ଇସଲାମାବାଦ,୧୬।୮: ଏବେ ଭାରତୀୟ କଳାକାରଙ୍କ ଦ୍ୱାରା ପ୍ରସ୍ତୁତ ବିଜ୍ଞାପନ ପାକିସ୍ତାନରେ ପ୍ରସାରଣ କରାଯାଇ ପାରିବ ନାହିଁ। କାରଣ ଏମିତି ବିଜ୍ଞାପନ ପ୍ରସାରଣକୁ ଏବେ ପାକିସ୍ତାନ ବନ୍ଦ କରି ଦେଇଛି। Pakistan Electronic Media Regulatory Authority (Pemra) ଅଗଷ୍ଟ ୧୪ ବୁଧବାର ଏକ ଚିଠି ମାଧ୍ୟରେ ସମସ୍ତ ଗଣମାଧ୍ୟମକୁ ଏହା ଜଣାଇ ଦେଇଛି। ଏଗୁଡିକ ମଧ୍ୟରେ ରହିଛନ୍ତି ଡେଟଲ୍ ସାବୁନ, ସର୍ଫ ଏକ୍ସଲ୍ ଡିଟରଜେଣ୍ଟ ପାଉଡର, ପ୍ୟାଣ୍ଟିନ ସାମ୍ପୁ, ହେଡ୍ ଆଣ୍ଡ ସୋଲଡର ସାମ୍ପୁ, ଲାଇଫବୟ ସାମ୍ପୁ, ଫଗ୍ ବଡି ସ୍ପ୍ରେ, ସନସିଲ୍କ ସାମ୍ପୁ, ନର୍ ନୁଡୁଲ୍ସ, ସୁଫି, ଫେୟାର ଆଣ୍ଡ ଲଭଲି ଫେସ୍ ଓ୍ବାସ୍ ଓ ସେଫ୍ ଗାର୍ଡ ସୋପ୍। ବିଶେଷ କରି ଏହିସବୁ ପ୍ରଡକ୍ଟରେ ଭାରତୀୟ କଳାମାରମାନେ ଥିବାରୁ ଏହାକୁ ପରିବର୍ତ୍ତନ ନ କରାଯିବା ପର୍ଯ୍ୟନ୍ତ ଏହା ପାକିସ୍ତାନରେ ପ୍ରସାରିତ ହୋଇପାରିବ ନାହିଁ ବୋଲି କହିଛି ପାକିସ୍ତାନ ଇଲୋକଟ୍ରନିକ ମିଡିଆ ରେଗୁଲେଟୋରୀ ଅଥରିଟି। ସୂଚନାଯୋଗ୍ୟ, ଜମ୍ମୁ-କଶ୍ମୀରରୁ ଅନୁଚ୍ଛେଦ ୩୭୦ ହଟାଇବା ପରେ ପାକିସ୍ତାନ ଭାରତଠାରୁ ଗୋଟିଏ ପରେ ଗୋଟିଏ ସମ୍ପର୍କ କାଟି ଚାଲିଛି।
