ପ୍ରତିଭା ଦେଇଛି ସ୍ବତନ୍ତ୍ର ପରିଚୟ

ବାସୁଦେବପୁର,୨୧।୧(ଡି.ଏନ.ଏ.)-ଭଦ୍ରକ ଜିଲା ବାସୁଦେବପୁର ପୌରପାଳିକାର ଭୈରବପୁର ଗ୍ରାମର ଶିଳ୍ପୀ ରବୀନ୍ଦ୍ର ମହାରଣା। ନିଜର ପ୍ରତିଭା ବଳରେ ସମଗ୍ର ଜିଲା ଓ ରାଜ୍ୟରେ ଏକ ସ୍ବତନ୍ତ୍ର ପରିଚୟ ସୃଷ୍ଟି କରିପାରିଛନ୍ତି। ତାଙ୍କ ଶିଳ୍ପୀ ଜୀବନରେ ବର୍ତ୍ତମାନ ସୁଦ୍ଧା ପ୍ରାୟ ୩୦ରୁ ଊର୍ଦ୍ଧ୍ୱ ମନ୍ଦିରର ନିର୍ମାଣ କାର୍ଯ୍ୟ କରିବା ସହିତ ଶତାଧିକ ଦେବଦେବୀଙ୍କ ମୂର୍ତ୍ତି ନିର୍ମାଣ କରିଛନ୍ତି। ଯେକୌଣସି ଫଟୋଚିତ୍ରକୁ ଦେଖି ତା’ର ଅବିକଳ ମୂର୍ତ୍ତି ଆଙ୍କିବାରେ ସେ ମଧ୍ୟ ସିଦ୍ଧହସ୍ତ। ଏଭଳି କାରୁକାର୍ଯ୍ୟ ପାଇଁ ବିଭିନ୍ନ ସାରସ୍ବତ ଅନୁଷ୍ଠାନ ପକ୍ଷରୁ ତାଙ୍କୁ ସମ୍ବର୍ଦ୍ଧିତ କରାଯାଇଛି। ଆପ୍ରାଣ ଉଦ୍ୟମ ଓ ଅଧ୍ୟବସାୟ ହିଁ ତାଙ୍କୁ ସଫଳତା ଆଣିଦେଇଛି ବୋଲି ରବୀନ୍ଦ୍ର କହିଛନ୍ତି।
ରବୀନ୍ଦ୍ର କହନ୍ତି, ଏକ ଗରିବ ବଢ଼େଇ ପରିବାରରେ ତାଙ୍କର ଜନ୍ମ। ବାପା ଭୈରବ ଓ ମା’ ଦ୍ୱିତୀମଣିଙ୍କର ସେ ବଡ଼ପୁଅ। ମାଟ୍ରିକ ପର୍ଯ୍ୟନ୍ତ ସେ ପାଠ ପଢ଼ିଛନ୍ତି। ଘରର ଆର୍ଥିକ ଅବସ୍ଥା ଭଲ ନ ଥିବାରୁ ଅଧିକ ଶିକ୍ଷାଲାଭ କରିପାରିଲେ ନାହିଁ। ଫଳରେ କୌଳିକ ବୃତ୍ତି କାଠ କାମକୁ ଗ୍ରହଣ କରିନେଇ ଦୈନନ୍ଦିନ କାମରେ ଲାଗିପଡ଼ିଲେ। କାଠ କାମ ସହିତ ମୂର୍ତ୍ତି ଗଢ଼ା କାର୍ଯ୍ୟ କରିବାକୁ ତାଙ୍କର ଆଗ୍ରହ ଥିଲା। ଏଥିପାଇଁ ପ୍ରଥମେ ମାଟିରେ ବିଭିନ୍ନ ମୂର୍ତ୍ତି ନିର୍ମାଣ କାମ ଆରମ୍ଭ କରିଥିଲେ। ଜଣେ ସଫଳ ଶିଳ୍ପୀ ହେବା ଲକ୍ଷ୍ୟରେ ସେ ୧୯୮୩ରେ କଟକର ଚୌଦ୍ୱାରଠାରେ ଥିବା ଟ୍ରେନିଂ ସେଣ୍ଟରକୁ ଯାଇ ସେଠାରେ ଦୀର୍ଘ ୧୦ବର୍ଷ ରହି ମୂର୍ତ୍ତି ଶିକ୍ଷା ଲାଭ କରିଥିଲେ। କଟକ ଓ ଏହା ଆଖପାଖ ଅଞ୍ଚଳରେ ବିଭିନ୍ନ ଦେବଦେବୀଙ୍କ ମୂର୍ତ୍ତି ନିର୍ମାଣ କରି ବେଶ୍‌ ସଫଳତା ମଧ୍ୟ ପାଇଥିଲେ। ପରବର୍ତ୍ତୀ ସମୟରେ ଗଁାକୁ ଫେରି ଆସି ନିଜ ଅଞ୍ଚଳରେ ଏହି ମୂର୍ତ୍ତି ନିର୍ମାଣ କ୍ଷେତ୍ରରେ କିପରି ଭିତ୍ତିଭୂମି ସୁଦୃଢ଼ କରାଯାଇପାରିବ ସେ ଦିଗରେ ଧ୍ୟାନ ଦେଇଥିଲେ। ବାସୁଦେବପୁର ଅଞ୍ଚଳରେ ବିଭିନ୍ନ ପୂଜାପାର୍ବଣରେ ଦେବଦେବୀଙ୍କ ଆକର୍ଷଣୀୟ ମାଟି ମୂର୍ତ୍ତି ତିଆରି କରି ସମସ୍ତଙ୍କ ନଜରକୁ ଆସିଥିଲେ। ପରେ ବିଭିନ୍ନ ମନ୍ଦିର କାର୍ଯ୍ୟ, ମନ୍ଦିର ସିଂହାସନ ନିର୍ମାଣ, ଦେବଦେବୀଙ୍କ ସିମେଣ୍ଟ ମୂର୍ତ୍ତି ନିର୍ମାଣ କରିବାକୁ ଆରମ୍ଭ କଲେ।
ପ୍ରଥମେ ସେ ୩ ଟଙ୍କା ମଜୁରିରେ କାମ କରିଥିଲାବେଳେ ବର୍ତ୍ତମାନ ତାଙ୍କର ଦୈନନ୍ଦିନ ମଜୁରି ୭ଶହ ଟଙ୍କାରେ ପହଞ୍ଚିଛି। ବର୍ଷରେ ପ୍ରାୟ ୮/୯ ମାସ ବନ୍ଧା କାର୍ଯ୍ୟ ଭାବେ ବିଭିନ୍ନ ସ୍ଥାନରେ କାମ କରିଥାନ୍ତି। ଘରେ ମଧ୍ୟ ଅନ୍ୟ ସମୟରେ ବିଭିନ୍ନ ମୂର୍ତ୍ତି, ନର୍ତ୍ତକୀଙ୍କ ମୂର୍ତ୍ତି ନିର୍ମାଣ କରି ପର୍ବପର୍ବାଣିରେ ବେଶ୍‌ କିଛି ଟଙ୍କା ହାସଲ କରିଥାନ୍ତି। ଦୈନନ୍ଦିନ ୧୦ରୁ ୧୨ ଜଣ ସହକର୍ମୀଙ୍କୁ ମଧ୍ୟ ସେ କାର୍ଯ୍ୟ ଯୋଗାଇଥାନ୍ତି। ଏହି କାମରୁ ଯାହା ରୋଜଗାର ହୁଏ ସେଥିରେ ପରିବାର ପ୍ରତିପୋଷଣ କରନ୍ତି। ସ୍ତ୍ରୀ, ଦୁଇପୁଅ ଓ ଗୋଟିଏ ବୋହୂଙ୍କୁ ନେଇ ତାଙ୍କ ପରିବାର। ସ୍ତ୍ରୀ ସାବିତ୍ରୀ ତାଙ୍କୁ ଏ କ୍ଷେତ୍ରରେ ଉତ୍ସାହିତ କରିବା ସହିତ ସହଯୋଗ କରିଥାନ୍ତି। ମୂର୍ତ୍ତି କାରିଗର ଭାବେ ତାଙ୍କୁ ରାଜ୍ୟ ସରକାରଙ୍କ ପକ୍ଷରୁ ଭତ୍ତା ପ୍ରଦାନ କରାଯାଉଛି। ତେବେ ଏହି କାମକୁ ପରିବାର ଭିତ୍ତିରେ ବଞ୍ଚାଇ ରଖିବାକୁ ସାନପୁଅ ରାଜେନ୍ଦ୍ରଙ୍କୁ ମଧ୍ୟ ଟ୍ରେନିଂ ଦେଉଥିବା ରବୀନ୍ଦ୍ର କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଖଣି ପ୍ରଭାବିତ ଅଞ୍ଚଳରେ ମେଗା ଜଳଯୋଗାଣ ପ୍ରକଳ୍ପ ବାଟବଣା: ତ୍ରୁଟି ସୁଧାରିବାକୁ ତାଗିଦ୍‌

