ବେଆଇନ ପଲିଥିନ ଜବତ
9:58 pmNovember 18, 2022November 18, 2022 / 09

ଗୋପାଳପୁର,୧୮ା୧୧(ଡି.ଏନ.ଏ.)-ଗୋଳନ୍ଥରା ଥାନା ପୋଲିସ ୩ ଟନ୍‌ ୩୦୦ କେଜି ବେଆଇନ ପଲିଥିନ ଜବତ କରିଛି। ତେଲଙ୍ଗାନା ହାଇଦ୍ରାବାଦ ଅଞ୍ଚଳରୁ ଏକ ଟାଟା ଏସିଇ ଯୋଗେ ପଲିଥିନ ଲୋଡ଼ ହୋଇ ହଳଦିଆପଦର ଆସିଥିଲା। ଏହି ସମୟରେ ଗୋଳନ୍ଥରା ଥାନା ପୋଲିସ ବୁଧବାର ଉକ୍ତ ଗାଡ଼ିକୁ ଯାଞ୍ଚ ବେଳେ ପଲିଥିନ ଥିବା ଜଣାପଡ଼ିଥିଲା। ପଲିଥିନକୁ ସରକାରଙ୍କ ପକ୍ଷରୁ ବେଆଇନ ଘୋଷଣା କରାଯାଇଛି। ବ୍ୟବସାୟୀମାନେ ଉକ୍ତ ପଲିଥିନଗୁଡ଼ିକୁ ଆଣି ଦୋକାନୀମାନଙ୍କୁ ବିକ୍ରି କରୁଥିବା ତଦନ୍ତରେ ଜଣାପଡ଼ିଥିଲା। ପୋଲିସ ଉକ୍ତ ଗାଡ଼ିକୁ ନିଜ ହେପାଜତକୁ ନେବା ସହ କନିଷି ତହସିଲଦାରଙ୍କୁ ହସ୍ତାନ୍ତର କରିଥିଲା। ଉକ୍ତ ପଲିଥିନଗୁଡ଼ିକ ସମ୍ପୂର୍ଣ୍ଣ ପୋଡ଼ି ନଷ୍ଟ କରାଯିବ ବୋଲି କନିଷି ତହସିଲଦାର ପ୍ରଳୟାନନ୍ଦ ଶତପଥୀ ସୂଚନା ଦେଇଛନ୍ତି।