ପିଲାଙ୍କୁ କରିବେ ଉଚ୍ଚଶିକ୍ଷିତ : ମା’ କାନ୍ଧେଇଛନ୍ତି ବାପାର ବୋଝ

ବଅଁରପାଳ, ୧୨।୫- ଦୁର୍ଘଟଣାରେ ସ୍ବାମୀ ଆଖିବୁଜିବା ବେଳେ  କୋଳରେ ଥିଲେ ଦୁଇ କୁନି ସନ୍ତାନ। ନୂଆଣିଆ ଘର ଖଣ୍ଡିକୁ ଛାଡ଼ିଦେଲେ ଆଉ କିଛି ନ ଥିଲା ପାଖରେ। ସେତେବେଳେ ବୃଦ୍ଧ ଶାଶୁ ଶ୍ୱଶୁର ଓ ପିଲା ହିଁ ଥିଲେ ବଡ଼ ପୁଞ୍ଜି। ସେହିମାନଙ୍କୁ ସମ୍ବଳ କରି ସେ ଗୋଡ଼ କାଢ଼ିଥିଲେ ଘରୁ। କୌଳିକ ବୃତ୍ତିକୁ ଆଦରି ଆରମ୍ଭ କରିଥିଲେ ଜୀବନ ଯୁଦ୍ଧ। ଦୁଇ ପିଲାଙ୍କୁ ଉଚ୍ଚଶିକ୍ଷିତ କରିବାକୁ କାନ୍ଧକୁ ନେଇଥିଲେ ବାପାର ବୋଝ, ଯାହା ୨୦ ବର୍ଷ ପରେ ପୂରଣ ପ୍ରାୟ। ଦୁଇ ପୁଅ କଲେଜରେ ପଢ଼ୁଥିବାରୁ ଆଉ ବେଶୀ ଦୂର ନୁହେଁ ବିଜୟୀ ଟିକା।

