”ଯାତ୍ରାରେ ପରିଚାଳକର ଭୂମିକା ବାପାଙ୍କ ଭୂମିକାଠୁ କମ୍‌ ନୁହେଁ“: ପ୍ରଜିତ କୁମାର ରାଉତରାୟ

”ଗୋଟିଏ ପରିବାରରେ ଜଣେ ବାପାଙ୍କ ଭୂମିକା ଯାହା ଗୋଟିଏ ଯାତ୍ରାପାର୍ଟିରେ ଜଣେ ପରିଚାଳକଙ୍କ ଭୂମିକା ଅବିକଳ ସେଇଆ। ପାର୍ଟି ଭିତରେ ସମତୂଲ ବଜାୟ ରଖିବା ସହିତ ସବୁବେଳେ ବ୍ୟକ୍ତିଗତ ଲାଭକ୍ଷତିକୁ ଭୁଲି କେବଳ ଅନୁଷ୍ଠାନର ମଙ୍ଗଳ କାମନା କରିବା ହେଉଛି ଜଣେ ପରିଚାଳକଙ୍କ ଧର୍ମ!“

ନିଜର ଭୂମିକା ବିଷୟରେ ସୂଚନା ଦେବାକୁ ଯାଇ ଏଭଳି ଏକ ମାର୍ଜିତ ମନ୍ତବ୍ୟ ଦିଅନ୍ତି ଯାତ୍ରାଜଗତର ଅନ୍ୟତମ ପ୍ରତିଭାବାନ ଯୁବ ପରିଚାଳକ ପ୍ରଜିତ କୁମାର ରାଉତରାୟ ଓରଫ ଟିଲୁଭାଇ। ତାଙ୍କର ପରିଚାଳକ ହେବା ପଛରେ ସେ ଦୁଇଜଣଙ୍କ ଭୂମିକାକୁ ସ୍ବୀକାର କରନ୍ତି ଆଉ ସେମାନଙ୍କ ଆଦର୍ଶକୁ ଧରି ବାଟ ଚାଲୁଛନ୍ତି ବୋଲି ପ୍ରକାଶ କରନ୍ତି। ଜଣେ ହେଉଛନ୍ତି ଦିବଂଗତ ଚିନୁଭାଇ। ଅନ୍ୟଜଣେ ହେଉନ୍ତି ତାଙ୍କର ଗୁରୁସମ ‘ଭାଇନା’। ସେ କହନ୍ତି, ମୁଁ ଭାଇନା (ନୟନ କୁମାର ଆଚାର୍ଯ୍ୟ)ଙ୍କ ଠାରୁ ଜଣେ ପରିଚାଳକ ହେବାର କଳା ଶିଖିଛି। ଆଉ ତାହାକୁ ପ୍ରୟୋଗକରି ଆଗକୁ ଆଗକୁ ଚାଲିଛି।

