ଯାତ୍ରା ଆୟୋଜକ, ପାର୍ଟି ମ୍ୟାନେଜର, ଡ୍ୟାନ୍ସରଙ୍କ ନାଁରେ ମାମଲା

ଭୁବନେଶ୍ୱର,୧୦।୨(ବ୍ୟୁରୋ): କଟକଣା ସତ୍ତ୍ୱେ ଖଣ୍ଡଗିରି ଯାତ୍ରାରେ ନଗ୍ନ ନୃତ୍ୟ ପ୍ରଦର୍ଶନକୁ ନେଇ କଳିଙ୍ଗ ଗଣନାଟ୍ୟ ପାଇଁ ଅଡୁଆ ବଢ଼ିଛି। ପାର୍ଟି ମ୍ୟାନେଜର, ଯାତ୍ରା ଆୟୋଜକ ଓ ନଗ୍ନ ନୃତ୍ୟ ପ୍ରଦର୍ଶନ କରିଥିବା ଡ୍ୟାନ୍ସର ଲଭ୍‌ଲୀଙ୍କ ନାମରେ ଖଣ୍ଡଗିରି ଥାନାରେ ଆଇପିସି ଦଫା ୨୯୪, ୩୪ରେ ମାମଲା (ନଂ.୯୫/୨୦) ରୁଜୁ ହୋଇଛି। ପୋଲିସ ୫ ଓ ୭ ତାରିଖର ଡ୍ୟାନ୍ସ ଭିଡିଓକୁ ଯାଞ୍ଚ କରୁଛି। ଏଥିସହ ତଦନ୍ତରୁ ନଗ୍ନ ନୃତ୍ୟ ନେଇ ପ୍ରମାଣ ମିଳିବା ପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଖଣ୍ଡଗିରି ଥାନା ଅଧିକାରୀ ରଶ୍ମିରଞ୍ଜନ ମହାପାତ୍ର କହିଛନ୍ତି।
ଅନ୍ୟପକ୍ଷରେ ବିବାଦ ବଢ଼ିବା ପରେ ଡ୍ୟାନ୍ସର ଲଭ୍‌ଲୀ ଗଣମାଧ୍ୟମ ସମ୍ମୁଖକୁ ଆସି ନିଜର ପ୍ରତିକ୍ରିୟା ରଖିଛନ୍ତି। ସେ ଏଭଳି ନଗ୍ନ ନୃତ୍ୟ ପାଇଁ ଦୁଃଖ ପ୍ରକାଶ କରିବା ସହ ଏଭଳି ଆଉ କରିବେ ନାହିଁ ବୋଲି କହିଛନ୍ତି। ସେ କହିଛନ୍ତି, ସେତିକି ଟିକେ ପାଇଁ ଏମିତି ହେଉଛନ୍ତି। କିନ୍ତୁ ଭୋଜ୍‌ପୁରୀ ଡ୍ୟାନ୍ସରେ ଏହାଠୁ ଅଧିକ ହେଉଛି। ତାହାକୁ ଦେଖିଲେ ବିରୋଧ କରୁଥିବା ଲୋକେ କ’ଣ କରିବେ ବୋଲି ସେ ପ୍ରଶ୍ନ କରିଛନ୍ତି। ଡ୍ୟାନ୍ସ ଦେଖିବା ପାଇଁ ଲୋକେ ଯାତ୍ରାକୁ ଆସୁଛନ୍ତି। ଏଭଳି ଡ୍ୟାନ୍ସର ଡିମାଣ୍ଡ ରହିଥିବାରୁ ଯାତ୍ରାପାର୍ଟି ମାଲିକ ଆମକୁ ଡାକୁଛନ୍ତି। ଡ୍ୟାନ୍ସ ସରିଗଲେ ହାତ ଗଣତି ଲୋକଙ୍କୁ ଛାଡିଦେଲେ ଅନ୍ୟମାନେ ଚାଲିଯାଉଛନ୍ତି। କିନ୍ତୁ ଡ୍ୟାନ୍ସ ପାଇଁ ମୁଁ ଆଜି ନଁା କମେଇଛି। ଡ୍ୟାନ୍ସ କରିବି। ସେଥିପାଇଁ ସେଭଳି ପୋଷାକ ପିନ୍ଧିବି। ଯେଉଁ ବିଟ୍‌କୁ ନଗ୍ନତା ବୋଲି କହୁଛନ୍ତି ତାହାକୁ ଡ୍ୟାନ୍ସରେ ରଖିବି ନାହିଁ ବୋଲି ସେ କହିଛନ୍ତି।
