ରଘୁନାଥପୁର,୨୭ା୨ (ଡି.ଏନ.ଏ.): ଏହି ବ୍ଲକ ରେଢୁଆ ନୂଅଗାଡ଼ସ୍ଥିତ ଗୋରଖନାଥ କୃଷକ ମହାସଂଘ ପରିସରରେ କୃଷି ଓ କୃଷକଙ୍କ ପାଇଁ କାର୍ଯ୍ୟ କରୁଥିବା ଲାଲ(ଲିଭ ଆଣ୍ଡ ଲେଟ୍ଲିଭ୍)ର ପଥ ପ୍ରଦର୍ଶକ ସ୍ବାଗତ ହରିଶ୍ଚନ୍ଦ୍ର ଭୂୟଁ।ଙ୍କ ଏକାଦଶାହରେ ସ୍ମୃତିଚାରଣ ସଭା ବୁଧବାର ଅନୁଷ୍ଠିତ ହୋଇଯାଇଛି। ମହାବାତ୍ୟା ପରେ ଉନ୍ନତମାନର ବିହନର ଅଭାବ ଯାହାକି ଅଞ୍ଚଳର ଚାଷୀଙ୍କ ପାଇଁ ସମସ୍ୟା ସୃଷ୍ଟି କରିଥିଲା। ବର୍ତ୍ତମାନ ଲାଲ ସଂସ୍ଥାର ମୁଖ୍ୟ କ୍ଷେତ୍ରମୋହନ ବେହେରାଙ୍କୁ ନେଇ ବିହନ ସମସ୍ୟାର ସମାଧାନ ପାଇଁ ଆଗଭର ହୋଇ ଆସିଥିଲେ। ଯାହାଙ୍କ ପାଇଁ ସାରା ରାଜ୍ୟରେ ବିହନ ଉତ୍ପାଦନ, ପ୍ରକ୍ରିୟାକରଣ ଓ ବଜାରରେ ବିକ୍ରି କ୍ଷେତ୍ରରେ ଲାଲ ଏକ ଅଗ୍ରଣୀ ସଂସ୍ଥା ଭାବେ କାର୍ଯ୍ୟ କରି ଆସୁଛି। କୃଷି କ୍ଷେତ୍ରରେ ଗୁରୁ ଭାବେ ସୁନାମ ଅର୍ଜନ କରିଥିବା ଭୂୟଁ।ଙ୍କ ଘର ଭୁବନେଶ୍ୱରସ୍ଥିତ ଘାଟିକିଆ ଅଞ୍ଚଳରେ ହୋଇଥିଲେ ବି ରେଢୁଆ ଅଞ୍ଚଳରେ ଗୁରୁଙ୍କ ସ୍ମରଣେ ସ୍ମୃତିଚାରଣ ସଭା କରାଯାଇଥିଲା। ଶିକ୍ଷାବିତ୍ ସୁରେଶ ଚନ୍ଦ୍ର ରାଉତଙ୍କ ପୌରୋହିତ୍ୟରେ ଆୟୋଜିତ ସଭାରେ ସିଆର୍ଆର୍ଆଇର ଅବସରପ୍ରାପ୍ତ ବୈଜ୍ଞାନିକ ଡ. ଫକୀର ଚରଣ ଦାସ ଯୋଗଦେଇଥିଲେ। ସେ ବିହନ ଉତ୍ପାଦନ କ୍ଷେତ୍ରରେ ବୈପ୍ଲବିକ ପରିବର୍ତ୍ତନ ଆଣିବାରେ ସ୍ବର୍ଗତ ଭୂୟଁାଙ୍କ ଅବଦାନ ଅତୁଳନୀୟ ବୋଲି ମତବ୍ୟକ୍ତ କରିଥିଲେ। ଅବସରପ୍ରାପ୍ତ ରାଜ୍ୟ ମୁଖ୍ୟ ବିହନ ପ୍ରମାଣନ ଅଧିକାରୀ ଏକାଦଶୀ ନନ୍ଦ, ପ୍ରାକ୍ତନ ଜିଲା କୃଷି ଅଧିକାରୀ ରମେଶ ଚନ୍ଦ୍ର ଦାଶ, ଜିଲା ମୁଖ୍ୟ କୃଷି ଅଧିକାରୀ ରବିନାରାୟଣ ମହାପାତ୍ର, ଜିଲା କୃଷି ଅଧିକାରୀ ଅଜୟ କୁମାର ସେନାପତି, ତିର୍ତ୍ତୋଲ ଡିଏଓ ପ୍ରମୋଦ ମଲ୍ଲିକ ପ୍ରମୁଖ ଉପସ୍ଥିତ ଥିଲେ। ବକ୍ତା ଭାବେ ଗୀତା ରଥ, ଅଧ୍ୟାପକ ଭଗବାନ ବିଶ୍ୱାଳ, ସରୋଜ ନାୟକ, ବିଜନ ମହାପାତ୍ର ଓ ଚୈତନ୍ୟ ଚରଣ ଦାସ ପ୍ରମୁଖ ବକ୍ତବ୍ୟ ରଖିଥିଲେ। ଶୁଦ୍ଧି ରଞ୍ଜନ ବାରିକ ଅତିଥି ପରିଚୟ ପ୍ରଦାନ ଅବନୀ ବେହେରା ଧନ୍ୟବାଦ ଦେଇଥିଲେ।
