ଦେଓଗାଁ,୨୮ା୫(ଡି.ଏନ.ଏ.) ବଲାଙ୍ଗୀର ଜିଲା ଦେଓଗାଁ ଯୋଗୀସାଗରସ୍ଥିତ ଯୋଗେଶ୍ୱର ବାବାଙ୍କ ମନ୍ଦିର ପ୍ରାଙ୍ଗଣରେ ବୁଧବାର ୯ମ ପବିତ୍ର ଶୀତଳ ଷଷ୍ଠୀ ମହୋତ୍ସବ ନିରାଡମ୍ବର ସହକାରେ ସମ୍ପନ୍ନ ହୋଇଛି। ଏହି ଦିନ ବୈବାହିକ ରୀତନୀତି ଅନୁସାରେ ଯୋଗେଶ୍ୱରବାବା ଓ ପାର୍ବତୀଙ୍କ ବିବାହୋତ୍ସବ ହୋଇଥିଲା। ଦେଓଗାଁ ଶୀତଳ ଷଷ୍ଠୀ ଉତ୍ସବ ପାଳନ କମିଟି ସହଯୋଗରେ ଅନୁଷ୍ଠିତ ଉତ୍ସବରେ ସକାଳ ୮ଟାରୁ ବୈଦିକ ରୀତିନୀତିରେ ପୂଜାର୍ଚ୍ଚନା, ଦେବନିମନ୍ତ୍ରଣ, ଅଳଙ୍କାର ଧାରଣ, ବର ଆଗମନ, ବିବାହ ଓ ପାଣିଗ୍ରହଣ ଆଦି କାର୍ଯ୍ୟ ସମ୍ପନ୍ନ ହୋଇଥିଲା। ଚଳିତବର୍ଷ ବର ପିତାମାତା କ୍ଷୀରୋଦ୍ର ସେଠ ଓ ବିନୋଦିନୀ ସେଠ, କନ୍ୟା ପିତାମାତା ଭାବେ ଗୋବର୍ଦ୍ଧନ ଦଲାଇ ଓ ସ୍ବର୍ଣ୍ଣକାନ୍ତି ଦଲାଇ ଦାୟିତ୍ୱ ତୁଲାଇ ଥିଲେ ା କାର୍ଯ୍ୟକ୍ରମକୁ ସଭାପତି ଘନଶ୍ୟାମ ବାରିକ, ସମ୍ପାଦକ କ୍ଷୀରୋଦ୍ର ସେଠ, ଯୋଗେନ୍ଦ୍ର ସାହୁ, ବୀରେନ ଜୁଏଡ, ପୂର୍ବତନ ସରପଞ୍ଚ ଚନ୍ଦ୍ରଚୂଡ ବେହେରା, କୃଷ୍ଣପ୍ରସାଦ ପାଣିଗ୍ରାହୀ ଓ ଗ୍ରାମବାସୀ ସହଯୋଗ କରିଥିଲେ।
