ଯାତ୍ରା ପାଇଁ ସମର୍ପିତ ରତି-ମିଟୁନା

କୁହାଯାଏ ଯୋଡ଼ି ସ୍ବର୍ଗରେ ତିଆରି ହୁଏ। ଆଉ ଉପରବାଲା ହିଁ ଜୀବନସାଥୀ ବାଛିଦିଏ। ଯିଏ ଯେଉଁଠି ଜନ୍ମ ହୋଇଥାଉ, ଯିଏ ଯେଉଁଠି ଯେଉଁ କାମ କରୁଥାଉ ନା କାହିଁକି ଯିଏ ଯାହାର ସିଏ ତାହାର। ଓଡ଼ିଆ ଯାତ୍ରା ଜଗତର ଦୁଇ ପ୍ରସିଦ୍ଧ ଯୋଡ଼ି ରତି ଓରଫ ରତିକାନ୍ତ ପରିଡ଼ା ଓ ମିଟୁନା ଏହାର ଏକ ଉଦାହରଣ। ରତି ଓରଫ ରତିକାନ୍ତ ପରିଡ଼ାଙ୍କ ଘର ମୟୂରଭଞ୍ଜର ଉଦଳା ହୋଇଥିବା ବେଳେ ମିଟୁନାଙ୍କ ଘର ଜଗତ୍‌ସିଂହପୁର। ଉଭୟେ କୋଣାର୍କ ଗଣନାଟ୍ୟରେ ଅଭିନୟ କରୁଥିଲେ। ସେଇ ଅଭିନୟ ଭିତରେ ଦେଖାଚାହଁା। ସେମାନେ କ’ଣ ଜାଣିଥିଲେ ଯେ, ଏହି ଦେଖାଚାହଁା ଦିନେ ପ୍ରେମ ପାଲଟିଯିବ? ସେମାନେ ତ କେବଳ ମଞ୍ଚ ଉପରେ ସ୍ବାମୀ ସ୍ତ୍ରୀ ହେଉଛନ୍ତି। ସେମାନେ କ’ଣ ଜାଣିଥିଲେ ସେମାନେ ଦିନେ ସତସତିକା ସ୍ବାମୀ ସ୍ତ୍ରୀ ହୋଇଯିବେ? ବାସ୍ତବରେ ସେଇଆ ହିଁ ଘଟିଥିଲା। ସେମାନେ ମଞ୍ଚ ଉପରେ ସ୍ବାମୀସ୍ତ୍ରୀ ହେଉ ହେଉ ଦିନେ ଅନୁଭବ କରିଥିଲେ ଯେ, ଦୁହେଁ ହେଉଛନ୍ତି ଦୁଇଜଣଙ୍କର ଜୀବନସାଥୀ। ୨୦୦୫ରେ ସେମାନଙ୍କର ବାହାଘର ହୋଇଥିଲା। ରତିଙ୍କ ଆଗରୁ ମିଟୁନା ଆସିଥିଲେ ଯାତ୍ରାକୁ। ରତି ୨୦୦୨ରେ ଯାତ୍ରାକୁ ଆସିଥିବା ବେଳେ ମିଟୁନା ମହାବାତ୍ୟା ପୂର୍ବରୁ ଯାତ୍ରାରେ ଯୋଗଦେଇ ସାରିଥିଲେ। ତେଣୁ ସ୍ତ୍ରୀ ହୋଇଥିଲେ ବି ରତିକାନ୍ତ ମିଟୁନାଙ୍କୁ ଜଣେ ସିନିୟର ଆର୍ଟିଷ୍ଟ ବୋଲି ମନେକରନ୍ତି। ଆଉ ଯେତେବେଳେ ମିଟୁନାଙ୍କୁ ପ୍ରଶଂସା ମିଳେ ସେତେବେଳେ ସେ ଭାରି ଖୁସି ଅନୁଭବ କରନ୍ତି। ଘରେ କିମ୍ବା ବସାଘରେ ସିନା ସେମାନେ ସ୍ବାମୀସ୍ତ୍ରୀ ହେଲେ ମଞ୍ଚ ଉପରକୁ ଚାଲିଗଲେ ବଦଳିଯାଏ ସେମାନଙ୍କର ପରିଚୟ। ସେମାନଙ୍କ ଉପରେ ଚରିତ୍ର ସବାର କରିଯାଏ। ସେମାନେ ରାତି ସାରା ସେହି ଚରିତ୍ରକୁ କାନ୍ଧରେ ବୋହି ଚାଲନ୍ତି। ସ୍ବାମୀ ସ୍ତ୍ରୀ ଦୁଇଜଣ ଯାକ ଗୋଟିଏ ପାର୍ଟିରେ ରହିଥିବାରୁ ପରିବାର ପ୍ରତି ସମୟ ଦେଇପାରୁ ନାହାନ୍ତି ବୋଲି ରତିଙ୍କ ଭିତରେ କ୍ଷୋଭ ରହିଛି। ଗୋଟିଏ ପୁଅ କୁମାର କୌସ୍ତୁଭ ପରିଡ଼ା। ଭୁବନେଶ୍ୱରରେ ହଷ୍ଟେଲରେ ରହି ପାଠ ପଢୁଛି। ତା’ ପ୍ରତି ସମୟ ସେମାନେ ଦେଇପାରୁ ନାହାନ୍ତି। ପୁଣି ପ୍ରତ୍ୟେକ ନାଟକରେ ସେମାନଙ୍କୁ ରୋଲ ମିଳୁଥିବାରୁ ଛୁଟି ମଧ୍ୟ ମିଳୁନାହିଁ। ତେବେ ଆସନ୍ତା ଯାତ୍ରା ସିଜନରେ ସେମାନଙ୍କ ପାଇଁ ଛୁଟିର ବ୍ୟବସ୍ଥା ରଖାଯିବ ବୋଲି କୋଣାର୍କ ଅନୁଷ୍ଠାନର ମାଲିକ ପ୍ରତିଶ୍ରୁତି ଦେଇଛନ୍ତି। ଉଭୟେ ହେଉଛନ୍ତି ଉଭୟଙ୍କ ପାଇଁ ପ୍ରେରଣାର ଉତ୍ସ। ସେମାନେ ବହୁ ସଫଳ ନାଟକରେ ଏକତ୍ର ଅଭିନୟ କରିଛନ୍ତି। ସେଥିମଧ୍ୟରେ ରହିଛି କଉଡ଼ିଖେଳ, ରାଧା ପିନ୍ଧିଦେଲା ମୀରା ସିନ୍ଦୂର, ଦୁଃଖ ଦେଇଗଲା ଦରଦୀ ବନ୍ଧୁ, ଜଙ୍ଗଲ ଦସ୍ୟୁ ବୀରାପ୍ପାନ, କାଇଁଚମାଳି, ଦଇତାରି ପଣ୍ଡା ବାହା ହଉଛି, ମଣିଷ ଦେଖିଲେ ଡର ଲାଗୁଛି, ମୁଦ୍ରା ରାକ୍ଷସ, ତୋ ଚାରିଖୁରାକୁ ଜୁହାର ଏବଂ ଆହୁରି ଅନେକ। ସେମାନଙ୍କର ଜୀବନ କେବଳ ଯାତ୍ରା ପାଇଁ ସମର୍ପିତ ବୋଲି କହନ୍ତି ଏହି ଦମ୍ପତି।


