କେନ୍ଦୁଝର,୨୦ା୬(ସ୍ବ.ପ୍ର.): କେନ୍ଦୁଝର ସଦର ବ୍ଲକ ଅନ୍ତର୍ଗତ ପଦ୍ମପୁର ଲକ୍ଷ୍ମୀନାରାୟଣ ଉଚ୍ଚ ବିଦ୍ୟାଳୟ କ୍ବାରାଣ୍ଟାଇନ୍ ସେଣ୍ଟରରେ ଶନିବାର ଜଣେ ୩୮ ବର୍ଷୀୟ ବ୍ୟକ୍ତି କରୋନା ପଜିଟିଭ୍ ଚିହ୍ନଟ ହୋଇଛନ୍ତି। ତାଙ୍କ ଘର କାଉଁରକଳା ପଞ୍ଚାୟତ ବଉଳମାଳ ଗ୍ରାମରେ ବୋଲି ଜଣାପଡ଼ିଛି।
ଏହି ବ୍ୟକ୍ତି ଜଣକ ମହାରାଷ୍ଟ୍ରରେ କାମ କରୁଥିଲେ। କରୋନା ପ୍ରଭାବରେ ଲକ୍ଡାଉନ୍ ଯୋଗୁ ଗାଡ଼ି ବନ୍ଦ ହୋଇ ଯାଇଥିବାରୁ ସେଠାରେ ଫସି ରହିଥିଲେ। କୋହଳ ହେବା ପରେ ଟ୍ରେନ ଯୋଗେ ଭୁବନେଶର ପହଞ୍ଚିଥିଲେ। ସେଠାରୁ ପ୍ରାଇଭେଟ ବସ୍ ଯୋଗେ ୧୪.୬.୨୦ରେ ପଦ୍ମପୁର କ୍ବାରାଣ୍ଟାଇନ୍ ସେଣ୍ଟରରେ ଆସି ପହଞ୍ଚିଥିଲେ। ତାଙ୍କୁ ସେଠାରେ ରଖାଯାଇଥିଲା। ୧୭ ତାରିଖରେ ତାଙ୍କର ରକ୍ତ ନମୁନା ପରୀକ୍ଷା ପାଇଁ ପଠାଯାଇଥିଲା। ୧୨ ଦିନ ରହିଲା ପରେ ଶନିବାର ତାଙ୍କର ରିପୋର୍ଟ ପଜିଟିଭ୍ ଆସିଥିଲା। ଆକ୍ରାନ୍ତଙ୍କଠାରେ ପୂର୍ବରୁ ଥଣ୍ତା କାଶ ଲାଗି ରହିଥିଲା। ଆଜି ପଦ୍ମପୁର ଲକ୍ଷ୍ମୀନାରାୟଣ ଉଚ୍ଚ ବିଦ୍ୟାଳୟ କ୍ବାରାଣ୍ଟାଇନରେ ସେଣ୍ଟରରେ ମେଡିକାଲ ଟିମ୍ ପହଞ୍ଚି ତାଙ୍କୁ କେନ୍ଦୁଝର ରାଙ୍କି କୋଭିଡ୍ ହସ୍ପିଟାଲ ପଠାଇଛନ୍ତି। ପ୍ରଥମ ପର୍ଯ୍ୟାୟରେ ପଦ୍ମପୁର ଅଞ୍ଚଳରେ କରୋନା ରୋଗୀ ଚିହ୍ନଟ ନେଇ ଲୋକମାନଙ୍କ ମଧ୍ୟରେ ଭୟର ବାତାବରଣ ସୃଷ୍ଟି ହୋଇଛି। ଏନେଇ ସରପଞ୍ଚ ରାଜେନ୍ଦ୍ର ହାଁସଦା ମହାମାରୀ କରୋନା ସତର୍କ ହେବାକୁ ସଦର ପୋଲିସର ସହାୟତା ମାଗିଥିଲେ। ଫଳରେ ପୋଲିସ କାରାଣ୍ଟାଇନ୍ ସେଣ୍ଟର ପରିସରକୁ ଶୁକ୍ରବାରଠାରୁ ସୋମବାର ପର୍ଯ୍ୟନ୍ତ ୭୨ ଘଣ୍ଟା କଣ୍ଟେନ୍ମେଣ୍ଟ ଜୋନ୍ ଘୋଷଣା କରିବା ପାଇଁ ପରାମର୍ଶ ଦେଇଥିଲେ।
