ବ୍ରେସ୍‌ଲେଟ୍‌ ଫ୍ୟାଶନ

ନାରୀ ହାତର ସୌନ୍ଦର୍ଯ୍ୟ ବୃଦ୍ଧି କରିବାରେ ଚୁଡ଼ିର ଭୂମିକା ଯଥେଷ୍ଟ ରହିଥାଏ। କିନ୍ତୁ ଏବେ ଦେଖିବାକୁ ମିଳୁଛି, ଟ୍ରେଣ୍ଡି ଲୁକ୍‌ ପାଇଁ ଅନେକ ଯୁବତୀ ହାତରେ ଖନ୍‌ ଖନ୍‌ ଶବ୍ଦ କରୁଥିବା ମେଞ୍ଚାଏ ଚୁଡ଼ି ବଦଳରେ ଷ୍ଟାଇଲିଶ୍‌ ବ୍ରେସ୍‌ଲେଟ୍‌ ପିନ୍ଧିବାକୁ ଅଧିକ ପସନ୍ଦ କରୁଛନ୍ତି। ସେଥିପାଇଁ ମାର୍କେଟ୍‌ରେ ଏହାର ଅନେକ ଭେରାଇଟି ମଧ୍ୟ ଉପଲବ୍ଧ ହେଲାଣି। ଆସନ୍ତୁ ଜାଣିବା ସେମିତି କିଛି ଟ୍ରେଣ୍ଡି ବ୍ରେସ୍‌ଲେଟ୍‌ ସମ୍ପର୍କରେ…

ଲେଦର୍‌ ବ୍ରେସ୍‌ଲେଟ୍‌: ଏହି ବ୍ରେସ୍‌ଲେଟ୍‌ କେବେ ବି ଆଉଟ୍‌ ଅଫ୍‌ ଫ୍ୟାଶନ୍‌ ହୁଏ ନାହିଁ। ତା’ଛଡ଼ା ଏହାକୁ ଆପଣ ଚାହିଁଲେ ଯେ କୌଣସି ସମୟରେ ଆଉ ଯେ କୌଣସି ଆଉଟ୍‌ଫିଟ୍‌ ସହ ଟ୍ରାଏ କରିପାରିବେ। ଏପରି କି କୁଲ୍‌ ତଥା ଷ୍ଟାଇଲିଶ୍‌ ଲୁକ୍‌ ଦେଉଥିବା ଏହି ବ୍ରେସ୍‌ଲେଟ୍‌କୁ ଆଉଟିଂରେ ଗଲାବେଳେ ବି ହାତରେ ପିନ୍ଧି ଟ୍ରେଣ୍ଡି ଲୁକ୍‌ ପାଇପାରିବେ।

ପର୍ଲ ବ୍ରେସ୍‌ଲେଟ୍‌: ଏହା ଏକ ପ୍ରକାରର ଷ୍ଟେଟମେଣ୍ଟ ଜୁଏଲେରୀ। ଏହାକୁ ମଧ୍ୟ ଯେ କୌଣସି ଆଉଟ୍‌ଫିଟ୍‌ ସହ ମ୍ୟାଚିଂ କରି ପିନ୍ଧି ମଡର୍ନ ଲୁକ୍‌ ପାଇହେବ। ଆଜିକାଲି ତ ଆର୍ଟିଫିସିଆଲ୍‌ ପର୍ଲରେ ତିଆରି ବ୍ରେସ୍‌ଲେଟ୍‌ ବି ମାର୍କେଟ୍‌ରେ ମିଳିଲାଣି, ଯାହା ଖୁବ୍‌ କମ୍‌ ଟଙ୍କାରେ ମିଳିଯାଉଛି। ଆପଣ ଚାହିଁଲେ ଏହି ବ୍ରେସ୍‌ଲେଟ୍‌ ବି ଟ୍ରାଏ କରିପାରିବେ।

ବାଙ୍ଗଲ୍‌ ବ୍ରେସ୍‌ଲେଟ୍‌: ଆଜିକାଲି ବାଙ୍ଗଲ୍‌ ବା ଚୁଡ଼ି ଡିଜାଇନ୍‌ର ବ୍ରେସ୍‌ଲେଟ୍‌ ବି ମାର୍କେଟ୍‌ରେ ଉପଲବ୍ଧ ହେଲାଣି, ଯାହା ଦେଖିବାକୁ ଆକର୍ଷଣୀୟ ଲାଗିବା ସହ ହାତକୁ ଟ୍ରେଣ୍ଡି ଲୁକ୍‌ ଦେଇଥାଏ। ଏହାକୁ ଆପଣ ଚାହିଁଲେ ଉଭୟ ଏଥିନିକ୍‌ ଆଉଟ୍‌ଫିଟ୍‌ ହେଉ ଅବା ଓ୍ବେଷ୍ଟର୍ନ ଆଉଟ୍‌ଫିଟ୍‌ ସହ ମ୍ୟାଚିଂ କରି ପିନ୍ଧିପାରିବେ।

