‘ବୁଲ୍‌ବୁଲ୍‌’: ପୁରୀବାସୀଙ୍କୁ ଘାରିଲା ଚିନ୍ତା

ପୁରୀ ଅଫିସ/କାକଟପୁର, (ଡି.ଏନ୍‌.ଏ.)୬ା୧୧:‘ଫନୀ’ର କ୍ଷତ ଶୁଖି ନ ଥିବାବେଳେ ପୁରୀ ଜିଲାବାସୀ ପୁଣି ଏକ ସମ୍ଭାବ୍ୟ ବାତ୍ୟାକୁ ନେଇ ଆତଙ୍କିତ ହୋଇପଡିଛନ୍ତି। ବାତ୍ୟା ‘ବୁଲ୍‌ବୁଲ’ ଯୋଗୁ ଉପକୂଳ ଓଡ଼ିଶାରେ ବର୍ଷା ସାଙ୍ଗକୁ ପବନ ହୋଇପାରେ ବୋଲି ପାଣିପାଗ ବିଭାଗ ପୂର୍ବାନୁମାନ କରୁଛି। ଯଦିଓ ଏହାର ସ୍ଥିତି ଏବଂ ଗତିପଥ ଏ ପର୍ଯ୍ୟନ୍ତ ଠିକ୍‌ ଭାବେ ଆକଳନ କରାଯାଇ ପାରିନାହିଁ ତଥାପି ଏହାକୁ ନେଇ ଉପକୂଳବାସୀଙ୍କୁ ଭୟ ଘାରିଛି। ନିକଟରେ ଲଘୁଚାପଜନିତ ଲଗାଣ ବର୍ଷାରେ ଜଳମଗ୍ନ ହୋଇଯାଇଥିବା ଚାଷ ଜମିରୁ ପାଣି ଭଲ ଭାବେ ନିଷ୍କାସିତ ହୋଇପାରି ନାହିଁ। ଏପରିସ୍ଥିତିରେ ବାତ୍ୟା ଆସୁଥିବା ଶୁଣି ଚାଷୀକୂଳ ଚିନ୍ତାରେ ପଡ଼ିଛନ୍ତି।
ଉପକୂଳବର୍ତ୍ତୀ ପୁରୀ ଜିଲା ଚାଷୀଙ୍କ ଜୀବନ ଜୀବିକାର ମୁଖ୍ୟ ଉତ୍ସ ଧାନ ଚାଷ। ଅନେକ ସ୍ଥାନରେ ପରିବା ଚାଷ ମଧ୍ୟ କରାଯାଉଛି। ଗତ ମାସ ୨୨, ୨୩ ଓ ୨୪ ତାରିଖରେ ଲଘୁଚାପ ଜନିତ ଲଗାଣ ବର୍ଷା ଜିଲାର ଅଧିକାଂଶ ଚାଷ ଜମିକୁ ବୁଡାଇ ଦେଇଥିଲା। ବିଶେଷକରି କୃଷ୍ଣପ୍ରସାଦ ବ୍ଲକ, ବ୍ରହ୍ମଗିରି, ପିପିଲି, ସତ୍ୟବାଦୀ, କଣାସ, ଅସ୍ତରଙ୍ଗ, କାକଟପୁର ଆଦି ବ୍ଲକରେ ପ୍ରବଳ ବର୍ଷା ହୋଇଥିବାରୁ ଚାଷ ଜମିରେ ପାଣି ଭର୍ତ୍ତି ହୋଇଥିଲା। ଗର୍ଭଣା ଧାନ ପାଣିରେ ବୁଡି ଥିବାରୁ ଚାଷୀକୂଳ ବ୍ୟତିବ୍ୟସ୍ତ ହୋଇପଡିଥିଲେ। କେତେକ ବ୍ଲକରେ ପାଚିଲା ଧାନ ପାଣିରେ ବୁଡି ରହିଥିବାବେଳେ କୃଷ୍ଣପ୍ରସାଦ ବ୍ଲକରେ ଜମିରେ ଧାନ ଗଜା ହୋଇଥିଲା। ସେହିପରି ଜିଲାରେ ବ୍ୟାପକ ପନିପରିବା ମଧ୍ୟ ବର୍ଷା ଯୋଗୁ ନଷ୍ଟ ହୋଇଥିଲା। ଏ ପର୍ଯ୍ୟନ୍ତ କ୍ଷୟକ୍ଷତିର ପରିମାଣ କେତେ ତାହା ସ୍ପଷ୍ଟ ହୋଇ ନ ଥିବାବେଳେ ଗତ ଲୁଘଚାପ ବର୍ଷାର ପାଣି ମଧ୍ୟ ସମ୍ପୂର୍ଣ୍ଣ ଭାବେ ଜମିରୁ ଛାଡିନି। ଏବେ ପୁଣି ଏକ ବାତ୍ୟା ଭୟ ଦେଖାଇଛି। ଆସନ୍ତା ୯ ଓ ୧୦ ତାରିଖରେ ଉପକୂଳରେ ପ୍ରବଳ ବର୍ଷାର ସମ୍ଭାବନା