ପ୍ରକଳ୍ପରେ ସରୁଛି ଅନୁଦାନ, ମେଣ୍ଟୁନି ଲୋକଙ୍କ ଶୋଷ

ବୈପାରୀଗୁଡ଼ା,୨୭।୪(ଡି.ଏନ୍‌.ଏ.): ବୈପାରୀଗୁଡ଼ା ବ୍ଲକ ସଦରରେ ପାନୀୟ ଜଳ ସମସ୍ୟା ଉତ୍କଟ ହୋଇଛି। ପ୍ରଶାସନ ଏ ଦିଗରେ ନିରବଦ୍ରଷ୍ଟା ସାଜିବା ଉଦ୍‌ବେଗର ବିଷୟ ପାଲଟିଛି। କେବଳ ପ୍ରକଳ୍ପ ଉପରେ ପ୍ରକଳ୍ପ କରାଯାଇ ଏ ବାବଦକୁ ଲକ୍ଷାଧିକ ଟଙ୍କା ଖର୍ଚ୍ଚ କରି ସରକାରୀ କର୍ମଚାରୀ ଓ ଠିକାଦାର ଲାଭବାନ ହେଉଥିବା ବେଳେ ଲୋକେ ପାଣି ନ ପାଇ ହନ୍ତସନ୍ତ ହେଉଛନ୍ତି।
ବ୍ଲକ ସଦରର ଜନସଂଖ୍ୟା ପ୍ରାୟ ୭ ହଜାର। ଏମାନଙ୍କ ଲାଗି ଦୈନିକ ୨ ଲକ୍ଷ ଲିଟର ପାଣିର ଆବଶ୍ୟକତା ରହିଛି। ପାହାଡ଼ିଆ ଜାଗା ହେତୁ ଖରାଦିନେ କୂଅ ଶୁଖିଯାଉଥିବା ବେଳେ ପାଇପ ପାଣି ଉପରେ ନିର୍ଭର କରିବାକୁ ପଡୁଛି । କିନ୍ତୁ ପାଇପ୍‌ ପାଣି ଆବଶ୍ୟକ ପରିମାଣରୁ ବହୁତ କମ୍‌ ଆସୁଛି। ପୁଣି ତାହା ନିୟମିତ ନୁହେଁ। ବର୍ଷକତଳେ ମୁଖ୍ୟଛକରୁ ଗୁପ୍ତେଶ୍ୱର ପର୍ଯ୍ୟନ୍ତ ରାସ୍ତା ପ୍ରଶସ୍ତିକରଣ ବେଳେ ପାଇପ ସବୁ ବାହାର କରାଯାଇଥିଲା। ତେବେ ନୂଆ ପାଇପ୍‌ ଏ ପର୍ଯ୍ୟନ୍ତ ବିଚ୍ଛାଯାଇ ନ ଥିବାରୁ ଗୌଡ଼ସାହିକୁ ପାଣି ଯୋଗାଣ ସଂପୂର୍ଣ୍ଣ ବନ୍ଦ ରହିଛି। ସେହିପରି ବିରଖମ୍ବ ସାହି, ଟାପାକାରିଆ ସାହି, ଭିଆଇପି କଲୋନି, ହନୁମାନ ନଗର ଓ କାଠମିଲ୍‌ ସାହିକୁ ପାଇପ୍‌ ପାଣି ଯାଉନାହିଁ । ବେଳେବେଳେ ମୁଖ୍ୟରାସ୍ତାରେ ତଳସାହିରୁ ଛକ ପର୍ଯ୍ୟନ୍ତ ପାଇପ୍‌ ପାଣି ଦିନକୁ ମାତ୍ର ୨୦ରୁ ୩୦ ମିନିଟ୍‌, ତାହା ମଧ୍ୟ ଅନିୟମିତ ଭାବେ ଆସୁଛି। ପାଣିର ଅଭାବ ଏତେ ଉତ୍କଟ ଯେ, ପୂର୍ବବର୍ଷ ପରି ଚଳିତ ବର୍ଷ ମଧ୍ୟ ସାଧାରଣ ଲୋକ ଓ ହୋଟେଲ୍‌ ଜଳଖିଆ ଦୋକାନୀଙ୍କୁ ଘରୋଇ ସଂସ୍ଥାଠାରୁ ପାଣି କିଣିବାକୁ ପଡୁଛି।
