Posted inଫୁରସତ

ବ୍ୟକ୍ତିତ୍ୱ : ଲେଖକ ଅମିଶ୍‌ ତ୍ରିପାଠୀ

ସାହିତ୍ୟକୁ ଯୁବବର୍ଗ ମଧ୍ୟରେ ଲୋକପ୍ରିୟ କରାଇବାରେ ଯେଉଁ କେତେଜଣ ଭାରତୀୟ ଲେଖକ ସବୁଠୁ ଅଧିକ ସଫଳ ହୋଇଛନ୍ତି ସେମାନଙ୍କ ମଧ୍ୟରେ ଅମିଶ୍‌ ତ୍ରିପାଠୀ ହେଉଛନ୍ତି ଅନ୍ୟତମ। ପ୍ରସିଦ୍ଧ ଫିଲ୍ମ ନିର୍ଦ୍ଦେଶକ ଶେଖର କପୁର ତାଙ୍କ ଉଦ୍ଦେଶ୍ୟରେ ଏକଥା କହିଥିଲେ ଯେ, ଅମିଶ୍‌ ହେଉଛନ୍ତି ଭାରତୀୟ ଯୁବ ସାହିତ୍ୟର ପ୍ରଥମ ସୁପରଷ୍ଟାର। ସେ ଜଣେ ସ୍ତମ୍ଭକାର ଏବଂ ଲେଖକ। ‘ଶିବା ଟ୍ରାୟୋଲୋଜି’ ଲେଖିବା ପରେ ଭାରତୀୟ ସାହିତ୍ୟରେ ନୂତନ ଜାଗରଣର ସୂତ୍ରପାତ ହୋଇଥିଲା। ଏହି ଟ୍ରାୟୋଲୋଜିରେ ଥିଲା ତିନୋଟି ପୁସ୍ତକ : ଇମୋର୍ଟାଲ୍ସ ଅଫ୍‌ ମେଲୁହା, ଦି ସିକ୍ରେଟ୍‌ ଅଫ୍‌ ନାଗାଜ୍‌ ଏବଂ ଦି ଓଥ ଅଫ୍‌ ବାୟୁପୁତ୍ରସ୍‌। ପୁସ୍ତକଗୁଡ଼ିକ ମୁଖ୍ୟତଃ ପୌରାଣିକ ଆଖ୍ୟାନ ଉପରେ ଆଧାରିତ। ତେବେ ତାହାକୁ ସମ୍ପୂର୍ଣ୍ଣ ପୁରାଣ ବୋଲି କୁହାଯାଇପାରିବ ନାହିଁ। କାରଣ ପୌରାଣିକ ଚରିତ୍ର ସବୁକୁ ଅମିଶ୍‌ ଆଧୁନିକତାର ଢାଞ୍ଚାରେ ତାଙ୍କର ପାଠକମାନଙ୍କ ନିକଟରେ ପରଷି ଦେଇଛନ୍ତି। ସେହିପରି ତାଙ୍କର ଆଉ ଏକ ସିରିଜ ହେଉଛି ରାମଚନ୍ଦ୍ର ସିରିଜ। ଏଥିରେ ରହିଛି ରାମ୍‌ :
ସାୟନ୍‌ ଅଫ୍‌ ଇକ୍ଷାକୁ, ସୀତା : ଓ୍ବାରିଅର ଅଫ୍‌ ମିଥିଲା ଏବଂ ରାବଣ : ଏନ୍‌ମି ଅଫ୍‌ ଆର୍ଯ୍ୟବ୍ରତ। ତଥ୍ୟ ଅନୁଯାୟୀ ‘ଶିବା ଟ୍ରାୟୋଲୋଜି’ ହେଉଛି ଭାରତୀୟ ପୁସ୍ତକ ପ୍ରକାଶନୀ ଇତିହାସରେ ସବୁଠ ଦ୍ରୁତବେଗରେ ବିକ୍ରି ହୋଇଥିବା ପୁସ୍ତକ। ୨୦୧୭ରେ ଅମିଶ୍‌ ତାଙ୍କର ପ୍ରଥମ ନନ୍‌ ଫିକ୍ସନ ପୁସ୍ତକ ପ୍ରକାଶ କରିଥିଲେ। ସେହି ପୁସ୍ତକର ନାମ ଥିଲା ‘ଇମୋର୍ଟାଲ ଇଣ୍ଡିଆ’। ଅମିଶ୍‌ଙ୍କ ସମ୍ପର୍କରେ ଏକଥା କୁହାଯାଏ ଯେ, ଭକ୍ତି, ଦର୍ଶନ, ବୈଜ୍ଞାନିକ ଦୃଷ୍ଟିକୋଣ, ସାମାଜିକତା ଓ ଆଧୁନିକ ଦୃଷ୍ଟିଭଙ୍ଗୀର ସେ ହେଉଛନ୍ତି ଏକ ମିଳିତ ପ୍ରତିରୂପ। ବିଶେଷକରି ଯୁବପିଢ଼ିଙ୍କ ମଧ୍ୟରେ ସେ ହେଉଛନ୍ତି ଏକ ସେନ୍‌ସେସନ।
