ଯଲିଉଡ୍‌ରେ ରତି-ପ୍ରମିଳାଙ୍କ ସଫଳ ଯାତ୍ରା

ଯୋଡ଼ି ଗଢ଼ିବା ମଣିଷ ହାତରେ ନ ଥାଏ। ଥାଏ ବିଧାତାଙ୍କ ହାତରେ। ସେଇଥିପାଇଁ ତ ବର୍ଷ ପରେ ବର୍ଷ ସିନା ବିତି ଯାଉଥାଏ। ହେଲେ ଯୋଡ଼ିର ଚମକ କମୁ ନ ଥାଏ। ଯାତ୍ରା ଜଗତର ସେମିତି ଏକ ଯୋଡ଼ି ହେଉଛନ୍ତି ରତି-ପ୍ରମିଳା। ଦୀର୍ଘ ଦୁଇ ଦଶନ୍ଧିରୁ ଅଧିକ ହେବ ଏହି ଯୋଡ଼ି ଯଲିଉଡ୍‌ରେ ସେମାନଙ୍କର ଜଲଓ୍ବା ଦେଖେଇ ଚାଲିଛନ୍ତି। ଦିନକୁଦିନ ସେମାନଙ୍କର ଚମକ ବଢୁଛି ସିନା ଫିକା ପଡ଼ିବାର ନଁା ଧରୁନି। ଦର୍ଶକମାନେ ଏହି ଯୋଡ଼ିକୁ ସେମାନଙ୍କର ଅତି ଆପଣାର ଯୋଡ଼ି ଭାବରେ ଗ୍ରହଣ କରି ନେଇଛନ୍ତି। ପୂର୍ବରୁ ମୁଖ୍ୟତଃ ନାୟକ ନାୟିକା ଭାବରେ ଅବତୀର୍ଣ୍ଣ ହେଉଥିବା ବେଳେ ଏବେ ଏହି ଯୋଡ଼ି ମଞ୍ଚ ଉପରେ ବାପାମା’ ଭାବରେ ଦେଖା ଦେଉଛନ୍ତି। ରତିକାନ୍ତ ଲେଙ୍କା ଓ ତାଙ୍କର ଅଭିନେତ୍ରୀ ପତ୍ନୀ ପ୍ରମିଳା ଲେଙ୍କା ଇତିମଧ୍ୟରେ ଯଲିଉଡ୍‌ରେ ବହୁ ପଥ ଅତିକ୍ରମ କରି ସାରିଲେଣି। ‘ବାଣେଶ୍ୱରୀ’, ‘ଯାତ୍ରା ତ୍ରିରଙ୍ଗା’, ‘ଦୁର୍ଗାଶ୍ରୀ’, ‘ଅପେରା ଓମ୍‌ଶ୍ରୀ’, ‘ତ୍ରିନାଥ ଗଣନାଟ୍ୟ’, ‘ଇନ୍ଦ୍ରମହଲ’ ଆଦି ଅନୁଷ୍ଠାନରେ ନିଜର ଅଭିନୟର ଯାଦୁ ପ୍ରଦର୍ଶନ କରି ଅଶେଷ ପ୍ରଶଂସା ସାଉଣ୍ଟିଛନ୍ତି। ‘କଲଗର୍ଲ’, ‘ବାସନ୍ତୀର ଚିଠି’, ‘ଚୁପ୍‌ଚାପ୍‌ ରାତି ଟୁପ୍‌ଟାପ୍‌ କଥା’, ‘ଆସିଛି ମଙ୍ଗଳ ଗ୍ରହର ଝିଅ’, ‘ମୁଁ ତୋର କ’ଣ ହେବି’, ‘ବାଘମାମୁ’, ‘ଗୋଟିଏ ଝିଅରେ କୋଟିଏ ତୁ’, ‘ଗଙ୍ଗା ପାପକଲେ ଧୋଇବ କିଏ’, ‘ଶ୍ରୀକୃଷ୍ଣ ମୋର ଶେଷସାକ୍ଷୀ’, ‘ବଡ଼ଲୋକକୁ ଉତ୍ତର ନାହିଁ’, ‘ଉର୍ବଶୀ ଆସୁଛି ଇନ୍ଦ୍ରମହଲ’ ଆଦି ନାଟକରେ ଏହି ଦୁଇ ଯୋଡ଼ିଙ୍କର ରହିଛି ଚମତ୍କାର ଅଭିନୟ। ଭଦ୍ରକର ମାନ୍ତପୁର ଗ୍ରାମରେ ପ୍ରମିଳାଙ୍କ ଜନ୍ମ। ପ୍ରମିଳାଙ୍କର ଦୁଇ ଭଉଣୀ ଥିଲେ ଜଣେ ଜଣେ ସଫଳ ଅଭିନେତ୍ରୀ। ସେମାନଙ୍କ ପ୍ରେରଣାରେ ଅନୁପ୍ରେରିତ ହୋଇ ପ୍ରମିଳା ମାତ୍ର ୧୪ବର୍ଷ ବୟସରେ ଯାତ୍ରାରେ ପାଦ ଥାପିଥିଲେ। ପ୍ରଥମେ ଶିଶୁ କଳାକାର, ପରେପରେ ସାନଭଉଣୀ ଭୂମିକା ଏବଂ ଶେଷରେ ନାୟିକା ଭୁମିକାରୁ ଆସି ଏବେ ମା’ ଭୂମିକାରେ ପାଦ ଥାପିଲେଣି ଏହି ଅଭିଜ୍ଞା ଅଭିନେତ୍ରୀ। ବାଲେଶ୍ୱର ପଣପଣା ଗ୍ରାମରେ ଜନ୍ମ ରତିକାନ୍ତଙ୍କର। ଏହି ଦମ୍ପତି ଯାତ୍ରାରେ ଯେତିକି ସଫଳ ପାରିବାରିକ ଜୀବନରେ ମଧ୍ୟ ତା’ଠୁ ବେଶି ସଫଳ। ଗୋଟିଏ କଥାରେ କହିବାକୁ ଗଲେ, ଯାତ୍ରାକୁ ଗୁରୁତ୍ୱ ଦେଇ ସେମାନେ ପରିବାରକୁ ଅବହେଳା କରିନାହାନ୍ତି। ବରଂ ଯାତ୍ରା ସହିତ ପରିବାରକୁ ବେଶ୍‌ ସମାନ୍ତରାଳ ଭାବରେ ଆଗକୁ ନେଇ ପାରିଛନ୍ତି ଏହି ସଫଳ ଯୋଡ଼ି। ଦୁଇପୁଅ ସମୀର ଓ ଦିବ୍ୟଶେଖରଙ୍କୁ ନେଇ ତାଙ୍କର ସଂସାରର ଗାଡ଼ି ଆଗକୁ ଗଡ଼ିଗଡ଼ି ଚାଲିଛି। ସମ୍ପ୍ରତି ଏହି ସଫଳଯୋଡ଼ି ‘ଯାତ୍ରା ସ୍ବପ୍ନମହଲ’ରେ ନିଜର ଅଭିନୟ ଜାରି ରଖିଛନ୍ତି। ‘ସ୍ବପ୍ନ ମହଲ’ରେ ସେମାନେ ଅଭିନୟ କରୁଥିବା ନାଟକଗୁଡ଼ିକ ମଧ୍ୟରେ ରହିଛି ‘ଆପଣମାନେ ଖୁସି ତ’, ‘ବାପା ବୋଉ ତମେ ଭୁଲକଲ’, ‘ବାଦଶାହ’, ‘ସ୍ବପ୍ନ ମହଲର ସ୍ବପ୍ନା’।


