ବବି ଦେଓଲ ବର୍ତ୍ତମାନ ସମୟରେ ଫିଲ୍ମକୁ ନେଇ ଯେତିକି ଚର୍ଚ୍ଚାରେ ରହୁନାହାନ୍ତି, ସୋସିଆଲ ମିଡିଆରେ ଏକ ଫଟୋ ଶେୟାର କରି ସେତିକି ଚର୍ଚ୍ଚାକୁ ଆସିଛନ୍ତି। ଏହି ଫଟୋକୁ ବବି ନିଜ ଇନ୍ଷ୍ଟାଗ୍ରାମରେ ଶେୟାର କରିଛନ୍ତି। ଏହାକୁ ୫୦ ହଜାରରୁ ଊର୍ଦ୍ଧ୍ୱ ଲୋକ ଲାଇକ୍ କରିସାରିଲେଣି।
ବବି ତାଙ୍କ ସ୍ତ୍ରୀ ତନ୍ୟାଙ୍କ ସହ ଫଟୋ ଇନ୍ଷ୍ଟାଗ୍ରାମରେ ଶେୟାର କରିଥିବାବେଳେ ଜଣେ ୟୁଜର ଲେଖିଛନ୍ତି, ‘ଦୁଇଜଣଙ୍କ ପ୍ରତି କାହାର ନଜର ନ ଲାଗୁ’। ବବିଙ୍କ ସ୍ତ୍ରୀ ତନ୍ୟା ଜଣେ ବିଜ୍ନେସ୍ ମହିଳା। ତେବେ ବବି ତନ୍ୟାଙ୍କୁ ପ୍ରେମ ବିବାହ କରିଥିଲେ। କେମିତି ତାଙ୍କର ଲଭ୍ ହୋଇଥିଲା ଜାଣନ୍ତି? ଦିନେ ବବି ମୁମ୍ବାଇର ଇଟାଲିଇନ ହୋଟେଲରେ ବସିଥିବାବେଳେ ସେହି ସମୟରେ ତନ୍ୟା ତାଙ୍କ ସାମ୍ନାକୁ ଆସି ଯାଇଥିଲେ। ବବିଙ୍କ ହୃଦୟରେ ଅଲଗା ଏକ ଫିଲଙ୍ଗ୍ସ ହୋଇଥିଲା। ଏହା ପରେ ଧୀରେ ଧୀରେ ଦୁହିଁଙ୍କ ମଧ୍ୟରେ କଥାବାର୍ତ୍ତା ଚାଲିଲା। କିଛିଦିନ ପରେ ବବି ତନ୍ୟାଙ୍କୁ ନେଇ ସେହି ହୋଟେଲକୁ ଯାଇଥିଲେ ଯେଉଁଠି ଦୁହିଁଙ୍କର ପ୍ରଥମ ସାକ୍ଷାତ ହୋଇଥିଲା। ସେଠି ବବି ତନ୍ୟାଙ୍କୁ ପ୍ରପୋଜ କରିଥିଲେ। ଏହି କଥା ଯେତେବେଳେ ବବିଙ୍କ ଘରେ ପହଞ୍ଚିଲା ପିତା ଧର୍ମେନ୍ଦ୍ର ତନ୍ୟାଙ୍କୁ ଖୁବ୍ ପସନ୍ଦ କରିଥିଲେ।
୧୯୯୬ରେ ଦୁହେଁ ବିବାହ ବନ୍ଧନରେ ବାନ୍ଧି ହୋଇଥିଲେ। ବବିଙ୍କ ଫିଲ୍ମ କ୍ୟାରିୟର ସମ୍ପର୍କରେ କହିବାକୁ ଗଲେ, ସେ ସଲମାନଙ୍କ ସହ ‘ରେସ୍ ଥ୍ରୀ’, ପିତା ଧର୍ମେନ୍ଦ୍ର ଏବଂ ଭାଇ ସନି ଦେଓଲଙ୍କ ସହ ‘ୟମଲା ପଗ୍ଲା ଦିଓ୍ବାନା ଫିର୍ ସେ’ରେ ଅଭିନୟ କରିଛନ୍ତି।
