ବୁଡ଼ି ଯାଉଛେ କୁମ୍ଭାରମାନକର କଉଲିକ୍‌ ବୁରତି : ସାମାନ ବିକ୍‌ରି ଲାଗି ବଜାର ବେବସ୍‌ତାର ଅଭାବ

ନୂଆପଡା ଅଫିସ,୨୮ା୪-ଦିନୁ ଦିନ୍‌କେ ସମିଆ ବଦଲୁଛେ, ତାର ସଂଗେ ଲୁକ୍‌କର ଚାଲିଚଲନ, ପିଁଧନ୍‌ଉଢ଼ନ୍‌, ଖାଏଦ୍‌ ପାଏନ୍‌, ବେଭାର କଲା ଜିନିଷପାତିରେ ବି ଅନେକ୍‌ ପରିବରତନ୍‌ ଦେଖ୍‌ବାକେ ମିଲୁଛେ। ଏହେଦେ ଆମେ ଗୁଟେ ପରକାର ପ୍ଲାଷ୍ଟିକ୍‌ ଯୁଗରେ ଅଛୁଁ କହେଲେ କିଛି କମ୍‌ ନାଇଁହୁଏ। ପ୍ଲାଷ୍ଟିକ୍‌ ଜିନିଷମାନ ହଲ୍‌କା, ସସ୍‌ତା ଆର ଜହଦିନ୍‌ ବଏତର ଯିବାର ଲାଗି ଲୋକ୍‌ ଇତାର ବଡ଼ଭାରି ବେଭାର କରୁଛନ୍‌। ଇଥିରଲାଗି କୁମ୍ଭାରମାନକର କଉଲିକ୍‌ ବୁରତି ଉପରେ ମାଡ଼ ପଡ଼ୁଛେ। ବିହା ବରୁ ଆର କେତେ ପୂଜାପାଠ୍‌କେ ଛାଡ଼ିଦେଲେ କୁମ୍ଭାରମାନକର ମାଏଟ୍‌ ତିଆରି ଜିନିଷ୍‌ର ବେଭାର ଦେଖ୍‌ବାକେ ନାଇଁ ମିଲବାର। ଏନ୍‌ତାଥି ନୂଆପଡ଼ା ଜିଲାର କୁମ୍ଭାର ସମାଜର ଅନେକ ପରିବାର ଟେରାକୋଟା ସାମାନ ତିଆର କରି ବିକାଭଂଗା କରି ଦୁଇପଏସା କମଉଥିଲେ। ହେଲେ ବଜାର ବେବସ୍‌ତା ଅଭାବୁ କାରିଗରମାନେ ସାମନ ତିଆରି କରି ଘରେ ପକେଇ ରଖୁଛନ୍‌। ଏନ୍‌ତା ଗୁଟେ ଉଦାହରନ୍‌ ଦେଖ୍‌ବାକେ ମିଲିଛେ ଖଡ଼ିଆଳ ସହରଠାନୁ ୫ କି.ମି. ଦୂରେ ଥିବାର ମାଣ୍ଡୋସିଲ ଆର ଚିନ୍ଦାଗୁଡ଼ା ଗଁାରେ।

