ବେପାର ବୁଡ଼ାଇଲା ବେମାର

ବଅଁରପାଳ,୨୭ା୫(ଡି.ଏନ.ଏ.) – ଲକ୍‌ଡାଉନ କୋହଳ ହେଲାଣି। ଘରୁ ବାହାରି ଲୋକେ ବଜାର ଧରିଲେଣି। ହେଲେ ମୁହଁରୁ ଖସୁନି ମାସ୍କ କି ସାଥିରୁ ହଟୁନି ସାନିଟାଇଜର। ପୁଣି ସନ୍ଧ୍ୟାରୁ ସକାଳ ଯାଏ ଲାଗିଛି କର୍ଫ୍ୟୁ। କଟକଣା ନ ମାନିଲେ ଦେବାକୁ ପଡ଼ୁଛି ଜରିମାନା। ସାମାଜିକ ଦୂରତ୍ୱ ନ ରଖିଲେ ଭୟ ଦେଖାଉଛି କରୋନା। ଏପରି ଅବସ୍ଥାରେ ଗୁପ୍‌ଚୁପ୍‌ ଖାଇବ କିଏ। ସନ୍ଧ୍ୟାର ଖଟାମିଠା ସ୍ବାଦ ଖରାବେଳେ ସେମାନଙ୍କୁ ଖୁସି ଦେବ କିପରି। ତେଣୁ ବ୍ୟାପୁଥିବା ଏ ଭାଇରସ୍‌ ବେମାର ଗୁପ୍‌ଚୁପ୍‌ ବେପାରକୁ ବୁଡ଼ାଇ ଦେଇଛି। ଶହ ଶହ ବ୍ୟବସାୟୀଙ୍କୁ ଦୁର୍ଦ୍ଦିନ ମଧ୍ୟକୁ ଠେଲି ଦେଇଛି। ଏବେ କେମିତି ପରିବାର ଚଳାଇବୁ ସେହି ଚିନ୍ତାରେ ପଡ଼ିଛୁ ବୋଲି କହିଛନ୍ତି ଅନୁଗୋଳ ଜିଲା ବଅଁରପାଳ ଅଞ୍ଚଳର କେତେଜଣ ଗୁପ୍‌ଚୁପ୍‌ ବିକାଳି।
ବଅଁରପାଳ ଅଞ୍ଚଳରେ ଶତାଧିକ ଗୁପ୍‌ଚୁପ୍‌ ବ୍ୟବସାୟୀ ବର୍ଷ ବର୍ଷ ଧରି ବେପାର କରି ଆସୁଛନ୍ତି। ସେମାନେ ମୁଖ୍ୟତଃ ବଅଁରପାଳ ବଜାର, ନାଲ୍‌କୋ ଟାଉନଶିପ୍‌, ଗିରାଙ୍ଗ, ସିପିପି ରାସ୍ତା, ନାଲ୍‌କୋ କଲୋନୀ ଆଦି ସ୍ଥାନଗୁଡ଼ିକରେ ଗୁପ୍‌ଚୁପ୍‌ ବିକ୍ରି କରିଥାନ୍ତି। ଦିନବେଳା କଁା ଭଁା ବାହାରକୁ ଆସୁଥିବା ଏହି ବ୍ୟବସାୟୀ ସନ୍ଧ୍ୟାରେ ବଜାର, କଲୋନୀ ରାସ୍ତା ପାର୍ଶ୍ୱରେ ଆସ୍ଥାନ ଜମାଇ ଦେଇଥାନ୍ତି। ଦୈନିକ ଜଣେ ବ୍ୟବସାୟୀ ପ୍ରାୟ ୫ ହଜାର ଟଙ୍କା ରୋଜଗାର କରିଥାନ୍ତି। ଖର୍ଚ୍ଚ ଯାଇ ଯାହା କିଛି ଲାଭ ବାହାରେ ସେଥିରେ ସେମାନେ ପରିବାର ଚଳାନ୍ତି। ହେଲେ କରୋନା ଯୋଗୁ ଗୁପ୍‌ଚୁପ୍‌ ଠେଲା ଆଉ ଗଡ଼ୁନି। ୨ ମାସ ହେଲା ଘରେ ବସିଥିବାରୁ ଯାହା କିଛି ସଞ୍ଚିତ ଅର୍ଥ ଥିଲା ତାହା ମଧ୍ୟ ସରିଗଲାଣି। ଏଣିକି ବେପାର ନ କଲେ ପରିବାର ଉପବାସରେ ରହିବା ଏକପ୍ରକାର ନିଶ୍ଚିତ। କିନ୍ତୁ ବଢ଼ୁଥିବା ଏ ବେମାର ବେଳାରେ କିଏ ସେମାନଙ୍କୁ ବିଶ୍ୱାସକୁ ନେବ ତାହା ବଡ଼ ପ୍ରଶ୍ନବାଚୀ ସୃଷ୍ଟି କରିଛି। ଗୁପ୍‌ଚୁପ୍‌ ବ୍ୟବସାୟୀ ଗିରାଙ୍ଗ ଗ୍ରାମର ଟୁନା ସାହୁ ଓ ଶରତ ସାହୁ କହିଛନ୍ତି, ଏହି ବେପାର ହିଁ ଆମମାନଙ୍କ ଏକମାତ୍ର ରୋଜଗାରର ପନ୍ଥା। ବର୍ଷତମାମ ଏଥିରୁ ପରିବାର ଭରଣ ପୋଷଣ କରିବାକୁ ପଡ଼େ। ନାଲ୍‌କୋ ସିପିପି ରାସ୍ତା କଡରେ ଦୈନିକ ସା ୬ଟାରୁ ରାତି ୯ଟା ପର୍ଯ୍ୟନ୍ତ ଆମ ଠେଲା ନିକଟରେ ଲୋକଙ୍କ ଭିଡ଼ ଜମିଥାଏ। ମାତ୍ର କରୋନା କାରଣରୁ ବେପାର ବନ୍ଦ ହୋଇଯାଇଛି। ଆଗକୁ ପିଲାଛୁଆଙ୍କ ମୁହଁରେ କେମିତି ଦାନା ଦେବୁ ସେ କଥା ସରକାର ବୁଝନ୍ତୁ ବୋଲି କହିଛନ୍ତି ଏହି ଗୁପ୍‌ଚୁପ୍‌ ବେପାରୀମାନେ।


