ରାୟଗଡା ଅଫିସ, ୯।୫- ବର୍ତ୍ତମାନ ଗ୍ରୀନ ଜୋନ୍ରେ ରହିଛି ରାୟଗଡ଼ା ସହର। ଏହାକୁ ଦୃଷ୍ଟିରେ ରଖି ଜିଲାପାଳ ପ୍ରମୋଦ କୁମାର ବେହେରାଙ୍କ ନିର୍ଦ୍ଦେଶ କ୍ରମେ ରାୟଗଡା ସହରରେ କିଛିଟା କୋହଳ କରାଯାଇଛି। ସହରରେ ନିଉ କଲୋନୀ ସ୍ଥିତ ଗୋଦାମରେ ପିଡ଼ିଏସ୍ ଚାଉଳ ନେବା ପାଇଁ ଭୋର ୪ଟାରୁ ଲୋକଙ୍କ ଭିଡ ଜମୁଥିବା ଦେଖାଯାଉଛି। ସେଠାରେ ସାମାଜିକ ଦୂରତା ରଖାଯାଉ ନ ଥିବା ବେଳେ ଲୋକେ ମାସ୍କ ପିନ୍ଧୁ ନାହାନ୍ତି। ଏପରକିି ଲୋକେ ଠେଲାପେଲି ହେଉଛନ୍ତି। ଏନେଇ ସ୍ଥାନୀୟ ଲୋକଙ୍କ ଅଭିଯୋଗ ପରେ ଘଟଣାସ୍ଥଳରେ ପୋଲିସକୁ ମୁତୟନ କରାଯାଇଛି। ହେଲେ ମଧ୍ୟ ଏନେଇ କଡାକଡ଼ି ପଦକ୍ଷେପ ନେବାକୁ ସ୍ଥାନୀୟ ଲୋକେ ଦାବି କରିଛନ୍ତି l ଲକ୍ଡାଉନ ନିୟମ ଉଲଂଘନ କରୁଥିବା ଜଣାପଡିଛି।