ସନ୍ତାନଙ୍କ ପାଇଁ ଏପରି ସଂଘର୍ଷ କରୁଥିବା ଏହି ମା’ ହେଲେ ଅନୁଗୋଳ ଜିଲା ବଅଁରପାଳ ବ୍ଲକ କୁଲାଡ ଗ୍ରାମର ରଜନୀ ଦେହୁରୀ (୪୦)। ନିଜେ ଅଧିକ ପାଠ ପଢ଼ି ନାହାନ୍ତି। କମ୍‌ ବୟସରେ ବିବାହ ମଧ୍ୟ କରିଥିଲେ। ତଥାପି ପରିବାର ଓ ପିଲାଙ୍କ ପ୍ରତି ଥିବା କର୍ତ୍ତବ୍ୟରେ ସେ ହେଳା କରିନାହାନ୍ତି। ସ୍ବାମୀ ଛାଡ଼ି ଯାଇଥିବା ଅଧା କାର୍ଯ୍ୟକୁ ସେ ପୂରଣ କରିବାକୁ ମୁଣ୍ଡ ଝାଳ ତୁଣ୍ଡରେ ମାରି ଖଟି ଚାଲିଛନ୍ତି ବର୍ଷ ବର୍ଷ ଧରି। ରଜନୀ କୁହନ୍ତି, ସ୍ବାମୀ ମୂଲ ମଜୁରି କରି ପରିବାର ଚଳାଉଥିବାରୁ ତାଙ୍କ ମୃତ୍ୟୁ ପରେ ପରିବାରର ବୋଝ କିପରି ଉଠାଇବେ ତାହା ବଡ଼ ପ୍ରଶ୍ନ ଥିଲା। ଘରେ ଯାହା କିଛି ସଞ୍ଚିତ ଅର୍ଥ ଥିଲା ତାହା ଶୁଦ୍ଧିକ୍ରିୟାରେ ଶେଷ ହୋଇଯାଇଥିଲା। ତେଣୁ ଆୟର ଶେଷ ପନ୍ଥା ଭାବେ ସେ କୌଳିକ ବୃତ୍ତିକୁ ଭରସି ମୁଢି ବିକି ପିଲାଙ୍କୁ ମଣିଷ କରିବାକୁ ନିଷ୍ପତ୍ତି ନେଇଥିଲେ। ସହାୟତା ପାଇଁ କେହି ନ ଥିଲେ ବି ମୁଢ଼ି, ଚୁଡ଼ା, ହୁଡ଼ୁମ, ଲିଆ, ବୁଟ, ମଟର ଆଦି ଭାଜି ବ୍ୟବସାୟ ଆରମ୍ଭ କଲେ। ପାହାନ୍ତାରୁ ଉଠି କିଛି ଜିନିଷ ପ୍ରସ୍ତୁତ କରିବା ପରେ ତାହାକୁ ବିକ୍ରି କରିବାକୁ ଦୂର ଦୂର ଗଁାକୁ ଗଲେ। ଦିନ ତମାମ ଖାଲି ପାଦରେ ଚାଲି ଚାଲି ସେ ସବୁ ସାମଗ୍ରୀ ବିକ୍ରି କରିବା ବେଳକୁ ସଞ୍ଜ ହୋଇଯାଏ। ରାତିରେ ବି ତାଙ୍କ ପାଇଁ କିଛି କମ୍‌ କାମ ନ ଥାଏ। ରୋଷେଇ କରିବା, ପିଲାଙ୍କ ପାଠପଢ଼ା କଥା ବୁଝିବା ଆଦି କାର୍ଯ୍ୟ ଭିତରେ ଏତେ ବର୍ଷ କେମିତି କଟିଯାଇଛି କେବଳ ସେ ହିଁ ଜାଣନ୍ତି। ବଡ଼ ପୁଅ ବିକାଶ ଆଇଟିଆଇ ପରେ ଏବେ ଯୁକ୍ତ ୩ର ଛାତ୍ର। ସାନ ପୁଅ ମଧ୍ୟ ପଢ଼ୁଛି। ବୟସ ବଢ଼ିଯାଇଥିବାରୁ ଆଉ ପୂର୍ବ ପରି ଅଧିକ ପରିଶ୍ରମ କରିହେଉନି। କିନ୍ତୁ ପିଲାଙ୍କୁ ଉଚ୍ଚଶିକ୍ଷିତ ନ କରିବା ଯାଏ ତାଙ୍କ ପାଦ ଥକିବନି ବୋଲି କହିଛନ୍ତି ରଜନୀ।


Enter your email to get our daily news in your inbox.

All Right Reserved By Dharitri.Com

ପ୍ରଚାରରେ ପୂରା ଦମ୍‌ ଲଗାଇଛନ୍ତି ଦଳ

ଯାଜପୁର ଅଫିସ,୨୧ା୩: ଯାଜପୁର ଜିଲାର ୨ ପୌର ପରିଷଦର ୪୪ଟି ୱାର୍ଡ ପାଇଁ ଭୋଟକୁ ଆଉ ମାତ୍ର ୩ ଦିନ ବାକି। ସେଥିପାଇଁ ତିନି ମୁଖ୍ୟ...

ରୋଗୀଙ୍କୁ ଷ୍ଟ୍ରେଚରରେ ବୋହିଲେ ୨କି.ମି.

ଖୋର୍ଦ୍ଧା ଅଫିସ,୭ା୧୦:ସହାୟତା କରିବା ପାଇଁ ଅର୍ଥର ଆବଶ୍ୟକତା ନ ଥାଏ। ଆବଶ୍ୟକ ଥାଏ ଉଦାର ହୃଦୟ ଓ ମନ। ଏଭଳି ଦୃଶ୍ୟ ଦେଖିବାକୁ ମିଳିଛି ଖୋର୍ଦ୍ଧା...

ଉତ୍ସାହରେ ଭୋଟ ଦେଲେ ଡଙ୍ଗରିଆ

ବିଷମକଟକ,୨୬ା୨(ଡି.ଏନ୍‌.ଏ.): ରାୟଗଡ଼ା ଜିଲା ବିଷମକଟକ ନିର୍ବାଚନମଣ୍ଡଳୀ ଅନ୍ତର୍ଗତ କଲ୍ୟାଣସିଂହପୁର ବ୍ଲକର ରାଇଲିମା ଗ୍ରାମ ୧୪ ନମ୍ବର ବୁଥ୍‌ରେ ଶୁକ୍ରବାର ସାନି ମତଦାନ ହୋଇଛି। ଏହି ବୁଥ୍‌ରେ...

