ନୂଆଦିଲ୍ଲୀ,୧୬।୧୧- ଅବସରପ୍ରାପ୍ତ ଅଲରାଉଣ୍ଡ ଯୁବରାଜ ସିଂ (ଯୁବି)ଙ୍କୁ ପାକିସ୍ତାନ ବୋହୂ ତଥା ଦେଶର ଷ୍ଟାର ମହିଳା ଟେନିସ ଖେଳାଳି ସାନିଆ ମିର୍ଜା ମୋଟୁ ବୋଲି କହିଛନ୍ତି। ଗତ ଶୁକ୍ରବାର ସାନିଆ ନିଜର ୩୩ତମ ଜନ୍ମଦିନ ପାଳନ କରିଛନ୍ତି। ଏହି ଅବସରରେ ଯୁବି ବନ୍ଧୁ ସାନିଆଙ୍କୁ ଟୁଇଟ୍ କରି ଜନ୍ମଦିନର ଏକ ଫଟୋ ଶେୟାର କରି ଶୁଭେଚ୍ଛା ଜଣାଇଥିଲେ। ଏଥିରେ ଯୁବି ଲେଖିଥିଲେ, ହାଇ ହାଇ ମିର୍ଚି। ମୋ ବନ୍ଧୁଙ୍କ ପାଇଁ ଜନ୍ମଦିନର ଅନେକ ଅନେକ ସୁଭକାମନ ଓ ଭଲପାଇବା। ଉକ୍ତ ଫଟୋରେ ସାନିଆ ବ୍ୟାଟ ଓ ଯୁବି ଟେନିସ ର଼୍ୟାକେଟ ଧରିଥିଲେ। ଏହାର ଜବାବରେ ଯୁବିଙ୍କ ଟୁଇଟ୍କୁ ରିଟୁଇଟ୍ କରି ସାନିଆ ଲେଖିଲେ, ହାଇ ମୋଟୁ। ଶୁଭେଚ୍ଛା ପାଇଁ ଧନ୍ୟବାଦ। ଉଭୟ ଆଥ୍ଲେଟ ସୋସିଆଲ ମିଡିଆରେ ପରସ୍ପରଙ୍କ ଗୋଡ଼ ଟଣାଟଣି କରିବାର ଏହା ନୂଆ ଘଟଣା ନୁହେଁ।