ସୂଚନାଯୋଗ୍ୟ ଯେ ବୈପାରୀଗୁଡ଼ା ସମେତ ଏହାର ଉପକଣ୍ଠ ଓ ଗୌଡ଼ଗୁଡ଼ା ଗ୍ରାମକୁ ପାଇପ ଯୋଗେ ଜଳ ଯୋଗାଣ ପାଇଁ ବିଭିନ୍ନ ସମୟରେ ପ୍ରକଳ୍ପ ବାବଦକୁ ଲକ୍ଷାଧିକ ଟଙ୍କା ଖର୍ଚ୍ଚ ହୋଇଛି। ପ୍ରଥମେ ଗ୍ରାମ୍ୟ ଜଳ ଯୋଗାଣ ବିଭାଗ ପକ୍ଷରୁ ୨୦ ହଜାର ଲିଟର ଟାଙ୍କିରୁ ପାଣି ଯୋଗାଣ ଆରମ୍ଭ ହୋଇଥିଲା । ପରେ ସ୍ବଜଳ ଧାରା ଯୋଜନାରେ ଅନ୍ୟ ଏକ କମିଟି କରାଯାଇ ୧୫ ଲକ୍ଷ ଟଙ୍କା ଅଟ୍ଟକଳରେ ପ୍ରକଳ୍ପ ଆରମ୍ଭ ହୋଇଥିଲା । ଏକ ବୋରୱେଲ୍‌ ଖୋଳାଯାଇ ସ୍ବତନ୍ତ୍ର ଭାବେ ପାଇପ୍‌ ବିଚ୍ଛାଯାଇ ଘରକୁ ଘର ପାଣି ସଂଯୋଗ ଦିଆଯାଇଥିଲା। ଏହାର ରକ୍ଷଣାବେକ୍ଷଣ ଦାୟିତ୍ବ ସ୍ବଜଳ ଧାରା କମିଟି ବୁଝୁଥିଲା। ବିଦ୍ୟୁତ ବିଲ୍‌ ବକେୟା ବଢିଯିବାରୁ ବିଦ୍ୟୁତ ବିଭାଗ ସଂଯୋଗ ଛିନ୍ନ କରିଥିଲା। ଫଳରେ ପୂର୍ବରୁ ଥିବା ଗ୍ରାମ୍ୟ ଜଳ ଯୋଗାଣ ପ୍ରକଳ୍ପର ଗୋଟିଏ ବୋରୱେଲ୍‌ ଉପରେ ପାଣି ପାଇଁ ନିର୍ଭର କରିବାକୁ ପଡ଼ିଲା । ପରେ ସରକାରୀ ନିଷ୍ପତ୍ତି ଅନୁସାରେ ଉଭୟ ଦାୟିତ୍ବ ପଞ୍ଚାୟତକୁ ହସ୍ତାନ୍ତର କରାଯାଇଥିଲା। ଗୋଟିଏ ବୋରୱେଲର ପାଣି ନିଅଣ୍ଟିଆ ସତ୍ତ୍ବେ ସ୍ବଜଳଧାରା ବୋରୱେଲ କାର୍ଯ୍ୟକ୍ଷମ କରାନଯାଇ ପୁଣି ଏକ ଲକ୍ଷ ଲିଟର ପାଣି କ୍ଷମତା ବିଶିଷ୍ଟ ଅନ୍ୟ ଏକ ପାଣି ଟାଙ୍କି କରାଗଲା । ସେତିକିରେ ଯାହା ପାଣି ଆସୁଥିଲା ତାହା ନିଅଣ୍ଟ ହେଉଥିଲା। ୨ ବର୍ଷ ତଳେ ରାଞ୍ଚତ୍-ବିଜୟୱାଡ଼ା ରାସ୍ତା ନିର୍ମାଣ ବେଳେ ପାଇପ୍‌ ତାଡ଼ିଦିଆଯିବାରୁ ପରିସ୍ଥିତି ଜଟିଳ ହୋଇଗଲା । ଏବେ ଆଉ ଏକ ପ୍ରକଳ୍ପ ବାବଦକୁ ୧୮ ଲକ୍ଷ ଟଙ୍କା ଖର୍ଚ୍ଚ ହୋଇ ବୋରୱେଲ୍‌ ଖୋଳାଯାଇଥିବା ବେଳେ ହନୁମାନ ବାଟିକା ନିକଟରେ ପାହାଡ଼ ଉପରେ ୧ ଲକ୍ଷ ଲିଟର କ୍ଷମତା ବିଶିଷ୍ଟ ପାଣି ଟାଙ୍କି ବସାଯାଇଛି। ନୂଆ ପ୍ରକଳ୍ପ କାର୍ଯ୍ୟକ୍ଷମ ହେଲେ ବୈପାରୀଗୁଡ଼ା ଅଞ୍ଚଳରେ ପାନୀୟ ଜଳ ସମସ୍ୟା ଦୂର ହେବ ବୋଲି ଆଶା କରାଯାଇଥିଲା । କିନ୍ତୁ ଉକ୍ତ ପ୍ରକଳ୍ପ ସଂପୂର୍ଣ୍ଣ ହେବାର ୪ ମାସ ବିତିଯାଇଥିବା ବେଳେ ତାହା କାର୍ଯ୍ୟକ୍ଷମ ହୋଇନାହିଁ । ନିମ୍ନମାନର କାମ ହୋଇଥିବାରୁ ତାହାର କାର୍ଯ୍ୟକାରିତା ନେଇ ସନ୍ଦେହ ପ୍ରକାଶ ପାଇଛି । ୩ ମାସ ତଳେ ପରୀକ୍ଷା ମୂଳକ ଭାବେ ଟାଙ୍କିକୁ ପାଣି ଚଢାଇବା ବେଳେ ପାଇପ୍‌ରୁ ପାଣି ଲିକେଜ୍‌ ହେବାରୁ ତାହା ବନ୍ଦ କରାଯାଇଥିଲା। ଟାଙ୍କି ବାବଦକୁ ୪ ଲକ୍ଷ ଟଙ୍କା ଖର୍ଚ୍ଚ ହୋଇଛି । ଏ ସଂପର୍କରେ ସ୍ଥାନୀୟ ଉପଖଣ୍ଡ ଗ୍ରାମ୍ୟ ଜଳ ଯୋଗାଣ ବିଭାଗ ଏସ୍‌ଡିଓ ବିକେତ ମାଝିଙ୍କୁ ଯୋଗାଯୋଗ କରାଯାଇଥିଲା । ସେ କହିଥିଲେ ରାସ୍ତା ନିର୍ମାଣ କରୁଥିବା ଏନ୍‌ଏଚ କର୍ତ୍ତୃପକ୍ଷଙ୍କୁ ନୂଆରେ ପାଇପ ସଂଯୋଗ କରିବା ବାବଦକୁ ୨୨ ଲକ୍ଷ ଟଙ୍କାର ଏଷ୍ଟିମେଟ ଯାଇଥିଲା । ୨ ବର୍ଷ ବିତିଗଲାଣି । ଏଯାଏଁ ତାହା ଗ୍ରାମ୍ୟ ଜଳ ଯୋଗାଣ ବିଭାଗକୁ ପଇଠ କରାଯାଇ ନାହିଁ। ଫଳରେ ହନୁମାନ ବାଟିକାରେ ନୂତନ ଭାବେ ନିର୍ମାଣ ହେଉଥିବା ପାଣି ପ୍ରକଳ୍ପ ଅନୁଦାନକୁ ଡାଇଭର୍ଟ କରାଯାଇ ମୁଖ୍ୟରାସ୍ତା କଡ଼ରେ ତାଙ୍କ ବିଭାଗ ପକ୍ଷରୁ ପାଇପ ସଂଯୋଗ କରାଗଲା ନିଅଣ୍ଟିଆ ଅର୍ଥ କାରଣରୁ ହନୁମାନ ବାଟିକା ସ୍ଥିତ ନୂଆ ପାଣିଟାଙ୍କିରୁ ମୁଖ୍ୟରାସ୍ତା ପର୍ଯ୍ୟନ୍ତ ପ୍ରାୟ ୭ ଶହ ମିଟର ଦୂର ପାଇପ ସଂଯୋଗ କରାଯାଇ ପାରିଲା ନାହିଁ । ଫଳରେ ନୂଆଟାଙ୍କିରୁ ପାଣି ବୈପାରୀଗୁଡ଼ା ଗଁାକୁ ଦେବା ସମ୍ଭବ ହେଉନାହିଁ । ପୂର୍ବରୁ ଥିବା ଗୋଟିଏ ମାତ୍ର ପାନୀୟ ଜଳ ଉତ୍ସରେ ଜଳସ୍ତର କମିଆସିଲାଣି । ମୋଟର ୩ ଘଣ୍ଟା ଚାଲିଲେ ପରେ ପାଣି ଆଉ ଉଠୁନାହିଁ । ସେହିପରି ବୈପାରୀଗୁଡ଼ା ଗୌଡ଼ସାହିରେ ପାଇପ୍‌ ସଂଯୋଗ ପାଇଁ ପୂର୍ତ୍ତ ବିଭାଗକୁ ୭ ଲକ୍ଷ ଟଙ୍କା ମଗାଯାଇଥିଲା । କିନ୍ତୁ ପୂର୍ତ୍ତ ବିଭାଗ ମଧ୍ୟ ନିରବ ରହିଥିବାରୁ କାମ ଆଗେଇ ପାରୁନାହିଁ । ଏବେ ଅବୈଧ ଭାବେ ଲୋକେ ମନମୁଖୀ ଘରକୁ ପାଣି ସଂଯୋଗ କରୁଥିବା ବେଳେ ଅନେକ ଟୁଲ୍‌ ପମ୍ପ ବ୍ୟବହାର କରୁଛନ୍ତି ଯାହା ପାଣି ନିଅଣ୍ଟର ଅନ୍ୟ କାରଣ ବୋଲି ସେ କହିଛନ୍ତି। ତେବେ ନୂଆ ଟାଙ୍କି ନିର୍ମାଣରେ ନିମ୍ନମାନର କାମ ସଂପର୍କରେ ତାଙ୍କ ଦୃଷ୍ଟି ଆକର୍ଷଣ କରିବାରୁ ସେ ନିର୍ମାଣସ୍ଥଳକୁ ଯାଇ ଅନୁଧ୍ୟାନ କରିବେ ବୋଲି କହିଥିଲେ।


