ବକ୍ସିଂରେ ଗୌରବ ବଢ଼ାଉଛନ୍ତି ଦୁଇଭଉଣୀ

ବଡ଼ଗାଁ, ୧ା୫ (ଡି.ଏନ.ଏ)- ଦୁଇ ଭଉଣୀ ସୁଭଦ୍ରା ସିଂ ଓ ଯାଜ୍ଞସେନୀ। ସରକାର ଓ ପ୍ରଶାସନର ସହଯୋଗ ନ ଥିବା ଓ ଆର୍ଥିକ ଅଭାବ ସତ୍ତ୍ବେ ବକ୍ସିଂରେ ସଫଳତା ପାଇଁ ଉଦ୍ୟମ ଜାରି ରଖିଛନ୍ତି। ବକ୍ସିଂରେ ଗୌରବ ବଢାଇ ଚାଲିଛନ୍ତି ଏହି ଦୁଇ ଭଉଣୀ। ୨୦୧୧ରେ ମା’ଙ୍କ ମୃତ୍ୟୁ ପରେ ବାପା ଅନ୍ୟତ୍ର  ଚାଲିଗଲେ। ଆଉ ଫେରିଲେ ନାହିଁ। ଏକ ପ୍ରକାର ଅସହାୟ ହୋଇପଡିଲେ ଦୁଇ ଭଉଣୀ। ପୂର୍ବରୁ ବିବାହ କରିଥିବା ବଡ଼ଭଉଣୀଙ୍କ ଶାଶୁ ଘର ଗାଁ ପାଖାପାଖି ଶଙ୍କରା ଗ୍ରାମକୁ ଯାଇ ଭଡା ଘରେ ରହିଲେ ଦୁଇ ଭଉଣୀ। ବିବାହିତା ବଡ ଭଉଣୀଙ୍କ କିଛିଟା ସାହାଯ୍ୟ ସହଯୋଗରେ ପାଠପଢ଼ିଲେ। ଏହି ସମୟରେ ସୁନ୍ଦରଗଡ଼ର ଯୁବ ବକ୍ସିଂ କୋଚ ରୂପକ କୁମାର ପ୍ରସାଦଙ୍କ ସହିତ ସାକ୍ଷାତ ହୋଇଥିଲା। ଉଭୟ ଭଉଣୀ କୋଚ ପ୍ରସାଦଙ୍କ ତତ୍ତ୍ବାବଧାନରେ ଆରମ୍ଭ କରିଥିଲେ ତାଲିମ। ସେହି ସମୟରୁ ଗୋଟିଏ ପରେ ଗୋଟିଏ କୃତୀତ୍ୱ ଅର୍ଜନ କରିଚାଲିଛନ୍ତି ସୁନ୍ଦରଗଡ଼ ଜିଲା ବଡ଼ଗାଁ ବ୍ଲକ ଅନ୍ତର୍ଗତ ମୁଣ୍ଡାଗାଁ ଗ୍ରାମର ସୁଭଦ୍ରା ଓ ଯାଜ୍ଞସେନୀ। ୨୦୧୨ରେ ସୁଭଦ୍ରା କିର୍ଞ୍ଜିିର୍ମା କଲେଜ ଓ ଯାଜ୍ଞସେନୀ ଭେଡାବାହାଲ କଲେଜରେ ନାମ ଲେଖାଇଥିଲେ। କିର୍ଞ୍ଜିିର୍ମା  କଲେଜରେ ଛାତ୍ରୀମାନଙ୍କୁ ବକ୍ସିଂ ତାଲିମ ଦେବାକୁ କୋଚ ପ୍ରସାଦ ଯାଇଥିଲା ବେଳେ ସୁଭଦ୍ରାଙ୍କ ସହିତ ସାକ୍ଷାତ ହୋଇଥିଲା। ସୁଭଦ୍ରାଙ୍କ ପ୍ରବଳ ଇଚ୍ଛା, ଆଗ୍ରହ ଦେଖିବା ସହ ଗରିବ ପରିବାରରୁ ଆସି ଏଠାରେ ରହୁଥିବା ଜାଣିବା ପରେ କୋଚ ତାଙ୍କୁ ସହଯୋଗର ହାତ ବଢ଼ାଇଥିଲେ। ଆଉ ଖୁବ କମ ସମୟ ମଧ୍ୟରେ ସୁଭଦ୍ରା ତାଙ୍କ ଦକ୍ଷତାର ପ୍ରମାଣ ଦେଇଥିଲେ। ଜିଲା ଓ ରାଜ୍ୟ ସ୍ତରୀୟ ପ୍ରତିଯୋଗିତାରେ ଉନ୍ନୀତ ହୋଇ ୨୦୧୫ରେ ପ୍ରଥମ କରି ବକ୍ସିଂ ଫେଡ଼େରେସନ ଅଫ ଇଣ୍ଡିଆ (ବିଏଫ୍‌ଆଇ) ପକ୍ଷରୁ ଆସାମରେ ଆୟୋଜିତ ଜାତୀୟସ୍ତର ପ୍ରତିଯୋଗିତାରେ ଅଂଶଗ୍ରହଣ କରିଥିଲେ। ୨୦୧୭ ଜାନୁୟାରୀରେ ପଞ୍ଜାବ ଏବଂ ନଭେମ୍ବରରେ ଚଣ୍ଡିଗଡ଼ରେ ସମ୍ବଲପୁର ବିଶ୍ୱବିଦ୍ୟାଳୟ ପକ୍ଷରୁ ଜାତୀୟ  ସ୍ତରୀୟ ପ୍ରତିଯୋଗିତାରେ ଭାଗ ନେଇଥିଲେ। ୨୦୧୮ରେ ବିଏଫ୍‌ଆଇ ତରଫରୁ ହରିୟାଣାରେ ଜାତୀୟସ୍ତରର ପ୍ରତିଯୋଗିତାରେ  ବକ୍ସିଂ ଅଫ ଦି ଡେ ସମ୍ମାନରେ ସମ୍ମାନିତ ହୋଇଥିଲେ। ୨୦୧୯ରେ ରାଜସ୍ଥାନରେ ଆୟୋଜିତ ଜାତୀୟସ୍ତରୀୟ ପ୍ରତିଯୋଗିତାରେ ଅଂଶଗ୍ରହଣ କରିଥିଲେ। ରାଜ୍ୟସ୍ତରୀୟ ପ୍ରତିଯୋଗିତାରେ ସ୍ବର୍ଣ୍ଣ ପଦକ ପାଇଥିବା ଓ ୫ଥର ଜାତୀୟସ୍ତରକୁ ଖେଳିବାର ସୁଯୋଗ ପାଇଥିଲେ ସୁଭଦ୍ରା। ତାଙ୍କ ଭଉଣୀ ୨୦୧୮ରେ ଚଣ୍ଡିଗଡ, ୨୦୧୯ରେ ରାଜସ୍ଥାନରେ ଆୟୋଜିତ ଜାତୀୟସ୍ତରୀୟ ପ୍ରତିଯୋଗିତାରେ ସମ୍ବଲପୁର ବିଶ୍ୱବିଦ୍ୟାଳୟ ପକ୍ଷରୁ ଖେଳିଛନ୍ତି। ୨୦୧୭ରୁ ସୁନ୍ଦରଗଡ ଆର୍‌.କେ ସ୍ପୋଟ୍ସ ଏକାଡେମୀ ଏବଂ ଜନସେବା ସମିତି ଯୋଗିମାଲ ଅନୁକୂଲ୍ୟରେ ଜିଲା କ୍ରୀଡା ସଂସଦ ସହଯୋଗରେ ତାଲିମ ଜାରି ରଖିଛନ୍ତି। କିଞ୍ଜିର୍ମା ଡିଗ୍ରୀ କଲେଜ ଅଧ୍ୟକ୍ଷ ଓ ସୁନ୍ଦରଗଡ଼ର ନିରଜ ଅଗ୍ରୱାଲ ଆର୍ଥିକ ସହଯୋଗ ଦେଉଛନ୍ତି। ଖେଳାଳିଙ୍କ ଖଣି କୁହାଯାଉଥିବା ସୁନ୍ଦରଗଡର ଏହି ଦୁଇ ଭଉଣୀଙ୍କ ପ୍ରତି ଜିଲା ପ୍ରଶାସନ, ରାଜ୍ୟ ସରକାର କିମ୍ବା ରାଜନୈତିକ ବ୍ୟକ୍ତିଙ୍କ ସହଯୋଗ ଏ ଯାଏଁ ନ ମିଳିବା ଦୁର୍ଭାଗ୍ୟଜନକ। ଏହି ଭଉଣୀଦ୍ୱୟ କୋଚଙ୍କ ସହଯୋଗରେ ୫୦ ଛାତ୍ରୀଙ୍କୁ ତାଲିମ ଦେଇ ରାଜ୍ୟ ତଥା ଜାତୀୟ ସ୍ତରର ପ୍ରତିଯୋଗିତାକୁ ପଠାଇଛନ୍ତି । ନିଜ ଗ୍ରାମ ମୁଣ୍ଡାଗାଁ ନିକଟ ବରଙ୍ଗାକଛାରର ଖ୍ରୀଷ୍ଟିନା କାଣ୍ଡୁଲାନା ଓ ସରିତା ସାମାଦଙ୍କୁ ଜାତୀୟସ୍ତରରେ ପହଞ୍ଚାଇବା ବାସ୍ତବିକ ପ୍ରେରଣାଦାୟୀ। ସୁଭଦ୍ରାଙ୍କୁ ଆମ ପ୍ରତିନିଧି ସାକ୍ଷାତ କରି ପଚାରିବାରେ ସେ କହିଥିଲେ, କେବଳ ମୁଁ ନୁହେଁ ଆମ ଜିଲା ଖେଳ ପ୍ରତିଭାର ଗନ୍ତାଘର, କେବଳ ସେମାନଙ୍କୁ ଚିହ୍ନଟ କରି ତାଲିମ ଦେବାର ଆବଶ୍ୟକତା ରହିଛି। କୋଚ ପ୍ରସାଦଙ୍କ ସହଯୋଗ ଯୋଗୁ ଜାତୀୟ ସ୍ତରରେ ଖେଳିପାରିଛି। ଆମ ଜିଲାର ଲୁକ୍କାୟିତ ପ୍ରତିଭାକୁ ଆଣି ଉଚ୍ଚସ୍ତରରେ ପହଞ୍ଚାଇ ପାରିଲେ ଆତ୍ମସନ୍ତୋଷ ମିଳିବ। କୋଚ ପ୍ରସାଦ କହନ୍ତି, ସୁଭଦ୍ରାଙ୍କ ଆଗ୍ରହ, ଇଚ୍ଛାଥିଲା ଆମେ ଏଭଳି ପ୍ରତିଭାଙ୍କୁ ଖୋଜି ଚାଲିଛୁ । ଆମ ଜିଲାର ଝିଅ ନିର୍ଭୟ, ଦକ୍ଷ । କେବଳ ତାଲିମ ଦେଲେ ଏମାନେ ଜିଲାର ସୁନାମ ବଢ଼ାଇବେ । ଆମେ ଲଗାତାର ପ୍ରୟାସରେ ଅଛୁ ।


