ ପ୍ରଶଂସା କଲେ ମୁଖ୍ୟମନ୍ତ୍ରୀ

ଆସିକା,୨୬ା୭ (ଡି.ଏନ୍‌.ଏ.)- ଗଞ୍ଜାମ ଜିଲାରେ କରୋନା ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଉଥିବାବେଳେ ଆସିକା ଅଞ୍ଚଳରେ ମଧ୍ୟ ଏହାର ପ୍ରଭାବ ବିଶେଷ ଭାବେ ଦେଖାଦେଇଛି। ବ୍ଲକ୍‌, ତହସିଲ୍‌,...

ରକ୍ତଭଣ୍ଡାରର ଆବଶ୍ୟକତା ପୂରଣ କରିବାକୁ ୩୫ ୟୁନିଟ ରକ୍ତ ସହାୟକ ହେଲା

ସମ୍ବଲପୁର, ୩୦।୪ (ବ୍ୟୁରୋ)- କରୋନା ଭୂତାଣୁ ସଂକ୍ରମଣକୁ ରୋକିବା ଲାଗି ସମଗ୍ର ଦେଶରେ ଲକ୍‌ ଡାଉନ କରାଯାଇଛି । ଏହା ଦ୍ୱାରା ରକ୍ତ ଭଣ୍ଡାର ଗୁଡିକରେ...

ବାହାରେ ଥାଇ ମାଣ ବସାଇଲେ ତପସ୍ବିନୀ

ବ୍ରହ୍ମପୁର ଅଫିସ,୨୫।୧୧: ବୋହୂର ନ୍ୟାର୍ଯ୍ୟ ଅଧିକାର ଦାବିକରି ଗତ ୪ ଦିନ ହେଲା ଶୀତ କାକରରେ ଶାଶୁଘର ସମ୍ମୁଖରେ ଧାରଣା ଦେଇଥିବା ତପସ୍ବିନୀ ଦାସ ଗୁରୁବାର...

Advertisement
Archives

Model This Week