ସେଲିବ୍ରିଟି ଲେଖକ : ବହି ବିକ୍ରି ହୁଏନି। ବହି କିଣି କେହି ପଢ଼ନ୍ତିନି। ଏଭଳି ପ୍ରସଙ୍ଗ ଯେତେବେଳେ ଭାରତର ସାହିତ୍ୟ ସ୍ରଷ୍ଟାମାନଙ୍କୁ ବିଚଳିତ କରିଦେଇଥିଲା ସେତେବେଳେ ଅମିଶ୍‌ ହିଁ ସେମାନଙ୍କୁ ବତେଇଥିଲେ ସମାଧାନର ରାସ୍ତା। ଅମିଶ୍‌ଙ୍କର ୭ଗୋଟି ବହି ସମଗ୍ର ଭାରତରେ ପାଞ୍ଚ ମିଲିଅନରୁ ଅଧିକ ବିକ୍ରି ହୋଇଥିଲା। ଏବେ ମଧ୍ୟ ସେହି ଧାରା ଜାରି ରହିଛି। ଫୋବର୍‌ସ ଇଣ୍ଡିଆ ପକ୍ଷରୁ ପ୍ରତିବର୍ଷ ଭାରତର ଶହେ ସେଲିବ୍ରିଟିଙ୍କୁ ନେଇ ଏକ ତାଲିକା ପ୍ରସ୍ତୁତ କରାଯାଇଥାଏ। ଉଲ୍ଲେଖନୀୟ ବିଷୟ ହେଉଛି ଏହା ଯେ, ୨୦୧୨ରୁ ୨୦୧୭ ପର୍ଯ୍ୟନ୍ତ ସେହି ତାଲିକାରେ ଗୋଟିଏ ନାମ କ୍ରମାଗତ ଭାବରେ ରହିଆସୁଥିଲା। ଆଉ ସେହି ନାମଟି ହେଉଛି ଅମିଶ୍‌ଙ୍କର। ଫୋବର୍‌ସ ଇଣ୍ଡିଆ ପକ୍ଷରୁ ତାଙ୍କୁ ଜଣେ ସେଲିବ୍ରିଟି ଲେଖକର ଆଖ୍ୟା ଦିଆଯାଇଥିଲା। ୨୦୧୯ରେ ଇଣ୍ଡିଆ ଟୁଡେ ମାଗାଜିନ୍‌ ୫୦ଜଣ ସବୁଠୁ ପ୍ରଭାବଶାଳୀ ଭାରତୀୟଙ୍କୁ ନେଇ ଯେଉଁ ତାଲିକା ପ୍ରସ୍ତୁତ କରିଥିଲା ସେଥିରେ ମଧ୍ୟ ରହିଥିଲେ ଅମିଶ୍‌। ବିବିସି ପକ୍ଷରୁ ଅମିଶ୍‌ଙ୍କ ରଚନାବଳୀକୁ ପ୍ରଶଂସନୀୟ ବୋଲି କୁହାଯାଇଥିଲା।
ବ୍ୟକ୍ତିଗତ ଜୀବନ : ୧୯୭୪ ମସିହା ଅକ୍ଟୋବର ୧୮ ତାରିଖରେ ମୁମ୍ବାଇରେ ଜନ୍ମ ହୋଇଥିଲେ ଅମିଶ୍‌। ମୁମ୍ବାଇରେ ସିନା ଜନ୍ମ ହୋଇଥିଲେ, ହେଲେ ସେ ବଢ଼ିଥିଲେ ଓଡ଼ିଶାରେ। ଓଡ଼ିଶାର ରାଉରକେଲାରେ ତାଙ୍କର ଶୈଶବ ଏବଂ କୈଶୋର ଅତିବାହିତ ହୋଇଥିଲା। ସେଥିଲାଗି ଓଡ଼ିଶା ସହିତ ତାଙ୍କର ସମ୍ପର୍କ ଅତି ନିବିଡ଼ ଓ ଘନିଷ୍ଠ। ତାଙ୍କର ଅନେକ ରଚନାରେ ଯେଉଁ ପ୍ରାକୃତିକ ଦୃଶ୍ୟରାଜିର ବର୍ଣ୍ଣନା ଦେଖାଯାଏ ତାହା ସେ ଓଡ଼ିଶାରୁ ପ୍ରଭାବିତ ହୋଇଥିବା ମଧ୍ୟ ଅନେକ ସ୍ଥାନରେ ପ୍ରକାଶ କରିଛନ୍ତି। ଓଡ଼ିଶା ମାଟିର ବାସ୍ନା ତଥା ଏଠାକାର