Enter your email to get our daily news in your inbox.

All Right Reserved By Dharitri.Com

ପିଲାଖେଳରୁ ଗଣ୍ଡଗୋଳ: ଆକ୍ରମଣରେ ଶିଶୁକନ୍ୟାର ଜୀବନ ଗଲା

ସମ୍ବଲପୁର,୯ା୧: ସମ୍ବଲପୁର ଜିଲା ବୁର୍ଲା ଥାନା ଅଞ୍ଚଳରେ ଏକ ଅଭାବନୀୟ ଘଟଣା ଘଟିଛି। ପିଲାଖେଳକୁ ନେଇ ଗଣ୍ଡଗୋଳ ଘଟିବାରୁ ଏଥିରେ ୬ବର୍ଷର ଶିଶୁକନ୍ୟାଙ୍କ ମୃତ୍ୟୁ ଘଟିଛି।...

ଶୀତଳ ଷଷ୍ଠୀ ଲାଗି ୩ ଦିନ ବନ୍ଦ ରହିବ ମଦ ଦୋକାନ

ସମ୍ବଲପୁର,୨୮।୫(ବ୍ୟୁରୋ): ଆଗକୁ ଆସୁଛି ଶୀତଳ ଷଷ୍ଠୀ। ଏ ନେଇ ପ୍ରସ୍ତୁତି ଆରମ୍ଭ ହୋଇଯାଇଛି। ଏହାକୁ ଦୃଷ୍ଟିରେ ରଖି ଜିଲା ପୋଲିସ ପକ୍ଷରୁ ୩ ଦିନ ମଦ...

