କିମ୍ବଦନ୍ତୀ ବାସ୍କେଟ୍ବଲ ଖେଳାଳି କୋବେ ବ୍ରାଏଣ୍ଟ ହେଲିକପ୍ଟର ଦୁର୍ଘଟଣାରେ ପ୍ରାଣ ହରାଇଛନ୍ତି। ବିମାନ ଦୁର୍ଘଟଣାରେ ପ୍ରାଣ ହରାଇଥିବାରେ ସେ ପ୍ରଥମ ଖେଳାଳି ନୁହନ୍ତି। ତାଙ୍କ ପୂର୍ବରୁ ବହୁ ଖେଳାଳି ବିମାନ କ୍ରାସ୍ ହେବାରୁ ମୃତ୍ୟୁବରଣ କରିଛନ୍ତି। ଖେଳାଳିଙ୍କ ସହ ଘଟିଥିବା ସବୁଠୁ ଭୟଙ୍କର ବିମାନ ଦୁର୍ଘଟଣା ସମ୍ପର୍କରେ ଜାଣିଛନ୍ତି କି? ୧୯୭୨ ମସିହା ଅକ୍ଟୋବର ୧୩ ତାରିଖ। ୪୫ ଜଣଙ୍କୁ ନେଇ ଉରୁଗୁୟାନ ଏୟାରଫୋର୍ସ ଫ୍ଲାଇଟ୍ ୫୭୧ ଉଡ଼ାଣ ଆରମ୍ଭ କରିଥିଲା। ଏଥିରେ ୧୯ ଜଣିଆ ଉରୁଗୁଏର ରଗ୍ବୀ ଦଳ ଓ ସେମାନଙ୍କ ପରିବାର, ସମର୍ଥକ ଏବଂ ବନ୍ଧୁ ଥିଲେ। ସାଣ୍ଟିଆଗୋ ଯାଉଥିବା ବିମାନ ଆଣ୍ଡେସ ପର୍ବତ ଅତିକ୍ରମ କରିବା ପରେ ଅନଭିଜ୍ଞ ପାଇଲଟ ଚୁରିକୋ (ଚିଲି) ପହଞ୍ଚି ଯାଇଥିବା ଭାବି ପୁଡାହୁଏଲ ବିମାନବନ୍ଦର ଆଡ଼େ ବିମାନ ଚଳାଇଥିଲେ। ମାତ୍ର ଏହା ଥିଲା ତାଙ୍କର ସବୁଠୁ ବଡ଼ ଭୁଲ୍। ବିମାନ ବରଫ ପାହାଡ଼ରେ ବାଡ଼େଇ ହୋଇଥିଲା। ଦୁଇ ଓ୍ବିଙ୍ଗ୍ସ ପାହାଡ଼ରେ
ଲାଗିଯାଇଥିଲା। ଏଥିରେ ୩ ବିମାନ କର୍ମଚାରୀ ଓ କିଛି ଯାତ୍ରୀଙ୍କ ମୃତ୍ୟୁ ହୋଇଥିଲା। ଆଉ କିଛି ଯାତ୍ରୀ ଅତ୍ୟଧିକ ଥଣ୍ଡା ଓ ଆହତ ସମସ୍ୟା ଯୋଗୁ ପ୍ରାଣ ହରାଇଥିଲେ। ଦୁର୍ଘଟଣାର ୧୦ ଦିନ ପରେ ବିମାନ ଖୋଜା ପ୍ରକ୍ରିୟା ବନ୍ଦ କରିଦିଆଯାଇଥିବା ଟ୍ରାନ୍ଜିଷ୍ଟର ରେଡିଓରୁ ଜଣାପଡ଼ିଥିଲା। ଦୁର୍ଘଟଣାର ୧୭ ଦିନ ବେଳକୁ ମାତ୍ର ୨୭ ଜଣ ଯାତ୍ରୀ ବଞ୍ଚିଥିଲେ। ସେମାନଙ୍କର ସବୁଠୁ ବଡ଼ ଶତ୍ରୁ ଥିଲା ଭୋକ ଓ ଶୀତ। ସେମାନେ ଖାଇବାକୁ ନ ପାଇବାରୁ ଯାତ୍ରୀଙ୍କ ମୃତଦେହ ଖାଇଥିଲେ। ୬୦ ଦିନ ପରେ ଯାତ୍ରୀ ନାଣ୍ଡୋ ପାରାଡୋ ଓ ରବର୍ଟ କାନେସା ୩,୫୭୦ ମିଟର (୧୧,୭୧୦ ଫୁଟ) ବରଫ ପର୍ବତ ଛଢ଼ିଥିଲେ। ୧୦ ଦିନରେ ୬୧ କି.ମି. ଚାଲିଥିଲେ। ତା’ପରେ ତାଙ୍କୁ ପ୍ରଥମ ଲୋକ ଦେଖାଯାଇଥିଲା। କେବଳ ୧୪ ଯାତ୍ରୀଙ୍କୁ ୧୯୭୨ ମସିହା ୨୩ ଡିସେମ୍ବରରେ ଉଦ୍ଧାର କରାଯାଇଥିଲା। ସେମାନେ ୭୨ ଦିନ ଧରି ବଞ୍ଚତ୍ବା ପାଇଁ ସଂଘର୍ଷ କରିଥିଲେ। ଏହି ଘଟଣା ଆଣ୍ଡେସ ଫ୍ଲାଇଟ୍ ଡିଜାଷ୍ଟର ଭାବେ ଜଣାଶୁଣା।