ଏପଟେ ଗତବର୍ଷ ଖଣ୍ଡଗିରି ଯାତ୍ରାରେ ନଗ୍ନ ନୃତ୍ୟ ପ୍ରଦର୍ଶନ କରି ବିବାଦକୁ ଆସିଥିବା ରାନୀ ପଣ୍ଡା ତାଙ୍କ ସହ ଯାତ୍ରା ସଚ୍ଚିତାନନ୍ଦ ଉପରେ ଲଗାଯାଇଥିବା କଟକଣାକୁ ନେଇ କ୍ଷୋଭ ପ୍ରକାଶ କରିଛନ୍ତି। ସେ ଗଣମାଧ୍ୟମକୁ ପ୍ରତିକ୍ରିୟା ଦେବାବେଳେ କାନ୍ଦି କାନ୍ଦି କହିଛନ୍ତି, ମୋ ପାଇଁ କାହାର ପରିବାର ଅପୋଷା ନ ରହୁ। ମୋତେ ଖଣ୍ଡଗିରି ଯାତ୍ରାକୁ ବ୍ୟାନ୍‌ କଲେ ଠିକ୍‌ ଅଛି। କିନ୍ତୁ ଯାତ୍ରା ସଚ୍ଚିଦାନନ୍ଦକୁ ବ୍ୟାନ୍‌ କରିବା ଠିକ୍‌ ନ ଥିଲା। କାରଣ ଡ୍ୟାନ୍ସ ମୁଁ କରିଥିଲି, କିନ୍ତୁ ଯାତ୍ରା ସଚ୍ଚିଦାନନ୍ଦକୁ ବନ୍ଦ କରାଯିବାରୁ ସେଥିରେ କାମ କରୁଥିବା ଟେକ୍ନିସିଆନଙ୍କଠାରୁ ଆରମ୍ଭ କରି ଅନ୍ୟ କର୍ମଚାରୀଙ୍କ ପରିବାର ନାନା ସମସ୍ୟାରେ ରହିଛନ୍ତି। ସେମାନଙ୍କ ଅଭିଶାପ ମୋ ଉପରେ ପଡିବ। ନ୍ୟାୟଟା ସମସ୍ତଙ୍କ ପାଇଁ ସମାନ ହେବା ଉଚିତ। ଗତବର୍ଷ ଯାତ୍ରାରେ ନଗ୍ନ ଡ୍ୟାନ୍ସ କରିଥିବା ଅଭିଯୋଗ କରି କମିଶନରେଟ ପୋଲିସ ମୋର ଘର ପର୍ଯ୍ୟନ୍ତ ପଳାଇ ଆସିଲା। ଏବେ ପୋଲିସ କ’ଣ କରୁଛି। ଏପରି କି ପ୍ରଶାସନ, ଆୟୋଜକ ଏବଂ ବିଏମ୍‌ସି ଜାଣି ମଧ୍ୟ ଚୁପ୍‌ ରହୁଛି। ସେମାନଙ୍କ ଆଖିରେ ଏଭଳି ନଗ୍ନ ନୃତ୍ୟ ଦେଖିବାକୁ ମିଳୁନି କି ବୋଲି ରାନୀ ପ୍ରଶ୍ନ କରିଛନ୍ତି।
ଓଡ଼ିଶା ନାରୀ ସଚେତନ ମଞ୍ଚର ସଭାପତି ଡଲି ରଥ କହିଛନ୍ତି, ପୋଲିସ ଉପରେ ଆମର ଭରସା ରହିଛି। ପୋଲିସ କେବଳ ମାମଲା ରୁଜୁ କରି ବସି ପଡିଲେ ହେବ ନାହିଁ ସେମାନଙ୍କୁ ଗିରଫ କରିବା ଦରକାର। ଏହାହେଲେ ଆଗକୁ ଲଭ୍‌ଲୀ ଏଭଳି ନଗ୍ନ ନୃତ୍ୟ ପ୍ରଦର୍ଶନ କରିବେ ନାହିଁ। ଯଦି କରିବେ ଯାତ୍ରା ପାର୍ଟିର ଟିକେଟ ଏବଂ ଗେଟରେ କେବଳ ପ୍ରାପ୍ତ ବୟସ୍କଙ୍କ ପାଇଁ ଲେଖିଦିଅନ୍ତୁ। କେହି ପରିବାର ନେଇ ଯିବେ ନାହିଁ ବୋଲି ରଥ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଟ୍ରକ୍‌ ଧକ୍କାରେ ଯୁବତୀଙ୍କ ଜୀବନଗଲା: ରାସ୍ତାରୋକୋ, ଉତ୍ତେଜନା