Enter your email to get our daily news in your inbox.

All Right Reserved By Dharitri.Com

ସୀମାନ୍ତ କୋଟିଆରେ ଘୋଷଯାତ୍ରା

ପଟ୍ଟାଙ୍ଗି,୫।୭(ଡି.ଏନ୍‌.ଏ.): ସାରା ରାଜ୍ୟରେ ଯେଉଁଦିନ ରଥଯାତ୍ରା ହୁଏ, ତାହା ପରଦିନ ପଟ୍ଟାଙ୍ଗି ବ୍ଲକ ସୀମାନ୍ତ କୋଟିଆ ପଞ୍ଚାୟତରେ ଗଡ଼େ ଶ୍ରୀଜୀଉଙ୍କ ରଥ। ୨୦୦୨ ମେ’ ୧ରେ...

୨୦ ଫୁଟ ତଳକୁ ଖସିଲା ଆଲୁମିନିୟମ ପାଉଡର ଲୋଡିଂ ଟ୍ୟାଙ୍କର: ଡ୍ରାଇଭର ମୃତ

ରାୟଗଡ଼ା ଅଫିସ, ୨।୧: ୩୨୬ ନଂ. ଜାତୀୟ ରାଜପଥର ଗୁମ୍ମା ଘାଟିରୁ ଗୁରୁବାର ଏକ ଆଲୁମିନିୟମ ପାଉଡର ବୋଝେଇ ଟ୍ୟାଙ୍କର ଖସିପଡ଼ିଛି। ଫଳରେ ଘଟଣା ସ୍ଥଳରେ...

କୋଟପାଡ଼ରେ କଂଗ୍ରେସର ଚନ୍ଦ୍ରଶେଖର ମାଝି ଆଗେଇଲେ

ଜୟପୁର,୨୩ା୫(ନି.ପ୍ର.): କୋଟପାଡ଼ ବିଧାନସଭା ଆସନରେ ପ୍ରଥମ ରାଉଣ୍ଡରେ ବିଜେଡି ପ୍ରାର୍ଥୀ ଆଗରେ ଥିବାବେଳେ ଦ୍ୱିତୀୟ ରାଉଣ୍ଡରେ କଂଗ୍ରେସର ପ୍ରାର୍ଥୀ ଚନ୍ଦ୍ରଶେଖର ମାଝି ବିଜେଡିକୁ ପଛରେ ପକାଇଛନ୍ତି।...

