ତେଜିଲା ଅନୁଭବ, ମଞ୍ଜିତ ତିକ୍ତତା

ଭୁବନେଶ୍ୱର,୧।୧୦(ବ୍ୟୁରୋ): ପୁଣି ଚର୍ଚ୍ଚାରେ ଅଭିନେତା ତଥା କେନ୍ଦ୍ରାପଡା ଏମ୍‌ପି ଅନୁଭବ ମହାନ୍ତି। ପଡୋଶୀ ତଥା ଛାତ୍ର ବିଜେଡି ଉପସଭାପତି ମଞ୍ଜିତ ଦାସ ଓ ଅନୁଭବଙ୍କ ମଧ୍ୟରେ ସୃଷ୍ଟି ହୋଇଥିବା ତିକ୍ତତା ଏବେ ପଦାକୁ ଆସିଛି। ସୋମବାର ଏହା ଆହୁରି ତେଜିଥିବାବେଳେ ମଝିରେ ଫସିଯାଇଛି ପୋଲିସ। ମଞ୍ଜିତ ଓ ପୁରୀଘାଟ ଥାନାଧିକାରୀ ତାଙ୍କୁ ଦୁର୍ବ୍ୟବହାର କରିଥିବାନେଇ ଅନୁଭବ ପୋଲିସ କମିଶନର ସୁଧାଂଶୁ ଷଡ଼ଙ୍ଗୀକୁ ଟୁଇଟ୍‌ ଅଭିଯୋଗ କରିବା ପରେ ଘଟଣାକୁ ନେଇ ସୋମବାର ଦିନତମାମ ଚର୍ଚ୍ଚା ଜୋର୍‌ ଧରିଛି।
କଟକ ନନ୍ଦିସାହିରେ ଏମ୍‌ପି ଅନୁଭବ ମହାନ୍ତିଙ୍କ ଘର ସମ୍ମୁଖରେ ରୁହନ୍ତି ମଞ୍ଜିତଙ୍କ ପରିବାର। ରବିବାର ରାତିରେ ଘର ନିକଟରେ ମଞ୍ଜିତଙ୍କ ସହ ମଦନ ଆଶା, ଚନ୍ଦୁ ନାମକ କେତେଜଣ ଯୁବକ ବସିଥିଲେ। ରାତି ପ୍ରାୟ ୧୨ଟା ୩୦ରେ ସାମାନ୍ୟ କଥାକୁ ନେଇ ମଦନ ଓ ଚନ୍ଦୁଙ୍କ ମଧ୍ୟରେ କଥା କଟାକଟିରୁ ଗଣ୍ଡଗୋଳ ହୋଇଥିଲା। ଅନୁଭବଙ୍କ ଅଭିଯୋଗ ହେଲା, ପାଟିତୁଣ୍ଡ ଶୁଣି ସେ ଘରୁ ବାହାରି ଆସି ସମାଧାନ କରିବାକୁ ଚେଷ୍ଟା କରିଥିଲେ। କିନ୍ତୁ ନିଶାରେ ଥିବା ମଞ୍ଜିତ ତାଙ୍କୁ ଖରାପ ଭାଷାରେ ଗାଳିଗୁଲଜ କରିଥିଲେ। ଏନେଇ ସେ ପୁରୀଘାଟ ଥାନାକୁ ଫୋନ୍‌ କରିଥିଲେ। ଥାନା ଅଧିକାରୀ ରଶ୍ମୀରଞ୍ଜନ ସାହା ସେଠାରେ ପହଞ୍ଚତ୍ ମଞ୍ଜିତଙ୍କୁ ଗିରଫ କରିବା ବଦଳରେ ଓଲଟା ତାଙ୍କୁ ଦୁର୍ବ୍ୟବହାର କରିଥିଲେ ବୋଲି ଅନୁଭବ ଜଣାଇଛନ୍ତି। ଉକ୍ତ ଟୁଇଟ୍‌ରେ ସେ ଦୁଇଜଣ ପ୍ରତ୍ୟକ୍ଷଦର୍ଶୀଙ୍କ ବୟାନର ଭିଡିଓ ମଧ୍ୟ କମିଶନରଙ୍କୁ ପୋଷ୍ଟ କରିଛନ୍ତି। ତେବେ କଟକ ଡିସିପି ଅଖିଳେଶ୍ୱର ସିଂ ଅନୁଭବଙ୍କ ଅଭିଯୋଗକୁ ଖଣ୍ଡନ କରିଛନ୍ତି। ଥାନା ଅଧିକାରୀ ଭସାଣି କାର୍ଯ୍ୟରେ ଥିଲେ। ସେ ଖବର ପାଇ ତୁରନ୍ତ ସେଠାରେ ପହଞ୍ଚତ୍ ଘଟଣା ସମ୍ପର୍କରେ ପଚାରିବୁଝିବା ସହ ଥାନାରେ ଅଭିଯୋଗ କରିବାକୁ ଅନୁଭବଙ୍କୁ କହିଥିଲେ। ଅନୁଭବ ଲିଖିତ ଅଭିଯୋଗ କରିବା ପରେ ଗଣ୍ଡଗୋଳ ଓ ପୋଲିସ ଦୁର୍ବ୍ୟବହାରର ତଦନ୍ତ କରାଯାଇ କାର୍ଯ୍ୟାନୁଷ୍ଠାନ ନିଆଯିବ ବୋଲି ଡିସିପି କହିଛନ୍ତି। ଥାନାଧିକାରୀ ସାହୁ କହିଛନ୍ତି, ଅନୁଭବଙ୍କୁ ସେଭଳି କିଛି ଦୁର୍ବ୍ୟବହାର କରାଯାଇନାହିଁ। ସେ ଅତିରଞ୍ଜିତ କରି କହୁଛନ୍ତି। ତେବେ ସୋମବାର ଅପରାହ୍ନରେ ମଞ୍ଜିତ ଓ ଅନ୍ୟକେତେଜଣଙ୍କ ବିରୋଧରେ ମଦନ ଥାନାରେ ଅଭିଯୋଗ କରିଛନ୍ତି। ଆଇପିସି ଦଫା ୩୪୧, ୩୨୩, ୨୯୪, ୩୦୭, ୫୦୬, ୩୭୯ ଓ ୩୪ ଅନୁଯାୟୀ ମାମଲା (ନଂ.୨୧୧/୧୯) ରୁଜୁ କରାଯାଇ ତଦନ୍ତ ଚାଲିଛି।
ମଞ୍ଜିତ କହିଛନ୍ତି, ତାଙ୍କ ଘର ଆଗରେ ଅନୁଭବ ସବୁବେଳେ ଗାଡ଼ି ପାର୍କିଂ କରୁଥିଲେ। ସମସ୍ୟା ହେବାରୁ ସେ ଗାଡି ରଖିବା ପାଇଁ ମନା କରି ଦେଇଥିଲେ। ଏହାକୁ ନେଇ ଅନୁଭବ ରାଗ ରଖିଥିଲେ। ତେଣୁ ସେ ଏଭଳି ମିଥ୍ୟା ଅଭିଯୋଗ ଆଣୁଛନ୍ତି। ତାଙ୍କୁ ଦୁର୍ବ୍ୟବହାର କରି ନ ଥିବା ସେ କହିଛନ୍ତି। ଅନୁଭବ କହିଛନ୍ତି, ମଞ୍ଜିତ ମୋ ସାନଭାଇ ପରି। ତାଙ୍କର ବିଭିନ୍ନ କାର୍ଯ୍ୟକ୍ରମରେ ମୁଁ ଯୋଗଦେଇଛି। କିନ୍ତୁ ସେ ନିଶାଗ୍ରସ୍ତ ଅବସ୍ଥାରେ ମୋତେ ଦୁର୍ବ୍ୟବହାର କଲେ। ଥାନାଧିକାରୀଙ୍କ ବ୍ୟବହାର ମଧ୍ୟ ମୋତେ ଭଲ ଲାଗିଲାନି। ଜଣଙ୍କ ପାଇଁ ମୁଁ ସମସ୍ତ ପୋଲିସକୁ ଦାୟୀ କରୁନି। ମୁଁ ଥାନାରେ ଅଭିଯୋଗ କଲାପରେ ବି ସେ ଜାଣିଶୁଣି କାର୍ଯ୍ୟାନୁଷ୍ଠାନ ନେଉନାହାନ୍ତି। ଭରସା ଅଛି, ମୋତେ ନ୍ୟାୟ ମିଳିବ।


