ବ୍ରିଟେନ: ଅନ୍ୟ ସମୁଦାୟଠାରୁ ଭାରତୀୟ ଅଧିକ ପ୍ରଭାବିତ

ଲଣ୍ଡନ,୨୪ା୪: କରୋନା ଭୂତାଣୁ ସଂକ୍ରମଣରେ ବ୍ରିଟେନରେ ଗୁରୁବାର ସୁଦ୍ଧା ୧୮,୭୩୮ ଲୋକଙ୍କ ମୃତ୍ୟୁ ଘଟିଲାଣି। ସେହିପରି ୧ ଲକ୍ଷ ୩୮ ହଜାରରୁ ଊର୍ଦ୍ଧ୍ୱ ଲୋକ ସଂକ୍ରମିତ ହୋଇଛନ୍ତି। ହେଲେ ଚିନ୍ତାର ବିଷୟ ଯେ, ବ୍ରିଟେନର କୃଷ୍ଣକାୟ, ଏସୀୟ ଓ ସଂଖ୍ୟାଲଘୁ ସମ୍ପ୍ରଦାୟ(ବିଏଏମ୍‌ଇ) ବର୍ଗ ମଧ୍ୟରୁ ଭାରତୀୟମାନେ ଏହି ମହାମାରୀରେ ସବୁଠାରୁ ଅଧିକ ପ୍ରଭାବିତ ହୋଇଛନ୍ତି। ଇଂଲଣ୍ଡର ଜାତୀୟ ସ୍ବାସ୍ଥ୍ୟସେବା(ଏନ୍‌ଏଚ୍‌ଏସ୍‌) ତଥ୍ୟ ଅନୁଯାୟୀ ଗତ ୧୭ ତାରିଖ ସୁଦ୍ଧା ଦେଶର ହସ୍ପିଟାଲଗୁଡ଼ିକରେ ୧୩,୯୧୮ଜଣ କରୋନା ରୋଗୀଙ୍କ ମୃତ୍ୟୁ ଘଟିଥିଲା। ସେଥିରୁ ୧୬.୨% ହେଉଛନ୍ତି ବିଏଏମ୍‌ଇ ବର୍ଗର। ବିଶେଷକରି ମୃତକଙ୍କ ମଧ୍ୟରେ ଭାରତୀୟ ସମୁଦାୟଙ୍କ ସଂଖା ହେଉଛି ୩%। ଏହାପଛକୁ ୨.୯% କାରିବିଆନ ଏବଂ ୨.୧% ପାକିସ୍ତାନୀଙ୍କ ମୃତ୍ୟୁ ଘଟିଛି।