ପାଣିପାଗ ତାଙ୍କର ଅତି ପ୍ରିୟ ବୋଲି ସେ ଏକ ସାକ୍ଷାତ୍‌କାରରେ ପ୍ରକାଶ କରିଥିଲେ। ଅମିଶ୍‌ କୋଲକାତାର ଇଣ୍ଡିଆନ୍‌ ଇନ୍‌ଷ୍ଟିଚ୍ୟୁଟ୍‌ ଅଫ୍‌ ମ୍ୟାନେଜମେଣ୍ଟରେ ମ୍ୟାନେଜମେଣ୍ଟ କୋର୍ସ କରିଥିଲେ। ବିଭିନ୍ନ ବ୍ୟାଙ୍କ ତଥା ଆର୍ଥିକ ଉଦ୍ୟୋଗରେ ସେ ୧୪ ବର୍ଷ ଧରି କାର୍ଯ୍ୟ କରିଥିଲେ। ତେବେ ତାଙ୍କ ଭିତରେ ଥିବା ଏକ ସର୍ଜନଶୀଳ ସ୍ରଷ୍ଟା ତାଙ୍କୁ ସବୁବେଳେ ଅତିଷ୍ଠ କରୁଥିଲା। ସେ ଥରକୁ ଥର ଗୋଟିଏ ପରେ ଗୋଟିଏ କମ୍ପାନୀ ବଦଳାଉଥିଲେ ମଧ୍ୟ ଶାନ୍ତି ପାଇପାରୁ ନ ଥିଲେ। ଶେଷକୁ ନିଷ୍ପତ୍ତି ନେଲେ ସେ ଚାକିରି ଛାଡ଼ିଦେବେ। ଆଉ ଜଣେ ଲେଖକ ଭାବରେ ଏକ ନୂତନ ପରିଚୟ ଆରମ୍ଭ କରିବେ।
ପାରିବାରିକ ପ୍ରଭାବ : ପ୍ରଥମରୁ କୁହାଯାଇଛି ଯେ, ମୁଖ୍ୟତଃ ପୌରାଣିକ ଚରିତ୍ରକୁ ଆଧାରକରି ରଚିତ ହୋଇଛି ଅମିଶ୍‌ ତ୍ରିପାଠୀଙ୍କ ପୁସ୍ତକ। ତେବେ ଅନେକଙ୍କ ମନରେ ପ୍ରଶ୍ନ ଉଠେ ଯେ, ଜଣେ ବିଜ୍‌ନେସ୍‌ ମ୍ୟାନେଜମେଣ୍ଟର ଛାତ୍ର ଆଧୁନିକ ଚରିତ୍ର ସବୁକୁ ଛାଡ଼ି ପୌରାଣିକ ଚରିତ୍ରମାନଙ୍କୁ ନେଲେ କ’ଣ ପାଇଁ? ଏହାର ମୂଳରେ ରହିଛି ତାଙ୍କର ପାରିବାରିକ ସଂସ୍କୃତି ଓ ପରମ୍ପରା। ଅମିଶ୍‌ଙ୍କ ବାପା ମାଆ ଧାର୍ମିକ ଶ୍ରେଣୀର ବ୍ୟକ୍ତି ଥିଲେ। ଘରେ ଏକ ପୁରାଣ ପାଠର ମାହୋଲ ରହିଥିଲା। ସେତିକି ନୁହେଁ, ଅମିଶ୍‌ଙ୍କ ଜେଜେବାପା ଥିଲେ ଜଣେ ସଂସ୍କୃତ ପଣ୍ଡିତ। ଏଥିସହ ସେ ଥିଲେ ଜଣେ ବନାରସୀ ପଣ୍ଡିତ। ଅମିଶ୍‌ ଏକ ସାକ୍ଷାତ୍‌କାରରେ କହିଥିଲେ ଯେ, ତାଙ୍କ ଉପରେ ତାଙ୍କ ଜେଜେବାପାଙ୍କ ପ୍ରଭାବ ପିଲାଟି ବେଳୁ ପଡ଼ିଥିଲା। ଏଥିସହ ସେ ନିଜେ ମଧ୍ୟ ଜଣେ ଶିବ ଉପାସକ। ପିଲାଟି ବେଳରୁ ଏଭଳି ସାଂସ୍କୃତିକ ପରମ୍ପରା ମଧ୍ୟରେ ବଢ଼ିଥିବା ଅମିଶ୍‌ଙ୍କ ଭିତରେ ସୃଷ୍ଟି ହୋଇଥିଲା ଧର୍ମ ଏବଂ ଦର୍ଶନକୁ ନେଇ କୌତୂହଳ ଭାବ। ଆଉ ତାହା ହିଁ ଶେଷରେ ତାଙ୍କୁ ଜଣେ ସଫଳ ଲେଖକର ପରିଚୟ ଆଣିଦେଲା।


