Posted inଖେଳ

ବସ୍‌ କଣ୍ଡକ୍ଟରଙ୍କ ପୁଅ ୧୯ ବର୍ଷରୁ କମ୍‌ ଏସିଆ କପ୍‌ ହିରୋ – ଅଙ୍କୋଲେକର

ନୂଆଦିଲ୍ଲୀ,୧୫।୯(ପିଟି): ୧୯ ବର୍ଷରୁ କମ୍‌ ଏସିଆ କପ୍‌ ଫାଇନାଲ ଦେଖିବା ଲାଗି ମୁମ୍ବାଇରେ ବସ୍‌ କଣ୍ଡକ୍ଟର ଭାବେ କାର୍ଯ୍ୟ କରୁଥିବା ବୈଦେହୀ ଅଙ୍କୋଲେକର ଶନିବାର ଛୁଟି ନେଇଥିଲେ। କିନ୍ତୁ ତାଙ୍କ ଘରେ ଥିବା କେବୁଲରେ ଖେଳ ଚ୍ୟାନେଲ ନ ଥିଲା, ଯାହା ତାଙ୍କୁ ପୁଅ ଅଥର୍ବଙ୍କ ପ୍ରଦର୍ଶନ ଦେଖିବାକୁ ରୋକିପାରି ନ ଥିଲା। ନିକଟରେ ରହୁଥିବା ଦିଅର ଘରେ ଖେଳ ଦେଖି ପୁଅର ଭଲ ପ୍ରଦର୍ଶନ ପାଇଁ ପ୍ରାର୍ଥନା କରିଥିଲେ। ଅବଶ୍ୟ ତାଙ୍କ ପ୍ରାର୍ଥନା ବେକାର ଯାଇ ନ ଥିଲା। ଅଥର୍ବ ବିନୋଦ ଅଙ୍କୋଲେକରଙ୍କ ୫ ଉଇକେଟ ସହାୟତାରେ ବାଂଲାଦେଶକୁ ହରାଇ ୧୯ ବର୍ଷରୁ କମ୍‌ ଭାରତୀୟ ଦଳ ଏସିଆ କପ୍‌ ଜିତିଥିଲା। ୧୦୭ ରନ୍‌ର ଟାର୍ଗେଟକୁ ପିଛା କରୁଥିବା ବାଂଲାଦେଶ ୧୦୧ ରନ୍‌ରେ ଅଲଆଉଟ୍‌ ହୋଇଯାଇଥିଲା। ୧୮ ବର୍ଷୀୟ ବାମହାତୀ ସ୍ପିନର ଅଙ୍କୋଲେକର ୮ ଓଭର ବୋଲିଂ କରି ୨୮ ରନ୍‌ ବ୍ୟୟରେ ୫ ଉଇକେଟ ନେଇ ଚାମ୍ପିୟନ ଭାରତୀୟ ଦଳ ପାଇଁ ହିରୋ ସାଜିଥିଲେ। ଫଳରେ ତାଙ୍କୁ ମ୍ୟାନ୍‌ ଅଫ୍‌ ଦି ମ୍ୟାଚ୍‌ ପୁରସ୍କାର ମଧ୍ୟ ମିଳିଥିଲା ଏବଂ ସେ ଟୁର୍ନାମେଣ୍ଟରେ ସର୍ବାଧିକ ୧୨ଟି ଉଇକେଟ ନେଇଥିଲେ। ମୁମ୍ବାଇ ଫେରିବା ପରେ ଭାବବିହ୍ବଳ ମା’ ବୈଦେହୀ କହିଥିଲେ ଯେ, ତାଙ୍କ ବାପା ଏହା ଦେଖିବାକୁ ଥାନ୍ତେ କି। ଏହାଦ୍ୱାରା ସେ ତାଙ୍କ ବାପା ଓ ସଭିଙ୍କୁ ଗର୍ବିତ କରିଛନ୍ତି। ପୁଅକୁ କ୍ରିକେଟର କରାଇବାର ସ୍ବପ୍ନ ଦେଖିଥିବା ବାପା ୨୦୧୦ରେ ମ୍ୟାଲେରିଆରେ ପୀଡ଼ିତ ହୋଇ ପ୍ରାଣ ହରାଇଥିଲେ। ସେତେବେଳେ ଅଥର୍ବଙ୍କୁ ୧୦ ବର୍ଷ ହୋଇଥିଲା। ବାପାଙ୍କ ମୃତ୍ୟୁ ପରେ ବସ୍‌ କଣ୍ଡକ୍ଟର ଚାକିରି ତାଙ୍କ ମା ବୈଦେହୀଙ୍କୁ ମିଳିଥିଲା। ସ୍ବାମୀଙ୍କ ମୃତ୍ୟୁ ପରେ ମଧ୍ୟ ପୁଅ ଅଥର୍ବଙ୍କୁ କ୍ରିକେଟର ହେବାକୁ ପ୍ରୋତ୍ସାହିତ କରିଥିଲେ ମା’। ମଧ୍ୟବିତ୍ତ ପରିବାରରୁ ଆସିଥିବା ଅଙ୍କୋଲେକର ଏବେ ମୁମ୍ବାଇର ସିଟି କଲେଜରେ ବାଣିଜ୍ୟ ବିଭାଗରେ ସ୍ନାତକ ପଢ଼ୁଛନ୍ତି। ଆସନ୍ତା ୨୬ ତାରିଖରେ ୧୯ ବର୍ଷରେ ପାଦ ଦେବାକୁ ଥିବା ଅଥର୍ବ ମୁମ୍ବାଇର ବାନ୍ଦ୍ରାସ୍ଥିତ ଏମ୍‌ଆଇଜି କ୍ରିକେଟ କ୍ଲବ ଓ ଷ୍ଟାର କ୍ରିକେଟ କ୍ଲବ ପାଇଁ ଖେଳନ୍ତି। ତାଙ୍କୁ ଏକଦା କ୍ରିକେଟ ଆଇକନ ସଚିନ ତେନ୍ଦୁଲକର ଏକ ଯୋଡ଼ି ଗ୍ଲୋଭ୍ସ ଦେଇଥିଲେ। ଏହା ମୋ କ୍ୟାରିୟରର ସ୍ମରଣୀୟ ମୁହୂର୍ତ୍ତ ବୋଲି ସେ କୁହନ୍ତି। ତାଙ୍କର ଆଉ ଜଣେ ଭାଇ ରହିଛନ୍ତି ପାର୍ଥ (୧୩)। ସେ ମଧ୍ୟ ଜଣେ ବାମହାତୀ ସ୍ପିନର। ୧୪ ବର୍ଷରୁ କମ୍‌ ମୁମ୍ବାଇ ସେଟ୍‌ ଅପ୍‌ ଖେଳୁଛନ୍ତି। ଏକ ରିପୋର୍ଟ ଅନୁଯାୟୀ, ଅଥର୍ବ ତାଙ୍କ ଛୋଟଭାଇଙ୍କ ପାଇଁ ଏକ ଗିଫ୍ଟ ରଖିଛନ୍ତି। ଭାଇ ଲାଗି ହଳେ ଜୋତା ମଧ୍ୟ କିଣିଛି। ମୁଁ ତାକୁ ସବୁକିଛି ଦେବାକୁ ଚାହେଁ, ଯାହା ମୁଁ ଏବେସୁଦ୍ଧା ପାଇନାହିଁ।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ପ୍ରି-ସିଜନ ଆରମ୍ଭ କରିବ ଅଷ୍ଟ୍ରେଲିଆ