ବିଏଏମ୍‌ଇ ବର୍ଗର ଲୋକଙ୍କ କରୋନା ଭାଇରସ୍‌ଜନିତ ମୃତ୍ୟୁକୁ ନେଇ ବ୍ରିଟେନ ସରକାର ସମୀକ୍ଷା କରିଛନ୍ତି। ବ୍ରିଟେନର ସ୍ବାସ୍ଥ୍ୟମନ୍ତ୍ରୀ ମ୍ୟାଟ୍‌ ହାନକକ୍‌ ଗତ ସପ୍ତାହର ସ୍ଥିତି ସମୀକ୍ଷା କରି କହିଛନ୍ତି ଯେ, ସଂଖ୍ୟାଲଘୁ ବର୍ଗର ବହୁ ଲୋକଙ୍କ ଯେଭଳି ମୃତ୍ୟୁ ଘଟିଚାଲିଛ, ତାହା ଉଦ୍‌ବେଗଜନକ। ସୂଚନାଥାଉ କି, ମୋଟ ବିଏଏମ୍‌ଇ ଜନସଂଖ୍ୟାକୁ ତୁଳନା କଲେ ଏହି ବର୍ଗର ମୃତ୍ୟୁ ସଂଖ୍ୟା ବହୁତ ଅଧିକ। ଅର୍ଥାତ୍‌ ଜନସଂଖ୍ୟାର ପ୍ରାୟ ୧୩ ପ୍ରତିଶତ। ବିଏଏମ୍‌ଇ ବର୍ଗର ମୃତକଙ୍କ ମଧ୍ୟରେ ୦.୬% ବାଂଲାଦେଶୀ, ୧.୬% ଅନ୍ୟ ଏସୀୟ, ୧.୯% ଆଫ୍ରିକାନ୍‌, ୦.୯% ଅନ୍ୟ କୃଷ୍ଣକାୟ ସମୁଦାୟ, ୦.୪% ଚାଇନିଜ୍‌ ରହିଛନ୍ତି। ଅନ୍ୟପକ୍ଷରେ ମୃତ ଶ୍ୱେତାଙ୍ଗଙ୍କ ସଂଖ୍ୟା ହେଉଛି ୭୩.୬%। କେବଳ ସେତିକି ନୁହେଁ, ବିଏଏମ୍‌ଇ ସମୁଦାୟର ବହୁ ଲୋକ ସଂକ୍ରମିତ ହୋଇଥିବା ବ୍ରିଟେନର ପ୍ରଥମ ଶିଖ୍‌ ଆପାତକାଳୀନ ଚିକିତ୍ସା ପରାମର୍ଶଦାତା ଡା. ମନ୍‌ଜିତ୍‌ ସିଂ ରିଆତ କହିଛନ୍ତି।
ବ୍ରିଟିଶ ମେଡିକାଲ ଆସୋସିଏଶନ (ବିଏମ୍‌ଏ)ର କାଉନସିଲ ଚେୟାରମ୍ୟାନ ଡା. ଚାନ୍ଦ ନାଗପାଉଲ କହିଛନ୍ତି ଯେ, ଅସମାନତାକୁ ଦୂର କରିବା ଏବଂ ଜନସଂଖ୍ୟାର ସମସ୍ତ କ୍ଷେତ୍ରକୁ ସମାନ ଭାବରେ ସୁରକ୍ଷା ଦେବା ପାଇଁ ସରକାର ଆବଶ୍ୟକ ପଦକ୍ଷେପ ନେବା ଜରୁରୀ। ବିଏଏମ୍‌ଇ ସମୁଦାୟ ସମ୍ମୁଖୀନ ହେଉଥିବା ବିପଦ ସମ୍ପର୍କରେ ସମ୍ପୂର୍ଣ୍ଣ ଭାବେ ଜାଣିବା ଯାଏ ସେମାନଙ୍କ ସୁରକ୍ଷା ପାଇଁ ଗୁରୁତ୍ୱପୂର୍ଣ୍ଣ ପଦକ୍ଷେପ ନିଆଯିବା ଜରୁରୀ ବୋଲି ସେ କହିଛନ୍ତି। ବ୍ରିଟେନରେ ଭାରତୀୟ ବଂଶୋଭବ ଡାକ୍ତରମାନଙ୍କ ସଂଘ(ବିଏପିଆଇଓ) ଏମ୍ପୋରିଆଲ କଲେଜ ଲଣ୍ଡନ ସହିତ ଏକ ନୂତନ ଏକାଡେମିକ ବୁଝାମଣା ଘୋଷଣା କରିଛି, ଯାହା ବ୍ରିଟେନର ଡାକ୍ତରୀ ବୃତ୍ତି ମଧ୍ୟରେ ଥିବା ପାର୍ଥକ୍ୟକୁ ଗଭୀର ଭାବରେ ଅନୁସନ୍ଧାନ କରିବ। ଏହି ଅନୁସନ୍ଧାନରୁ ବିଏଏମ୍‌ଇ ଜନସଂଖ୍ୟା ଉପରେ ମହାମାରୀର ପ୍ରଭାବ କିପରି ହ୍ରାସ କରାଯାଇପାରିବ ସେନେଇ ସ୍ପଷ୍ଟ ପରାମର୍ଶ ମିଳିପାରିବ ବୋଲି ବିଏପିଆଇଓ ସଭାପତି ଡା. ରମେଶ ମେହେଟ୍ଟା କହିଛନ୍ତି। ବିଶେଷଜ୍ଞଙ୍କ କହିବାନୁଯାୟୀ, ହୃଦ୍‌ରୋଗ, ମଧୁମେହ, ଭିଟାମିନ ଅଭାବ, ବହୁ ପିଢ଼ିର ପରିବାରରେ ସାମାଜିକ ଦୂରତ୍ୱ ପାଳନ ନ ହେବା ଆଦି କାରଣ ପାଇଁ ବ୍ରିଟେନରେ ଜାତିଭିତ୍ତିକ ସଂଖ୍ୟାଲଘୁଙ୍କ ମୃତ୍ୟୁହାର ଅଧକ।


Enter your email to get our daily news in your inbox.

All Right Reserved By Dharitri.Com

ପାକିସ୍ତାନକୁ ବଡ ଝଟ୍‌କା

ୟୁଏଇ,୨୦।୧୧: ସଂଯୁକ୍ତ ଆରବ ଏମିରେଟ୍‌ସ(ୟୁଏଇ) ପାକିସ୍ତାନ ସମେତ ୧୨ଟି ଦେଶର ଲୋକଙ୍କ ପାଇଁ ନୂତନ ଭିସା ପ୍ରଦାନ ଉପରେ ଅସ୍ଥାୟୀ ପ୍ରତିବନ୍ଧକ ଲଗାଇଛି। ପାକିସ୍ତାନର ବୈଦେଶିକ...

ବିଗିଡ଼ିଲାଣି କରୋନା ସ୍ଥିତି

ନୂଆଦିଲ୍ଲୀ, ୧୪ା୬: ଭାରତରେ ମହାମାରୀ କରୋନାର ଭୟଙ୍କର ସ୍ଥିତି ଏବେ ଦେଖିବାକୁ ମିଳିଛି। ବିଶେଷ କରି ଲକ୍‌ଡାଉନ୍‌ ଉଠିବା ଓ ପ୍ରବାସୀଙ୍କ ଆଗମନ ପରେ ସ୍ଥିତି...

