ମୁମ୍ବାଇ: ବଲିଉଡ୍ ନାୟକ ରଣବୀର ସିଂ ବଲିଉଡ୍ରେ ମଙ୍ଗଳବାର ୯ ବର୍ଷ ପୂରଣ କରିଛନ୍ତି। ଏହାକୁ ନେଇ ସେ ତାଙ୍କ ଇନଷ୍ଟାଗ୍ରାମରେ ସୂଚନା ଦେଇଛନ୍ତି। ଏଥିରେ ସେ ତାଙ୍କ ବ୍ଲକବୁଷ୍ଟର ଫିଲ୍ମ ‘ବ୍ୟାଣ୍ଡ ବାଜା ବାରାତ’ର ଏକ ଫଟୋସହ କ୍ୟାପଶନ ଲେଖିଛନ୍ତି, ବଲିଉଡ୍ରେ ୯ ବର୍ଷ ପୂରଣ କରିବା ତାଙ୍କର ଏକ ସ୍ବପ୍ନ। ୟଶ ରାଜ ବ୍ୟାନରେ ପ୍ରସ୍ତୁତ ଫିଲ୍ମ ‘ବ୍ୟାଣ୍ଡ ବାଜା ବାରାତ’ରେ ରଣବୀରଙ୍କ ଅପୋଜିଟର ନାୟିକା ଥିଲେ ଅନୁଷ୍କା ଶର୍ମା। ଆଉ ଏହି ଫିଲ୍ମ ବେଶ୍ ଦର୍ଶକୀୟ ସ୍ବୀକୃତି ପାଇଥିଲା। ଥରେ ବଲିଉଡରେ ନାଁ କମାଇବା ପରେ ଆଉ ପଛକୁ ଫେରି ଚାହିଁ ନ ଥିଲେ ରଣବୀର। ଗୋଟିଏ ପରେ ଗୋଟିଏ ହିଟ୍ ଫିଲ୍ମ ଭେଟିଦେଇ କେତେବେଳେ ସେ ଦର୍ଶକଙ୍କର ପ୍ରିୟ ଅଭିନେତା ପାଲଟି ଯାଇଥିଲେ ତାହା ମଧ୍ୟ ଜାଣି ପାରି ନ ଥିଲେ। ଶେଷ ଥର ପାଇଁ ତାଙ୍କୁ ‘ଗଲି ବୟ’ରେ ଦେଖିବାକୁ ମିଳିଥିବା ବେଳେ ଏବେ ତାଙ୍କ ହାତରେ କିଛି ଅଫର ମଧ୍ୟ ରହିଛି।