କୃଷିଋଣ ଆଳରେ ବ୍ୟାଙ୍କ ଦେଉନି ମଜୁରି ଟଙ୍କା

ଜୟପୁର,୧।୫(ଡି.ଏନ୍‌.ଏ.): ମହାତ୍ମା ଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ କର୍ମ ନିଯୁକ୍ତି ଯୋଜନା (ଏମ୍‌ଏନ୍‌ଆର୍‌ଇଜିଏସ୍‌) ରେ ମଜୁରୀ ଟଙ୍କା ବାବଦକୁ ଜମା ହୋଇଥିବା ରାଶି ବ୍ୟାଙ୍କଠାରୁ ପାଇପାରୁ...

ବାଲିମେଳାରେ କାର୍‌ଗିଲ ବିଜୟ ଦିବସ: ଚିତାପରି ଗ୍ରାମଠାରୁ ବାଲିମେଳା ମିନି ଷ୍ଟାଡିୟମ ପର୍ଯ୍ୟନ୍ତ ମିନି ମାରାଥନ

କୋରୁକୋଣ୍ଡା,୨୧।୭(ଡି.ଏନ୍‌.ଏ.): ମାଲକାନଗିରି ଜିଲା ବାଲିମେଳାରେ ସୀମା ସୁରକ୍ଷା ବାହିନୀ ୧୪୪ ବାଟାଲିୟନ ପକ୍ଷରୁ ରବିବାର ସକାଳେ କାର୍‌ଗିଲ ବିଜୟ ଦିବସ ପାଳନ କରାଯାଇଛି। ଚିତାପରି-୩ ଗ୍ରାମ...

ସ୍ବାମୀଙ୍କୁ ହତ୍ୟା କଲା ସ୍ତ୍ରୀ

ମୁନିଗୁଡ଼ା,୩।୧(ଡି.ଏନ୍‌.ଏ.) – ରାୟଗଡ଼ା ଜିଲା ମୁନିଗୁଡ଼ାର ଗୁପ୍ତା କଲୋନୀରେ ଜଣେ ଯୁବକଙ୍କୁ ତାଙ୍କ ସ୍ତ୍ରୀ ନୂଆବର୍ଷରେ ହତ୍ୟା କରିବା ଭଳି ଅଭାବନୀୟ ଘଟଣା ଘଟିଛି। ମୃତକ...

ହଷ୍ଟେଲରେ ଲାଗିଲା ନିଆଁ: ଜଳିଗଲା ଛାତ୍ରୀଛାତ୍ରଙ୍କ ବିଭିନ୍ନ ସାମଗ୍ରୀ

ରାୟଗଡ଼ା ଅଫିସ,୨୧।୧୨: ରାୟଗଡ଼ାର ସାଇପ୍ରିୟା ନଗରରେ ଥବା ଅନ୍ବେଷା ଛାତ୍ରୀଛାତ୍ର ହଷ୍ଟେଲରେ ଶର୍ଟସର୍କିଟ୍‌ରୁ ନିଆଁ ଲାଗିଯାଇଛି। ଉକ୍ତ ହଷ୍ଟେଲର ଏକ ଗୋଦାମ ଘରେ ଥିବା ଗଦି,...

ରାୟଗଡ଼ାର ୬୬୭ ସ୍ବାବ୍‌ ନମୁନା ନେଗେଟିଭ୍‌

ରାୟଗଡ଼ା ଅଫିସ,୨୦ା୫: ରାୟଗଡ଼ା ଜିଲାରୁ ଗତ ୧୫ ତାରିଖରେ ୧୩ତମ ପର୍ଯ୍ୟାୟରେ ୮୬ଜଣଙ୍କର ସ୍ବାବ୍‌ ନମୁନା ପରୀକ୍ଷା ନିମନ୍ତେ ଆର୍‌ଏମ୍‌ଆରସି ଭୁବନେଶ୍ୱର ପଠାଯାଇଥିଲା। ସେଥିରୁ ସମସ୍ତ...

Coronavirus Update


Archives

Model This Week

Why Dharitri