ବନ୍ତ,୨୮।୮(ଡି.ଏନ୍.ଏ.)- ଦିବ୍ୟାଙ୍ଗ ହୋଇ ବି ନିଜ ପାଖରେ ହାର୍ ମାନିନାହାନ୍ତି ମୋନିକା ା ଉଚ୍ଚ ଶିକ୍ଷାଲାଭ କରିବା ସହ ସେ ନୃତ୍ୟକଳାରେ ପାରଦର୍ଶିତା ହାସଲ କରିଛନ୍ତି ା ଜନ୍ମରୁ ଶ୍ରବଣ ଶକ୍ତି କମ୍ ଥିଲେ ମଧ୍ୟ ଦୃଢ ମନୋବଳ ତାଙ୍କୁ ଆଗକୁ ନେବାରେ ସହାୟକ ହୋଇଛି।
ମୋନିକାଙ୍କ ଜନ୍ମ ସ୍ଥାନ ବରଗଡ ଜିଲା ଅତାବିରା ଥାନା ଅଧୀନ ଗୋଡଭଗା ଗ୍ରାମରେ । ତାଙ୍କ ମାତା ସଞ୍ଜୁକ୍ତା ଦାଶ ଓ ବାପା କିଶୋର ଚନ୍ଦ୍ର ମହାପାତ୍ର । ଉଚ୍ଚଶିକ୍ଷା ଲାଭ ପରେ ସେ ସେ ଭଦ୍ରକ ଜିଲା ବନ୍ତ ବ୍ଲକ ରାମଚନ୍ଦ୍ରପୁର ପଞ୍ଚାୟତର ବଳଭଦ୍ରପୁର ଗ୍ରାମର ବିକାଶ ରଞ୍ଜନ ଦେବତାଙ୍କୁ ବିବାହ କରିଛନ୍ତି। ତାଙ୍କୁ ବୟସ ଏବେ ୨୮ ା ମୋନିକା କହନ୍ତି, ସେ ୮ମ ଶ୍ରେଣୀରେ ପଢୁଥିବା ବେଳେ ତାଙ୍କ ମାତା ପିତା ବରଗଡସ୍ଥିତ ସଂଗୀତ ନୃତ୍ୟ ବିଦ୍ୟାଳୟରେ ଡିପ୍ଲୋମା(ଓଡ଼ିଶୀ)ରେ ନାମ ଲେଖାଇଥିଲେ ା ୨ ବର୍ଷ ନୃତ୍ୟ ଶିକ୍ଷା କରିବା ସମୟରେ ସେ ମାଟ୍ରିକ ପାସ୍ କରିଥିଲେ ା ମାଟ୍ରିକ ପରୀକ୍ଷାରେ ସେ କୃତିତ୍ୱର ସହ ପ୍ରଥମ ସ୍ଥାନ ଅଧିକାର କରିଥିଲେ ା ପରେ ୨୦୧୦ ମସିହାରେ ରାଉରକେଲାସ୍ଥିତ ଏସ୍କେଡିଏଭି ପଲିଟେକନିକ୍ସରେ ଡିପ୍ଲୋମା(ଆଇଟି) ପାସ୍ କରିଥିଲେ। ୨୦୧୧ରେ ସେ ଆଇଇଭି ସରକାରୀ ଚାକିରି କରିଥିଲେ । କିନ୍ତୁ ଅସୁସ୍ଥତା ଦୃଷ୍ଟିରୁ ୨ ବର୍ଷ ପରେ ସେ ଚାକିରି ଛାଡି ଦେଇଥିଲେ ା ପରେ ସେ ବଙ୍ଗୀୟ ସଙ୍ଗୀତ ପରିଷଦ, ପଶ୍ଚିମବଙ୍ଗ ଆନୁକୂଲ୍ୟରେ ବରଗଡସ୍ଥିତ କଳାକଳ୍ପନା ଅନୁଷ୍ଠାନରୁ ଅଙ୍କନ ରତ୍ନ, ଓଡ଼ିଶା ଲଳିତ କଳା ଏକାଡେମୀ, ଭୁବନେଶ୍ୱରରୁ ନୃତ୍ୟ ଶିକ୍ଷା ଲାଭ କରିଥିଲେ ା ବର୍ତ୍ତମାନ ସେ ନୃତ୍ୟକଳାରେ ସ୍ନାତକୋତ୍ତୋର ଶିକ୍ଷା ଲାଭ କରୁଛନ୍ତି ା ଏବେ ସେ ଗୃହିଣୀ ଜୀବନ ଅତିବାହିତ କରିବା ସହ ବନ୍ତସ୍ଥିତ ଏକ ପବ୍ଲିକ ସ୍କୁଲରେ ଶିକ୍ଷୟିତ୍ରୀ ଭାବେ କୁନି କୁନି ପିଲାଙ୍କୁ ନୃତ୍ୟ ଶିକ୍ଷା ଦେଉଛନ୍ତି ା ଦିବ୍ୟାଙ୍ଗ ପ୍ରମାଣପତ୍ର ପାଇଥିଲେ ବି ତାଙ୍କୁ କୌଣସି ସରକାରୀ ସହାୟତା ମିଳି ନାହିଁ ା ପାଠ ପଢିବା ସମୟରେ ହାଇସ୍କୁଲ ଓ କଲେଜରେ ଅନୁଷ୍ଠିତ ବିଭିନ୍ନ ଉତ୍ସବରେ ସେ ଓଡିଶୀ ନୃତ୍ୟ ପରିବେଷଣ କରି ବହୁ ପ୍ରମାଣପତ୍ର ହାସଲ କରିଛନ୍ତି ା ନୃତ୍ୟ ସାଙ୍ଗକୁ ଖେଳକୁଦ୍ରେ ମଧ୍ୟ ସେ ବେଶ ପାରଙ୍ଗମ ା ବହୁମୁଖୀ ପ୍ରତିଭାର ଅଧିକାରୀ ମୋନିକା ସରକାରୀ ସୁବିଧା ସୁଯୋଗରୁ ବଞ୍ଚତ୍ତ ହେବା ବିଡମ୍ବନା ବୋଲି ତାଙ୍କ ଶ୍ୱଶୁର ସୁରେଶ ଚନ୍ଦ୍ର ଦେବତା କହିଛନ୍ତି ା