କଫ୍‌ ବ୍ରେସ୍‌ଲେଟ୍‌: ଏହା ପାଖାପାଖି ବାଙ୍ଗଲ୍‌ ବ୍ରେସ୍‌ଲେଟ୍‌ ପରି ଦେଖାଯାଉଥିଲେ ହେଁ ଏହାର ପଛପାଖ ପୂରା ଜଏଣ୍ଟ ନ ହୋଇ ଟିକେ ଖୋଲା ରହିଥାଏ। ସେହିପରି ଏହା ନନ୍‌-ଫ୍ଲେକ୍ସିବଲ୍‌ ହୋଇଥାଏ; ଯଦ୍ଦ୍ବାରା ଏହାକୁ ହାତରେ ପିନ୍ଧିଲେ କଚଟିରେ ଏହା ଆରାମରେ ଫିକ୍ସ ହୋଇ ରହିଯାଏ।

ବିଡେଡ୍‌ ବ୍ରେସ୍‌ଲେଟ୍‌: ଯଦି ଆପଣ ଅଧିକ ଦାମ୍‌ବାଲା ବ୍ରେସ୍‌ଲେଟ୍‌ କିଣି ପିନ୍ଧିବାକୁ ଚାହୁଁ ନାହାନ୍ତି, ତା’ହେଲେ ବିଡେଡ୍‌ ବ୍ରେସ୍‌ଲେଟ୍‌ ଟ୍ରାଏ କରନ୍ତୁ ନା। ମାର୍କେଟ୍‌ରେ ଉଡେନ୍‌ ହେଉ ଅବା ପ୍ଲାଷ୍ଟିକ୍‌ କିମ୍ବା କଲର୍‌ଫୁଲ୍‌ ଷ୍ଟୋନ୍‌ ବିଡ୍ସରେ ତିଆରି ଖୁବ୍‌ ସୁନ୍ଦର ସୁନ୍ଦର ବ୍ରେସ୍‌ଲେଟ୍‌ ଏବେ ମିଳିଲାଣି, ଯାହା ଖୁବ୍‌ କମ୍‌ ଦାମରେ ବି ମିଳି ଯାଇଥାଏ।

ମ୍ୟାଗନେଟିକ୍‌ ବ୍ରେସ୍‌ଲେଟ୍‌: ଏହା ଫ୍ୟାଶନେବଲ୍‌ ଲୁକ୍‌ ଦେବା ସହ ସ୍ବାସ୍ଥ୍ୟ ଉପକାରୀ ବି ହୋଇଥାଏ। କାରଣ ଏଥିରେ ଏକ ସ୍ବତନ୍ତ୍ର ପ୍ରକାରର ମ୍ୟାଗ୍‌ନେଟ୍‌ ବ୍ୟବହାର କରାଯାଇଥାଏ, ଯାହାକୁ ଥେରାପି ଅର୍ନାମେଣ୍ଟ ଭାବେ ହାତରେ ପିନ୍ଧିଲେ ଅନେକ ରୋଗରୁ ମୁକ୍ତି ମିଳିଥାଏ ବୋଲି ବିଶ୍ୱାସ କରାଯାଏ। ମାର୍କେଟ୍‌ରେ ଏହାର ଅନେକ ଡିଜାଇନ୍‌ ବି ମିଳିଥାଏ।