Enter your email to get our daily news in your inbox.

All Right Reserved By Dharitri.Com

ରାମ କେବଳ ଏକ ଧର୍ମର ନୁହନ୍ତି, ସବୁ ଭାରତୀୟଙ୍କ ରକ୍ତରେ ଅଛନ୍ତି: ଚର୍ଚ୍ଚାରେ ଜାଭେଦ ଅଖତରଙ୍କ ମନ୍ତବ୍ୟ

ବିଶିଷ୍ଟ ଗୀତିକାର ଓ ପଟ୍ଟକଥା ଲେଖକ ଜାଭେଦ ଅଖତର ଭଗବାନ ଶ୍ରୀରାମଙ୍କ ପ୍ରଶଂସା କରି କହିଛନ୍ତି। ରାମ ଏକ ପୂଜନୀୟ ବ୍ୟକ୍ତିତ୍ୱ। ତାଙ୍କ ମହତ୍ତ୍ୱ କୌଣସି ଗୋଟିଏ…

୨୫ ବର୍ଷ ପରେ କରିନା-ହ୍ରିତିକଙ୍କ କମବ୍ୟାକ୍! କରଣ ଜୋହରଙ୍କ ଭିଡ଼ିଓ ପରେ…

ମୁମ୍ବାଇ: ବଲିଉଡରେ ବିଶିଷ୍ଟ ନିର୍ଦ୍ଦେଶକ କରଣ ଜୋହର ଏପରି ଅନେକ ଯୋଡ଼ିକୁ ପରଦାକୁ ଆଣିଛନ୍ତି, ଯେଉଁମାନେ ଆଜି ମଧ୍ୟ ଦର୍ଶକଙ୍କର ଅତି ପ୍ରିୟ। ଏହିପରି ଏକ ଯୋଡ଼ି…

ଅମିତାଭ, ଅଭିଷେକ ବଚ୍ଚନଙ୍କୁ ହତ୍ୟା ଧମକ, ଦିଆଗଲା ଏଭଳି ଚେତାବନୀ

ମୁମ୍ବାଇ,୧୬ା୧୧: ଗ୍ୟାଙ୍ଗଷ୍ଟର ଗୋଲ୍ଡି ଧିଲୋନ୍‌ଙ୍କଠାରୁ ମେଗାଷ୍ଟାର ଅମିତାଭ ବଚ୍ଚନ ଏବଂ ଅଭିଷେକ ବଚ୍ଚନଙ୍କୁ ହତ୍ୟା ଧମକ ମିଳିଛି। ନିକଟରେ ଦିଲ୍ଲୀ ପୋଲିସ ଗୋଲ୍ଡି ଗ୍ୟାଙ୍ଗ୍‌ର ୨ ସଦସ୍ୟ…

ଗର୍ଭରେ ଆଲିଆ ଭଟ୍ଟ ଥିବାବେଳେ ଗୋଟିଏ ଦିନରେ ୧୦୦ ସିଗାରେଟ ଟାଣୁଥିଲେ ମା’ ସୋନି ରାଜଦାନ, ନିଜେ ଖୋଲିଲେ ଗୁମର

ମୁମ୍ବାଇ:ବଲିଉଡ୍‌ର ଜଣାଶୁଣା ଅଭିନେତ୍ରୀ ସୋନି ରାଜଦାନ ନିଜ ଦମ୍‌ଦାର ଅଭିନୟ ପାଇଁ ବେଶ ପରିଚିତ। ଦୀର୍ଘଦିନ ଧରି ଫିଲ୍ମ ଇଣ୍ଡଷ୍ଟ୍ରିରେ ସକ୍ରିୟ ଥିବା ସୋନି ନିଜ ଚରିତ୍ରକୁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?