Enter your email to get our daily news in your inbox.

All Right Reserved By Dharitri.Com

ଟ୍ରକ୍‌ ଧକ୍କାରେ ଛାତ୍ରୀ ଗୁରୁତର: ଟ୍ରକ୍‌ ସହ ଡ୍ରାଇଭର ଅଟକ, ଘଟଣାସ୍ଥଳରେ ଉତ୍ତେଜନା

ଅନୁଗୋଳ ଅଫିସ,୨୦।୯: ଅନୁଗୋଳ ଜିଲା କୁମଣ୍ଡ-ଜରାସିଂହା ରାସ୍ତାରେ ଶୁକ୍ରବାର ମଧ୍ୟାହ୍ନରେ ଟ୍ରକ୍‌ ଧକ୍କାରେ ନୋଡାଲ ଉଚ୍ଚ ବିଦ୍ୟାଳୟର ଜଣେ ଛାତ୍ରୀ ଗୁରୁତର ହୋଇଛନ୍ତି। ସେ ହେଲେ...

ଦାରିଙ୍ଗବାଡ଼ି ଅଞ୍ଚଳରେ କାଜୁ ଚାଷ ନୈରାଶ୍ୟଜନକ

ଦାରିଙ୍ଗବାଡି,୨୩।୫(ଡି.ଏନ.ଏ)-ଦାରିଙ୍ଗବାଡି ବ୍ଲକ ଅଞ୍ଚଳ ସମେତ ପଡୋଶୀ ଜିଲା ଗଜପତିର ପାଣିଗଣ୍ଡା, କଟାମାହା ଆଦି ଅଞ୍ଚଳରେ ଏବେ କାଜୁ ଚାଷ ପ୍ରତି ଆଗ୍ରହ ବୃଦ୍ଧି ପାଉଛି। ତେବେ...

