ଦାରିଙ୍ଗବାଡ଼ି,୨୩।୪(ଡି.ଏନ.ଏ)- ପ୍ରଥମରୁ ଅଷ୍ଟମ ପର୍ଯ୍ୟନ୍ତ ଛାତ୍ରୀଛାତ୍ରଙ୍କୁ ଶିକ୍ଷକମାନେ ପାଠ୍ୟପୁସ୍ତକ ନେଇ ଘରେ ଦେଇ ଆସିବାକୁ ଗଣଶିକ୍ଷା ବିଭାଗର ନିର୍ଦ୍ଦେଶ ରହିଛି। କିନ୍ତୁ ଦାରିଙ୍ଗବାଡ଼ି ବ୍ଲକ ଗ୍ରୀନବାଡ଼ି ପଞ୍ଚାୟତ ଦାସିକେତା ଉଚ୍ଚ ପ୍ରାଥମିକ ବିଦ୍ୟାଳୟରେ ନିୟମକୁ ବେଖାତିର କରି ଛାତ୍ରୀଛାତ୍ରଙ୍କୁ ସ୍କୁଲକୁ ଡକାଇ ବହି ଦିଆଯାଇଛି। ପ୍ରଧାନ ଶିକ୍ଷକ କିଶୋର ଚନ୍ଦ୍ର ସାହୁ ସମସ୍ତ ଛାତ୍ରୀଛାତ୍ରଙ୍କୁ ବିଦ୍ୟାଳୟକୁ ଡକାଇ ପୁସ୍ତକ ବାଣ୍ଟିଛନ୍ତି। ଏନେଇ ଛାତ୍ରୀଛାତ୍ରମାନେ କହିଛନ୍ତି ଯେ, କଟକଣା ବିଷୟରେ ଜାଣିନାହୁଁ, ପ୍ରଧାନ ଶିକ୍ଷକ ଖବର ଦେଲେ ବହି ନେବାକୁ ତେଣୁ ଆସିଛୁ। ପ୍ରାୟ ୭୦ ପିଲା ବିଦ୍ୟାଳୟରେ ପହଞ୍ଚତ୍ ବହି ନେଇଛନ୍ତିି। ଏନେଇ ପ୍ରଧାନ ଶିକ୍ଷକଙ୍କୁ ପଚାରିବାରୁ ସେ ଦୋଷ ସ୍ବୀକାର କରିବା ସହ ଶୀଘ୍ର ପାଠ୍ୟପୁସ୍ତକ ବଣ୍ଟନ କରିବାକୁ ଏଭଳି କରିଥିବା କହିଛନ୍ତି। ଏନେଇ ବିଇଓ ବ୍ରାହ୍ମାନନ୍ଦ ରାଉତ କହିଛନ୍ତି ଯେ, ସେ ସମସ୍ତ ଛାତ୍ରୀଛାତ୍ରଙ୍କୁ ଘରେ ନେଇ ପାଠ୍ୟପୁସ୍ତକ ଯୋଗାଇଦେବାକୁ ନିର୍ଦ୍ଦେଶ ଦେଇଛନ୍ତି। ସିଆରସିସି ଓ ସେ ନିଜେ ଏହାର ତଦାରଖ କରୁଛନ୍ତି। ତଥାପି କିଛି ଶିକ୍ଷକ ଏହାକୁ ମାନିନାହାନ୍ତି। କନ୍ଧମାଳ ଜିଲାପାଳ ଡ.ବୃନ୍ଦା ଡି ଘଟଣାର ତଦନ୍ତ କରିବେ ବୋଲି ସେ କହିଛନ୍ତି।
