ଓ୍ବର୍ମାଣ୍ଟୋ, ୩।୨: ମଣିଷ ନିର୍ବାଚନ ଲଢ଼ିଥାନ୍ତି। ତେବେ କୌଣସି ପ୍ରାଣୀ ନିର୍ବାଚନ ଲଢ଼ିବା ଶୁଣିଲେ ଯେ କେହି ଆଶ୍ଚର୍ଯ୍ୟ ହେବା ସ୍ବାଭାବିକ। ଆମେରିକାର ଉତ୍ତର ପୂର୍ବରେ ଥିବା ଓ୍ବର୍ମାଣ୍ଟୋ ସହରରେ ମେୟର ପଦବୀ ପାଇଁ ୩ ପ୍ରାଣୀଙ୍କ ମଧ୍ୟରେ ପ୍ରତିଦ୍ୱନ୍ଦ୍ୱିତା ହେଉଛି। ସେଥିମଧ୍ୟରେ ୨ଟି କୁକୁର ଥିବା ବେଳେ ଗୋଟିଏ ଛେଳି ରହିଛି। ସେଥିମଧ୍ୟରୁ ଗୋଟିଏ କୁକୁର ଜର୍ମାନ ଶେଫର୍ଡ ପ୍ରଜାତିର ଥିବାବେଳେ ଅନ୍ୟଟି ମଫି ପ୍ରଜାତିର। ସେହିପରି ଛେଳିଟି ନ୍ୟୁବିୟନ୍ ଲିଙ୍କନ ପ୍ରଜାତିର। ନିର୍ବାଚନ ମାର୍ଚ୍ଚ ୩ରେ ହେବ। ଏଥିପାଇଁ ଭୋଟରମାନଙ୍କୁ ମତଦାନ କରିବା ସହିତ ଏକ ଡଲାର ମଧ୍ୟ ଦେବାକୁ ପଡ଼ିବ। ସଂଗ୍ରହ ହୋଇଥିବା ଅର୍ଥରେ ଛୋଟ ପିଲାଙ୍କ ପାଇଁ ଏକ ଖେଳ ପଡ଼ିଆ ନିର୍ମାଣ କରାଯିବ। ଖେଳ ପଡ଼ିଆ ନିର୍ମାଣ ପାଇଁ ୫୭ ଲକ୍ଷ ଟଙ୍କା ଆବଶ୍ୟକ। ଇତିମଧ୍ୟରେ ଲୋକେ ୭ ଲକ୍ଷ ଟଙ୍କା ସଂଗ୍ରହ କରିଛନ୍ତି।