ଜଳବାୟୁ ପରିବର୍ତ୍ତନକୁ ନେଇ ତଥ୍ୟ ଦେଇପାରିବ ନାହିଁ ବିଜ୍ଞାନ: ଟ୍ରମ୍ପ

ୱାଶିଂଟନ,୧୫ ।୯: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ବେଳେ ବେଳେ ତାଙ୍କ ବୟାନକୁ ନେଇ ଆସିଥାଆନ୍ତି ଚର୍ଚ୍ଚାକୁ । ଏଥର ବି ଏମିତି ଏକ ବୟାନ...

ଦକ୍ଷିଣ କୋରିଆରେ ପିଲାଙ୍କ ସଂଖ୍ୟା କମ୍‌ ଥିବାରୁ ବରିଷ୍ଠ ନାଗରିକ ଯାଉଛନ୍ତି ସ୍କୁଲ

ସିଓଲ,୨୯।୪: ଦକ୍ଷିଣ କୋରିଆରେ ଏବେ ଜନସଂଖ୍ୟା ଏତେ ପରିମାଣରେ କମିବାରେ ଲାଗିଛି ଯେ ଏଠାରେ ସ୍କୁଲ ଯିବା ପାଇଁ ପିଲାଙ୍କର ଅଭାବ ପରିଲକ୍ଷିତ ହେଉଛି। ତେଣୁ...

ପାକିସ୍ତାନ- ଚାଇନାକୁ ଝଟକା: ୟୁଏନଏସସିରେ ଜମ୍ମୁ-କଶ୍ମୀର ପ୍ରସଙ୍ଗରେ ୯ଟି ଭୋଟ ସପକ୍ଷରେ ଆଣିପାରିଲେ ନାହିଁ ଦୁଇଦେଶ

ନ୍ୟୁୟର୍କ/ନୂଆଦିଲ୍ଲୀ, ୧୬।୮: ସଂଯୁକ୍ତ ରାଷ୍ଟ୍ର ସୁରକ୍ଷା ପରିଷଦ(ୟୁଏନଏସସି)ରେ ପାକିସ୍ତାନକୁ ପୁଣି ଝଟକା। ଜମ୍ମୁ-କଶ୍ମୀରରୁ ଅନୁଚ୍ଛେଦ ୩୭୦ ଉଠିବା ପରେ ବିଚଳିତ ପାକିସ୍ତାନକୁ ୟୁଏନଏସସିରେ କେବଳ ଚାଇନାକୁ...

କରୋନାରୁ ସୁସ୍ଥ ହୋଇଥିବା ୯୦ ପ୍ରତିଶତ ରୋଗୀଙ୍କ ଫୁସଫୁସର ହେଉଛି ଏପରି ଅବସ୍ଥା!

ବେଜିଂ,୬।୮: ଚାଇନାର ଉହାନ ସହରରେ କରୋନା ଭାଇରସରୁ ଆରୋଗ୍ୟ ହୋଇଥିବା ଅଧିକାଂଶ ରୋଗୀଙ୍କ ଫୁସଫୁସ ଖରାପ ହୋଇଯାଇଛି। କେବଳ ଏତିକି ନୁହେଁ, କରୋନାରୁ ସୁସ୍ଥ ହୋଇଥିବା...

ଆଷ୍ଟ୍ରାଜେନିକା ଟିକା ନେଲେ ବୋରିସ ଜନ୍‌ସନ

ଲଣ୍ଡନ,୨୦।୩: ବ୍ରିଟିଶ୍‌ ପ୍ରଧାନମନ୍ତ୍ରୀ ବୋରିସ ଜନ୍‌ସନ ଆଷ୍ଟ୍ରାଜେନିକା କୋଭିଡ-୧୯ ଟିକା ନେଇଛନ୍ତି। ପ୍ରଥମ ଡୋଜ ଟିକା ନେବାପରେ ଜନ୍‌ସନ ତାଙ୍କ ପ୍ରତିକ୍ରିୟାରେ କହିଛନ୍ତି, କୋଭିଡ-୧୯ ଆଷ୍ଟ୍ରାଜେନିକା...

ସମସ୍ୟା ନ ସୁଧୁରିଲେ ମୋଦିଙ୍କ ଇସ୍ତଫା ଦାବି କରିିବେ ଲୋକେ: ସଞ୍ଜୟ ରାଉତ

ମୁମ୍ବାଇ,୨।୮: ଭାରତରେ ଦେଖାଦେଇଥିବା କରୋନା ମହାମାରୀ ରୋକିବାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସରକାର ଅସଫଳ ରହିଛନ୍ତି। ସେହିପରି ଆର୍ଥିକ ସଙ୍କଟର ସମାଧାନ କରିବାକୁ ସରକାର ଅସମର୍ଥ।...

Advertisement


Archives

Model This Week