ମାଣ୍ଡୋସିଲ ଆର ଚିନ୍ଦାଗୁଡ଼ା ଦୁଇଟା ଗଁାରେ ୬୦ରୁ ଅଧ୍‌କା କୁମ୍ଭାର ପରିବାର ବାସ କରୁଛନ୍‌। ଇମାନେ ବାପ୍‌ ଅଜା ଅମଲୁ ଭିନେ ଭିନେ କିସମର ମାଟି ସାମନ ତିଆରି ବିକାଭଂଗା କରି କୁଟୁମ ପୁଷିଆସୁଛନ୍‌। ଇ ପରିବାରମାନକର ଜମିବାଡ଼ି ବଲି ହେନ୍‌ତା କିଛି ନାଇଁଥିଲାବେଲେ ବଡ଼ଭାଗି ଦରିଦିରିଆ ସୀମାରେଖା ତଲେ ରହିଛନ୍‌। କାରିଗର ପରିବାରର ସଦସିଅମାନେ ଦିନକେ ରାଏତ୍‌ ମାଏଟ୍‌ ସାମନ୍‌ ତିଆରିବାରେ ଲାଗି ରହୁଛନ୍‌। ଇମାନେ ଲୋକ୍‌ ବେଭାର କଲା ଜିନିଷ ଭିତରେ ମଠିଆ, ସୁରେଇ, ହଁାଡ଼ି, ପାତଲି, ଗଣେଶ ମୂରତି, ଘୁଡ଼ା, ଦୀପ, ରୁଖା ଲେଖେଁ ଜିନିଷ ତିଆର କରୁଥିଲାବେଲେ ଘର ଛାଏଁବାର ଲାଗି ଖପର ବି ତିଆରି କରୁଛନ୍‌। ହେଲେ ଦିନୁଦିନ୍‌କେ ପ୍ଲାଷ୍ଟିକ୍‌ ସାମାନର ଆଦର ବଢ଼ବାର ଲାଗି କୁମ୍ଭାରମାନକର ବୁରତି  ଉପରେ ମାଡ଼ ପଡ଼ୁଛେ। ଦିନୁ ଦିନ୍‌କେ ସାମାନ ତିଆରି ଲାଗି ଭଲ ମାଟି ନାଇଁ ମିଲୁଥିଲାବେଲେ ପରିଶ୍ରମ ହିସାବେ ଜିନିଷର ଦାମ୍‌ ନାଇଁ ମିଲବାର ବଲି କେତେ କାରିଗର କହିଛନ୍‌। ମାଟି ତିଆରି ଟେରାକୋଟା ସାମାନ ବିକ୍‌ବାର ଲାଗି ରାଏଜର ଭିନେ ଭିନେ ଜାଗାରେ ହେଉଥିବାର କାଯ୍‌କରମ, ଜାନିଯାତ୍‌ରାରୁ ଡକରା ଆସୁଛେ। ହେଲେ ଇ ଗରିବ୍‌ ପରିବାରମାନେ ନିଜର ସାମାନ୍‌ ସେଠାନ୍‌କେ ନେବାର ଲାଗି ସମରଥ୍‌ ନୁହଁନ୍‌। ସେଥିରଲାଗି ମିଲୁଥିବାର ସରକାରୀ ପୋରଛାହନ୍‌ ଟଁକା କେନ୍‌ କନେ ହଜିଯାଉଛେ। ଆମର କଉଲିକ୍‌ ବୁରତି ଉପରେ ସରକାର ଦୁରୁଷ୍‌ଟି ନାଇଁ ଦେଲେ ଇଟା ଦିନୁ ଦିନ୍‌କେ ବୁଡ଼ିଯିବା ବଲି କାରିଗର ରୋହିତ ରଣା କହିଛନ୍‌। ଏନ୍‌ଥେଇ କେନ୍ଦ୍ର ଆର ରାଏଜ ସରକାର କୁଟୀର ଶୀଳ୍ପର ବିକାଶ ଲାଗି ଯୋଜନା ଉପରେ ଯୋଜନା କରୁଥିବାର ଡିଂଗରା ପିଟୁଛନ୍‌, ହେଲେ ସେ ସବୁ କାଯ୍‌କାରୀ ନାଇଁ ହେବାର। ଯେନ୍‌ଥିରଲାଗି କାରିଗରମାନକୁ ଏନ୍‌ତା ଥିତିର ସାମନା କରବାକେ ପଡ଼ୁଛେ ବଲି ସ୍ବେଚ୍ଛାସେବୀ ନିଖିଲ ମେହେର କହିଛନ୍‌। ଇ ବାବ୍‌ଦେ ଖଡ଼ିଆଳ ବ୍ଲକ ଆଇପିଓ ଆନନ୍ଦ କୁମାର ବେହେରାକୁଁ ପଚରାଲାରୁ ଭିନେ ଭିନେ ସମିଆରେ ସରକାରକଁର ତରଫୁ ତାଲିମ ତାଲିମ ଦିଆଯାଉଛେ। ଜିନିଷପାତି ବିକ୍‌ରିର ଲାଗି ସୁଯୋଗ ବି ସୁରୁଷ୍‌ଟି କରାଯାଉଛେ। ହେଲେ ଇ ସବୁର ସୁଯୋଗ ନେବାର କଥା ବଲି ସେ କହିଥିଲେ।


Enter your email to get our daily news in your inbox.

All Right Reserved By Dharitri.Com

ଭାଜପାରେ ଫାଟ: ଜୟନାରାୟଣ ମିଶ୍ରଙ୍କୁ ଜିଲା ସଭାପତିଙ୍କ ଚ୍ୟାଲେଞ୍ଜ

ସମ୍ବଲପୁର,୨୨ା୭(ଭବାନୀ ଶଙ୍କର ଭୋଇ ):ସମ୍ବଲପୁର ଭାଜପା ଜିଲା ସଭାପତି ଗିରୀଶ ପଟେଲଙ୍କ ଜନ୍ମଦିନ ଅବସରରେ ରବିବାର ନୟାପଡାରେ ଉଦ୍‌ଘାଟିତ ହୋଇଛି ଜିଲା ସଭାପତିଙ୍କ ଦଳୀୟ କାର୍ଯ୍ୟାଳୟ।...

ଓଡ଼ିଶାରେ ଚାଲିବ ବୁଲ୍‌ଡୋଜର

ସମ୍ବଲପୁର (ପ୍ରମୋଦ ବହିଦାର)/ ଭୁବନେଶ୍ୱର (ଅନିଲ ଦାସ) ୧୮ା୭: ରାଜ୍ୟରେ ସରକାରୀ ଜମି ଜବରଦଖଲକାରୀଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ହେବ। ଜବରଦଖଲକାରୀ ଯେତେ ପ୍ରଭାବଶାଳୀ ହୁଅନ୍ତୁ...

