୧୯୯୮ରେ ମାଲେସିଆରେ ପ୍ରଥମେ ନିପା ଭାଇରସ ଦେଖାଦେଇଥିଲା। ମାଲେସିଆର ସଂଗଇ ନିପା ଗାଁର ଲୋକେ ପ୍ରଥମେ ଏହି ଭାଇରସ ଦ୍ୱାରା ସଂକ୍ରମିତ ହୋଇଥିଲେ। ଗାଁର ନାମାନୁସାରେ ଏହି ରୋଗର ନାମ ନିପା ଭାଇରସ ହୋଇଛି। ଏକ ରିପୋର୍ଟ ଅନୁଯାୟୀ, ପାଳିତ ଜନ୍ତୁ ଯଥା, କୁକର, ବିଲେଇ, ଛେଳି, ଘୋଡ଼ା ଏବଂ ବାଦୁଡ଼ିିଙ୍କ ଠାରୁ ଏହି ରୋଗ ସଂକ୍ରମିତ ହୋଇଥାଏ।
ବାଦୁଡ଼ି ଦ୍ୱାରା ସଂକ୍ରମିତ ହୋଇଥାଏ :
ବାଦୁଡ଼ି ନିପା ଭାଇରସର ବାହକ। କାରଣ ରାତିରେ ବାଦୁଡ଼ି ଦେହରେ ଏକ ପ୍ରକାର ଆଣ୍ଟିବଡିଜ୍ ମିଳିଥାଏ। ଏହି କାରଣରୁ ନିପା ଭାଇରସ ବାଦୁଡ଼ିକୁ ପ୍ରଭାବିତ କରିପାରେ ନାହିଁ। ଏହା ବାଦୁଡ଼ି ଶରୀରରେ ସୁପ୍ତ ଅବସ୍ଥାରେ ରହିଥାଏ। ଯାହାକୁ ଶେଡିଂ କୁହାଯାଏ। ଯେତେବେଳେ ବାଦୁଡ଼ି କୌଣସି ଫଳ ଖାଇଥାଏ ସେଥିରେ ନିପା ଭାଇରସ ପ୍ରବେଶ କରିଥାଏ। ଏହି ଫଳକୁ ଅନ୍ୟ କେହି ଖାଇଲେ ନିପା ଭାଇରସ ସଂକ୍ରମିତ ହୋଇଥାଏ। ଏହି ରୋଗ ଥରେ ହେଲେ ଜୀବନ ନେଇ ଯାଇଥାଏ। କେରଳରେ ନିପା ଭାଇରସ ବେଶୀ ମାତ୍ରାରେ ସଂକ୍ରମିତ ହେଉଛି। ଏହାର କାରଣ କେବଳ ଫଳ ଏବଂ ତାଡ଼ି।
ନିପା ଭାଇରସ କାହିଁକି ଡିସେମ୍ବର ଏବଂ ମେ’ରେ ବେଶୀ ହୋଇଥାଏ :
ଏକ ସର୍ବେକ୍ଷଣରୁ ଜଣାପଡ଼ିଛି, ନିପା ଭାଇରସ ଡିସେମ୍ବର ଏବଂ ମେ’ରେ ବେଶୀ ହୋଇଥାଏ। କାରଣ ଏହି ଦୁଇ ଋତୁରେ ବେଶୀ ତାଡ଼ି ମିଳିଥାଏ। ବାଦୁଡ଼ି ଏହାର ଗନ୍ଧରେ ଆକର୍ଷିତ ହୋଇ ଏହାକୁ ପିଇଥାଏ। ସଂଗୃହୀତ ଏହି ତାଡ଼ିକୁ ଯେତେବେଳେ କୌଣସି ବ୍ୟକ୍ତି ଅଜାଣତରେ ପିଇଥାଏ ସେ ନିପା ଭାଇରସରେ ସଂକ୍ରମିତ ହୋଇଥାଏ।
କେମିତି ଜାଣିବେ ନିପା ଭାଇରସ ହୋଇଛି :
ଭାଇରାଲ ଜ୍ୱର ହେବା ସହ ଦେହହାତ ଦରଜ, ନିଃଶ୍ୱାସ ପ୍ରଶ୍ୱାସ ନେବାରେ କଷ୍ଟ ଅନୁଭବ କରିବା, ବାନ୍ତି ଲାଗିବା ଏବଂ ମୁଣ୍ଡ ବୁଲାଇବା ପରି ଲକ୍ଷଣ ଦେଖା ଦେଇଥାଏ। ଏହି ଲକ୍ଷଣ ୧-୨ ସପ୍ତାହ ଦେଖା ଦେଲେ ତୁରନ୍ତ ଡାକ୍ତରଙ୍କ ସହ ପରାମର୍ଶ କରନ୍ତୁ। ଏଥିରୁ ରକ୍ଷା ପାଇବା ପାଇଁ ଯଦିଓ କୌଣସି ଭ୍ୟାକ୍ସିନ୍ ଆଜିପର୍ଯ୍ୟନ୍ତ ପ୍ରସ୍ତୁତ ହୋଇନାହିଁ ତେବେ ଭାରତ, ବାଂଲାଦେଶ ଏବଂ ଥାଇଲାଣ୍ଡରେ ଏନେଇ ଲଗାତାର ପରୀକ୍ଷା ନିରୀକ୍ଷା ଜାରି ରହିଛି।
