Posted inଖେଳ

ବିଳମ୍ବ ହୋଇପାରେ ଟୋକିଓ ଅଲିମ୍ପିକ୍ସ

ଟୋକିଓ, ୪ା୩ (ଏପି)- କରୋନା ଭାଇରସ୍‌ ପ୍ରଭାବ ଯୋଗୁ ୨୦୨୦ ଟୋକିଓ ଅଲିମ୍ପିକ୍ସର ବିଳମ୍ବ ଘଟିପାରେ। ଜାପାନ ଅଲିମ୍ପିକ ମନ୍ତ୍ରୀ ସିକୋ ହାସିମୋତେ ପାର୍ଲାମେଣ୍ଟର ଉଚ୍ଚ ସଦନରେ ଏକ ପ୍ରଶ୍ନର ଉତ୍ତରରେ ଏହି ସୂଚନା ଦେଇଛନ୍ତି। କାର୍ଯ୍ୟସୂଚୀ ଅନୁସାରେ ୨୦୨୦ ଅଲିମ୍ପିକ୍ସ ଜୁଲାଇ ୨୪ରୁ ଆରମ୍ଭ ହେବା କଥା। ମାତ୍ର କରୋନା ଭାଇରସ ଆତଙ୍କ ଯୋଗୁ ଏହି ମେଗା ଇଭେଣ୍ଟ ବର୍ଷର ଶେଷ ଭାଗରେ ଯେକୌଣସି ସମୟରେ ଆୟୋଜନ କରାଯାଇ ପାରେ ବୋଲି ସେ କହିଛନ୍ତି। ପାରାଅଲିମ୍ପିକ୍ସ ଅଗଷ୍ଟ ୨୫ରୁ ଆରମ୍ଭ ହେବାର କାର୍ଯ୍ୟକ୍ରମ ରହିଛି।
କରୋନା ଭାଇରସ ବ୍ୟାପିବାରେ ଲାଗିଛି। ଏଥିରେ ସଂକ୍ରମିତ ହୋଇ ଜାପାନରେ ଇତିମଧ୍ୟରେ ୧୨ଜଣଙ୍କର ମୃତ୍ୟୁ ଘଟିଲାଣି। ସତର୍କତାମୂଳକ ପଦକ୍ଷେପ ସ୍ବରୂପ ଅଧିକାଂଶ ସ୍କୁଲକୁ ବନ୍ଦ ରଖାଯାଇଛି। ଦେଶରେ ବିଭିନ୍ନ କ୍ରୀଡ଼ା ପ୍ରତିଯୋଗିତା ସମେତ ଅଲିମ୍ପିକ ସମ୍ପର୍କିତ ଇଭେଣ୍ଟଗୁଡ଼ିକ ସ୍ଥଗିତ ରଖାଯାଇଛି। ଚାଇନାରୁ ସୃଷ୍ଟି ହୋଇଥିବା ଏହି ଭାଇରସ ଇତିମଧ୍ୟରେ ଅତିକମ୍‌ରେ ୭୦ଟି ଦେଶକୁ ବ୍ୟାପିଛି। ଏଥିରେ ୯୦,୦୦୦ ସଂକ୍ରମିତ ହୋଇ ସାରିଥିବାବେଳେ, ୩,୧୦୦ଜଣଙ୍କର ପ୍ରାଣହାନି ଘଟି ସାରିଲାଣି। ୨୦୨୦ରେ ଯଦି ଅଲିମ୍ପିକ୍ସ ଆୟୋଜନ ନ ହୋଇ ପାରେ ତେବେ ଅନ୍ତର୍ଜାତୀୟ ଅଲିମ୍ପିକ କମିଟି ଏହାକୁ ବାତିଲ କରିଦେଇପାରିବ ବୋଲି ହାସିମୋତୋ ପାର୍ଲାମେଣ୍ଟରେ ପ୍ରକାଶ କରିଛନ୍ତି। ଏଥିରୁ ଯାହା ବୁଝା ପଡ଼ୁଛି ଆବଶ୍ୟକ ସ୍ଥଳେ ଗେମ୍ସକୁ ଯଥା ସମୟରେ ନ କରି କ୍ୟାଲେଣ୍ଡର ବର୍ଷରେ ଯେକୌଣସି ସମୟରେ ଆୟୋଜନ କରାଯାଇ ପାରେ ନଚେତ ସମ୍ପୂର୍ଣ୍ଣ ବାତିଲ କରାଯାଇ ପାରେ। ଅନ୍ୟପକ୍ଷରେ ଆଇଓସି ସଭାପତି ଥୋମାସ ବ୍ୟାକ୍‌ ଏବଂ ଟୋକିଓର ଆୟୋଜକଗଣ ବାରମ୍ବାର କହି ଆସୁଛନ୍ତି ଯେ, ଅଲିମ୍ପିକ୍ସ ନିର୍ଦ୍ଧାରିତ ସମୟରେ ଆୟୋଜିତ ହେବ। ଭାଇରସର ଦ୍ରୁତ ଗତିରେ ବ୍ୟାପିବାରେ ଲାଗିଥିବାରୁ ଆୟୋଜକମାନେ ଅଲିମ୍ପିକ୍ସକୁ ବାତିଲ କରିବାକୁ ବାଧ୍ୟ ହେବେ ବୋଲି କେତେକ କହୁଥିବା ବେଳେ ଏହାକୁ ବର୍ତ୍ତମାନ ପାଇଁ ସ୍ଥଗିତ ରଖାଯାଉ କିମ୍ବା ଅନ୍ୟତ୍ର ସ୍ଥାନାନ୍ତର କରାଯିବା ଉଚିତ ବୋଲି ଅନ୍ୟ କେତେକ ପ୍ରସ୍ତାବ ଦେଉଛନ୍ତି।
ସପ୍ତାହରେ ଜାପାନିଜ୍‌ ମିଡିଆକୁ ଏକ ସାକ୍ଷାତ୍‌କାର ବେଳେ ଟୋକିଓରେ ସଫଳତାର ସହିତ ଅଲିମ୍ପିକ୍ସ ଆୟୋଜନ ଲାଗି ପ୍ରସ୍ତୁତି କାର୍ଯ୍ୟ ଆଗେଇ ଚାଲିଛି ବୋଲି ବ୍ୟାକ୍‌ କହିଥିଲେ। କରୋନା ଭାଇରସଜନିତ କାରଣରୁ ଅଲିମ୍ପିକ୍ସକୁ ସ୍ଥଗିିତ କିମ୍ବା ବାତିଲ କରାଯାଇପାରେ ବୋଲି ଯାହା ଶୁଣିବାକୁ ମିଳୁଛି ସେ ସମ୍ପର୍କିତ ପ୍ରଶ୍ନକୁ ସେ ଏଡାଇ ଦେଇଥିଲେ। କରୋନା ଭାଇରସ ସ୍ଥିତିରେ ଯଦି ସୁଧାର ନ ଆସେ ତଥାପି ଅଲିମ୍ପିକ୍ସ ଆୟୋଜନର ସମ୍ଭାବନା ଅଛି କି ନା ବୋଲି ହାସିମୋତୋଙ୍କୁ ପ୍ରଶ୍ନ ହେବାରୁ ଏଭଳି ପରିସ୍ଥିତି ଯେପରି ନ ଉପୁଜେ ସେ ନେଇ ଯଥାସମ୍ଭବ ଉଦ୍ୟମ ଚାଲିଛି ବୋଲି ସେ କହିଥିଲେ। ଚାରି ବର୍ଷ ଅଲିମ୍ପିକ ସାଇକେଲରେ ବ୍ରଡକାଷ୍ଟିଂ ଅଧିକାର ବିକ୍ରି ଦ୍ୱାରା ୫.୬ ବିଲିୟନ ଡଲାର ଆୟ ହୋଇଥାଏ। ଏଥିରୁ ୭୩% ରାଶି ଆଇଓସିକୁ ମିଳିଥାଏ। ୧୯୬୪ ଟୋକିଓ ଅଲିମ୍ପିକ୍ସ ଅକ୍ଟୋବରରେ ହୋଇଥିଲା। ମାତ୍ର ଗେମ୍ସକୁ ବର୍ତ୍ତମାନ ଗ୍ରୀଷ୍ମ ଋତୁକୁ ସ୍ଥାନାନ୍ତର କରାଯାଇଛି। ଏହାର ମୁଖ୍ୟ କାରଣ ହେଲା ସ୍ପୋଟର୍‌ସ ବ୍ରଡକାଷ୍ଟରମାନଙ୍କ ଲାଗି ବର୍ଷର ଏହି ସମୟଟି ଖାଲି ରହିଥାଏ। ଅବଶିଷ୍ଟ ସମୟରେ ଉତ୍ତର ଆମେରିକାର ଲୋକପ୍ରିୟ ଏନଏଫ୍‌ଏଲ କଲେଜ ଫୁଟ୍‌ବଲ, ବେସ୍‌ବଲ୍‌, ବାସ୍କେଟବଲ୍‌ ଓ ହକି ପ୍ରତିଯୋଗିତା ରହିଥାଏ। ସେହିପରି ୟୁରୋପ ଅନ୍ତର୍ଗତ ଇଂଲଣ୍ଡ, ସ୍ପେନ, ଜର୍ମାନୀ, ଫ୍ରାନ୍ସ ଏବଂ ଇଟାଲୀରେ ବିଭିନ୍ନ ଫୁଟବଲ ପ୍ରତିଯୋଗିତ ରହିଛି। ଏହାଛଡ଼ା ଅନ୍ୟ ଲୋକପ୍ରିୟ ଖେଳ ରଗ୍‌ବୀଏବଂ କ୍ରିକେଟ ଖେଳ ମଧ୍ୟ ରହିଛି। ଆଇଓସିର ପୂର୍ବତନ ଉପସଭାପତି ଡିକ୍‌ ପାଉଣ୍ଡ ଏକ ସାକ୍ଷାତ୍‌କାରରେ କହିଛନ୍ତି ସମ୍ଭବତଃ ଆସନ୍ତା କେଇ ମାସ ମଧ୍ୟରେ ଅଲିମ୍ପିକ୍ସ ସମ୍ପର୍କରେ ନିଷ୍ପତ୍ତି ନିଆଯିବ। ଆଇଓସିର ଅନ୍ୟ ଜଣେ ପୂର୍ବତନ ଉପସଭାପତି ତଥା ବର୍ତ୍ତମାନ ଆଇଓସିର ଅବୈତନିକ ସଦସ୍ୟ କିଭାନ ଗସ୍ପର କହିଛନ୍ତି, ଟୋକିଓ ଗେମ୍ସ ବାତିଲ ହେବାର ଯଥେଷ୍ଟ ସମ୍ଭବନା ରହିଛି। ପୂର୍ବରୁ ବିଶ୍ୱଯୁଦ୍ଧ ଯୋଗୁ ଅଲିମ୍ପିକ୍ସ ୩ ଥର ବାତିଲ ହୋଇଛି। ୧୯୧୬ରେ ଏହା ବର୍ଲିନରେ ହେବାର ଥିଲା। ମାତ୍ର ପ୍ରଥମ ବିଶ୍ୱଯୁଦ୍ଧ ଯୋଗୁ ଏହାକୁ ବାତିଲ କରାଯାଇଥିଲା। ଦ୍ୱିତୀୟ ବିଶ୍ୱଯୁଦ୍ଧ ପାଇଁ ୧୯୪୦ ଓ ୧୯୪୪ ଅଲିମ୍ପିକ୍ସ ବାତିଲ ହୋଇଛି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଓଡ଼ିଶା ଏଫ୍‌ସିରୁ ଖେଳିବେ କମଲପ୍ରୀତ

