ଢେଙ୍କିକୋଟ, ୨୦ା୪(ଡି.ଏନ.ଏ.): ଢେଙ୍କିକୋଟ ପଞ୍ଚାୟତ ଟିକିରା ଗ୍ରାମ ପଡ଼ିଆରେ ଶୁକ୍ରବାର ୪ଟା ବେଳେ ଭାଜପାର ଏକ ବିଜୟ ସଂକଳ୍ପ ସଭା ହୋଇଥିଲା। ଏହି ସଭାରେ ଘସିପୁରା ନିର୍ବାଚନ ମଣ୍ଡଳୀରୁ ବିଧାୟକ ପ୍ରାର୍ଥୀ ଭାବେ ଛିଡ଼ା ହୋଇଥିବା ପୃଥ୍ବୀରାଜ କୁଅର ସହ ରାଜ୍ୟ କାର୍ଯ୍ୟକାରିଣୀ ସଦସ୍ୟ ଅମର ସିଂ, ନାରୀ ନେତ୍ରୀ ମମତା ସିଂ, ଅଭିନେତ୍ରୀ ତଥା ଭାଜପା ସଦସ୍ୟା ଅନୁଚୌଧୁରୀ ଏବଂ ହାସ୍ୟ ଅଭିନେତା ହରିହର ମହାପାତ୍ର ଯୋଗ ଦେଇଥିଲେ। ହେଲିକ୍ୟାପଟର ଯୋଗେ ଆସି ଉପସ୍ଥିତ ଜନସାଧାରଣଙ୍କୁ କେନ୍ଦ୍ର ଏବଂ ରାଜ୍ୟରେ ପୁନର୍ବାର ପଦ୍ମଫୁଲ ଚିହ୍ନରେ ଭୋଟ୍ ଦେବାକୁ ଲୋକଙ୍କୁ କହିଥିଲେ। ଘସିପୁରା ନିର୍ବାଚନ ମଣ୍ଡଳୀର ଏକଛତ୍ରବାଦ, ଗୁଣ୍ଡା ଶାସନକୁ ବଦଳାଇବା ପାଇଁ କହିଥିଲେ। କେନ୍ଦୁଜର ଜିଲା ଉପସଭାପତି ଅଖିଳ ଚନ୍ଦ୍ର ପାତ୍ର ମଞ୍ଚ ପରିଚାଳନା କରିଥିଲେ। ଜିଲା ସାଧାରଣ ଯୁବମୋର୍ଚ୍ଚା ସମ୍ପାଦକ ଜିତେନ୍ଦ୍ର ପଲେଇ ଉପସ୍ଥିତ ଥିଲେ। ଢେଙ୍କିକୋଟ ମଣ୍ଡଳ ସଭାପତି ଇନ୍ଦ୍ରମଣି ମହାନ୍ତ ସଭା ଆୟୋଜନ କରିଥିଲେ।
