ଖଣ୍ଡପଡ଼ା,୧୦ା୬(ସ୍ବ.ପ୍ର.): ଚଳିତ ଶିକ୍ଷାବର୍ଷ ମାଟ୍ରିକ ଓ ଯୁକ୍ତଦୁଇ ପରୀକ୍ଷାରେ ନିଜ ନିଜ ଶିକ୍ଷାନୁଷ୍ଠାନରେ ପ୍ରଥମ ଶ୍ରେଣୀରେ ଟପ୍ପର ହୋଇଥିବା ଛାତ୍ରୀଛାତ୍ରଙ୍କୁ ଶନିବାର ଖଣ୍ଡପଡ଼ା ପୂର୍ବତନ ବିଧାୟକ ଅନୁଭବ ପଟ୍ଟନାୟକ ସମ୍ବର୍ଦ୍ଧିତ କରିଛନ୍ତି। ସୂଚନାଯୋଗ୍ୟ, ଏହି ପରୀକ୍ଷାରେ ଏ-୧ ଗ୍ରେଡ଼ ପାଇଥିବା ସିଧାମୂଳା ଗୋକୁଳାନନ୍ଦ ଜୀଉ ବିଦ୍ୟାମନ୍ଦିରର ଛାତ୍ର ପଞ୍ଚାନନ ସ୍ବାଇଁ, ଆର୍ସି ହାଇସ୍କୁଲର ଛାତ୍ରୀ ଶୁଭସ୍ମିତା ଚୌଧୁରୀ, ଭଗବତୀ ବିଦ୍ୟାପୀଠ ଛାତ୍ର ଅବିନାଶ ସାହୁ ଓ ବାଲୁଙ୍କେଶ୍ୱରଦେବ ବିଦ୍ୟାପୀଠ ଛାତ୍ରୀ ଓମ୍ପ୍ରିୟା ସାହୁ ପ୍ରମୁଖ ଟପ୍ପର ହୋଇଛନ୍ତି ା ପଟ୍ଟନାୟକ ଅବିନାଶଙ୍କ ଗୃହକୁ ଯାଇ ତାଙ୍କୁ ସମ୍ବର୍ଦ୍ଧିତ କରିଥିବାବେଳେ ଅନ୍ୟ ୩ ଜଣଙ୍କୁ ଶୁଭେଚ୍ଛା ଜଣାଇଛନ୍ତି ା ସେହିପରି ଯୁକ୍ତଦୁଇ ବିଜ୍ଞାନ ଶ୍ରେଣୀରେ ପିଏସ୍ କଲେଜ ଛାତ୍ରୀ ଦୀପ୍ତିମୟୀ ସାହୁ, କଣ୍ଟିଲୋ ନୀଳମାଧବ ମହାବିଦ୍ୟାଳୟର ଛାତ୍ର ଶିବଶଙ୍କର ବେହୁରୁକ ଓ ପଦ୍ମାବତୀ ମହାବିଦ୍ୟାଳୟର ଛାତ୍ରୀ ମଧୁସ୍ମିତା ସିଠ ପ୍ରଥମ ଶ୍ରେଣୀରେ ସର୍ବୋଚ୍ଚ ନମ୍ବର ରଖି ଉତ୍ତୀର୍ଣ୍ଣ ହୋଇଛନ୍ତି ା ଏ ସମସ୍ତଙ୍କୁ ସମ୍ବର୍ର୍ଦ୍ଧିତ କରାଯାଇଛି। ଛାତ୍ର ସଦାଶିବଙ୍କୁ ତାଙ୍କ ବଡବାଣପୁର ବାସଭବନରେ ପୂର୍ବତନ ବିଧାୟକ ସମ୍ବର୍ଦ୍ଧତ କରିଛନ୍ତି। ଏ ସମୟରେ ବାଣପୁର ସରପଞ୍ଚ ପ୍ରଦୀପ କୁମାର କର ଓ ଗ୍ରାମବାସୀ ଶରତ ଚନ୍ଦ୍ର ବେହେରା ଉପସ୍ଥିତ ଥିଲେ ା
