ମୌସୁମୀ ନିଷ୍କ୍ରିୟ, ଚାଷୀ ହତାଶ:୧୬,୮୪୩ ହେକ୍ଟର ଜମି ପଡ଼ିଆ

ରୂପ୍‌ସା, ୧୯।୭-ଚଳିତବର୍ଷ ବର୍ଷା ନିୟମିତ ହେଉ ନ ଥିବାରୁ ଧାନ ଅମଳ ହେବାର ସମ୍ଭାବନା କ୍ଷୀଣ ହୋଇଛି। ବର୍ଷା ଅଭାବରୁ ଚାଷୀ ହାତ ବାନ୍ଧି ବସିଛି। ମୌସୁମୀ ସକ୍ରିୟ ହେଉ ନ ଥିବାରୁ ଆଦୌ ବର୍ଷା ହେଉନାହଁି। ଜୁଲାଇ ମାସର ୧୮ ଦିନ ବିତିଗଲାଣି। ହେଲେ ପାଣି ଅଭାବ ଯୋଗୁ ଚାଷକାମ ସମ୍ପୂର୍ଣ୍ଣ ବାଧାପ୍ରାପ୍ତ ହୋଇଛି। ଚାଷୀ ହତାଶ ହୋଇ ବର୍ଷାକୁ ଅନେଇ ବସିଛିି। ବାଲେଶ୍ୱର ଜିଲା ବସ୍ତା ବ୍ଲକର ୧୬ହଜାର ୮୪୩ ହେକ୍ଟର ଜମିରେ ଜଳ ଅଭାବରୁ ଏଯାବତ୍‌ ଚାଷ ହୋଇ ନ ପାରି ପଡ଼ିଆ ପଡ଼ିଛି।
ବାଲେଶ୍ୱର ସଦର ବ୍ଲକର କଷିପଦା, ରୂପ୍‌ସା, ଆଙ୍କୋ, ହଳଦୀପଦା, ଛାନୁଆ, ବାହାବଳପୁର, ଶ୍ରୀରାମପୁର, ରସଲପୁର, ସାର୍ଥା, କଷାଫଳ ଆଦି ପଞ୍ଚାୟତ ସମେତ ବସ୍ତା ବ୍ଲକର ଗଡ଼ପଦା, ରାଉତପଡ଼ା, ମଥାନୀ, ଦୁଧହଂସା, ବାହାର୍ଦ୍ଦା, ତାଡ଼ଦା, ପାଉଁଶକୁଲି ଆଦି ପଞ୍ଚାୟତରେ ଜଳାଭାବ ଯୋଗୁ ବହୁ ଜମି ପଡ଼ିଆ ପଡ଼ିଛି। ଯେଉଁ ଜମିରେ ତଳି ପଡ଼ିଥିଲା ତାହା ବର୍ଷା ଅଭାବରୁ ଗଜା ମରୁଡ଼ି ହୋଇଛି। ଧାନଚାଷ ଉପରେ ନିର୍ଭର କରୁଥିବା ଚାଷୀକୁଳ ମୁଣ୍ଡରେ ହାତ ଦେଇ ବସିଛନ୍ତି। ବିଭିନ୍ନ ସ୍ଥାନରେ ଜମି ଫାଟି ଆଁ କରିଛି।
ସହକାରୀ କୃଷି ଅଧିକାରୀ ସୋମନାଥ ରଣାଙ୍କ ସୂଚନା ଅନୁଯାୟୀ ବସ୍ତା ବ୍ଲକର ମୋଟ ୩୧ଟି ପଞ୍ଚାୟତରେ ୨୦ହଜାର ୧୬୯ହେକ୍ଟର ଚାଷ ଉପଯୋଗୀ ଜମି ରହିଛି। ସେଥିମଧ୍ୟରୁ ୧୨ହଜାର ୨୪୮ହେକ୍ଟର ଜଳସେଚିତ ଓ ୭ହଜାର ୯୨୧ହେକ୍ଟର ଜମି ଅଣ ଜଳସେଚିତ ଅଟେ। ୧୨୩୦ ହେକ୍ଟର ଅଣଧାନ ଜମିରୁ ୯୦୭ହେକ୍ଟରରେ ପନିପରିବା, ଲଙ୍କା, ହଳଦୀ, ଅଦା, ପିଆଜ ଆଦି ମସଲା ଜାତୀୟ ଚାଷ କରାଯାଇଛି। ମୋଟ୍‌ ୧୮ହଜାର ୯୩୯ ହେକ୍ଟର ଧାନ ଚାଷ ଜମିରୁ ବର୍ତ୍ତମାନ ସୁଦ୍ଧା ମାତ୍ର ୨୨୪ହେକ୍ଟର ଜମିରେ ବୁଣା ଓ ରୁଆ କାର୍ଯ୍ୟ ସରିଛି। ୧୮୭୨ ହେକ୍ଟର ଜମିରେ ତଳି ପଡ଼ିଛି। ଅବଶିଷ୍ଟ ୧୬ହଜାର ୮୪୩ ହେକ୍ଟର ଜମିରେ ଜଳ ଅଭାବରୁ ଏଯାବତ୍‌ ଚାଷ ହୋଇ ନ ପାରି ପଡ଼ିଆ ପଡ଼ିଛି। ବୁଣା, ରୁଆ ଯାଇଥିବା ଜମି ଓ ତଳି ପଡ଼ିଥିବା ଜମିରେ ବର୍ଷା ଅଭାବରୁ ଗଛ ମରିବାକୁ ବସିଛି। ଶାହାଡ଼ା, ଇଡ଼ିଦା ଓ ନାଇକୁଡ଼ି ଆଦିି ପଞ୍ଚାୟତର ୫ଶହ ଚାଷୀଙ୍କୁ ଧାଡ଼ିରୁଆ ପଦ୍ଧତିରେ ହେକ୍ଟର ପ୍ରତି ୪୦କେଜି ହିସାବରେ ମୋଟ୍‌ ୨ଶହ ହେକ୍ଟର ଚାଷ ପାଇଁ ୮୦ କୁଇଣ୍ଟାଲ ବିହନ ମାଗଣା ଦିଆଯାଇଥିଲା। ହେଲେ ବର୍ଷା ଅଭାବରୁ ଚାଷୀର ଜୀବିକା ଅର୍ଜନ ଆଶା ଫସର ଫାଟିଛି। ସହକାରୀ କୃଷି ଅଧିକାରୀ ସୋମନାଥ ରଣା କହିଛନ୍ତି ଯେ, ଜୁନ ମାସରେ ବସ୍ତା ବ୍ଲକରେ ହେବାକୁ ଥିବା ୨୫୩ ମି.ମି. ବର୍ଷାରୁ ୧୦୫ମି.ମି. ଓ ଜୁଲାଇରେ ୨୫୯ମି.ମି.ରୁ ୧୨୭ମି.ମି. ବର୍ଷା ହୋଇଛି। ଧାନଚାଷ ବାଧାପ୍ରାପ୍ତ ହେଲେ ସରକାରୀ ସ୍ତରରେ ଅନ୍ୟ ଚାଷର ସୁବିଧା ବ୍ୟବସ୍ଥା ରହିଛି। ଅଣଋଣୀ ଚାଷୀ ଜୁଲାଇ ୩୧ ତାରିଖ ସୁଦ୍ଧା କୃଷି କାର୍ଯ୍ୟାଳୟ ଓ କମନ ସର୍ଭିସ୍‌ ସେଣ୍ଟରରେ ସରକାରୀ ବୀମା ଯୋଜନାରେ ସାମିଲ ହେଲେ ସହାୟତା ପାଇବାରୁ ବଞ୍ଚତ୍ତ ହେବେ ନାହଁି। କୃଷି ବିଭାଗ ତରଫରୁ ଜିଲାବ୍ୟାପୀ ପ୍ରଧାନମନ୍ତ୍ରୀ ଫସଲ ବୀମା ଯୋଜନା ସମ୍ପର୍କରେ ସଚେତନତା ରଥ ପରିକ୍ରମା କରୁଛି।

