ବମିଖାଲ ଓଭରବ୍ରିଜ୍‌ ତଳେ ଚାଲିଛି ଖୁଲମଖୁଲା ନିଶା କାରବାର: ତାରିଣୀ ମା’ ଡାକିଲେ ମିଳେ ବ୍ରାଉନ ସୁଗାର

ଭୁବନେଶ୍ୱର,,୧୭ା୧୨(ବ୍ୟୁରୋ): ନିଶା କାରବାର ରୋକିବାକୁ ପୋଲିସ ପକ୍ଷରୁ ବିଭିନ୍ନ ଉଦ୍ୟମ ଚଳାଉଥିବାବେଳେ ବେପାରୀମାନେ ମଧ୍ୟ ନୂଆ ନୂଆ ତରିକା ଆପଣାଉଛନ୍ତି। କିଛିଦିନ ବ୍ୟବଧାନ ପରେ ପୁଣି ଏକ ନିଶା ବ୍ୟବସାୟୀ ଠିକଣା ପୋଲିସ ହାତରେ ଲାଗିଛି। ଘର, ଦୋକାନ ପରେ ଏବେ ମନ୍ଦିରକୁ ମଧ୍ୟ ବେପାରୀମାନେ ନିଶା କାରବାରର ନୂଆ ଠିକଣା କରିସାରିଲେଣି। ଏବେ ମନ୍ଦିରରେ ମିଳୁଛି ନିଶା ସାମଗ୍ରୀ। ତାରିଣୀ ମା’ ଡାକିଦେଲେ ଗ୍ରାହକ ପାଇଯାଉଛନ୍ତି ବ୍ରାଉନ ସୁଗାର । ଏହି ତାରିଣୀ ମା’ ଏକ ପ୍ରକାର କୋଡ ଆକାରରେ ବ୍ୟବହାର କରାଯାଉଛି। ଏହାକୁ ପୁଣିି ଯୋଗାଉଛନ୍ତି ମନ୍ଦିରରେ ପୂଜା କରୁଥିବା ଜଣେ ବୟସ୍କା ମହିଳା(ତାରିଣୀ ମା’)। ଶହୀଦ ନଗର ଥାନା ଅଧୀନ ବମିଖାଲ ଓଭରବ୍ରିଜ ଲେବୁଲ କ୍ରସିଂ ନିକଟରେ ଥିବା ତାରିଣୀ ମନ୍ଦିରରେ ଚାଲିଛି ଏହି ନିଶା ବ୍ୟବସାୟୀ। ଏହି ନିଶା କାରବାର ପଛରେ ମୁଖ୍ୟଧାର ହେଉଛି ଶାନ୍ତିପଲ୍ଲୀ ବସ୍ତିର ସଞ୍ଜୟ ଖଟୁଆ। ସଞ୍ଜୟର ଦୁଇ ସହଯୋଗୀ କୁନା ଓ ଦିବାକର ନାମକ ଯୁବକ କାରରେ ଆସି ଏଠାରେ ବ୍ରାଉନ ସୁଗାର ଦେଇଯାଉଛନ୍ତି। ସଞ୍ଜୟ ପ୍ରଥମେ ଦେହ ବ୍ୟବସାୟ କରୁଥିଲେ ପରେ ସେଥିରେ ବିଶେଷ ଲାଭ ନ ହେବାରୁ ଖୁବ୍‌ କମ୍‌ ସମୟରେ ଲକ୍ଷାଧିକ ଟଙ୍କା ରୋଜଗାର କରିବା ପାଇଁ ବ୍ରାଉନ ସୁଗାର ବ୍ୟବସାୟ କରୁଛନ୍ତି। ଏହିପରି ଏହି ମହିଳା ଜଣଙ୍କ ମନ୍ଦିର ଭିତରେ ବ୍ରାଉନ ସୁଗାର ଲୁଚାଇ ରଖୁଛନ୍ତି। ଜଣେ ସାଧାରଣ ବ୍ୟକ୍ତି ମନ୍ଦିରରେ ବ୍ରାଉନ ସୁଗାର ବ୍ୟବସାୟ ହେଉଥିବା ନେଇ ସହଜରେ ଜାଣିପାରିବେ ନାହିଁ। ଅନ୍ୟପକ୍ଷରେ ନିଶା କାରବାର ରୋକିବା ପାଇଁ ଅତିରିକ୍ତ ଏସ୍‌ପିଙ୍କୁ ଦାୟିତ୍ୱ ଦିଆଯାଇଥିଲା। ଗତ ୩ମାସ ମଧ୍ୟରେ ଅତିରିକ୍ତ ସିପିଙ୍କ ଉଦ୍ୟମରେ ୧୨୨ଟି ଏନ୍‌ଡିପିଏସ୍‌ ମାମଲା କରାଯାଇଛି। ତେଣୁ ପୋଲିସ ଏହି ନିଶା କାରବାର ଖବର ଜାଣିିବା ପରେ ସୋମବାର କ୍ୟୁଏଟି ସ୍ବତନ୍ତ୍ର ସେଠାରେ ଚଢାଉ କରି ଦୁଇଜଣ ଯୁବକଙ୍କୁ ସନ୍ଦେହରେ ଉଠାଇ ନେଇଛି।