ରହିଥିବାରୁ ଚାଷୀମାନଙ୍କୁ ମଧ୍ୟ ସରକାର ସତର୍କ କରାଇ ଦେଇଛନ୍ତି। ବର୍ଷା ପୂର୍ବରୁ ପାଚିଲା ଧାନ କାଟି ନେଇ ସୁରକ୍ଷିତ ସ୍ଥାନରେ ରଖିବାକୁ କୁହାଯାଇଥିବା ବେଳେ ଜମିରୁ ପାଣି କାଢିବା ପାଇଁ ନାଳି କରନ୍ତୁ ଏବଂ ନାଳି ମୁହଁ ଖୋଲା ରଖିବାକୁ ପରାମର୍ଶ ଦିଆଯାଇଛି। ବର୍ଷା ଛାଡିବା ପରେ ଧାନରେ ପୋକ ଲାଗିବା ସମ୍ଭାବନା ରହିଛି ବୋଲି ଚାଷୀଙ୍କୁ ସତର୍କ କରାଯାଇଥିବାରୁ ସମ୍ଭାବ୍ୟ ବାତ୍ୟା ଏବଂ ବର୍ଷାର ଭୟ ଏବେ ଚାଷୀଙ୍କ ଆଖିରୁ ନିଦ ହଜାଇ ଦେଇଛି।
ପୁରୀ ଜିଲାର ସବୁ ବ୍ଲକର ଚାଷୀ ଏବେ ସମ୍ଭାବ୍ୟ ବାତ୍ୟାକୁ ନେଇ ଚିନ୍ତାରେ ରହିଛନ୍ତି। କାକଟପୁର ବ୍ଲକର ନାଶିକେଶର, ବାଙ୍ଗୁରିଙ୍ଗା, କାଦୁଆ ନୂଆଗଁା, ଅବଦାନ ପ୍ରଭୃତି ନଦୀକୁଳିଆ ପଞ୍ଚାୟତଗୁଡ଼ିକର ଚାଷୀ ଜମିରୁ ଗତ ଲଘୁଚାପ ବର୍ଷା ଜଳ ସମ୍ପୂର୍ଣ୍ଣ ଭାବେ ନିଷ୍କାସିତ ହୋଇନାହିଁ। ଯଦି ବାତ୍ୟା ଯୋଗୁ ଲଗାଣ ବର୍ଷା ହୁଏ ପୁଣି ଜମି ଜଳମଗ୍ନ ହେବା ସହିତ ଧାନ ଫସଲ ନଷ୍ଟ ହୋଇଯିବ ବୋଲି କହିଛନ୍ତି କୁଣ୍ଢେଇ ଗ୍ରାମର ଚାଷୀ ନରେନ୍ଦ୍ର ପାଇଟାଳ। ସେହିପରି ଅସ୍ତରଙ୍ଗ ବ୍ଲକର ଉଦୟକଣୀଠାରେ ସମୁଦ୍ର ସ୍ଥଳ ଭାଗକୁ ମାଡି ଆସିବା କାରଣରୁ ଶିଶୁଅ, ସରିପୁର ପଞ୍ଚାୟତର ୬ଟି ଗଁାରେ ଲୁଣା ଜୁଆର ମାଡି ଯାଇଥିଲା। ତାହା ନିଷ୍କାସିତ ହୋଇଥିବା ବେଳେ ପୁଣି ସମ୍ଭାବନ୍ୟ ବାତ୍ୟା ଫଳରେ ସମୁଦ୍ର ଲୁଣା ଜୁଆର ସ୍ଥଳ ଭାଗକୁ ମାଡି ଆସିବ ବୋଲି ଉପରୋକ୍ତ ପଞ୍ଚାୟତର ଜନସାଧାରଣ ଭୟଭୀତ ହୋଇପଡିଛନ୍ତି। ଅପରପକ୍ଷେ ଦେବୀ ନଦୀ ପଠାରେ ଚାଷୀମାନେ କରିଥିବା ୫୦ ଏକରରୁ ଊର୍ଦ୍ଧ୍ୱ ପନିପରିବା ଗତ ଲଘୁଚାପ ବର୍ଷାରେ ସମ୍ପୂର୍ଣ୍ଣ ନଷ୍ଟ ହୋଇଯାଇଥିଲା। ଚାଷୀମାନେ ପୁଣିଥରେ ପରିବା ଚାଷ ଆରମ୍ଭ କରୁଥିବା ବେଳେ ବାତ୍ୟା ଖବର ସେମାନଙ୍କ ନିଦ ହଜାଇ ଦେଇଛି ବୋଲି କୁହନ୍ତି ନଗର ଗ୍ରାମର ବାବାଜୀ ବେହେରା। ଧାର କରଜ କରି ଚାଷ କରିଥିବା ବେଳେ ଯଦି ଉଜୁଡିଯାଏ ତେବେ କଣ କରିବେ ସେହି ଚିନ୍ତା ଘାରିଛି।