(ବାଞ୍ଛାନିଧି ଦେ)


Enter your email to get our daily news in your inbox.

All Right Reserved By Dharitri.Com

କୋଚିଂ ସେଣ୍ଟରରେ ଅଗ୍ନି ନିରାପତ୍ତା ଚିନ୍ତା

ବାଲେଶ୍ୱର ଅଫିସ, ୨୭।୫-ଗୁଜୁରାଟର ସୁରଟ ଜିଲା ଅନ୍ତର୍ଗତ ସୁରଥନା ଅଞ୍ଚଳର ଏକ ଘରୋଇ କୋଚିଂ ସେଣ୍ଟରରେ ଗତ ଶୁକ୍ରବାର ଅଗ୍ନିକାଣ୍ଡ ଘଟି ୨୦ଜଣ ଛାତ୍ରୀଛାତ୍ର ମୃତ୍ୟୁବରଣ...

୧୦୮ ଓ ୧୦୨ ଆମ୍ବୁଲାନ୍ସ ସେବାରେ ରେକର୍ଡ

ଭୁବନେଶ୍ୱର,୧୬ା୫ (ବ୍ୟୁରୋ): ଲକ୍‌ଡାଉନ୍‌ ଜାରି ରହିଥିବାବେଳେ ମାର୍ଚ୍ଚ ଓ ଏପ୍ରିଲ୍‌ରେ ୧୦୮ ଏବଂ ୧୦୨ ଆମ୍ବୁଲାନ୍ସ ରେକର୍ଡ ସଂଖ୍ୟକ ରୋଗୀଙ୍କୁ ଜରୁରୀକାଳୀନ ସେବା ଯୋଗାଇଛି। ମୟୂରଭଞ୍ଜରେ...