ଚାର୍ମ ବ୍ରେସ୍‌ଲେଟ୍‌: ଏହାକୁ କେହି କେହି ଲକି ଚାର୍ମ ବ୍ରେସ୍‌ଲେଟ୍‌ ବି କହିଥାନ୍ତି। କାରଣ ଏହି ବ୍ରେସ୍‌ଲେଟ୍‌ରେ ଲାଗିଥାଏ ଏମିତି କିଛି ସ୍ବତନ୍ତ୍ର ଲକେଟ୍‌ ସେପ୍‌ର ଜିନିଷ, ଯାହାକୁ ହାତରେ ପିନ୍ଧିବା ଦ୍ୱାରା ଜୀବନରେ ସବୁ କିଛି ଶୁଭ ହୁଏ ବୋଲି ଅନେକଙ୍କର ଧାରଣା ଥାଏ।
ଜେମ୍‌ଷ୍ଟୋନ୍‌ ବ୍ରେସ୍‌ଲେଟ୍‌: ଏହି ବ୍ରେସ୍‌ଲେଟ୍‌କୁ ପିନ୍ଧିଲେ ବ୍ୟକ୍ତିତ୍ୱ ଉପରେ ଅନେକ ପ୍ରଭାବ ପଡିଥାଏ ବୋଲି ବିଶ୍ୱାସ କରାଯାଏ। ତେଣୁ ସର୍ବଦା ନିଜ ବ୍ୟକ୍ତିତ୍ୱକୁ ସୁହାଇଲା ଭଳି ଜେମ୍‌ଷ୍ଟୋନ୍‌ର ବ୍ରେସ୍‌ଲେଟ୍‌ ବ୍ୟବହାର କରିବା ଦରକାର। ନଚେତ୍‌ ଏହାର କୁ-ପ୍ରଭାବ ପଡ଼ିଯିବାର ସମ୍ଭାବନା ରହିଥାଏ।
କିଛି ଟିପ୍ସ
-କଲେଜ ଯାଉଥିବା ଯୁବତୀମାନେ ଚାହିଁଲେ ଚେନ୍‌ ଡିଜାଇନ୍‌ ବ୍ରେସ୍‌ଲେଟ୍‌ ହେଉ ଅବା ଷ୍ଟୋନ ବ୍ରେସ୍‌ଲେଟ୍‌ କିମ୍ବା ବିଡ୍ସ ବ୍ରେସ୍‌ଲେଟ୍‌କୁ ହାତରେ ପିନ୍ଧି ଟ୍ରେଣ୍ଡି ଲୁକ୍‌ ପାଇପାରିବେ।
-ପାର୍ଟି, ଫଙ୍କ୍‌ସନ୍‌କୁ ଯିବା ସମୟରେ ଆପଣ ଚାହିଁଲେ ଫ୍ଲାଓ୍ବାର୍‌ ଡିଜାଇନ୍‌ର ସୁନା କିମ୍ବା ରୁପାର ବ୍ରେସ୍‌ଲେଟ୍‌ ପିନ୍ଧି ନିଜକୁ ଆକର୍ଷଣୀୟ ଲୁକ୍‌ ଦେଇପାରିବେ। ଆଉ ଯଦି ଫଙ୍କ୍‌ସନ୍‌ ରାତିରେ ଥାଏ, ତା’ହେଲେ ଡାଇମଣ୍ଡ ଅବା ଜରକନ୍‌ ଷ୍ଟୋନ ଖଚିତ ବ୍ରେସ୍‌ଲେଟ୍‌ ହାତକୁ ବେଶ୍‌ ଭଲ ମାନିଥାଏ।
-ସାଙ୍ଗମାନଙ୍କ ସହ ଆଉଟିଂରେ ଗଲାବେଳେ ଆପଣ ଚାହିଁଲେ ନିଜ ପୋଷାକକୁ ମ୍ୟାଚ୍‌ କରି ଗା୍ଲଡିଏଟର୍‌ ଷ୍ଟାଇଲ୍‌ ବ୍ରେସ୍‌ଲେଟ୍‌ କିମ୍ବା ରଙ୍ଗିନ ଷ୍ଟୋନ ଖଚିତ ବ୍ରେସ୍‌ଲେଟ୍‌ ପିନ୍ଧି ନିଜକୁ ଷ୍ଟାଇଲିଶ୍‌ ଲୁକ୍‌ ଦେଇପାରିବେ।


Enter your email to get our daily news in your inbox.

All Right Reserved By Dharitri.Com

ସକାଳେ ଏସବୁ କରିବା ମନା…

ଶୀତଦିନେ କେତେକ କାମ ନ କରିବାକୁ ଚିକିତ୍ସକ ପରାମର୍ଶ ଦେଇଥାନ୍ତି। ଏସବୁ କଲେ ଶରୀର ଉପରେ ଖରାପ ପ୍ରଭାବ ପଡ଼ିଥାଏ। ଶୀତଦିନେ ସକାଳୁ ଗରମ ପାଣିରେ...

ଲୁଣ ପାଣିରେ ସ୍ନାନ କଲେ ମିଳିବ ଅନେକ ଫାଇଦା

ଖାଦ୍ୟରେ ଲୁଣ ରହିବା ଜରୁରୀ। ଲୁଣ ବିନା ଖାଦ୍ୟରେ ସ୍ବାଦ ଆସି ନ ଥାଏ। ଜାଣିଛନ୍ତି କେବଳ ଖାଦ୍ୟ ନୁହେଁ ଏହା ଆପଣଙ୍କର ସୌନ୍ଦର୍ଯ୍ୟକୁ ମଧ୍ୟ...