ଜଣେ ପରିଚାଳକ ଭାବରେ ଆଜି ନିଜର ଏକ ସ୍ବତନ୍ତ୍ର ପରିଚୟ ତିଆରି କରି ପାରିଥିବା ‘ଟିଲୁଭାଇ’ଙ୍କର ଯାତ୍ରା କ୍ୟାରିୟର ଆରମ୍ଭ ହୋଇଥିଲା ଜଣେ ଅଭିନେତା ଭାବରେ। ଏହା ୧୯୯୦ ମସିହାର କଥା। ସେ ତ ଆଗରୁ ଗଁା ଡ୍ରାମାରେ ପାର୍ଟ କରୁଥିଲେ। ଅଭିମନ୍ୟୁ ଭୂମିକାରେ ତାଙ୍କର ଅଭିନୟକୁ ଗଁାର ବୟୋଜ୍ୟେଷ୍ଠ ଲୋକମାନେ ଏବେ ମଧ୍ୟ ମନେ ରଖିଛନ୍ତି। ଯାତ୍ରା ପ୍ରତି ମନରେ ରୁଚି ଥିଲା। ସେଥିଲାଗି ସେ ‘ଜଗଜ୍ଜନନୀ ଅପେରା’ରେ ଯୋଗଦେଲେ। ଆଉ ପାର୍ଶ୍ୱନାୟକ ଭାବରେ ଅଭିନୟ କଲେ। ୧୯୯୦ରୁ ୧୯୯୪ ପର୍ଯ୍ୟନ୍ତ ସେ ‘ଜଗଜ୍ଜନନୀ’ରେ ଅଭିନେତା ଭାବରେ କାମ କଲେ। ‘ନାଲି ଟୁକୁଟୁକୁ ସାଧବ ବୋହୂ’, ‘କଣ୍ଢେଇ ଦେଖେଇ ଭଣ୍ଢେଇ ଦେଲି’, ‘ମୋ ଛବି ବହି’, ‘ମିନିଲୋ! ତୋର ଅଧେକୁ ମୋର ଅଧେ’ ଭଳି ନାଟକରେ ଅଭିନୟ କରି ସେ ଦର୍ଶକଙ୍କ ପ୍ରିୟପାତ୍ର ହୋଇ ପାରିଥିଲେ। ତେବେ ତାଙ୍କ ଭିତରେ ଜଣେ ପରିଚାଳକ ହେବାର କଳା ମଧ୍ୟ ରହିଥିଲା। ୧୯୯୫ରେ ସେ ଭାଇନା ଅର୍ଥାତ୍‌ ନୟନ କୁମାର ଆଚାର୍ଯ୍ୟଙ୍କ ସହିତ ସହ-ପରିଚାଳକ ଭାବରେ କାମ କଲେ। ‘ପାର୍ବତୀ’, ‘ତ୍ରିନାଥ’, ‘ପଞ୍ଚଶଖା’, ‘ତ୍ରିରଙ୍ଗା’, ’ବ୍ଲ’ୁ, ‘ରେଡ’, ‘ଗୌରୀ’ ଆଦି ଅନୁଷ୍ଠାନରେ କାମ କରି ସେ ପରିଚାଳକ ହେବାର କଳାକୌଶଳ ହାସଲ କଲେ। ଚଳିତବର୍ଷ ସେ ‘ସ୍ବପ୍ନମହଲ’ର ପରିଚାଳକ ଭାବରେ ଦାୟିତ୍ୱ ଗ୍ରହଣ କରିଛନ୍ତି। ଜଣେ ପରିଚାଳକ ଭାବରେ ଅନୁଭୂତି କିପରି ବୋଲି ପ୍ରଶ୍ନର ଉତ୍ତର ଦେଇ ଟିଲୁଭାଇ କହନ୍ତି : ନିଶ୍ଚିତ ଭାବରେ ରିସ୍କ କାମ। ତଥାପି ଅନେକ ଭଲ ଅନୁଭୂତି ଅଛି। ଗୋଟିଏ ପାର୍ଟିକୁ ଠିକ ଦିଶା ଦେବାରେ ଯେଉଁ ଆନନ୍ଦ ତାହା ଅନ୍ୟ କୋଉଠି ମିଳିବ ନାହିଁ।’ ଅନେକ ଯାତ୍ରାପାର୍ଟିରେ ଅଭିନେତାମାନଙ୍କୁ ଦଳର ପରିଚାଳକ ଭାବରେ ଦାୟିତ୍ୱ ଦିଆଯିବା ପ୍ରସଙ୍ଗରେ ତାଙ୍କର ସ୍ପଷ୍ଟମତ, ଅଭିନେତାଟିଏ ଅଭିନୟ କରୁ। ଯଦି ପରିଚାଳକ ହେବ ତ ପରିଚାଳକ ହେଉ। ମାତ୍ର ଏକସଙ୍ଗରେ ଅଭିନୟ ଆଉ ପାର୍ଟି ପରିଚାଳନା ଅସମ୍ଭବ। ନା ଅଭିନୟରେ ଏକାଗ୍ରତା ରହିବ। ନା ପାର୍ଟିର ଠିକ ପରିଚାଳନା ହେବ। ଏହା ସମ୍ପୂର୍ଣ୍ଣ ଏକ ଭୁଲ ନିଷ୍ପତ୍ତି। ଏହାର ଫଳ କେବେ ବି ଶୁଭଙ୍କର ନୁହେଁ। ଚଳିତବର୍ଷ ତାଙ୍କ ପରିଚାଳିତ ‘ସ୍ବପ୍ନମହଲ’ ସଫଳତାର ଶିଡ଼ି ଚଢ଼ି ଚାଲୁଥିବା ବେଳେ ଆଗକୁ ମଧ୍ୟ ଏହାର ପୁନରାବୃତ୍ତି ଘଟିବ ବୋଲି ସେ ଆଶାବାଦୀ।


Enter your email to get our daily news in your inbox.