Enter your email to get our daily news in your inbox.

All Right Reserved By Dharitri.Com

ମହାମାରୀରେ ବଢ଼ିଛି ଡ୍ରଗ୍ସ ସେବନ

ଡ୍ରଗ୍ସ ହେଉଛି ନୀରବ ବିଷ। ଥରେ ଏହାର କବଳିତ ହେବା ପରେ ଏଥିରୁ ମୁକୁଳିବା କାଠିକର ପାଠ। ତଥାପି କୁସଙ୍ଗରେ ପଡ଼ି ଯୁବପିଢ଼ି ଏଭଳି ଘାତକ...

ଆମରି ନାଆରେ ଆମେ ନାଉରି ତ…

ପିଲା ଦିନେ ଗର୍ବର ସହିତ ଗୀତ ବୋଲୁଥିଲୁ- ଦେଶ ଚଳାଉଛୁ ଆମେ ଆମରି- ଆମରି ନାଆରେ ଆମେ ନାଉରି। ଆଜି ମନରେ ପ୍ରଶ୍ନ ଆସୁଛି- ଆମରି...

ବିମାନ ଉଡାଇ ନେଇଥିଲେ ଚୋର

ସୁନା, ରୁପା କିମ୍ବା ଅନ୍ୟ ମୂଲ୍ୟବାନ ବସ୍ତୁ ଚୋରି ହେବା ଘଟଣା ବର୍ତ୍ତମାନ ସଧାରଣ ହୋଇଗଲାଣି। କିନ୍ତୁ କଦାପି ଶୁଣିଛନ୍ତି, ଚୋରମାନେ ବିମାନ ବନ୍ଦରରୁ  ବିମାନ...