ଭୁବନେଶ୍ୱର, ୧୪।୬(କ୍ରୀଡ଼ା ପ୍ରତିନିଧି): ଭାରତୀୟ ଡିଫେଣ୍ଡର କମଲପ୍ରୀତ ସିଂ ଆଗାମୀ ଇଣ୍ଡିଆନ ସୁପରଲିଗ୍‌ (ଆଇଏସ୍‌ଏଲ୍‌) ସିଜନରେ ଓଡ଼ିଶା ଏଫସି ପକ୍ଷରୁ ଖେଳିବା ନିଶ୍ଚିତ ହୋଇ ଯାଇଛି।...

ଖେଲୋ ଇଣ୍ଡିଆ ବିଶ୍ୱବିଦ୍ୟାଳୟ କ୍ରୀଡ଼ା: ୧୦୦ ମିଟରରେ ଦୂତୀଙ୍କୁ ସ୍ବର୍ଣ୍ଣ

ଭୁବନେଶ୍ୱର,୨୯।୨(ସ୍ପୋଟର୍‌ସ ବ୍ୟୁରୋ): ଦେଶର ଦ୍ରୁତତମ ମହିଳା ଦୂତୀ ଚାନ୍ଦ ପୁଣିଥରେ ନିଜ ଖ୍ୟାତି ଅନୁରୂପ ପ୍ରଦର୍ଶନ କରିଛନ୍ତି। ଏଠାରେ ଚାଲିଥିବା ଖେଲୋ ଇଣ୍ଡିଆ ବିଶ୍ୱବିଦ୍ୟାଳୟ କ୍ରୀଡ଼ାରେ...

ଗର୍ଲଫ୍ରେଣ୍ଡର ସାଙ୍ଗକୁ ବି ଛାଡ଼ି ନ ଥିଲେ ଏହି ମହାନ୍‌ କ୍ରିକେଟର

କୁହାଯାଏ ଗର୍ଲଫ୍ରେଣ୍ଡଠାରୁ ତା’ ସାଙ୍ଗ ଆହୁରି ସୁନ୍ଦରୀ। ଏହା ହିଁ ଘଟିଥିଲା ପୂର୍ବତନ ଭାରତୀୟ ଅଲରାଉଣ୍ଡର ଯୁବରାଜ ସିଂ (ଯୁବି)ଙ୍କ କ୍ଷେତ୍ରରେ। ହେଜଲ କିଜଙ୍କୁ ବିବାହ...

ରେସିଂ ପଏଣ୍ଟ ସହ ଚୁକ୍ତି କଲେ ଭେଟେଲ

ଲଣ୍ଡନ, ୧୧ା୯ (ଏପି)-ଚାରିଥର ଫର୍ମୁଲା ଓ୍ବାନ୍‌ ଚାମ୍ପିୟନ ସେବାଷ୍ଟିଆନ ଭେଟେଲ ରେସିଂ ପଏଣ୍ଟ ଟିମ୍‌ ସହ ଚୁକ୍ତି କରିଛନ୍ତି। ଟିମ୍‌ର ନାମ କିନ୍ତୁ ନିକଟରେ ବଦଳିଯିବ।...

ଦିନେ ଥିଲେ ଆଇପିଏଲରେ ସେନସେଶନ ଏବେ କରୁଛନ୍ତି ଚାଷ

ଭିନ୍ନ ଧରଣ ବୋଲିଂ ଆକଶନ ପାଇଁ ଦିନେ ଆଇପିଏଲରେ ଥିଲେ। ଆଇପିଏଲ ୨୦୦୯ ସଂସ୍କରଣରେ ରାଜସ୍ଥାନ ରୟାଲ୍ସ ପାଇଁ ଖେଳିଥିଲେ ଉତ୍ତର ପ୍ରଦେଶ ବାମହାତୀ ମଧ୍ୟଗତିର...

ପ୍ରଥମ ଟେଷ୍ଟ: ନ୍ୟୁଜିଲାଣ୍ଡ ସ୍ଥିତି ଦୃଢ଼; ଓ୍ବାଟଲିଂଙ୍କ ଦ୍ୱିଶତକ, ସାଣ୍ଟନରଙ୍କ ଶତକ

ମାଉଣ୍ଟ ମାଉନଗାନୁଇ, ୨୫।୧୧(ଏଏଫ୍‌ପି)- ସ୍ଥାନୀୟ ବେ ଓଭାଲ ଗ୍ରାଉଣ୍ଡରେ ଚାଲିଥିବା ଇଂଲଣ୍ଡ ବିପକ୍ଷ ପ୍ରଥମ ଟେଷ୍ଟ ମ୍ୟାଚ୍‌ରେ ଘରୋଇ ନ୍ୟୁଜିଲାଣ୍ଡ ଦମ୍‌ଦାର ପ୍ରଦର୍ଶନ କରି ତା’ର...

ଆଜି କ୍ରିକେଟକୁ ଅଲ୍‌ବିଦା କରିଥିଲେ ସଚିନ

ନୂଆଦିଲ୍ଲୀ,୧୬।୧୧- କିମ୍ବଦନ୍ତୀ କ୍ରିକେଟର ସଚିନ ତେନ୍ଦୁଲକରଙ୍କ ଅନ୍ତର୍ଜାତୀୟ କ୍ରିକେଟର କ୍ୟାରିୟରର ଅନ୍ତିମ ଦିନର ବ୍ୟାଟିଂ ଦେଖିବା ପାଇଁ ୨୦୧୩, ନଭେମ୍ବର ୧୬ ତାରିଖ ତଥା ଆଜିର...

ଇଂଲଣ୍ଡ ଗସ୍ତ ପୂର୍ବରୁ ୧୦ ପାକିସ୍ତାନୀ କ୍ରିକେଟରଙ୍କୁ କରୋନା

ଇସ୍‌ଲାମବାଦ୍‌, ୨୩।୬- ଇଂଲଣ୍ଡ ଗସ୍ତ ପୂର୍ବରୁ ୧୦ ପାକିସ୍ତାନ କ୍ରିକେଟର୍‌ କରୋନା ଭାଇରସ୍‌ ଦ୍ୱାରା ଆକ୍ରାନ୍ତ ହୋଇଛନ୍ତି। ପୂର୍ବରୁ ୩ ଜଣ ଖେଳାଳି ସୋଏବ ଖାନ୍‌,...

Coronavirus Update

Archives

Model This Week

Why Dharitri