ବୁଗୁଡ଼ା,୨୭ା୮(ଡି.ଏନ.ଏ.)- ବୁଗୁଡ଼ା ପିପୁଲସ୍ ହାଇସ୍କୁଲରେ ମଙ୍ଗଳବାର ମାଙ୍କଡ଼ମାନଙ୍କର ଉତ୍ପାତ ଯୋଗୁ ଶିକ୍ଷାଦାନ ବାଧାପ୍ରାପ୍ତ ହୋଇଛି। ପୂର୍ବାହ୍ନ ୧୦ଟା ସମୟରେ ପ୍ରାର୍ଥନା ଆରମ୍ଭରେ ମାଙ୍କଡ଼ମାନେ ହଠାତ୍ ହତା ମଧ୍ୟରେ ପଶି ଦୌଡାଦୌଡି କରିଥିଲେ। ଭୟରେ ଛାତ୍ର ଓ ଶିକ୍ଷକମାନେ ଶ୍ରେଣୀଗୃହକୁ ପଳାଇଥିଲେ। ମାଙ୍କଡ଼ମାନଙ୍କ ଉପଦ୍ରବ ଏପରି ବଢ଼ି ଯାଇଥିଲା ଯେ ସ୍କୁଲର ସବୁ ଗ୍ରୀଲ୍କୁ ବନ୍ଦ କରିଦିଆଯାଇଥିଲା। ମାଙ୍କଡ଼ଙ୍କୁ ଘଉଡ଼ାଇବାକୁ ଶିକ୍ଷକମାନେ ଯେତେ ଚେଷ୍ଟା କଲେ ମଧ୍ୟ କିଛି ସୁଫଳ ମିଳି ନ ଥିଲା। ଫଳରେ ଶିକ୍ଷାଦାନ ବାଧାପ୍ରାପ୍ତ ହୋଇଥିଲା। ଏନେଇ ପ୍ରଧାନ ଶିକ୍ଷକ କାଳୀଚରଣ ବେହେରା ବନ ବିଭାଗକୁ ଜଣାଇବା ପରେ କର୍ମଚାରୀମାନେ ହାଇସ୍କୁଲରେ ପହଞ୍ଚତ୍ ବାଣ ଫୁଟାଇ ମାଙ୍କଡ଼ମାନଙ୍କୁ ଘଉଡ଼ାଇଥିଲେ। ମାଙ୍କଡ଼ମାନଙ୍କ ଉପଦ୍ରବ ସେଠାରେ ଏକ ନିତିଦିନିଆ ଘଟଣା ହୋଇଥିଲେ ମଧ୍ୟ ବନ ବିଭାଗ ଏଥିପ୍ରତି ଧ୍ୟାନ ଦେଉ ନ ଥିବା ଅଭିଯୋଗ ହେଉଛି।
