ଭୁବନେଶ୍ୱର,୨୯।୨(ବ୍ୟୁରୋ): ପୂର୍ବ ଶତ୍ରୁତାକୁ ନେଇ ଯୁବକଙ୍କୁ ମରଣାନ୍ତକ ଆକ୍ରମଣ କରି ଫେରାର ଥିବା ଅଭିଯୁକ୍ତଙ୍କୁ ଇନଫୋସିଟି ଥାନା ପୋଲିସ ଗିରଫ କରିଛି। ଗିରଫ ଅଭିଯୁକ୍ତ ହେଲେ କଳାରାହାଙ୍ଗ ଅଞ୍ଚଳର ଅଜୟ ମହାଭୋଇ। ସୂଚନା ମୁତାବକ, ଚନ୍ଦ୍ରଶେଖରପୁର ଥାନା ଅଞ୍ଚଳରେ ଥବା ଗୋଲକପୁରୀ ଡୁପ୍ଲେକ୍ସରେ ଚନ୍ଦନ ସୁବୁଦ୍ଧି ରୁହନ୍ତି। ଅଜୟ ସ୍ଥାନୀୟ ଉଠାଦୋକାନୀ ଓ ଲୋକଙ୍କୁ ଡରାଇ ଧମକାଇ ଟଙ୍କା ଆଦାୟ କରନ୍ତି। ଏହାକୁ କେନ୍ଦ୍ର କରି ଚନ୍ଦନଙ୍କ ସହ ଅଜୟଙ୍କର ପୂର୍ବରୁ ଝଗଡ଼ା ହୋଇଥିଲା। ଗତ ଜୁଲାଇ ୨୮ ତାରିଖରେ ଅଜୟ ଟଙ୍କା ଦେବାକୁ ଚନ୍ଦନଙ୍କୁ ବାଧ୍ୟ କରିଥିଲେ। ଏହାକୁ ନେଇ ଉଭୟଙ୍କ ମଧ୍ୟରେ ବଚସା ହେବା ପରେ ଅଜୟ ଚନ୍ଦନଙ୍କ ମୁଣ୍ଡ ଫଟାଇ ରକ୍ତାକ୍ତ କରି ଫେରାର ହୋଇଯାଇଥିଲେ। ଏ ନେଇ ଚନ୍ଦନଙ୍କ ଅଭିଯୋଗ କ୍ରମେ ଏକ କେସ୍ (ନଂ. ୧୬୦/୧୯) ରୁଜୁ କରି ପୋଲିସ ଘଟଣାର ତଦନ୍ତ ଚଳାଇଥିଲା। ପୋଲିସ ଶୁକ୍ରବାର ଅଜୟଙ୍କୁ ପଟିଆ ଅଞ୍ଚଳରୁ ଗିରଫ କରିଥିଲା।