ସିଡ୍‌ନୀ, ୮।୫-ଚଳିତ ମାସ ଶେଷ ଭାଗରେ କ୍ରିକେଟ ଅଷ୍ଟ୍ରେଲିଆ (ସିଏ) ଏହାର ପ୍ରି-ସିଜନ ଆରମ୍ଭ କରିବ। କରୋନା ଭାଇରସ୍‌ ସଂକ୍ରମଣ ଯୋଗୁ ଖେଳାଳିଙ୍କ ସୁରକ୍ଷା ସ୍ଥିତିକୁ...

କେକେଆରର ସହଜ ବିଜୟ…

ମୁମ୍ବାଇ, ୧୪।୫: ଆଇପିଏଲ୍‌ ସିଜିନ୍‌ର ୧୫ତମ ସଂସ୍କରଣର ୬୧ତମ ମ୍ୟାଚ୍‌ରେ ଶନିବାର କୋଲକାତା ନାଇଟ୍‌ ରାଇଡର୍ସ୍‌(କେକେଆର) ସନ୍‌ ରାଇଜର୍ସ ହାଇଦ୍ରାବାଦ୍‌(ଏସ୍‌ଆର୍‌ଏଚ୍‌) ବିପକ୍ଷରେ ସହଜ ବିଜୟ ହାସଲ...