ଗେଣ୍ଡୁଫୁଲର ଉପକାରିତା

ଆଜିକା ଦିନରେ ପ୍ରଦୂଷଣ ଲୋକଙ୍କ ପାଇଁ ଏକ ବଡ଼ ସମସ୍ୟା ପାଲଟିଛି। ଯେଉଁ କାରଣରୁ ଅନେକ ଲୋକ ବିଭିନ୍ନ ପ୍ରକାର ରୋଗର ସମ୍ମୁଖୀନ ହେଉଛନ୍ତି, ସେଥିମଧ୍ୟରୁ...

ଏହି ୪ ରାଶିର ପୁରୁଷଙ୍କ ପ୍ରତି ଶୀଘ୍ର ଆକର୍ଷିତ ହୋଇଥାନ୍ତି ମହିଳା; କରିପାରନ୍ତି ନାହିଁ ନା  

ଜ୍ୟୋତିଷ ଶାସ୍ତ୍ରରେ ରାଶିର ମହତ୍ତ୍ୱ ଅଧିକ। ଏହା ଆଧାରରେ କୌଣସି ବ୍ୟକ୍ତିର ସ୍ବଭାବ, ଗୁଣ-ଦୋଷ ଏବଂ ତା’ର ଜୀବନରେ ହେବାକୁ ଥିବା ଘଟଣା ବିଷୟରେ ଜଣାପଡ଼ିଥାଏ।...

ତମାଖୁ ସେବନଓ ଫୁସ୍‌ଫୁସ୍‌ ଧୂଆଁ

ଆମ ଶରୀରରେ ଫୁସ୍‌ଫୁସ୍‌ ଏକ ଗୁରୁତ୍ୱପୂର୍ଣ୍ଣ କାର୍ଯ୍ୟ କରିଥାଏ। ଏହା ରକ୍ତରେ ଥିବା ହିମୋଗ୍ଲୋବିନକୁ ଅମ୍ଳଜାନ ସଂଯୁକ୍ତ କରିଥାଏ- ଅର୍ଥାତ୍‌ ହୃଦ୍‌ଯନ୍ତ୍ରରୁ ଆସୁଥିବା ଅପରିଷ୍କାର ରକ୍ତ...

ସ୍ବାସ୍ଥ୍ୟ ପାଇଁ ବରଦାନ ସେଓ: ନିୟମିତ କରନ୍ତୁ ସେବନ, ଏସବୁ ରୋଗରୁ ପାଇବେ ମୁକ୍ତି

ସୁସ୍ଥ ରହିବାକୁ ସମସ୍ତେ ଚାହାନ୍ତି। ମାତ୍ର ବର୍ତ୍ତମାନର ଜୀବନଶୈଳୀରେ ସେସବୁ ସମ୍ଭବ ହୋଇପାରୁନାହିଁ। କେଉଁଠି ନା କେଉଁଠି ଅବହେଳା କାରଣରୁ ଅଧିକାଂଶ ଲୋକ ବିଭିନ୍ନ ସ୍ବାସ୍ଥ୍ୟ...

ଘରକରଣା

ଏକ କପ୍‌ ପଇଡ ପାଣିରେ ଦୁଇଟି ବ୍ରେଡ ଓ ଏକ ଚାମଚ ଚିନି ମିଶାଇ ଗ୍ରାଇଣ୍ଡିଂ କରି ଦିଅନ୍ତୁ। ଏହି ମିଶ୍ରଣକୁ ଇଡ୍‌ଲି ମିଶ୍ରଣରେ ମିଶାଇଲେ...

ଶିଶୁଙ୍କ ନାମକରଣ କରୁଥିଲେ ଧ୍ୟାନଦିଅନ୍ତୁ ଏହି କଥା ପ୍ରତି

ପ୍ରତ୍ୟେକ ବ୍ୟକ୍ତିଙ୍କ କିଛି ନା କିଛି ନାମ ରହିଛି। ଏହି ନାମ ତାଙ୍କୁ ଅନ୍ୟ ନିକଟରେ ପରିଚିତ କରାଇଥାଏ। ଯେତେବେଳେ ଘରକୁ ଶିଶୁଟିଏ ଆସିଥାଏ ତାହାର...

Advertisement
Archives

Model This Week