ବେସରକାରୀ ସ୍କୁଲରେ ବେଆଇନ ଫି ଆଦାୟ: ଜିଲାପାଳଙ୍କ ଠାରେ ଫେରାଦ ହେଲା ଅଭିଭାବକ ମହାସଂଘ

ବଲାଙ୍ଗୀର ଅଫିସ,୧ା ୩: ବଲାଙ୍ଗୀର ସହରର ବେସରକାରୀ ସ୍କୁଲଗୁଡିକରେ ବେଆଇନ ଫି’ ଆଦାୟକୁ ନେଇ ଅଭିଭାବକଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି ା ନିର୍ଦ୍ଧାରିତ...

ଘର ଖଁଡ଼େ ତିଆରିବାରେ ଅକ୍ଷମ:ଭଂଗା କୁରିଆରେ ୨ ଅସାହା ପରିବାରର

  କେସିଙ୍ଗା, ୨୫।୬ (ଡି.ଏନ୍‌.ଏ) କଳାହାଣ୍ଡି ଜିଲା କେସିଙ୍ଗା ବ୍ଲକ କଶୃପଡ଼ା ପଁଚେତ୍‌ ସୁକୁନାଭଟା ଗଁାର ଦୁଇ ଭାଇ ଖଗେଶ୍ୱର ନାଏକ(୩୫) ଆର କାତ୍ତିକ ନାଏକ(୩୨)।...

ଭିଜିଲାନ୍ସ ଜାଲରେ ସମବାୟ ଲ୍ୟାମ୍ପ୍ସ ଏମ୍‌ଡି

ସମ୍ବଲପୁର ଅଫିସ,୩ା୧୨: ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ସମ୍ବଲପୁର ଜିଲା କୁଚିଣ୍ଡା ଉପଖଣ୍ଡ ଜମନକିରା ସମବାୟ ଲ୍ୟାମ୍ପସ୍‌ର ଏମ୍‌ଡି ଫଣିନ୍ଦ୍ର ସାହୁଙ୍କ ଘରେ ଭିଜିଲାନ୍ସ...

ମୁହାଁମୁହିଁ ଧକ୍କା ହୋଇ ଗ୍ୟାସ୍‌ ଟ୍ୟାଙ୍କର-କୋଇଲା ବୋଝେଇ ଟ୍ରକ୍‌ ଜଳିଯିବା ଘଟଣା: ଟ୍ୟାଙ୍କରରୁ ଗ୍ୟାସ୍‌ ରିଫିଲ

ସମ୍ବଲପୁର,୧୫।୧୨(ବ୍ୟୁରୋ): ସମ୍ବଲପୁର-ଅନୁଗୋଳ ଜାତୀୟ ରାଜପଥ ଯୁଯୁମୁରା ଥାନା ନିକଟରେ ଶନିବାର ଏଲ୍‌ପିଜି ଗ୍ୟାସ୍‌ ଟ୍ୟାଙ୍କର ଓ କୋଇଲା ବୋଝେଇ ଟ୍ରକ୍‌ ଦୁର୍ଘଟଣାଗ୍ରସ୍ତ ହୋଇଥିଲା। ରବିବାର ସକାଳୁ...

ବେଦିକ କଲେଜରେ ବଢୁଛି ସଂକ୍ରମଣ

ସମ୍ବଲପୁର,୧୮ା୧୨(ବ୍ୟୁରୋ): ସମ୍ବଲପୁର ଶାସନସ୍ଥିତ ବେଦିକ କଲେଜରେ କରୋନା ସଂକ୍ରମଣ ସଂଖ୍ୟା ବୃଦ୍ଧି ପାଇ ଶନିବାର ୯ରେ ପହଞ୍ଚିଛି। ସମସ୍ତ ଛାତ୍ର ଗୋଟିଏ ହଷ୍ଟେଲରେ ରହୁଥିବା ଜଣାପଡିଛି।...

ନ୍ୟାଶନାଲ କଲେଜକୁ ନାକ ଟିମର ପରିଦର୍ଶନ

ନୂଆପଡ଼ା ଅଫିସ,୯ା୬:ନୂଆପଡ଼ା ଜିଲା ହେଡକ୍ୱାର୍ଟରର ଏକମାତ୍ର ବହୁ ପୁରୁଣା ନ୍ୟାଶନାଲ କଲେଜକୁ ନାକ ଟିମ (ନ୍ୟାଶନାଲ ଆସେସମ୍ୟାଣ୍ଟ ଆଣ୍ଡ ଆକ୍ରିଡେଶନ କାଉନସିଲ)ର ଏକ ୩ ଜଣିଆ...

Advertisement
Archives

Model This Week