୪ ଲକ୍ଷ ଟଙ୍କାର ବ୍ରାଉନସୁଗାର ଜବତ, ଜଣେ ଗିରଫ

ଢେଙ୍କାନାଳ ଅଫିସ,୨୮ା୭: ଢେଙ୍କାନାଳ ସହର ରାଧାକୃଷ୍ଣ ବଜାର ଅଞ୍ଚଳରୁ ଗୁରୁବାର ସମ୍ବଲପୁର ଅବକାରୀ ଗୋଇନ୍ଦା ବିଭାଗ, ଢେଙ୍କାନାଳ ଅବକାରୀ ବିଭାଗ ସହାୟତାରେ ଚଢ଼ାଉ କରାଯାଇ ୪୦...

କରୋନା ମାଡ଼ରେ ରୋଜଗାର ଠପ୍‌: ସ୍କୁଲ ଫି’ ଛାଡ଼ କରିବାକୁ ହାଇକୋର୍ଟରେ ଜନସ୍ବାର୍ଥ ମାମଲା

କଟକ ଅଫିସ,୨୩।୪- କରୋନା ମୁକାବିଲା ନିମନ୍ତେ ଜାରି ଲକଡାଉନ୍‌ ଯୋଗୁ ଲୋକଙ୍କ ରୋଜଗାର ବନ୍ଦ ହୋଇଯାଇଛି। ନିଜେ ବଞ୍ଚିବା କଷ୍ଟକର ହୋଇପଡ଼ିଛି। ଏପରିସ୍ଥଳେ ସେମାନେ ନିଜ...

ବୋଲେରୋରେ ମୃତଦେହ ଛାଡ଼ି ଫେରାର: ପ୍ରତିବାଦରେ ସ୍ଥାନୀୟ ଲୋକଙ୍କ ଉତ୍ତେଜନା

ଓଡ଼ାପଡ଼ା, ୨।୬(ଡି.ଏନ୍‌.ଏ.): ଢେଙ୍କାନାଳ ଜିଲା ୫୫ ନଂ. ଜାତୀୟ ରାଜପଥର ଗଉଡ଼ାକାଟେଣି ଛକ ନିକଟରେ ମଙ୍ଗଳବାର ସକାଳେ ଏକ ବୋଲେରୋ ଭିତରେ ଜଣେ ବ୍ୟକ୍ତିଙ୍କ ମୃତଦେହ...

ପରକୀୟା ପ୍ରୀତି ସନ୍ଦେହ ନେଲା ଛବିରାଣୀଙ୍କ ଜୀବନ

ଭଦ୍ରକ ଅଫିସ,୨୪।୭: କୁରାଢ଼ିରେ ଅତି ନୃଶଂସ ଭାବେ ସ୍ତ୍ରୀଙ୍କ ମୁଣ୍ଡକୁ ଛେଚି ସ୍ବାମୀ ହତ୍ୟା କରିଥିବା ଅଭିଯୋଗ ହୋଇଛି। ଶନିବାର ଏଭଳି ଏକ ଅଭାବନୀୟ ଘଟଣା...

ଚିଲିକା ବୁଲିଲେ ବାଚସ୍ପତି, ମନ୍ତ୍ରୀ ଓ ବିଧାୟକ

ଖୋର୍ଦ୍ଧା ଅଫିସ/ବାଲୁଗଁା/କୃଷ୍ଣପ୍ରସାଦ, ୧୬ା୪(ଡି.ଏନ୍‌.ଏ.): ଚିଲିକା ପରିଭ୍ରମଣ ସହ ମା’ କାଳିଜାଈଙ୍କ ଦର୍ଶନ କରିଛନ୍ତି ବିଧାନସଭାର ବାଚସ୍ପତିଙ୍କ ସମେତ ବହୁ ବିଧାୟକ ଓ ମନ୍ତ୍ରୀ। ଶୁକ୍ରବାର ପୂର୍ବାହ୍ନ...

Advertisement
Archives

Model This Week