All Right Reserved By Dharitri.Com

ରାମ କେବଳ ଏକ ଧର୍ମର ନୁହନ୍ତି, ସବୁ ଭାରତୀୟଙ୍କ ରକ୍ତରେ ଅଛନ୍ତି: ଚର୍ଚ୍ଚାରେ ଜାଭେଦ ଅଖତରଙ୍କ ମନ୍ତବ୍ୟ

ବିଶିଷ୍ଟ ଗୀତିକାର ଓ ପଟ୍ଟକଥା ଲେଖକ ଜାଭେଦ ଅଖତର ଭଗବାନ ଶ୍ରୀରାମଙ୍କ ପ୍ରଶଂସା କରି କହିଛନ୍ତି। ରାମ ଏକ ପୂଜନୀୟ ବ୍ୟକ୍ତିତ୍ୱ। ତାଙ୍କ ମହତ୍ତ୍ୱ କୌଣସି ଗୋଟିଏ…

୨୫ ବର୍ଷ ପରେ କରିନା-ହ୍ରିତିକଙ୍କ କମବ୍ୟାକ୍! କରଣ ଜୋହରଙ୍କ ଭିଡ଼ିଓ ପରେ…

ମୁମ୍ବାଇ: ବଲିଉଡରେ ବିଶିଷ୍ଟ ନିର୍ଦ୍ଦେଶକ କରଣ ଜୋହର ଏପରି ଅନେକ ଯୋଡ଼ିକୁ ପରଦାକୁ ଆଣିଛନ୍ତି, ଯେଉଁମାନେ ଆଜି ମଧ୍ୟ ଦର୍ଶକଙ୍କର ଅତି ପ୍ରିୟ। ଏହିପରି ଏକ ଯୋଡ଼ି…

ଅମିତାଭ, ଅଭିଷେକ ବଚ୍ଚନଙ୍କୁ ହତ୍ୟା ଧମକ, ଦିଆଗଲା ଏଭଳି ଚେତାବନୀ

ମୁମ୍ବାଇ,୧୬ା୧୧: ଗ୍ୟାଙ୍ଗଷ୍ଟର ଗୋଲ୍ଡି ଧିଲୋନ୍‌ଙ୍କଠାରୁ ମେଗାଷ୍ଟାର ଅମିତାଭ ବଚ୍ଚନ ଏବଂ ଅଭିଷେକ ବଚ୍ଚନଙ୍କୁ ହତ୍ୟା ଧମକ ମିଳିଛି। ନିକଟରେ ଦିଲ୍ଲୀ ପୋଲିସ ଗୋଲ୍ଡି ଗ୍ୟାଙ୍ଗ୍‌ର ୨ ସଦସ୍ୟ…

ଗର୍ଭରେ ଆଲିଆ ଭଟ୍ଟ ଥିବାବେଳେ ଗୋଟିଏ ଦିନରେ ୧୦୦ ସିଗାରେଟ ଟାଣୁଥିଲେ ମା’ ସୋନି ରାଜଦାନ, ନିଜେ ଖୋଲିଲେ ଗୁମର

ମୁମ୍ବାଇ:ବଲିଉଡ୍‌ର ଜଣାଶୁଣା ଅଭିନେତ୍ରୀ ସୋନି ରାଜଦାନ ନିଜ ଦମ୍‌ଦାର ଅଭିନୟ ପାଇଁ ବେଶ ପରିଚିତ। ଦୀର୍ଘଦିନ ଧରି ଫିଲ୍ମ ଇଣ୍ଡଷ୍ଟ୍ରିରେ ସକ୍ରିୟ ଥିବା ସୋନି ନିଜ ଚରିତ୍ରକୁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?