Enter your email to get our daily news in your inbox.

All Right Reserved By Dharitri.Com

କୃଷି ସୂଚନା, ପରାମର୍ଶ କେନ୍ଦ୍ର ପାଲଟିଛି ଭୂତକୋଠି

ଖଜୁରିପଡ଼ା,୨୭ା୯(ଡି.ଏନ.ଏ.)- ସରକାର କୃଷି ଓ କୃଷକଙ୍କ ବିକାଶ ପାଇଁ ବିଭିନ୍ନ ଯୋଜନା କରୁଛନ୍ତି। ଏହାର ସଫଳ ରୂପାୟନ ନିମନ୍ତେ ବହୁ ଟଙ୍କା ବ୍ୟୟ କରାଯାଉଛି। ମାତ୍ର...

ପ୍ରବାସୀଙ୍କୁ ଜୀବିକା ଯୋଗାଇବେ ସରକାର: ୧୭ ହଜାର କୋଟି ବ୍ୟୟ ଅଟକଳ

ଭୁବନେଶ୍ୱର, ୨୯।୫(ବ୍ୟୁରୋ): ରାଜ୍ୟ ସରକାରଙ୍କ ପକ୍ଷରୁ ପ୍ରବାସୀଙ୍କୁ ଜୀବିକା ଯୋଗାଇ ଦେବା ଲକ୍ଷ୍ୟରେ ୧୭ ହଜାର କୋଟି ବ୍ୟୟ ଅଟକଳ ରଖାଯାଇଛି। ଜୁନ୍‌ ୨୦୨୦ରୁ ମାର୍ଚ୍ଚ...

ପୁରୀ ବେଳାଭୂମିରେ ବୃହତ୍‌ ଥ୍ରୀଡି ବାଲୁକା ସାନ୍ତା କ୍ଲଜ: ଗୋ ଗ୍ରୀନ୍‌ର ବାର୍ତ୍ତା ଦେଇଛନ୍ତି ସୁଦର୍ଶନ

ପୁରୀ ଅଫିସ, ୨୪ା୧୨: ପବିତ୍ର ବଡ଼ଦିନ ଅବ୍ୟବହିତ ପୂର୍ବରୁ ମଙ୍ଗଳବାର ପୁରୀର ସ୍ବର୍ଣ୍ଣାଭ ବେଳାଭୂମିରେ ଅନ୍ତର୍ଜାତୀୟ ବାଲୁକା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ପ୍ରସ୍ତୁତ କରିଛନ୍ତି...

