ସୋହେଲା,୪।୪(ଡି.ଏନ.ଏ.)-ବରଗଡ ଜିଲା ସୋହେଲା ଦୁର୍ଗା ପୂଜା କମିଟିର ମା ଗୌରୀ ଦେବୀ ଟ୍ରଷ୍ଟ ତରଫରୁ ଶନିବାର ପୂର୍ବାହ୍ନରେ କରୋନା ମୁକାବିଲା ପାଇଁ ମୁଖ୍ୟମନ୍ତ୍ରୀ ରିଲିଫ ଫଣ୍ଡକୁ ୧ ଲକ୍ଷ ଟଙ୍କା ଦାନ କରାଯାଇଛି । ସ୍ଥାନୀୟ ଦୁର୍ଗା ମନ୍ଦିର ପରିସରରେ ପଦ୍ମପୁର ଉପ ଜିଲାପାଳ ତନ୍ମୟ କୁମାର ଦରୁଆନ ଏହି ଚେକକୁ ଗ୍ରହଣ କରିଥିଲେ । ଟ୍ରଷ୍ଟର ସଭାପତି ପ୍ରକାଶ ଚନ୍ଦ୍ର ଦେବତା, କାର୍ଯ୍ୟକାରୀ ସଭାପତି ତଥା ଶ୍ରମ ଓ ଗ୍ରାମ୍ୟ ଉନ୍ନୟନ ମନ୍ତ୍ରୀ ସୁଶାନ୍ତ ସିଂହ ଓ ସମ୍ପାଦକ ଲଳିତ କୁମାର ଅଗ୍ରୱାଲ ଉପଜିଲାପାଳଙ୍କୁ ୧ ଲକ୍ଷ ଟଙ୍କାର ଚେକ ପ୍ରଦାନ କରିଥିଲେ । ଅନ୍ୟପେକ୍ଷ ଶୁକ୍ରବାର ସୋହେଲା ବ୍ଲକ ବାଉଁଶେନମୁରା ଗ୍ରାମର ରବି ପଧାନଙ୍କ ଝିଅ ମନୀଷା ଓ ପୁଅ ଅମନ ବିଡ଼ିଓ ବିଶ୍ୱରଞ୍ଜନ କରଙ୍କ ଜରିଆରେ ମୁଖ୍ୟମନ୍ତ୍ରୀ ରିଲିଫ ଫଣ୍ଡକୁ ୭ ହଜାର ଟଙ୍କା ଦାନ କରିଛନ୍ତି । ସେହିପରି ସ୍ଥାନୀୟ ମାରୱାଡି ମହିଳା ମଣ୍ଡଳ ତରଫରୁ ମୁଖ୍ୟମନ୍ତ୍ରୀ ରିଲିଫ ଫଣ୍ଡକୁ ୩୦ ହଜାର ଟଙ୍କା ଦାନ କରାଯାଇଛି ।