Enter your email to get our daily news in your inbox.

All Right Reserved By Dharitri.Com

ରାମ କେବଳ ଏକ ଧର୍ମର ନୁହନ୍ତି, ସବୁ ଭାରତୀୟଙ୍କ ରକ୍ତରେ ଅଛନ୍ତି: ଚର୍ଚ୍ଚାରେ ଜାଭେଦ ଅଖତରଙ୍କ ମନ୍ତବ୍ୟ

ବିଶିଷ୍ଟ ଗୀତିକାର ଓ ପଟ୍ଟକଥା ଲେଖକ ଜାଭେଦ ଅଖତର ଭଗବାନ ଶ୍ରୀରାମଙ୍କ ପ୍ରଶଂସା କରି କହିଛନ୍ତି। ରାମ ଏକ ପୂଜନୀୟ ବ୍ୟକ୍ତିତ୍ୱ। ତାଙ୍କ ମହତ୍ତ୍ୱ କୌଣସି ଗୋଟିଏ…

୨୫ ବର୍ଷ ପରେ କରିନା-ହ୍ରିତିକଙ୍କ କମବ୍ୟାକ୍! କରଣ ଜୋହରଙ୍କ ଭିଡ଼ିଓ ପରେ…

ମୁମ୍ବାଇ: ବଲିଉଡରେ ବିଶିଷ୍ଟ ନିର୍ଦ୍ଦେଶକ କରଣ ଜୋହର ଏପରି ଅନେକ ଯୋଡ଼ିକୁ ପରଦାକୁ ଆଣିଛନ୍ତି, ଯେଉଁମାନେ ଆଜି ମଧ୍ୟ ଦର୍ଶକଙ୍କର ଅତି ପ୍ରିୟ। ଏହିପରି ଏକ ଯୋଡ଼ି…

ଅମିତାଭ, ଅଭିଷେକ ବଚ୍ଚନଙ୍କୁ ହତ୍ୟା ଧମକ, ଦିଆଗଲା ଏଭଳି ଚେତାବନୀ

ମୁମ୍ବାଇ,୧୬ା୧୧: ଗ୍ୟାଙ୍ଗଷ୍ଟର ଗୋଲ୍ଡି ଧିଲୋନ୍‌ଙ୍କଠାରୁ ମେଗାଷ୍ଟାର ଅମିତାଭ ବଚ୍ଚନ ଏବଂ ଅଭିଷେକ ବଚ୍ଚନଙ୍କୁ ହତ୍ୟା ଧମକ ମିଳିଛି। ନିକଟରେ ଦିଲ୍ଲୀ ପୋଲିସ ଗୋଲ୍ଡି ଗ୍ୟାଙ୍ଗ୍‌ର ୨ ସଦସ୍ୟ…

ଗର୍ଭରେ ଆଲିଆ ଭଟ୍ଟ ଥିବାବେଳେ ଗୋଟିଏ ଦିନରେ ୧୦୦ ସିଗାରେଟ ଟାଣୁଥିଲେ ମା’ ସୋନି ରାଜଦାନ, ନିଜେ ଖୋଲିଲେ ଗୁମର

ମୁମ୍ବାଇ:ବଲିଉଡ୍‌ର ଜଣାଶୁଣା ଅଭିନେତ୍ରୀ ସୋନି ରାଜଦାନ ନିଜ ଦମ୍‌ଦାର ଅଭିନୟ ପାଇଁ ବେଶ ପରିଚିତ। ଦୀର୍ଘଦିନ ଧରି ଫିଲ୍ମ ଇଣ୍ଡଷ୍ଟ୍ରିରେ ସକ୍ରିୟ ଥିବା ସୋନି ନିଜ ଚରିତ୍ରକୁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?