କ୍ରଶର ମିଲ୍‌ ବନ୍ଦ ଯୋଗୁ ଉନ୍ନୟନ କାର୍ଯ୍ୟରେ ବାଧା

ମାଲକାନଗିର,୬।୧୨ (ଡି.ଏନ୍‌.ଏ.)- ମାଲକାନଗିରି ଜିଲାରେ ଏକମାସରୁ ଊର୍ଦ୍ଧ୍ୱ ହେବ କ୍ରଶର ମିଲଗୁଡିକ ବନ୍ଦ ରହିଛି ା ଫଳରେ ବହୁ ଘରୋଇ କାର୍ଯ୍ୟ ଏବଂ ଉନ୍ନୟନ କାର୍ଯ୍ୟ...

ଡାକ୍ତର, କିରାଣିଙ୍କୁ ଧମକ

ରାଇଘର, ୨୪।୩(ଡି.ଏନ୍‌.ଏ.): ନବରଙ୍ଗପୁର ଜିଲା ରାଇଘର ବ୍ଲକ କୁନ୍ଦେଇ ଥାନା ଅଧୀନ ହାଟଭରଣ୍ଡି ଓ କୁନ୍ଦେଇ ରାସ୍ତାରେ ମାଓବାଦୀ ପୋଷ୍ଟର ଓ ବ୍ୟାନର ଲାଗିଥିବା ଦେଖିବାକୁ...

ରାସ୍ତା ଜାମରେ ଫସିଲା ଆମ୍ବୁଲାନ୍ସ

କେନ୍ଦୁଝର,୧୬।୧୨(ସ୍ବ.ପ୍ର.): କେନ୍ଦୁଝର ଜିଲା ବାଂଶପାଳ ବ୍ଲକ ଟଣ ପଞ୍ଚାୟତ ତଳଗୁଣ୍ଡୁଳା ଗ୍ରାମର ଜଣେ ପ୍ରସୂତି ଗୁରୁତର ଅବସ୍ଥାରେ ଜନନୀ ଏକ୍ସପ୍ରେସ ଆମ୍ବୁଲାନ୍ସରେ ଜିଲା ମୁଖ୍ୟ ଡାକ୍ତରଖାନାକୁ...

ବ୍ରିଜ୍‌ ଉପରୁ ଖସିପଡ଼ିଲା କାର

ବାଙ୍କୀ,୨୬।୯(ଡି.ଏନ୍‌.ଏ.): କଟକ ଜିଲା ବାଙ୍କୀ ଥାନା ଅଞ୍ଚଳରେ ରବିବାର ସକାଳେ ଏକ କାର ନାଳରେ ବୁଡ଼ି ଯାଇଛି। ନାଳରେ ବନ୍ୟା ପାଣି ଥିବା ଯୋଗୁ କାରଟି...

ବଡ଼ ଭାଇ ମାଂସ ତରକାରୀ ଖାଇଦେବାରୁ ସାନ ଭଉଣୀର ଆତ୍ମହତ୍ୟା

ପାଟଣା,୨୨।୧(ସ୍ବ.ପ୍ର.) : କେନ୍ଦୁଝର ଜିଲା ପାଟଣା ବ୍ଲକ ବଡ଼ପାଟଣା ଗ୍ରାମରେ ଏକ ଅଭାବନୀୟ ଘଟଣା ଘଟିଛି। ବଡ଼ ଭାଇ ମାଂସ ତରକାରୀ ଖାଇଦେବାରୁ ସାନ ଭଉଣୀ...

ବଳଦେବ ଠାକୁରଙ୍କ ଜନ୍ମଉତ୍ସବ

ବୁଗୁଡ଼ା,୧୫।୮(ଡି.ଏନ୍‌.ଏ.)- ବୁଗୁଡ଼ାରେ ଅବସ୍ଥିତ ବଳଦେବ ସ୍ବାମୀ ମନ୍ଦିରରେ ଗୁରୁବାର ଗୁରୁପୂର୍ଣ୍ଣିମା ଅବସରରେ ବଳଦେବ ଠାକୁରଙ୍କ ଜନ୍ମଉତ୍ସବ ପାଳିତ ହୋଇଯାଇଛି। ଏହି ଉପଲକ୍ଷେ ହୋମ, ଯଜ୍ଞ ସହ...

Advertisement
Archives

Model This Week