ବେଲପାହାଡ଼,୩୦।୧୦(ଡ଼ି.ଏନ୍‌.ଏ): ଝାରସୁଗୁଡ଼ା ଜିଲା ବେଲପାହାଡ଼ ଥାନା ଅଧୀନ ଗୁମାଡ଼େରା ମୁଖ୍ୟ ରାସ୍ତାରେ ବୁଧବାର ଏକ୍‌ ଟ୍ରକ୍‌ ଧକ୍କାରେ ଜଣେ ଯୁବତୀଙ୍କ ମୃତ୍ୟୁ ଘଟିଛି। ମୃତକ ହେଲେ...

ଅନୁପଙ୍କୁ ରାତିଅଧିଆ ମାରାଥନ ଜେରା

ଝାରସୁଗୁଡ଼ା, ୨୨।୨(ଡି.ଏନ.ଏ.): ବହୁ ଚର୍ଚ୍ଚିତ କଳ୍ପନା ଦାଶ ଓ ତାଙ୍କ ଝିଅ ବବ୍‌ଲି ହତ୍ୟା ଘଟଣାରେ ପୂର୍ବତନ ବିଧାୟକ ଅନୁପ ସାଏଙ୍କୁ ଛତିଶଗଡ ପୋଲିସ ମାରାଥନ...

ଜାତୀୟ ଷ୍ଟ୍ରିଟ୍‌ ଫୁଡ୍‌ ଫେଷ୍ଟିଭାଲରେ ବାବୁଲା ଦହିବରା ପୁରସ୍କୃତ

କଟକ ଅଫିସ,୧୮ା୧: ନୂଆଦିଲ୍ଲୀର ଜବାହରଲାଲ ନେହେରୁ ଷ୍ଟାଡିୟମରେ ୧୧ତମ ଜାତୀୟ ଷ୍ଟ୍ରିଟ୍‌ ଫୁଡ୍‌ ଫେଷ୍ଟିଭାଲ ଅନୁଷ୍ଠିତ ହୋଇଯାଇଛି। ଏଥିରେ କଟକ ଦେଉଳସାହିର ପ୍ରଦୀପ୍ତ କୁମାର ସାହୁ...

