ନୂଆପଡା ଅଫିସ,୭ା୮-ସ୍ଥାନୀୟ ଡୁମେରପାଣି ପଞ୍ଚାୟତ କାର୍ଯ୍ୟାଳୟ ପରିସରରେ ପଞ୍ଚାୟତସ୍ତରୀୟ ପ୍ରଧାନଶିକ୍ଷକ ସମ୍ମିଳନୀ ଅନୁଷ୍ଠିତ ହୋଇଯାଇଛି । ଏଥିରେ ସରପଞ୍ଚ ହେମିନ ବିନାୟକ ସଭାପତିତ୍ୱ କରିଥିବାବେଳେ ବ୍ଲକ ଅଧ୍ୟକ୍ଷାଙ୍କ ପ୍ରତିନିଧି ଧନୀରାମ ସାହୁ, ବ୍ଲକ ଉପାଧ୍ୟକ୍ଷ ଚିନିଲାଲ ସାହୁ, ତେଜବାଈ ଜଗତ, ନିର୍ବାହୀ ଅଧିକାରୀ ମେରେଲାଲ ତାଣ୍ଡି ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇଥିଲେ । କାର୍ଯ୍ୟକ୍ରମକୁ ସିଆରସିସି ଅମୀୟ ପାଢୀ ପରିଚାଳନା କରିଥିଲେ । ଏଥିରେ ପଞ୍ଚାୟତର ସମସ୍ତ ବିଦ୍ୟାଳୟଗୁଡିକର ସମସ୍ୟା ଉପରେ ବିଷଦ ଭାବେ ଆଲୋଚନା କରାଯାଇଥିଲା । ଅନ୍ୟପକ୍ଷେ ସରପଞ୍ଚ ସମସ୍ତ ବିଦ୍ୟାଳୟଗୁଡିକରେ ଶୌଚାଳୟ, ପାଚେରି ନିର୍ମାଣ ସହ ପାନୀୟ ଜଳର ବ୍ୟବସ୍ଥା କରିବାକୁ ଯୋଜନା ପ୍ରସ୍ତୁତ କରି କାର୍ଯ୍ୟାନ୍ବୟନ କରାଯିବ ବୋଲି କହିଥିଲେ । ଆଗାମୀ ଦିନରେ ବିଦ୍ୟାଳୟରଗୁଡିକର ସମସ୍ତ ଆନୁଷଙ୍ଗିକ ବ୍ୟବସ୍ଥା ଉପରେ ପଞ୍ଚାୟତ ଦୃଷ୍ଟି ରଖିବ ବୋଲି ପ୍ରତିନିଧିମାନେ କହିଥିଲେ। ସମ୍ମିଳନୀରେ ସମସ୍ତ ଅଭିଭାବକମାନେ ମଧ୍ୟ ଯୋଗଦେଇଥିଲେ। ନିର୍ବାହୀ ଅଧିକାରୀ ତାଣ୍ଡି ଧନ୍ୟବାଦ ଦେଇଥିଲେ।
