କାଳିଆପାଣି,୨୧|୬(ଡି.ଏନ୍.ଏ.)- ସୁକିନ୍ଦା ଖଣି ଅଞ୍ଚଳରେ ଫାଷ୍ଟ କମ୍ ଫାଷ୍ଟ ଲୋଡିଂ ନିୟମକୁ ଅବମାନନା କରିବା ନେଇ ଗୁରୁବାର କାଳିଆପାଣି ଥାନା ପରିସରରେ ଏକ ବୈଠକ ଅନୁଷ୍ଠିତ ହୋଇଯାଇଛି। ଆଡିସ୍ନାଲ ଏସ୍ପି ରାଜ୍କିଶୋର ଦୋରାଙ୍କ ସଭାପତିତ୍ୱରେ ଡୁବୁରୀ, ଚଣ୍ଡିଖୋଲ, ସୁକିନ୍ଦା ଅଞ୍ଚଳର ଟ୍ରକ୍ ମାଲିକମାନେ ଯୋଗଦେଇ ନିଜନିଜ ମତାମତ ଉପସ୍ଥାପନ କରିଥିଲେ। ଏହି ଅବସରରେ ସର୍ବସମ୍ମତିକ୍ରମେ ୯ଟି ବିଷୟ ଉପରେ ପ୍ରସ୍ତାବ ଗୃହିତ ହୋଇଥିବା ଜଣାପଡିଛି। ବିଶେଷକରି ଖଣି ଅଞ୍ଚଳକୁ ଆସୁଥିବା ସମସ୍ତ ଟ୍ରକ୍ଗୁଡିକୁ ମାଲିକମାନେ ସୁକିନ୍ଦା ମିନେରାଲ ଟ୍ରକ୍ ମାଲିକ ସଂଘ ସଭ୍ୟ ଦ୍ୱାରା ପଞ୍ଜିକୃତ କରାଇବେ। ଏହାପରେ ସଭ୍ୟଦେୟ ସଂଘ ନିର୍ଦ୍ଧାରଣ କରିବ ଏବଂ ୧ ମାସ ମଧ୍ୟରେ ସମସ୍ତ ଟ୍ରକ୍ଗୁଡ଼ିକର ପରିଚୟ ପତ୍ର ସଂଘ ପ୍ରଦାନ କରିବ। ସେହପରି ପରିବହନ ଠିକାଦାରମାନେ ସଂଘର ମୁଖ୍ୟ ମିନେରାଲ୍ ସଂଘକୁ ଟାର୍ଗେଟ ପ୍ରଦାନ କରିବେ ଉକ୍ତ ଲୋଡିଂ ଟାରର୍ଗେଟକୁ ଶାଖା ସଂଘଗୁଡିକୁ ବିତରଣ କରାଯିବ। ପରେ ଶାଖା ସଂଘ ଅନୁପାତ ଅନୁଯାୟୀ ଟାର୍ଗେଟ ବଣ୍ଟନ କରିବେ। ତେବେ ଲୋଡିଂ ପାଇଁ ଟାର୍ଗେଟ ନେଇ ମଧ୍ୟ ଲୋଡ଼ିଂ କରିବାକୁ ନ ଆସିଲେ ଉକ୍ତ ଗାଡିକୁ ୭ ଦିନ ପାଇଁ ଲୋଡିଂରୁ ବଞ୍ଚତ୍ତ ହେବେ । କ୍ରୋମାଇଟ ଚୋରିରେ ସମ୍ପୃକ୍ତ ଟ୍ରକ୍ଗୁଡିକୁ ୧ ବର୍ଷ ପାଇଁ ଲୋଡ଼ିଂ ସୁବିଧାରୁ ବଞ୍ଚତ୍ତ କରାଯିବ। ସମସ୍ତ ଖଣି ମାଲିକ ନିଜସ୍ବ ପାର୍କିଂୟାର୍ଡ କରି ସିସିଟିଭି, ଆଲୋକ, ପାନୀୟଜଳ, ଶୌଚାଳୟ ସୁବିଧା କରିବେ। ଏଥିସହ ପ୍ରତି ୩ ମାସରେ ଥରେ ସଂଘ ପକ୍ଷରୁ ଶାଖା କର୍ମକତ୍ତର୍ର୍ାଙ୍କୁ ନେଇ ବୈଠକ ଅନୁଷ୍ଠିତ ହେବ ଆଦି ବିଭିନ୍ନ ପ୍ରସ୍ତାବମାନ ବୈଠକରେ ଗୃହିତ ହୋଇଛି। ଅପରପକ୍ଷେ ପୂର୍ବ ଦାବି ମୁତାବକ ଖଣି ଅଞ୍ଚଳରେ ୧୦, ୧୨ ଓ ୧୪ ଚକିଆ ଗାଡିକୁ ଫାଷ୍ଟକମ୍ ଫାଷ୍ଟ ଲୋଡିଂ ବ୍ୟବସ୍ଥାରେ ଲାଗୁ ନ କରିବା ନେଇ ବୈଠକରେ ଅସନ୍ତୋଷ ଦେଖାଦେଇଥିଲା। ବୈଠକରେ ପ୍ରଶାସନ ପକ୍ଷରୁ ପୂର୍ବ ଦାବିଗୁଡିକ ଉପରେ ଅଲୋଚନା କରା ନ ଯାଇ ଚରାଚରିତ ପ୍ରଥା ଅନୁଯାଇ ନିଷ୍ପତି ନିଆଯାଇଥିବା ଅଭିଯୋଗ ହୋଇଛି । ଏହାକୁ ବିରୋଧ କରି ଆଗାମୀ ଦୀନରେ କୁହିକା ଟ୍ରକ୍ ମାଲିକ ସଂଘ ସମ୍ପାଦକ ଅରୁଣ କୁମାର ପରିଡ଼ା, ଉପସଭାପତି ରଞ୍ଜନ ନାୟକ, ଡୁବୁରୀର ସଂଘ ପକ୍ଷରୁ ପ୍ରଫୁଲ୍ଲ ପାତ୍ର, ସୁର୍ଦଶନ ପାତ୍ର, ଚିତରଞ୍ଜନ ରାଜ, ଟମକାରୁ ପ୍ରଭାକର ମହାନ୍ତ, ଟୁକୁ ଚୌଧରୀ, ଦାନଗୀରୁ ସେକ୍ ତନିର ଅସନ୍ତୁଷ୍ଟ ପ୍ରକାଶ କରିବା ସହ ହାଇକୋର୍ଟଙ୍କ ଦ୍ୱାରସ୍ତ ହେବେ ବୋଲି କହିଛନ୍ତି। ପ୍ରକାଶ ଯେ, ଖଣି ଅଞ୍ଚଳରେ ଫାଷ୍ଟକମ୍ ଫାଷ୍ଟ ଲୋଡିଂ ବ୍ୟବସ୍ଥା ଲାଗୁ କରିବା ପାଇଁ ଟ୍ରକ୍ ମାଲିକଙ୍କ ପକ୍ଷରୁ ଜିଲାପାଳ ଓ ଏସ୍ପିଙ୍କ ନିକଟରେ ଦାବି ହୋଇଥିଲା। ସେହପରି ଚଳିତ ମାସ ୮ ତାରିଖରେ ଟ୍ରକ୍ ମାଲିକମାନେ ଯାଜପୁର ଏସ୍ପିଙ୍କୁ ଜଣାଇଥିଲେ। ପରେ ହାଇକୋର୍ଟ ନିର୍ଦ୍ଦେଶକୁ କଡାକଡି ପାଳନ କରିବାକୁ କଳିଙ୍ଗନଗର ଆଡିସିନାଲ ଏସ୍ପି ଏବଂ ସୁକିନ୍ଦା ତହସିଲଦାରଙ୍କୁ ଏସ୍ପି ନିର୍ଦ୍ଦେଶ ଦେଇଥିଲେ। ସୁକିନ୍ଦା ତହସିଲଦାର ବିଶ୍ୱଜିତ ଦାସ, ଆଇଆଇସି ରମାକାନ୍ତ ମୁଦୁଲୀ, ମିନେରାଲ ଟ୍ରକ୍ ମାଲିକ ସଂଘ ସଭାପତି ବିଦ୍ୟାଧର ପାତ୍ର, ଅମଳେନ୍ଦୁ ବେହୁରା, କୃତିବାସ ଭଞ୍ଜ, ବିଜୟ ରାଜ, ଜ୍ୟୋତିପ୍ରକାଶ ସାହୁ, କିଶୋର ଚନ୍ଦ୍ର ରାଉତ, ସନ୍ତୋଷ କୁମାର ରାଉତ, ପ୍ରଭାକର ମହାନ୍ତ ପ୍ରମୁଖ କର୍ମକର୍ତ୍ତା ବୈଠକରେ ଉପସ୍ଥିତଥିଲେ। ଅନ୍ୟମାନଙ୍କ ମଧ୍ୟରେ ଖଣି ଅଞ୍ଚଳରେ କାର୍ଯ୍ୟକରୁଥିବା ପରିବହନ ସଂସ୍ଥା ମାଲିକ, ଖଣି କର୍ତ୍ତୃପକ୍ଷ ପ୍ରତିନିଧି ଆକାଶ ଶୁକ୍ଲା, ଇମ୍ଫାର ଶୁଭାଶିଶ ପଟ୍ଟନାୟକ, ମିଶ୍ରଲାଲ ହିମାଂଶୁ ମିଶ୍ର, ନିଗମାନନ୍ଦ ସେଠୀ, ବାଲେଶ୍ୱର ଆଲଏଜ ଅନୁପ ମିଶ୍ର ପ୍ରମୁଖ ଉପସ୍ଥିତ ଥିଲେ।