ଅନ୍ୟପଟେ କିଭଳି ଏହି ବ୍ରାଉନ ସୁଗାର କାରବାର ହେଉଛି ସେନେଇ ମହିଳାଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି। ଭିଡିଓରେ ମହିଳା ଜଣଙ୍କ କହୁଛନ୍ତି, ସେ ପ୍ରଥମେ ମଦ ବ୍ୟବସାୟ କରୁଥିଲେ। ହେଲେ ସଞ୍ଜୟ ସହ ତାଙ୍କର ପରିଚୟ ହେବା ପରେ ସେ ଏହି ନିଶା ବେପାର କରୁଛନ୍ତି। ଏଥିପାଇଁ ସଞ୍ଜୟ ତାଙ୍କୁ ମାସକୁ ଦରମା ଦିଅନ୍ତି। ସେ ୩ଥର ଜେଲ ଯାଇଥିବା ବେଳେ ତାଙ୍କୁ ସଞ୍ଜୟ ଜାମିନ୍‌ରେ ଆଣିଥିଲେ। ତେଣୁ ଆଉ ୧୨ଟି ମାମଲା ହେଲେ ମୁଁ ରାଜଗାଦିରେ ବସିବି ବୋଲି ସେ କହୁଥିବାରୁ ଭିଡିଓରେ ଦେଖିବାକୁ ମିଳୁଛି। କେବଳ ଏତିକି ନୁହେଁ ସେ ଆହୁରି କହିଛନ୍ତି, ସେ ସଞ୍ଜୟକୁ କେବେ ଧୋକା ଦେବେ ନାହିଁ। ସେ ତାଙ୍କ ପେଟକୁ ଦାନା ଦେଇଛନ୍ତି। ଏହି ସ୍ଥାନରେ ବ୍ରାଉନ ସୁଗାର ବେପାର କରିବା ପାଇଁ ଅନେକ ଟଙ୍କା ଯାଚୁଛନ୍ତି। କିନ୍ତୁ ମୁଁ ଛାଡୁନାହିଁ। କାରଣ ସୁବିଧା ଅସୁବିଧା ସମୟରେ ସଞ୍ଜୟ ଟଙ୍କା ମାଗିଲେ ସାହାଯ୍ୟ କରେ। ଏହାସହ ଶହୀଦନଗର ଥାନା ପୋଲିସ ଏବଂ ଅବକାରୀକୁ ସଞ୍ଜୟ ମାସିକ ବଟି ଦେଉଛି। ତେଣୁ ପୋଲିସ ଏହା ଉପରେ ଚଢାଉ କରୁ ନ ଥିବା କହିଛନ୍ତି।
ନିକଟରେ ଏକାଧିକ ଲୋକେ ରହୁଥିବାରୁ ପିଲାମାନଙ୍କ ଉପରେ ଏହାର ପ୍ରଭାବ ପଢୁଛି। ସେମାନେ ନିଶା ସେବନ କରି ମୃତ୍ୟୁ ମୁଖରେ ପଢୁଛନ୍ତି। ତେଣୁ ଏହାକୁ ବନ୍ଦ କରିବା ପାଇଁ ସ୍ଥାନୀୟ ଲୋକେ ପୋଲିସକୁ ନିବେଦନ କରିଛନ୍ତି।
ଏ ସମ୍ପର୍କରେ ଅତିରିକ୍ତ ପୋଲିସ କମିଶନର ସଞ୍ଜୟ ସିଂ କହିଛନ୍ତି, ଏ ନେଇ ଆମ ନିକଟରେ ଖବର ନ ଥିଲା। ଏଭଳି ହେଉଥିଲେ ଆମ ଚଢାଉ କରି ତୁରନ୍ତ ଏହା ପଛରେ ଥିବା ର଼୍ୟାକେଟକୁ ଧରିବୁ । ଏନେଇ ସ୍ଥାନୀୟ ଲୋକେ ଆମକୁ ଖବର ଦିଅନ୍ତୁ।