ସମ୍ବଲପୁରରୁ ହଟିଲା ଧାର୍ମିକ ଶୋଭାଯାତ୍ରା କଟକଣା

ସମ୍ବଲପୁର,୧୦ା୭: ସମ୍ବଲପୁରରେ ଧାର୍ମିକ ଶୋଭାଯାତ୍ରା ଉପରେ ଲାଗିଥିବା କଟକଣା ବର୍ଷକ ପରେ ଜିଲା ପ୍ରଶାସନ ପକ୍ଷରୁ ହଟାଇ ଦିଆଯାଇଛି। ସମ୍ବଲପୁର ଜିଲାପାଳ ଅକ୍ଷୟ ସୁନୀଲ ଅଗ୍ରଓ୍ବାଲ...

ଆଦିବାସୀ ଯୁବକଙ୍କୁ ପିଟିଲା ପୋଲିସ

ସମ୍ବଲପୁର, ୭ା୭ (ପ୍ରମୋଦ ବହିଦାର)ପୋଲିସ ବର୍ବରତାର ଆଉ ଏକ କାହାଣୀ ଲୋକଲୋଚନକୁ ଆସିଛି। ବ୍ୟାଟେରି ଚୋରି ସନ୍ଦେହରେ ଜଣେ ଆଦିବାସୀ ଯୁବକଙ୍କୁ ଗାଁ ଲୋକଙ୍କ ଉପସ୍ଥିତିରେ...

ସମ୍ବଲପୁର ଗସ୍ତରେ ସ୍ବାସ୍ଥ୍ୟମନ୍ତ୍ରୀ ମୁକେଶ ମହାଲିଙ୍ଗ

ସମ୍ବଲପୁର,୨୮।୬: ରାଜ୍ୟ ସ୍ବାସ୍ଥ୍ୟମନ୍ତ୍ରୀ ମୁକେଶ ମହାଲିଙ୍ଗ ଶୁକ୍ରବାର ସମ୍ବଲପୁର ଜିଲା ଗସ୍ତରେ ଯାଇଛନ୍ତି। ଏହି ଅବସରରେ ମନ୍ତ୍ରୀ ମହାଲିଙ୍ଗ ସମ୍ବଲପୁରର ଅଧିଷ୍ଠାତ୍ରୀ ଦେବୀ ମା’ ସମଲେଶ୍ୱରୀଙ୍କୁ...

ପୁଅର ଠେଙ୍ଗାମାଡ଼ରେ ଚାଲିଗଲା ବାପାଙ୍କ ଜୀବନ

ସମ୍ବଲପୁର/ପଡିଆବାହାଲ,୨୭ା୬(ପ୍ରମୋଦ ବହିଦାର/ରାଧାମୋହନର ଷଢ଼ଙ୍ଗୀ): ସମ୍ବଲପୁର ସଦର ଥାନା ଅଧୀନ ବୁଦେଲଛିଣ୍ଡା ଗ୍ରାମରେ ପାରିବାରିକ କଳହର କରୁଣ ପରିଣତି ଦେଖିବାକୁ ମିଳିଛି। ପୁଅର ଠେଙ୍ଗାମାଡ଼ରେ ବାପା ରାମ...

ପ୍ରଭାବ ଦେଖାଇଲେ ଜୟନାରାୟଣ

ସମ୍ବଲପୁର,୨୬।୬(ଭବାନୀ ଶଙ୍କର ଭୋଇ): ଦୀର୍ଘ ୫ ଥର ସମ୍ବଲପୁରର ବିଧାୟକ ତଥା ପୂର୍ବତନ ମନ୍ତ୍ରୀ ଜୟନାରାୟଣ ମିଶ୍ର ନିଜର ଖାସ ଅନ୍ଦାଜ ପାଇଁ ସାରା ରାଜ୍ୟରେ...

ସମ୍ବଲପୁରରେ ଜଣ୍ଡିସ ସ୍ଥିତି ଅନୁଧ୍ୟାନ

ସମ୍ବଲପୁର,୨୦ା୬: ସମ୍ବଲପୁର ସହରରେ ପୁଣିଥରେ ଦେଖାଦେଇଛି ଜଣ୍ଡିସ ଆତଙ୍କ। ସହରର କୁମ୍ଭାରପଡ଼ା, ଶାଲିଆବଗିଚା ଓ ପେନସନପଡ଼ା ଅଞ୍ଚଳରେ ଆକ୍ରାନ୍ତଙ୍କୁ ଚିହ୍ନଟ କରାଯାଇଛି। ଆକ୍ରାନ୍ତଙ୍କ ବୟସ ୧୪ରୁ...

Advertisement
Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri