ନୂଆଦିଲ୍ଲୀ,୬।୬: ନିକଟରେ ରୋହିତ ଶର୍ମା ଟେଷ୍ଟ କ୍ରିକେଟରୁ ଅବସର ଘୋଷଣା କରିଥିଲେ। ପୂର୍ବରୁ ସେ ଟି-୨୦କୁ ଅଲବିଦା କହିଥିଲେ। ଏବେ ସେ ଭାରତୀୟ ଦଳ ପାଇଁ କେବଳ ଏକଦିବସୀୟ କ୍ରିକେଟରେ ଖେଳିବା ଦେଖିବାକୁ ପାଇବେ। ଚେତେଶ୍ୱର ପୂଜାରାଙ୍କ ପତ୍ନୀ ପୂଜା ପୂଜାରାଙ୍କ ଦ୍ୱାରା ଲିଖିତ ପୁସ୍ତକ ‘ଦି ଡାଏରୀ ଅଫ ଏ କ୍ରିକେଟର୍ସ ୱାଇଫ’ର ଉନ୍ମୋଚନ ଅବସରରେ ରୋହିତ ଟେଷ୍ଟରୁ ଅବସର ଘୋଷଣାକୁ ନେଇ ଏକ ବଡ଼ କଥା କହିଛନ୍ତି।
ରୋହିତ ଶର୍ମା ପ୍ରକାଶ କରିଛନ୍ତି, ତାଙ୍କ ବାପା ଗୁରୁନାଥ ଶର୍ମା ଟେଷ୍ଟରୁ ଅବସର ନେବାର ନିଷ୍ପତ୍ତିରେ ନିରାଶ ଥିଲେ। ମୋ ବାପା ବହୁତ ଦିନ ଧରି ଟେଷ୍ଟ କ୍ରିକେଟର ପ୍ରଶଂସକ ଏବଂ ସେ ‘ନୂତନ ଯୁଗ’ କ୍ରିକେଟକୁ ପସନ୍ଦ କରନ୍ତି ନାହିଁ। ତେଣୁ ମୋ ନିଷ୍ପତ୍ତିକୁ ନେଇ ସେ ଉପରେ ପ୍ରବଳ ରାଗିଥିଲେ।
ମୁମ୍ବାଇରେ ଚେତେଶ୍ୱର ପୂଜାରାଙ୍କ ପତ୍ନୀ ପୂଜାଙ୍କ ପୁସ୍ତକ ‘ଦି ଡାଏରୀ ଅଫ ଏ କ୍ରିକେଟରସ ୱାଇଫ’ର ଉନ୍ମୋଚନ ଅବସରରେ ରୋହିତ ଶର୍ମା କହିଥିଲେ, ମୋ ବାପା ଏକ ପରିବହନ କମ୍ପାନୀରେ କାମ କରୁଥିଲେ। ସେ ମଧ୍ୟ ଆମ ଜୀବନକୁ ଉନ୍ନତ କରିବା ପାଇଁ ବହୁତ ତ୍ୟାଗ କରିଥିଲେ। ସେ ସବୁବେଳେ ଟେଷ୍ଟ କ୍ରିକେଟର ପ୍ରଶଂସକ ହୋଇଆସିଛନ୍ତି। ତାଙ୍କୁ କ୍ରିକେଟର ଏହି ନୂତନ ଯୁଗ ପସନ୍ଦ ନୁହେଁ। ମୁଁ ଏବେ ବି ସେହି ଦିନ ମନେ ରଖିଛି ଯେତେବେଳେ ମୁଁ ଦିନିକିଆରେ ୨୬୪ ରନ କରିଥିଲି। ସେ କହିଥିଲେ, ଠିକ ଅଛି, ଭଲ ଖେଳିଲୁ। ବହୁତ ଭଲ। ସେ ବହୁତ ଉତ୍ସାହୀ ନ ଥିଲେ। କିନ୍ତୁ ଯଦି ମୁଁ ଟେଷ୍ଟ କ୍ରିକେଟରେ ୩୦, ୪୦ କିମ୍ବା ୫୦ ରନ କରୁଥିଲି, ତେବେ ସେ ମୋ ସହିତ ଏହା ବିଷୟରେ ବିସ୍ତାର ଭାବରେ କଥା ହେଉଥିଲେ। ଏହି ଖେଳ ପ୍ରତି ତାଙ୍କର ପ୍ରେମ ଏହିପରି ଥିଲା।
ରୋହିତ ଶର୍ମା କହିଥିଲେ, ସ୍କୁଲ କ୍ରିକେଟ ପରେ, ସେ ୧୯ ବର୍ଷରୁ କମ, ରଣଜୀ ଟ୍ରଫି, ଦୁଲୀପ ଟ୍ରଫି, ତା’ପରେ ଭାରତ ଏ ପାଇଁ ଖେଳିଥିଲି। ଏହା ପରେ ହିଁ ମୁଁ ଭାରତୀୟ ଦଳରେ ସ୍ଥାନ ପାଇପାରିଲି। ମୋ ବାପା ମୋର କ୍ରିକେଟ ଯାତ୍ରା ଦେଖିଛନ୍ତି। ବାପା ମୋତେ ଲାଲ ବଲ ସହିତ ବହୁତ ଖେଳିବାର ଦେଖିଛନ୍ତି। ସେ ଲାଲ ବଲ କ୍ରିକେଟକୁ ବହୁତ ପସନ୍ଦ କରନ୍ତି, ଏହାକୁ ପ୍ରଶଂସା କରନ୍ତି। ଯେତେବେଳେ ମୁଁ ଟେଷ୍ଟରୁ ଅବସର ଘୋଷଣା କଲି, ସେ ଟିକେ ନିରାଶ ହୋଇଥିଲେ। କିନ୍ତୁ ସେହି ସମୟରେ, ସେ ମଧ୍ୟ ଖୁସି ଥିଲେ। ସେ ମୋର ବାପା ଏବଂ ମୁଁ ଆଜି ଯାହା ବି ଅଛି, ଯେଉଁଠାରେ ଅଛି ସେଥିରେ ତାଙ୍କର ବହୁତ ଅବଦାନ ଅଛି। ତାଙ୍କ ସାହାଯ୍ୟ ବିନା ଏହା ସମ୍ଭବ ହୋଇ ନ ଥାନ୍ତା।
ମେ ୭ରେ ରୋହିତ ଟେଷ୍ଟରୁ ଅବସର ନେଇ ସମସ୍ତଙ୍କୁ ଆଶ୍ଚର୍ଯ୍ୟ କରି ଦେଇଥିଲେ। ପୂର୍ବରୁ ନ୍ୟୁଜିଲାଣ୍ଡ ଏବଂ ଅଷ୍ଟ୍ରେଲିଆ ବିପକ୍ଷ ଟେଷ୍ଟ ସିରିଜରେ ତାଙ୍କର ପ୍ରଦର୍ଶନ ଭଲ ନ ଥିଲା, ଭାରତ ଏହି ଦୁଇଟି ସିରିଜ ହାରିଥିଲା। ଅଷ୍ଟ୍ରେଲିଆ ଗସ୍ତରେ ଖେଳାଯାଇଥିବା ଶେଷ ଟେଷ୍ଟରୁ ରୋହିତଙ୍କୁ ବାଦ ଦିଆଯାଇଥିଲା।