‘ହକ୍‌ ଆଇ’ ଆପ୍‌ ଦ୍ୱାରା ଚୋରି ମୋବାଇଲ୍‌ ଉଦ୍ଧାର

ହାଇଦ୍ରାବାଦ୍‌: ଏକ ମୋବାଇଲ୍‌ ଆପ୍‌ ଜରିଆରେ ହାଇଦ୍ରାବାଦ ପୋଲିସ ୬୭ଟି ଚୋରି ମୋବାଇଲ୍‌ ଉଦ୍ଧାର କରିବାରେ ସକ୍ଷମ ହୋଇଥିବା ଜଣାପଡ଼ିଛି। ଜନସାଧାରଣଙ୍କ ସହ ଯୋଡ଼ିହେବା ପାଇଁ...

ବେଡସିଟ୍‌ ଜଣାଇଦେବ କେବେ ଧୁଆ ହୋଇଥିଲା

ସାଧାରଣତଃ ଘରେ ବ୍ୟବହାର କରାଯାଉଥିବା ବେଡ୍‌ ସିଟ୍‌ ଓ ଟାଓ୍ବେଲ ଧୋଇବାକୁ ଅଧିକାଂଶ ଲୋକଙ୍କୁ କଷ୍ଟ ଲାଗିଥାଏ। କେବେ କେବେ ମାସ ମାସ ବିତି ଯାଇଥିଲେ...

ଦୟାଳୁ ଲୋକେ ହୁଅନ୍ତି ଦୀର୍ଘଜୀବୀ…

କାଲିଫର୍ନିଆ: ଦୀର୍ଘଜୀବୀ ହେବା ପାଇଁ ଖାଦ୍ୟପେୟ ଏବଂ ଜୀବନଶୈଳୀରେ ସକାରାତ୍ମକ ପରିବର୍ତ୍ତନ ଆବଶ୍ୟକ ବୋଲି ଚିକିତ୍ସକ ପରାମର୍ଶ ଦେଇଥାନ୍ତି। ତେବେ ନିକଟରେ କାଲିଫର୍ନିଆ ବିଶ୍ୱବିଦ୍ୟାଳୟରେ ହୋଇଥିବା...

ଯେଉଁଠି ମୃତ୍ୟୁରେ କାନ୍ଦିବା ପାଇଁ ଭଡ଼ାରେ ଆସନ୍ତି ଲୋକ…

ସାଧାରଣତଃ ଆତ୍ମୀୟ ସ୍ବଜନଙ୍କ ମୃତ୍ୟୁରେ ପ୍ରିୟପରିଜନ ଦୁଃଖରେ କାନ୍ଦିଥାନ୍ତି। ତେବେ ରାଜସ୍ଥାନର ରାଜପୁତ ସମ୍ପ୍ରଦାୟରେ କାହାର ମୃତ୍ୟୁ ହେଲେ କାନ୍ଦିବା ଲାଗି ଭଡ଼ାରେ ଲୋକ ଆସିଥାନ୍ତି।...

ବୁଲା ଜୀବଜନ୍ତୁଙ୍କ ମା’ ପୁଷ୍ପଲତା

ବୁଲା କୁକୁରଙ୍କଠାରୁ ଆରମ୍ଭକରି ମାଙ୍କଡ଼ଙ୍କ ପର୍ଯ୍ୟନ୍ତ ତାଙ୍କ ଆସିବାକୁ ଅପେକ୍ଷା କରିଥାନ୍ତି। କେତେବେଳେ ଆସିବେ ଓ ସେମାନଙ୍କୁ ଖାଇବାକୁ ଦେବେ। ବାହାରେ ବୁଲୁଥିବା ଜୀବଜନ୍ତୁଙ୍କୁ ପ୍ରତିଦିନ...

Advertisement
Archives

Model This Week