ବଜ୍ରକାପ୍ତା ଜବତ: ୪ ଚାଲାଣକାରୀ ଗିରଫ
8:30 amOctober 30, 2019 / 21

ବାରିପଦା ଅଫିସ,୩୦ା୧୦- ବାରିପଦା ବନଖଣ୍ଡ ଅଧୀନ କୁଳିଅଣା ନିକଟରେ ଚଢାଉ କରି ମଙ୍ଗଳବାର ବନ ବିଭାଗ ଏକ ବଜ୍ରକାପ୍ତା ଜବତ କରିଛି। ଏହି ଘଟଣାରେ ୪ ଚାଲାଣକାରୀ ଗିରଫ ହୋଇଛନ୍ତି। ଅଭିଯୁକ୍ତମାନେ ହେଲେ ପ୍ରଦୀପ କୁମାର ମହାକୁଡ଼, ସନତ କୁମାର ମହାନ୍ତ, କୃଷ୍ଣଚନ୍ଦ୍ର ହାଁସଦା ଓ ପ୍ରେମଖେଳ ମୁର୍ମୁ। ସେମାନଙ୍କଠାରୁ ୨ଟି ଚାରି ଚକିଆ ଯାନ ଜବତ ହୋଇଛି। ଜବତ ବଜ୍ରକାପ୍ତାର ଓଜନ ୧୮ କି.ଗ୍ରା ହେବ ବୋଲି ବନ ବିଭାଗ ସୂତ୍ରରୁ ଜଣାପଡିଛି। ପିଠାବଟା ରେଞ୍ଜର ଲକ୍ଷ୍ମୀଧର ବେହେରାଙ୍କ ନେତୃତ୍ୱରେ ଚଢ଼ାଉ କରାଯାଇଥିଲା। ତେବେ ବଜ୍ରକାପ୍ତାଟିକୁ କେଉଁ ସ୍ଥାନକୁ ନିଆ ଯାଉଥିଲା ସେଥିନେଇ ଅଧିକ ତଦନ୍ତ କରାଯାଉଛି ବୋଲି ରେଞ୍ଜର ବେହେରା କହିଛନ୍ତି।