ଲଢିକି ହାରିଗଲେ ଲଭଲିନା: ବ୍ରୋଞ୍ଚ ପଦକରେ ସନ୍ତୁଷ୍ଟ

ଟୋକିଓ,୪।୮: ଆଜି ଟୋକିଓ ଅଲିମ୍ପିକ୍ସର ୧୩ତମ ଦିନ। ମହିଳା ବକ୍ସର ଲଭଲିନା ବୋର୍ଗୋହେନ ତୁର୍କୀର ବିଶ୍ୱ ଚାମ୍ପିଅନ ବୁସେନାଜ ସୁରମେନେଲିଙ୍କ ବିପକ୍ଷରେ ସେମିଫାଇନାଲ ମ୍ୟାଚ ହାରି...

ପ୍ରକାଶ ପାଇଲା ଆଇପିଏଲ-୧୪ କାର୍ଯ୍ୟସୂଚୀ: ଉଦ୍‌ଘାଟନୀ ମ୍ୟାଚ୍‌ରେ ମୁମ୍ବାଇ-ଆରସିବି

ନୂଆଦିଲ୍ଲୀ,୭।୩ : ଆଗାମୀ ଆଇପିଏଲ ଲାଗି ରବିବାର ସମ୍ପୂର୍ଣ୍ଣ କାର୍ଯ୍ୟସୂଚୀ ଘୋଷଣା କରିଛି ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ)। ଏପ୍ରିଲ ୯ ତାରିଖରୁ ଆରମ୍ଭ...

ଆଇପିଏଲ୍‌ ପାଇଁ ଆଗ୍ରହ ଦେଖାଇ ନାହିଁ ନ୍ୟୁଜିଲାଣ୍ଡ

ଓ୍ବେଲିଂଟନ, ୧୦ା୭ (ପି.ଟି.)-ଚଳିତବର୍ଷ ସ୍ଥଗିତ ରଖାଯାଇଥିବା ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ୍‌) ଆୟୋଜନ ପାଇଁ ନ୍ୟୁଜିଲାଣ୍ଡ ଆଗ୍ରହ ପ୍ରକାଶ କରିଥିବା ଯାହା ଶୁଣାଯାଉଛି ତାହା ଠିକ୍‌...

କୋଭିଡ୍‌-୧୯: ଟୁର୍‌ ଅଫ୍‌ ବ୍ରିଟେନ ବାତିଲ

ଲଣ୍ଡନ,୧୪।୫(ଏଏଫ୍‌ପି): କୋଭିଡ୍‌-୧୯ ମହାମାରୀ କାରଣରୁ ଆଉ ଏକ ମେଗା ଇଭେଣ୍ଟକୁ ବାତିଲ କରାଯାଇଛି। ବ୍ରିଟେନର ବହୁ ପର୍ଯ୍ୟାୟ ବିଶିଷ୍ଟ ସାଇକ୍ଲିଂ ରେସ୍‌ ‘ଟୁର୍‌ ଅଫ୍‌ ବ୍ରିଟେନ’...

ଭବାନୀପାଟଣା ଦ୍ୱିତୀୟ ଟାଉନ ଫୁଟବଲ ଲିଗ୍‌:ଦ୍ୱିତୀୟ ଦିନରେ ମର୍ନିଂ କ୍ଲବ ବିଜୟୀ

ଭବାନୀପାଟଣା,୧୭।୯(ଡି.ଏନ.ଏ.) ଭବାନୀପାଟଣା ଲାଲବାହାଦୁର ଶାସ୍ତ୍ରୀ ଷ୍ଟାଡିୟମ୍‌ଠାରେ କଳାହାଣ୍ଡି କ୍ରୀଡା ସଂସ୍ଥା ଆନୁକୂଲ୍ୟରେ ଭବାନୀପାଟଣା ଦ୍ୱିତୀୟ ଟାଉନ ଫୁଟବଲ ଲିଗ୍‌ର ୨ୟ ଦିବସ ସୋମବାର ମ୍ୟାଚ୍‌ରେ ମର୍ନିଂ...

ରାଗିଗଲେ କ୍ୟାପ୍‌ଟେନ୍‌: କହିଲେ‘ ଏନେଇ କାହିଁକି ଚର୍ଚ୍ଚା ହେଉଛି ବୁଝିପାରୁନି…’

ଲଣ୍ଡନ,୧୫।୭: ଟିମ୍‌ ଇଣ୍ଡିଆର ଷ୍ଟାର ବ୍ୟାଟ୍ସମ୍ୟାନ୍‌ ବିରାଟ କୋହଲି ଏବେ ଫର୍ମରେ ନାହାନ୍ତି। ଗୁରୁବାର ଲଡର୍‌ସ କ୍ରିକେଟ ଗ୍ରାଉଣ୍ଡରେ ଖେଳାଯାଇଥିବା ଇଂଲଣ୍ଡ ବିପକ୍ଷ ଦ୍ୱିତୀୟ ଦିନିକିଆରେ...

Advertisement
Archives

Model This Week