Enter your email to get our daily news in your inbox.

All Right Reserved By Dharitri.Com

କଳିଙ୍ଗ ହସ୍ପିଟାଲରେ ବିଧାୟକ ମୋହନ ଚରଣ ମାଝିଙ୍କୁ ଦୁର୍ବ୍ୟବହାର ଘଟଣା: ରାଜ୍ୟ ଚିକିତ୍ସା ପାଣ୍ଠି ତାଲିକାରୁ ବାଦ୍‌ ପଡ଼ିଲା କଳିଙ୍ଗ ହସ୍ପିଟାଲ

ଭୁବନେଶ୍ୱର,୨୦।୭(ବ୍ୟୁରୋ): ରାଜ୍ୟ ସରକାର ରାଜଧାନୀରେ ଥିବା ଘରୋଇ ହସ୍ପିଟାଲ ପ୍ରତି କଡ଼ା ଆଭିମୁଖ୍ୟ ଗ୍ରହଣ କରିଛନ୍ତି। ବିରୋଧୀ ଦଳ ମୁଖ୍ୟ ସଚେତକ ତଥା କେନ୍ଦୁଝର ସଦର...

ସ୍ବଚ୍ଛ ଭାରତ ମିଶନ ଯୋଜନାରୁ ବଞ୍ଚତ୍ତ କୁନ୍ତଳା

ନୟାଗଡ଼ ଅଫିସ,୨୦ା୬: ନୟାଗଡ଼ର ଅଧିକାଂଶ ସହରବାସୀଙ୍କ ପାଇଁ ରହିଛି ଚକଚକ୍‌ ମାର୍ବଲ ସାଙ୍ଗକୁ ଇଟାଲିଆନ୍‌ ପ୍ୟାନ୍‌ ଥିବା ପାଇଖାନା। କେନ୍ଦ୍ର ସରକାରଙ୍କ ସ୍ବଚ୍ଛ ଭାରତ ମିଶନ...

ଯାଜପୁର ସଂସଦୀୟ କ୍ଷେତ୍ର: ୯ ବୁଥ୍‌ରେ ହେଉଛି ସାନି ମତଦାନ, ଭୋଟକେନ୍ଦ୍ରରେ ମତଦାତାଙ୍କ ଭିଡ଼

ଯାଜପୁର ଅଫିସ,୧୯।୫-ଯାଜପୁର ସଂସଦୀୟ କ୍ଷେତ୍ରର ୯ ଟି ବୁଥ୍‌ରେ ରବିବାର ସାନି ମତଦାନ ଚାଲିଛି। ଏଥିରେ ମୋଟ ୯୯୩୧ ମତଦାତା ସେମାନଙ୍କ ମତଦାନ ସାବ୍ୟସ୍ତ କରିବେ।...