ଯାଜପୁର ଅଫିସ,୨୨ା୮: ଯାଜପୁର ଜିଲା ସୁକିନ୍ଦା ବ୍ଲକର ଖଣି ପ୍ରଭାବିତ ଅଞ୍ଚଳରେ ଜିଲା ଖଣିଜ ପଦାର୍ଥ ପ୍ରତିଷ୍ଠାନ(ଡିଏମ୍‌ଏଫ୍‌) ପାଣ୍ଠିରେ ନିର୍ମାଣାଧିନ ମେଗା ପାଇପ ଜଳଯୋଗାଣ ପ୍ରକଳ୍ପ...

୨୦ରୁ ପୁଣି ଝାରସୁଗୁଡ଼ା-ରାୟପୁର ବିମାନ ସେବା

ଭୁବନେଶ୍ୱର, ୧୬।୬(ବ୍ୟୁରୋ)- ଆଲାଏନ୍ସ ଏୟାର ପକ୍ଷରୁ ଆସନ୍ତା ୨୦ ତାରିଖରୁ ଝାରସୁଗୁଡ଼ାରୁ ରାୟପୁର ବିମାନ ସେବା ପୁଣି ଆରମ୍ଭ ହେବ। ଗତବର୍ଷ ଜୁନ୍‌ ୬ରୁ ଝାରସୁଗୁଡାର...

ଆଜି ଓଡ଼ିଶା ଯୁଗ୍ମ ପ୍ରବେଶିକା ପରୀକ୍ଷା

ଭୁବନେଶ୍ୱର,୧୮।୫(ବ୍ୟୁରୋ): ଓଡ଼ିଶା ଯୁଗ୍ମ ପ୍ରବେଶିକା ପରୀକ୍ଷା(ଓଜେଇଇ) ରାଜ୍ୟର ୨୦ ସହରରେ ଶନିବାର ଅନୁଷ୍ଠିତ ହେବ। ୫୩ କେନ୍ଦ୍ରରେ ଦୁଇଟି ସିଟିଂରେ ଅଫ୍‌ଲାଇନ୍‌ ପରୀକ୍ଷା ହେବ। ଏଥିଲାଗି...

ଡକାୟତ ଗ୍ୟାଙ୍ଗ୍‌ ଠାବ, ୩ ଗିରଫ

ଭୁବନେଶ୍ୱର,୨୬ା୧୧(ବ୍ୟୁରୋ)/ ପାତ୍ରପଡ଼ା (ଡି.ଏନ୍‌.ଏ.):  କମିଶନରେଟ ପୋଲିସ ଆଖିରୁ ନିଦ ହଜାଇ ଦେଇଥିବା ଏକ ଡକାୟତ ଗ୍ୟାଙ୍ଗ୍‌କୁ ସ୍ପେଶାଲ ସ୍କ୍ବାଡ୍‌ ଠାବ କରିଛି। ଗ୍ୟାଙ୍ଗ୍‌ର ଦୁଇ ମୁଖ୍ୟଙ୍କ...

ଗଣଶିକ୍ଷା ମନ୍ତ୍ରୀଙ୍କ ଅଚାନକ ବାଲିଅନ୍ତା ବିଇଓ ଅଫିସ୍‌ ଗସ୍ତ: ଅନୁପସ୍ଥିତ କର୍ମଚାରୀଙ୍କ ଦିନକ ଦରମା ବନ୍ଦ

ଭୁବନେଶ୍ୱର(ବ୍ୟୁରୋ)/ବାଳକାଟୀ(ଡି.ଏନ.ଏ),୧୯।୯: ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ ବୁଧବାର ବାଲିଅନ୍ତା ବ୍ଲକ୍‌ ଶିକ୍ଷା ଅଧିକାରୀ (ବିଇଓ)ଙ୍କ ବାଳକାଟୀସ୍ଥିତ କାର୍ଯ୍ୟାଳୟକୁ ଅଚାନକ ପରିଦର୍ଶନ କରିଥିଲେ।...

ବସ୍‌ରୁ ଓହ୍ଲାଇ ଘରକୁ ପଳାଇଲେ ପ୍ରବାସୀ

କଟକ ଅଫିସ୍‌,୧୨ା୫: ପ୍ରବାସୀ ଫେରନ୍ତାଙ୍କ ରହଣି ପାଇଁ ସରକାରଙ୍କ ପକ୍ଷରୁ ଆବଶ୍ୟକ ପଦକ୍ଷେପ ନିଆଯାଉଛି। ତଥାପି ଅନେକ ଫେରନ୍ତା ସରକାରୀ ନିୟମକୁ ମାନୁନାହାନ୍ତି। ବସ୍‌ରେ ଫେରିବା...

ତାଳଚେର କୋଭିଡ୍‌ ଡାକ୍ତରଖାନା ପ୍ରସ୍ତୁତ

ତାଳଚେର, ୨୧ା୪(ନି.ପ୍ର.) ତାଳଚେରସ୍ଥିତ ନେହେରୁ ଶତାବ୍ଦୀ ସେଣ୍ଟ୍ରାଲ ହସ୍‌ପିଟାଲରେ ସୋମବାର ସ୍ବତନ୍ତ୍ର କୋଭିଡ-୧୯ ଡାକ୍ତରଖାନା ଉଦ୍‌ଘାଟିତ ହୋଇଛି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭିଡିଓ କନଫରେନ୍ସିଂ ଜରିଆରେ...

ସୋସିଆଲ ମିଡିଆରେ ଗଞ୍ଜାମ ଜିଲାର ମିଥ୍ୟା କରୋନା ପଜିଟିଭ ତାଲିକା

ଛତ୍ରପୁର, ୧୧।୫( ଡି.ଏନ୍‌.ଏ.): ଗଞ୍ଜାମ ଜିଲାର କରୋନା ପଜିଟିଭର ଏକ ମିଥ୍ୟା ତାଲିକା ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏହା ଉପରେ କେହି ବିଶ୍ୱାସ...

Coronavirus Update


Archives

Model This Week

Why Dharitri