ନୂଆଦିଲ୍ଲୀ, ୧୪ା୧୦: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଲୋକପ୍ରିୟତା ବଢ଼ିବାରେ ଲାଗିଛି। ଏମିତିକି ସୋସିଆଲ ମିଡିଆରେ ମଧ୍ୟ ମୋଦି ଅନୁଗାମୀଙ୍କ ସଂଖ୍ୟା ଢ଼େର୍ ଅଧିକ। ଟୁଇଟରରେ ମୋଦିଙ୍କ ଜବରଦସ୍ତ ଦଖଲ ପରେ ଏବେ ଇନ୍ଷ୍ଟାଗ୍ରାମରେ ତାଙ୍କ ଅନୁଗାମୀଙ୍କ ସଂଖ୍ୟା ୩୦ ଲକ୍ଷ ଟପିଛି। ବିଶ୍ୱର ବଡ଼ ବଡ଼ ନେତାଙ୍କୁ ସେ ପଛରେ ପକାଇ ଚମତ୍କାରିତା ଦେଖାଇଛନ୍ତି। ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଓ ପୂର୍ବତନ ରାଷ୍ଟ୍ରପତି ବାରାକ୍ ଓବାମାଙ୍କୁ ମଧ୍ୟ ସେ ଇନ୍ଷ୍ଟାଗ୍ରାମରେ ପଛରେ ପକାଇ ଦେଇଛନ୍ତି। ଇନ୍ଷ୍ଟାଗ୍ରାମରେ ଏତେ ସଂଖ୍ୟକ ଅନୁଗାମୀ ପାଇଥିବା ବିଶ୍ୱନେତାଙ୍କ ମଧ୍ୟରେ ମୋଦି ସର୍ବାଗ୍ରେ ଥିବା ଜଣାପଡ଼ିଛି। ଗତ ସେପ୍ଟେମ୍ବରରେ ମୋଦିଙ୍କ ଟୁଇଟର ଅନୁଗାମୀଙ୍କ ସଂଖ୍ୟା ୫୦ ନିୟୁତ ଟପିଥିଲା। ଗୁଜରାଟର ମୁଖ୍ୟମନ୍ତ୍ରୀ ଥିବା ସମୟରୁ ସେ ମାଇକ୍ରୋବ୍ଲଗିଂ ସାଇଟ୍କୁ ଅଧିକ ଗୁରୁତ୍ୱ ଦେଇଆସୁଛନ୍ତି। ଇନ୍ଷ୍ଟାଗ୍ରାମରେ ଫଟୋ ଓ ଭିଡିଓ ସେୟାର କରିବାରେ ତାଙ୍କର ଆଗ୍ରହ ବଢ଼ିବାରେ ଲାଗିଛି।