ବାରଣ୍ଡାରେ ଚାଲିଛି ପାଠପଢ଼ା

ହାଟଡ଼ିହୀ, ୩୧।୭ (ଡି.ଏନ.ଏ.)-ସରକାର ଅଙ୍ଗନୱାଡ଼ି ପାଇଁ ଯୋଜନାମାନ କରି ସ୍ବାସ୍ଥ୍ୟ ପରିବେଶ ଓ ଉନ୍ନତ ମାନର ଗୃହ ପାଇଁ ଅନୁଦାନ ଯୋଗାଇ ଦେଉଛନ୍ତି । ପ୍ରଶାସନର...

ମୟୂର, ହରିଣ, ବାର୍‌ହା ପାଇଁ ଟ୍ରାଫିକ ଜାମ୍‌

ଭୁବନେଶ୍ୱର,୧୬।୧୨(ବ୍ୟୁରୋ): ମୟୂର ଓ ହରିଣ ପାଇଁ ରାଜଧାନୀରେ ସୃଷ୍ଟି ହେଉଛି ଟ୍ରାଫିକ ଜାମ୍‌। ଭରତପୁର-ଡମପଡ଼ା ଅଭୟାରଣ୍ୟକୁ ଲାଗି ରହିଥିବା ରେଣ୍ଟାଲ ଛକରୁ କଳିଙ୍ଗ ଷ୍ଟୁଡିଓ ଛକ...

କମୁଛି କେନ୍ଦ୍ରୀୟ ଅନୁଦାନ

ଭୁବନେଶ୍ୱର,୧୬।୩(ବ୍ୟୁରୋ): କରୋନା ମହାମାରୀ ରାଜ୍ୟର ଅର୍ଥ ବ୍ୟବସ୍ଥାକୁ ବରବାଦ କରିଦେଇଛି। ରାଜସ୍ବ ହ୍ରାସ ପାଇବା ସାଙ୍ଗକୁ ଖର୍ଚ୍ଚ ବଢ଼ିଚାଲିଛି। ଏପରିସ୍ଥଳେ କେନ୍ଦ୍ରୀୟ ଅନୁଦାନ ହ୍ରାସ ପାଇ...

ଆଜିଠୁ ସର୍ବସାଧାରଣଙ୍କ ପାଇଁ ଖୋଲିବ ଲୋକସେବା ଭବନ ଉଦ୍ୟାନ

ଭୁବନେଶ୍ୱର, ୧୧ା୧(ବ୍ୟୁରୋ): ଲୋକସେବା ଭବନ ଉଦ୍ୟାନ ଶନିବାରଠାରୁ ସର୍ବସାଧାରଣଙ୍କ ପାଇଁ ଖୋଲା ହେବ। ଶୀତଦିନିଆ ଫୁଲର ସମ୍ଭାରରେ ଲୋକସେବା ଭବନ ଉଦ୍ୟାନ ଅତ୍ୟନ୍ତ ମନୋରମ ରୂପ...

ଚଳିତ ବର୍ଷ ସ୍ପୋଟର୍‌ସ କମ୍ପ୍ଲେକ୍ସ ନିର୍ମାଣ ଯୋଜନା ନାହିଁ:ମନ୍ତ୍ରୀ

ଭୁବନେଶ୍ୱର,୨୬।୭(ବ୍ୟୁରୋ): ୨୦୧୯-୨୦ ଆର୍ଥିକ ବର୍ଷରେ କୌଣସି ଜିଲାରେ ସ୍ପୋଟର୍‌ସ କମ୍ପ୍ଲେକ୍ସ ହେବ ନାହିଁ। ବର୍ତ୍ତମାନ ରାଜ୍ୟରେ ୪ଟି ସାଟେଲାଇଟ୍‌ ଷ୍ଟାଡିୟମ(ଇଣ୍ଟିଗ୍ରେଟେଡ୍‌ ସ୍ପୋଟର୍‌ସ କମ୍ପ୍ଲେକ୍ସ) ନିର୍ମାଣ କାର୍ଯ୍ୟ...

୩୨୭୮ ଡାକ୍ତର ପଦବୀ ପୂରଣ ପାଇଁ ଓପିଏସ୍‌ସିକୁ ଚିଠି

ଭୁବନେଶ୍ୱର,୨୯ା୧୦(ବ୍ୟୁରୋ): ରାଜ୍ୟରେ ଡାକ୍ତର ପଦବୀ ପୂରଣ ପାଇଁ ସୋମବାର ଓଡ଼ିଶା ପବ୍ଲିକ ସର୍ଭିସ କମିଶନ(ଓପିଏସ୍‌ସି)କୁ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ଚିଠି ଲେଖିଛି। ବିଭାଗୀୟ...

Advertisement

BGU

Archives

Model This Week

Why Dharitri