Enter your email to get our daily news in your inbox.

All Right Reserved By Dharitri.Com

‘ସାଇଲେଣ୍ଟ କୋଭିଡ୍‌ ଓ୍ବାରିଅର’ ହର୍ଷିଲ

କଟକ ଅଫିସ,୨୫ା୭: ଲକ୍‌ଡାଉନ ବେଳର ଚିତ୍ର ଆଙ୍କି ବିଶ୍ୱସ୍ତରରେ କୃତିତ୍ୱ ହାସଲ କରିଛନ୍ତି କଟକର ୯ ବର୍ଷୀୟ ହର୍ଷିଲ ଅଗ୍ରୱାଲ। ଲଣ୍ଡନର ୱାର୍ଲଡ ବୁକ୍‌ ଅଫ୍‌...

ଖୋର୍ଦ୍ଧାରେ ପଥର ଚାଲାଣ ମାମଲା : ୬ଜଣଙ୍କୁ ଧରିବା ପାଇଁ ରାଜ୍ୟ ବାହାରକୁ ଗଲା ଏସ୍‌ଟିଏଫ୍‌

ଭୁବନେଶ୍ୱର,୧୯।୮(ବ୍ୟୁରୋ) : ଖୋର୍ଦ୍ଧା ପଥର ଚାଲାଣ ର଼୍ୟାକେଟରେ ସମ୍ପୃକ୍ତ ଥିବା ମୁଖ୍ୟ ୬ଜଣ ମାଫିଆଙ୍କୁ ଗିରଫ କରିବା ପାଇଁ ଏସ୍‌ଟିଏଫ୍‌ ଜାଲ ବିଛାଇଛି। ଏହି ୬ଜଣଙ୍କ...