ଶୋଷରେ ନୟାପଲ୍ଲୀବାସୀ

ଭୁବନେଶ୍ୱର,୨।୮(ବ୍ୟୁରୋ): ଭୁବନେଶ୍ୱର ମହାନଗର ନିଗମ (ବିଏମ୍‌ସି) ଅଧୀନ ଓ୍ବାର୍ଡ ନଂ.୩୭ର ନୟାପଲ୍ଲୀ ଅଞ୍ଚଳରେ ପିଇବା ପାଣିର ସମସ୍ୟା ଲାଗି ରହିଛି। ବିଶେଷକରି ନୟାପଲ୍ଲୀର ବେହେରାସାହି, ଆଖଣ୍ଡଳମଣି...

କରୋନା ପ୍ରଭାବ: ଚଢ଼ା ଦର ନେଉଛନ୍ତି ବ୍ୟବସାୟୀ: ଜନସାଧାରଣଙ୍କ ମଧ୍ୟରେ ଅସନ୍ତୋଷ, ଦର ନିୟନ୍ତ୍ରଣ କରିବାକୁ ଦାବି

ଭୁବନେଶ୍ୱର, ୨୪।୩(ବ୍ୟୁରୋ): କରୋନାର ମୁକାବିଲା ପାଇଁ ରାଜ୍ୟ ସରକାର ସମଗ୍ର ରାଜ୍ୟକୁ ମଙ୍ଗଳବାର ମଧ୍ୟରାତ୍ରରୁ ଲକ୍‌ଡାଉନ୍‌ ଘୋଷଣା କରିଛନ୍ତି। ଏହି ମହାମାରୀର କୌଣସି ପ୍ରତିକାର ନ...

୫ ଜିଲାରେ ବନ୍ୟା, ୯ ମୃତ

ଭୁବନେଶ୍ୱର, ୧୪ା୮(ବ୍ୟୁରୋ): ଲଘୁଚାପଜନିତ ଲଗାଣ ବର୍ଷାରେ ଦକ୍ଷିଣ-ପଶ୍ଚିମ ଓଡ଼ିଶା ସ୍ଥିତି ସଙ୍ଗିନ ହୋଇପଡ଼ିଛି। ବିଶେଷ କରି ୫ ଜିଲା ବଲାଙ୍ଗୀର, ବୌଦ୍ଧ, କଳାହାଣ୍ଡି, ସୁବର୍ଣ୍ଣପୁର ଓ...

ମେ’ ୨୩ରେ ଓସିଏସ୍‌ ପ୍ରିଲିମ୍‌

ଭୁବନେଶ୍ୱର, ୨୩।୩(ବ୍ୟୁରୋ): ଓଡ଼ିଶା ଲୋକସେବା ଆୟୋଗ(ଓପିଏସ୍‌ସି) ଦ୍ୱାରା ପରିଚାଳିତ ଓଡ଼ିଶା ସିଭିଲ୍‌ ସର୍ଭିସେସ୍‌(ଓସିଏସ୍‌) ପ୍ରିଲିମ୍‌ ପରୀକ୍ଷା ତାରିଖ ଘୋଷଣା ହୋଇଛି। ଆସନ୍ତା ମେ’ ୨୩ରେ ବାଲେଶ୍ୱର,...

ଇ-ଯାନ ମାଲିକଙ୍କୁ ସବ୍‌ସିଡି

ଭୁବନେଶ୍ୱର, ୨ା୪(ବ୍ୟୁରୋ): ରାଜ୍ୟରେ ପରିବେଶ ଅନୁକୁଳ ଇ-ଯାନ ବ୍ୟବହାରକୁ ପ୍ରୋତ୍ସାହିତ କରାଯିବ। ଏଥିଲାଗି ଲୋକସେବା ଭବନରେ ମୁଖ୍ୟଶାସନ ସଚିବ ସୁରେଶ ଚନ୍ଦ୍ର ମହାପାତ୍ର ଶୁକ୍ରବାର ବିଦ୍ୟୁତ୍‌...

Advertisement
Archives

Model This Week