ସୁପ୍ରିମକୋର୍ଟରେ ଖାରଜ ହେଲା ଶ୍ରୀମନ୍ଦିର ମାମଲା

ପୁରୀ ଅଫିସ, ୨୭।୮: ଶ୍ରୀମନ୍ଦିର ଚତୁଃପାର୍ଶ୍ୱରୁ ୭୫ ମିଟର ପର୍ଯ୍ୟନ୍ତ ଉଚ୍ଛେଦ ପ୍ରସଙ୍ଗ ନେଇ ସୁପ୍ରିମ୍‌କୋର୍ଟରେ ୨ଟି ମାମଲା ରୁଜୁ ହୋଇଥିଲା। ଏହାକୁ ମଙ୍ଗଳବାର ସୁପ୍ରିମକୋର୍ଟ...

ଝାରସୁଗୁଡ଼ାରେ ହସ୍ପିଟାଲ ଥାଇବି କରୋନା ଆକ୍ରାନ୍ତଙ୍କୁ ପଠାଗଲା ରାଉରକେଲା, ବିଭିନ୍ନ ମହଲରୁ ସମାଲୋଚନାର ସ୍ବର

ଝାରସୁଗୁଡା ଅଫିସ,୩୦ା୪- ପଶ୍ଚିମବଙ୍ଗରୁ ଝାରସୁଗୁଡା ଜିଲା ବ୍ରଜରାଜନଗର ଅଞ୍ଚଳକୁ ଆସିଥିବା ଜଣେ ଯୁବତୀ ବୁଧବାର କରୋନା ପଜିଟିଭ୍‌ ଚିହ୍ନଟ ହୋଇଥିଲେ। ଏହାପରେ ଜିଲା ପ୍ରଶାସନ ପକ୍ଷରୁ...

ଆଜି ରାଜ୍ୟରୁ ୯୮୬ କରୋନା ଆକ୍ରାନ୍ତ ଚିହ୍ନଟ, ମୁଣ୍ଡବ୍ୟଥାର କାରଣ ପାଲଟିଛି ଖୋର୍ଦ୍ଧା

ଭୁବନେଶ୍ୱର,୨୦ା୮(ବ୍ୟୁରୋ): ଶୁକ୍ରବାର ରାଜ୍ୟରୁ ୯୮୬ ପଜିଟିଭ୍‌ ଚିହ୍ନଟ ହୋଇଛନ୍ତି। ଏହାକୁ ମିଶାଇ ରାଜ୍ୟରେ ବର୍ତ୍ତମାନ ମୋଟ୍‌ କରୋନା ଆକ୍ରାନ୍ତଙ୍କ ସଂଖ୍ୟା ୯,୯୯,୯୧୩ରେ ପହଞ୍ଚିଥିବା ରାଜ୍ୟ ସୂଚନା...

ପଲିଥିନ ତଳେ ଜୀବନ

କପ୍ତିପଦା,୧୭ା୩(ଡି.ଏନ୍‌.ଏ)- ସରକାର ଗରିବ ସୀମାରେଖା ତଳେ ଥିବା ହିତାଧିକାରୀଙ୍କୁ ଗ୍ରାମୀଣ ଗୃହ ନିର୍ମାଣ ଯୋଜନାରେ ପକ୍କା ଘର ପ୍ରଦାନ ପାଇଁ ନିୟମ କରିଛନ୍ତି ା ଯୋଗ୍ୟ...

ମଇଦାନରେ ୨୦୪ ପ୍ରାର୍ଥୀ

ଅନୁଗୋଳ ଅଫିସ,,୧୫।୩ ଅନୁଗୋଳ ଜିଲାରେ ପୌର ନିର୍ବାଚନ ପାଇଁ ପ୍ରାର୍ଥୀ ତାଲିକା ଚୂଡ଼ାନ୍ତ ହୋଇଛି। ସୋମବାର ପ୍ରାର୍ଥତ୍ପତ୍ର ପ୍ରତ୍ୟାହାର ସମୟ ସୀମା ଶେଷ ହେବା ପରେ...

Advertisement
Archives

Model This Week