ପୋଖରୀରେ ବୁଡ଼ି ଯୁବକଙ୍କ ଜୀବନ ଗଲା
7:32 amMay 23, 2020 / 21

ବାଲେଶ୍ୱର ଅଫିସ,୨୩।୫- ବାଲେଶ୍ୱର ଶିଳ୍ପାଞ୍ଚଳ ଥାନା ଅନ୍ତର୍ଗତ ଗଣେଶ୍ୱରପୁର ଅଞ୍ଚଳର ଜଣେ ଯୁବକ ଶୁକ୍ରବାର ପୋଖରୀରେ ବୁଡ଼ି ପ୍ରାଣ ହରାଇଛନ୍ତି। ମୃତକ ହେଲେ ନାମସ ଲେଙ୍କା। ପୂର୍ବାହ୍ନ ୧୧ଟା ସମୟରେ ନିକଟସ୍ଥ ଗ୍ରାମ ଅଚ୍ଚ୍ୟୁତପୁର ବାଲିଆ ପୋଖରୀକୁ ଗାଧୋଇବା ପାଇଁ ଦୁଇଜଣ ସାଙ୍ଗଙ୍କ ସହିତ ଯାଇଥିବା ବେଳେ କୌଣସି କାରଣରୁ ପୋଖରୀରେ ଗୋଡ଼ ଖସିଯିବାରୁ ସେ ବୁଡ଼ି ଯାଇଥିଲେ। ସାଙ୍ଗମାନଙ୍କ ନିକଟରୁ ଖବର ପାଇ ସ୍ଥାନୀୟ ଲୋକେ ରେମୁଣା ଅଗ୍ନିଶମ ବିଭାଗକୁ ଖବର ଦେଇଥିଲେ। ସେମାନେ ଖୋଜି ବାହାର କରିବାରେ ବିଫଳ ହେବା ପରେ ଏନ୍‌ଡିଆର୍‌ଏଫ୍‌ ଟିମ୍‌ ଓ ଶିଳ୍ପାଞ୍ଚଳ ଥାନା ପୋଲିିସ ଘଟଣାସ୍ଥଳରେ ପହଞ୍ଚିଥିଲା। ଅପରାହ୍ନ ୪ଟା ପରେ ମୃତଦେହ ଉଦ୍ଧାର କରାଯାଇଥିଲା। ଏନେଇ ଶିଳ୍ପାଞ୍ଚଳ ଥାନାରେ ଏକ ଅପମୃତ୍ୟୁ ମାମଲା (ନଂ. ୮/୨୦) ରୁଜୁ ହୋଇଛି। ଜିଲା ଚିକିତ୍ସାଳୟକୁ ମୃତଦେହ ବ୍ୟବଚ୍ଛେଦ ପାଇଁ ପଠାଯାଇଥିବା ଶିଳ୍ପାଞ୍ଚଳ ଥାନାଧିକାରୀ ପରେଶ ରାଉତ ସୂଚନା ଦେଇଛନ୍ତି।