କରୋନା ପାଇଁ ପଡ଼ିପାରୁନି ହାତଗଣ୍ଠି

ସମ୍ବଲପୁର, ୨୫। ୩(ବ୍ୟୁରୋ): କରୋନା ଭୂତାଣୁକୁ ନେଇ ସମଗ୍ର ଦେଶବାସୀ ଭୟଭିତ। ଏହାର ମୁକାବିଲା ପାଇଁ କେନ୍ଦ୍ର ଓ ରାଜ୍ୟ ସରକାର ବିଭିନ୍ନ ପଦକ୍ଷେପ ଗ୍ରହଣ...

ଘରଭଙ୍ଗା ସାହାଯ୍ୟ ମିଳିଲାନି

ଯାଜପୁର ଅଫିସ,୭।୧୨: ଗତ ଅଗଷ୍ଟରେ ହୋଇଥିବା ପ୍ରଳୟଙ୍କରୀ ବନ୍ୟାକୁ ୩ ମାସ ଅତିକ୍ରାନ୍ତ ହୋଇଛି। ଏଥିରେ ଯାଜପୁର ଜିଲାର ୨ ପକ୍କା ଘର ସମ୍ପୂର୍ଣ୍ଣ ଧ୍ୱଂସ...

ଗୋଶାଳାରେ ପହଞ୍ଚିଲା ଗୋଖାଦ୍ୟ

ଅନୁଗୋଳ ଅଫିସ୍‌, ୨୩ା୪: ଡ୍ରିମ୍‌ ଫାଉଣ୍ଡେଶନ ତରଫରୁ ଅନୁଗୋଳ ଆଦିତ୍ୟ ବାହିନୀ ମାଧ୍ୟମରେ ଗୋବର୍ଦ୍ଧନ ପୀଠ ଗୋଶାଳାକୁ ଗୋଖାଦ୍ୟ ପ୍ରଦାନ କରାଯାଇଛି। ଆଦିତ୍ୟ ବାହିନୀ ମହାସଚିବ ପଣ୍ଡିତ...

ଦିଲ୍ଲୀ ଏମ୍‌ସରୁ ସ୍ଥାନାନ୍ତର ହେବେ ଜଗା-କାଳିଆ:୭ରୁ ଏସ୍‌ସିବିରେ ଚିକିତ୍ସା

ଭୁବନେଶ୍ୱର,୩୦-୮(ବ୍ୟୁରୋ):ଅପରେଶନ ମାଧ୍ୟମରେ ଅଲଗା ହୋଇଥିବା କନ୍ଧମାଳର ଯୋଡ଼ାମୁଣ୍ଡ ଶିଶୁ ଜଗା-କାଳିଆ ଦିଲ୍ଲୀ ଏମ୍ସରୁ ସ୍ଥାନାନ୍ତର ହେବେ। ଆସନ୍ତା ୭ ତାରିଖରେ ଓଡ଼ିଶାରେ ପହଞ୍ଚତ୍ବା ପରେ ସେମାନଙ୍କୁ...

ପାଣି ପାଇଁ ଲୋକେ ଡହଳବିକଳ : ୨ ଶହ ପରିବାରକୁ ୪ ନଳକୂପ

ଭବାନୀପାଟଣା,୧୧ା୫(ଡି.ଏନ୍‌.ଏ.): ଭବାନୀପାଟଣା ସଦର ବ୍ଲକ ବୋର୍ଡା ମିଲକୀ ଅଞ୍ଚଳ ଏବେ ଜଳୁଛି। ୪୬ ଡିଗ୍ରୀ ତାତିରେ ଜନଜୀବନ ଅସ୍ତବ୍ୟସ୍ତ ହୋଇପଡୁଛି। ଅଞ୍ଚଳରେ ପାନୀୟ ଜଳର ଉକତ୍ଟ...

Play 250+ Trending Games
Archives

Model This Week

Why Dharitri