ପେନସନ ଟଙ୍କାରୁ ସହାୟତା

ସମ୍ବଲପୁର, ୧୯।୪ (ବ୍ୟୁରୋ)- କରୋନା ଭୂତାଣୁକୁ ପ୍ରତିରୋଧ କରିବାକୁ ସରକାର ବିଭିନ୍ନ କାର୍ଯ୍ୟକ୍ରମ ଆରମ୍ଭ କରିଛନ୍ତି ା ଏହାକୁ ଦୃଷ୍ଟିରେ ରଖି ସମ୍ବଲପୁର ଜିଲା ସ୍କୁଲର...

ନବନିର୍ମାଣ କୃଷକ ସଙ୍ଗଠନର ନ୍ୟାୟ ଯାତ୍ରା

ବୋଲଗଡ,୧୩ା୨(ଡି.ଏନ.ଏ.): ଚାଷୀମାନଙ୍କ ନ୍ୟାଯ୍ୟ ଦାବି ହାସଲ ପାଇଁ ସଂଗ୍ରାମ ଚଳାଇଥିବା ନବନିର୍ମାଣ କୃଷକ ସଙ୍ଗଠନର ନ୍ୟାୟ ଯାତ୍ରା ବୁଧବାର ବୋଲଗଡ଼ ବ୍ଲକ ସାଗରଗଁା ପଞ୍ଚାୟତରେ ପହଞ୍ଚତ୍ଥିଲା।...

ଏଟିଏମ୍‌ ସୁରକ୍ଷା କର୍ମୀଙ୍କ ମୃତ୍ୟୁ: ଅଂଶୁଘାତ ସନ୍ଦେହ

ଧାମନଗର, ୧୭।୪ (ଡି.ଏନ.ଏ.) – ଭଦ୍ରକ ଜିଲା ଧାମନଗର ବ୍ଲକ ଅଧୀନ ଅର୍ଜୁନପୁର ଗ୍ରାମର ପ୍ରହଲ୍ଲାଦ ରାଉତଙ୍କ ପୁଅ ଇନ୍ଦ୍ରଜିତ(୩୩)ଙ୍କର ବୁଧବାର ସକାଳେ ମୃତ୍ୟୁ ଘଟିଛି।...

ଦୃଷ୍ଟି ଆଢୁଆଳରେ ‘ହାଲୁଆ ଜଳ ପ୍ରପାତ’

ରାୟଗଡ଼ା ଅଫିସ , ୧୨ା୧୨-ରାୟଗଡ଼ା ଜିଲାରେ ଅନେକ ପର୍ଯ୍ୟଟନସ୍ଥଳୀ ପ୍ରାକୃତିକ ସୌନ୍ଦର୍ଯ୍ୟରେ ଭରପୂର। ସେଥିମଧ୍ୟରୁ ଅନେକ ଲୋକଲୋଚନକୁ ଆସିପାରୁନାହିଁ। ପର୍ଯ୍ୟଟନସ୍ଥଳୀର ଉନ୍ନତି ନେଇ ସରକାର ଲକ୍ଷ...

ଶୀତ ପାଇଁ ସ୍ବତନ୍ତ୍ର ଟ୍ରେନ

ଭୁବନେଶ୍ୱର,୩ା୧(ବ୍ୟୁରୋ): ଶୀତ ପାଇଁ ପୂର୍ବତଟ ରେଳପଥ ପକ୍ଷରୁ ବିଭିନ୍ନ ସ୍ଥାନକୁ ସ୍ବତନ୍ତ୍ର ଟ୍ରେନ ବ୍ୟବସ୍ଥା କରାଯାଇଛି। ନିୟମିତ ଟ୍ରେନରେ ମାତ୍ରାଧିକ ଭିଡ଼ ଓ ପର୍ଯ୍ୟଟକଙ୍କୁ ସୁହାଇବା...

ଶେଷ ନିଃଶ୍ୱାସ ପର୍ଯ୍ୟନ୍ତ ସେବା କରୁଥିବି: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ

ବରଗଡ଼ ଅଫିସ୍‌,୧୬।୪: କାଳିଆ ଯୋଜନାରେ ୪୦ଲକ୍ଷ ଚାଷୀ ଉପକୃତ ହେଲେଣି। ମାତ୍ର କେନ୍ଦ୍ରର ଭାଜପା ସରକାର ଏହି ଯୋଜନାକୁ ବନ୍ଦ କରିବାକୁ ଚକ୍ରାନ୍ତ କରିଛି। କିନ୍ତୁ...

Coronavirus Update


Archives

Model This Week

Why Dharitri